๑. ปฐมจกฺกานุวตฺตนสุตฺตํ

1. Paṭhamacakkānuvattanasuttaṃ

๑๓๑. ‘‘ปญฺจหิ , ภิกฺขเว, อเงฺคหิ สมนฺนาคโต ราชา จกฺกวตฺตี ธเมฺมเนว จกฺกํ วเตฺตติ ¹; ตํ โหติ จกฺกํ อปฺปฎิวตฺติยํ ² เกนจิ มนุสฺสภูเตน ปจฺจตฺถิเกน ปาณินาฯ

131. ‘‘Pañcahi , bhikkhave, aṅgehi samannāgato rājā cakkavattī dhammeneva cakkaṃ vatteti ³; taṃ hoti cakkaṃ appaṭivattiyaṃ ⁴ kenaci manussabhūtena paccatthikena pāṇinā.

‘‘กตเมหิ ปญฺจหิ? อิธ, ภิกฺขเว, ราชา จกฺกวตฺตี อตฺถญฺญู จ โหติ, ธมฺมญฺญู จ, มตฺตญฺญู จ, กาลญฺญู จ, ปริสญฺญู จฯ อิเมหิ โข, ภิกฺขเว, ปญฺจหิ อเงฺคหิ สมนฺนาคโต ราชา จกฺกวตฺตี ธเมฺมเนว จกฺกํ ปวเตฺตติ; ตํ โหติ จกฺกํ อปฺปฎิวตฺติยํ เกนจิ มนุสฺสภูเตน ปจฺจตฺถิเกน ปาณินาฯ

‘‘Katamehi pañcahi? Idha, bhikkhave, rājā cakkavattī atthaññū ca hoti, dhammaññū ca, mattaññū ca, kālaññū ca, parisaññū ca. Imehi kho, bhikkhave, pañcahi aṅgehi samannāgato rājā cakkavattī dhammeneva cakkaṃ pavatteti; taṃ hoti cakkaṃ appaṭivattiyaṃ kenaci manussabhūtena paccatthikena pāṇinā.

‘‘เอวเมวํ โข, ภิกฺขเว, ปญฺจหิ ธเมฺมหิ สมนฺนาคโต ตถาคโต อรหํ สมฺมาสมฺพุโทฺธ ธเมฺมเนว อนุตฺตรํ ธมฺมจกฺกํ ปวเตฺตติ; ตํ โหติ จกฺกํ อปฺปฎิวตฺติยํ สมเณน วา พฺราหฺมเณน วา เทเวน วา มาเรน วา พฺรหฺมุนา วา เกนจิ วา โลกสฺมิํฯ

‘‘Evamevaṃ kho, bhikkhave, pañcahi dhammehi samannāgato tathāgato arahaṃ sammāsambuddho dhammeneva anuttaraṃ dhammacakkaṃ pavatteti; taṃ hoti cakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmiṃ.

‘‘กตเมหิ ปญฺจหิ? อิธ, ภิกฺขเว, ตถาคโต อรหํ สมฺมาสมฺพุโทฺธ อตฺถญฺญู, ธมฺมญฺญู, มตฺตญฺญู, กาลญฺญู, ปริสญฺญูฯ อิเมหิ โข, ภิกฺขเว, ปญฺจหิ ธเมฺมหิ สมนฺนาคโต ตถาคโต อรหํ สมฺมาสมฺพุโทฺธ ธเมฺมเนว อนุตฺตรํ ธมฺมจกฺกํ ปวเตฺตติ; ตํ โหติ ธมฺมจกฺกํ อปฺปฎิวตฺติยํ สมเณน วา พฺราหฺมเณน วา เทเวน วา มาเรน วา พฺรหฺมุนา วา เกนจิ วา โลกสฺมิ’’นฺติฯ ปฐมํฯ

‘‘Katamehi pañcahi? Idha, bhikkhave, tathāgato arahaṃ sammāsambuddho atthaññū, dhammaññū, mattaññū, kālaññū, parisaññū. Imehi kho, bhikkhave, pañcahi dhammehi samannāgato tathāgato arahaṃ sammāsambuddho dhammeneva anuttaraṃ dhammacakkaṃ pavatteti; taṃ hoti dhammacakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmi’’nti. Paṭhamaṃ.

Next: ๒. ทุติยจกฺกานุวตฺตนสุตฺตํ • 2. Dutiyacakkānuvattanasuttaṃ

Footnotes:

1. ปวเตฺตติ (สฺยา. ปี. ก.)

2. อปฺปติวตฺติยํ (สี.)

3. pavatteti (syā. pī. ka.)

4. appativattiyaṃ (sī.)

Related texts:

อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. ปฐมจกฺกานุวตฺตนสุตฺตวณฺณนา • 1. Paṭhamacakkānuvattanasuttavaṇṇanā

ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. ปฐมจกฺกานุวตฺตนสุตฺตวณฺณนา • 1. Paṭhamacakkānuvattanasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact