| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൭. പഠമബ്രഹ്മഞ്ഞസുത്തം
7. Paṭhamabrahmaññasuttaṃ
൩൭. സാവത്ഥിനിദാനം. ‘‘ബ്രഹ്മഞ്ഞഞ്ച വോ, ഭിക്ഖവേ, ദേസേസ്സാമി, ബ്രഹ്മഞ്ഞഫലാനി ച. തം സുണാഥ. കതമഞ്ച ഖോ, ഭിക്ഖവേ, ബ്രഹ്മഞ്ഞം? അയമേവ അരിയോ അട്ഠങ്ഗികോ മഗ്ഗോ, സേയ്യഥിദം – സമ്മാദിട്ഠി…പേ॰… സമ്മാസമാധി. ഇദം വുച്ചതി, ഭിക്ഖവേ, ബ്രഹ്മഞ്ഞം. കതമാനി ച, ഭിക്ഖവേ, ബ്രഹ്മഞ്ഞഫലാനി ? സോതാപത്തിഫലം , സകദാഗാമിഫലം, അനാഗാമിഫലം, അരഹത്തഫലം – ഇമാനി വുച്ചന്തി, ഭിക്ഖവേ, ബ്രഹ്മഞ്ഞഫലാനീ’’തി. സത്തമം.
37. Sāvatthinidānaṃ. ‘‘Brahmaññañca vo, bhikkhave, desessāmi, brahmaññaphalāni ca. Taṃ suṇātha. Katamañca kho, bhikkhave, brahmaññaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmaññaṃ. Katamāni ca, bhikkhave, brahmaññaphalāni ? Sotāpattiphalaṃ , sakadāgāmiphalaṃ, anāgāmiphalaṃ, arahattaphalaṃ – imāni vuccanti, bhikkhave, brahmaññaphalānī’’ti. Sattamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
