| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(14) 4. ராஜவக்³கோ³
(14) 4. Rājavaggo
1. பட²மசக்கானுவத்தனஸுத்தவண்ணனா
1. Paṭhamacakkānuvattanasuttavaṇṇanā
131. சதுத்த²ஸ்ஸ பட²மே த⁴ம்மேனாதி த³ஸகுஸலத⁴ம்மேன. சக்கந்தி ஆணாசக்கங். அத்த²ஞ்ஞூதி ரஜ்ஜத்த²ங் ஜானாதி. த⁴ம்மஞ்ஞூதி பவேணித⁴ம்மங் ஜானாதி. மத்தஞ்ஞூதி த³ண்டே³ வா ப³லம்ஹி வா பமாணங் ஜானாதி. காலஞ்ஞூதி ரஜ்ஜஸுகா²னுப⁴வனகாலங், வினிச்ச²யகரணகாலங், ஜனபத³சாரிகாகாலஞ்ச ஜானாதி. பரிஸஞ்ஞூதி அயங் பரிஸா க²த்தியபரிஸா, அயங் ப்³ராஹ்மணவெஸ்ஸஸுத்³த³ஸமணபரிஸாதி ஜானாதி.
131. Catutthassa paṭhame dhammenāti dasakusaladhammena. Cakkanti āṇācakkaṃ. Atthaññūti rajjatthaṃ jānāti. Dhammaññūti paveṇidhammaṃ jānāti. Mattaññūti daṇḍe vā balamhi vā pamāṇaṃ jānāti. Kālaññūti rajjasukhānubhavanakālaṃ, vinicchayakaraṇakālaṃ, janapadacārikākālañca jānāti. Parisaññūti ayaṃ parisā khattiyaparisā, ayaṃ brāhmaṇavessasuddasamaṇaparisāti jānāti.
ததா²க³தவாரே அத்த²ஞ்ஞூதி பஞ்ச அத்தே² ஜானாதி. த⁴ம்மஞ்ஞூதி சத்தாரோ த⁴ம்மே ஜானாதி. மத்தஞ்ஞூதி சதூஸு பச்சயேஸு படிக்³க³ஹணபரிபோ⁴க³மத்தங் ஜானாதி. காலஞ்ஞூதி அயங் காலோ படிஸல்லீனஸ்ஸ, அயங் ஸமாபத்தியா, அயங் த⁴ம்மதே³ஸனாய, அயங் ஜனபத³சாரிகாயாதி ஏவங் காலங் ஜானாதி. பரிஸஞ்ஞூதி அயங் பரிஸா க²த்தியபரிஸா…பே॰… அயங் ஸமணபரிஸாதி ஜானாதி. அனுத்தரந்தி நவஹி லோகுத்தரத⁴ம்மேஹி அனுத்தரங். த⁴ம்மசக்கந்தி ஸெட்ட²சக்கங்.
Tathāgatavāre atthaññūti pañca atthe jānāti. Dhammaññūti cattāro dhamme jānāti. Mattaññūti catūsu paccayesu paṭiggahaṇaparibhogamattaṃ jānāti. Kālaññūti ayaṃ kālo paṭisallīnassa, ayaṃ samāpattiyā, ayaṃ dhammadesanāya, ayaṃ janapadacārikāyāti evaṃ kālaṃ jānāti. Parisaññūti ayaṃ parisā khattiyaparisā…pe… ayaṃ samaṇaparisāti jānāti. Anuttaranti navahi lokuttaradhammehi anuttaraṃ. Dhammacakkanti seṭṭhacakkaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. பட²மசக்கானுவத்தனஸுத்தங் • 1. Paṭhamacakkānuvattanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. பட²மசக்கானுவத்தனஸுத்தவண்ணனா • 1. Paṭhamacakkānuvattanasuttavaṇṇanā
