| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౯. పఠమబ్రహ్మచరియసుత్తం
9. Paṭhamabrahmacariyasuttaṃ
౩౯. సావత్థినిదానం. ‘‘బ్రహ్మచరియఞ్చ వో, భిక్ఖవే, దేసేస్సామి, బ్రహ్మచరియఫలాని చ. తం సుణాథ. కతమఞ్చ, భిక్ఖవే, బ్రహ్మచరియం? అయమేవ అరియో అట్ఠఙ్గికో మగ్గో, సేయ్యథిదం – సమ్మాదిట్ఠి…పే॰… సమ్మాసమాధి. ఇదం వుచ్చతి, భిక్ఖవే, బ్రహ్మచరియం. కతమాని చ, భిక్ఖవే, బ్రహ్మచరియఫలాని? సోతాపత్తిఫలం, సకదాగామిఫలం, అనాగామిఫలం, అరహత్తఫలం – ఇమాని వుచ్చన్తి, భిక్ఖవే, బ్రహ్మచరియఫలానీ’’తి. నవమం.
39. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyaphalāni ca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamāni ca, bhikkhave, brahmacariyaphalāni? Sotāpattiphalaṃ, sakadāgāmiphalaṃ, anāgāmiphalaṃ, arahattaphalaṃ – imāni vuccanti, bhikkhave, brahmacariyaphalānī’’ti. Navamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪. పటిపత్తివగ్గవణ్ణనా • 4. Paṭipattivaggavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. పటిపత్తివగ్గవణ్ణనా • 4. Paṭipattivaggavaṇṇanā
