| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(14) 4. рааж̇аваг̇г̇о
(14) 4. Rājavaggo
1. батамажаггаанувад̇д̇анасуд̇д̇аван̣н̣анаа
1. Paṭhamacakkānuvattanasuttavaṇṇanā
131. жад̇уд̇т̇асса батамз ад̇т̇ан̃н̃ууд̇и хид̇ан̃н̃уу. хид̇абарияааяо хзд̇т̇а ад̇т̇а-сад̣̇д̣̇о ‘‘ад̇д̇ад̇т̇о барад̇т̇о’’д̇иаад̣̇ийсу (махаани. 69; жуул̣ани. могхарааж̇амаан̣авабужчаанид̣̇д̣̇зсо 85; бади. ма. 3.5) вияа. яасмаа жзса барзсам̣ хид̇ам̣ ж̇аананд̇о д̇з ад̇д̇ани ран̃ж̇зд̇и, д̇асмаа вуд̇д̇ам̣ ‘‘ран̃ж̇ид̇ум̣ ж̇аанаад̇ий’’д̇и. д̣̇ан̣д̣зд̇и абараад̇хаануруубз д̣̇ан̣д̣анз. б̣аламхийд̇и б̣алагааяз. бан̃жа ад̇т̇зд̇и ад̇д̇ад̇т̇о, барад̇т̇о, убхаяад̇т̇о, д̣̇идтад̇хаммиго ад̇т̇о, самбарааяиго ад̇т̇од̇и звам̣ бан̃жаббабхзд̣̇з ад̇т̇з. жад̇д̇ааро д̇хаммзд̇и жад̇усажжад̇хаммз, гаамаруубааруубалогуд̇д̇арабхзд̣̇з ваа жад̇д̇ааро д̇хаммз. бадиг̇г̇ахан̣абарибхог̇амад̇д̇ан̃н̃уд̇ааяа зва бариязсанависсаж̇ж̇анамад̇д̇ан̃н̃уд̇ааби б̣од̇хид̇аа хонд̇ийд̇и ‘‘бадиг̇г̇ахан̣абарибхог̇амад̇д̇ам̣ ж̇аанаад̇и’’ижжзва вуд̇д̇ам̣.
131. Catutthassa paṭhame atthaññūti hitaññū. Hitapariyāyo hettha attha-saddo ‘‘attattho parattho’’tiādīsu (mahāni. 69; cūḷani. mogharājamāṇavapucchāniddeso 85; paṭi. ma. 3.5) viya. Yasmā cesa paresaṃ hitaṃ jānanto te attani rañjeti, tasmā vuttaṃ ‘‘rañjituṃ jānātī’’ti. Daṇḍeti aparādhānurūpe daṇḍane. Balamhīti balakāye. Pañca attheti attattho, parattho, ubhayattho, diṭṭhadhammiko attho, samparāyiko atthoti evaṃ pañcappabhede atthe. Cattāro dhammeti catusaccadhamme, kāmarūpārūpalokuttarabhede vā cattāro dhamme. Paṭiggahaṇaparibhogamattaññutāya eva pariyesanavissajjanamattaññutāpi bodhitā hontīti ‘‘paṭiggahaṇaparibhogamattaṃ jānāti’’icceva vuttaṃ.
уд̇д̇арад̇и ад̇иггамад̇и, абхибхавад̇ийд̇и ваа уд̇д̇арам̣, над̇т̇и зд̇т̇а уд̇д̇аранд̇и ануд̇д̇арам̣. анад̇исаяам̣, аббадибхааг̇ам̣ ваа анзгаасу д̣̇звамануссабарисаасу анзгасад̇агкад̇д̇ум̣ д̇зсам̣ арияасажжаббадивзд̇хасамбаад̣̇анавасзна бавад̇д̇аа бхаг̇авад̇о д̇хаммад̣̇зсанаа д̇хаммажаггам̣. абижа саб̣б̣абатамам̣ ан̃н̃аад̇агон̣д̣ан̃н̃аббамукааяа адтаарасабарисаг̇ан̣ааяа б̣рахмагодияаа жад̇усажжасса бадивзд̇хавид̇хааяиний яаа д̇хаммад̣̇зсанаа, д̇ассаа саад̇исаяаа д̇хаммажаггасаман̃н̃аа. д̇ад̇т̇а сад̇ибадтаанаад̇ид̇хаммо зва бавад̇д̇анадтзна жагганд̇и д̇хаммажаггам̣. жагганд̇и ваа аан̣аа д̇хаммад̇о анабзд̇ад̇д̇аа, д̇хамман̃жа д̇ам̣ жагган̃жаад̇и д̇хаммажаггам̣. д̇хаммзна н̃ааязна жагганд̇иби д̇хаммажаггам̣. яат̇ааха ‘‘д̇хамман̃жа бавад̇д̇зд̇и жагган̃жаад̇и д̇хаммажаггам̣, жагган̃жа бавад̇д̇зд̇и д̇хамман̃жаад̇и д̇хаммажаггам̣, д̇хаммзна бавад̇д̇зд̇ийд̇и д̇хаммажагга’’нд̇иаад̣̇и (бади. ма. 2.40-41). аббадивад̇д̇ияанд̇и д̇хаммиссарасса бхаг̇авад̇о саммаасамб̣уд̣̇д̇хасса д̇хаммажаггасса ануд̇д̇арабхаавад̇о аббадисзд̇ханийяам̣. гзхи бана аббадивад̇д̇ияанд̇и ааха – ‘‘саман̣зна ваа’’д̇иаад̣̇и. д̇ад̇т̇а саман̣знаад̇и баб̣б̣аж̇ж̇ам̣ убаг̇ад̇зна. б̣раахман̣знаад̇и ж̇аад̇иб̣раахман̣зна. саасанабарамад̇т̇асаман̣аб̣раахман̣аанан̃хи бадиломажид̇д̇ам̣язва над̇т̇и. д̣̇звзнаад̇и гаамааважарад̣̇звзна. гзнажийд̇и язна гзнажи авасидтабаарисаж̇ж̇зна. зд̇д̇аавад̇аа адтаннамби барисаанам̣ анавасзсабарияаад̣̇аанам̣ д̣̇адтаб̣б̣ам̣. логасминд̇и сад̇д̇алогз.
Uttarati atikkamati, abhibhavatīti vā uttaraṃ, natthi ettha uttaranti anuttaraṃ. Anatisayaṃ, appaṭibhāgaṃ vā anekāsu devamanussaparisāsu anekasatakkhattuṃ tesaṃ ariyasaccappaṭivedhasampādanavasena pavattā bhagavato dhammadesanā dhammacakkaṃ. Apica sabbapaṭhamaṃ aññātakoṇḍaññappamukhāya aṭṭhārasaparisagaṇāya brahmakoṭiyā catusaccassa paṭivedhavidhāyinī yā dhammadesanā, tassā sātisayā dhammacakkasamaññā. Tattha satipaṭṭhānātidhammo eva pavattanaṭṭhena cakkanti dhammacakkaṃ. Cakkanti vā āṇā dhammato anapetattā, dhammañca taṃ cakkañcāti dhammacakkaṃ. Dhammena ñāyena cakkantipi dhammacakkaṃ. Yathāha ‘‘dhammañca pavatteti cakkañcāti dhammacakkaṃ, cakkañca pavatteti dhammañcāti dhammacakkaṃ, dhammena pavattetīti dhammacakka’’ntiādi (paṭi. ma. 2.40-41). Appaṭivattiyanti dhammissarassa bhagavato sammāsambuddhassa dhammacakkassa anuttarabhāvato appaṭisedhanīyaṃ. Kehi pana appaṭivattiyanti āha – ‘‘samaṇena vā’’tiādi. Tattha samaṇenāti pabbajjaṃ upagatena. Brāhmaṇenāti jātibrāhmaṇena. Sāsanaparamatthasamaṇabrāhmaṇānañhi paṭilomacittaṃyeva natthi. Devenāti kāmāvacaradevena. Kenacīti yena kenaci avasiṭṭhapārisajjena. Ettāvatā aṭṭhannampi parisānaṃ anavasesapariyādānaṃ daṭṭhabbaṃ. Lokasminti sattaloke.
батамажаггаанувад̇д̇анасуд̇д̇аван̣н̣анаа нидтид̇аа.
Paṭhamacakkānuvattanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамажаггаанувад̇д̇анасуд̇д̇ам̣ • 1. Paṭhamacakkānuvattanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. батамажаггаанувад̇д̇анасуд̇д̇аван̣н̣анаа • 1. Paṭhamacakkānuvattanasuttavaṇṇanā
