| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
(๑๔) ๔. ราชวโคฺค
(14) 4. Rājavaggo
๑. ปฐมจกฺกานุวตฺตนสุตฺตวณฺณนา
1. Paṭhamacakkānuvattanasuttavaṇṇanā
๑๓๑. จตุตฺถสฺส ปฐเม ธเมฺมนาติ ทสกุสลธเมฺมนฯ จกฺกนฺติ อาณาจกฺกํฯ อตฺถญฺญูติ รชฺชตฺถํ ชานาติฯ ธมฺมญฺญูติ ปเวณิธมฺมํ ชานาติฯ มตฺตญฺญูติ ทเณฺฑ วา พลมฺหิ วา ปมาณํ ชานาติฯ กาลญฺญูติ รชฺชสุขานุภวนกาลํ, วินิจฺฉยกรณกาลํ, ชนปทจาริกากาลญฺจ ชานาติฯ ปริสญฺญูติ อยํ ปริสา ขตฺติยปริสา, อยํ พฺราหฺมณเวสฺสสุทฺทสมณปริสาติ ชานาติฯ
131. Catutthassa paṭhame dhammenāti dasakusaladhammena. Cakkanti āṇācakkaṃ. Atthaññūti rajjatthaṃ jānāti. Dhammaññūti paveṇidhammaṃ jānāti. Mattaññūti daṇḍe vā balamhi vā pamāṇaṃ jānāti. Kālaññūti rajjasukhānubhavanakālaṃ, vinicchayakaraṇakālaṃ, janapadacārikākālañca jānāti. Parisaññūti ayaṃ parisā khattiyaparisā, ayaṃ brāhmaṇavessasuddasamaṇaparisāti jānāti.
ตถาคตวาเร อตฺถญฺญูติ ปญฺจ อเตฺถ ชานาติฯ ธมฺมญฺญูติ จตฺตาโร ธเมฺม ชานาติฯ มตฺตญฺญูติ จตูสุ ปจฺจเยสุ ปฎิคฺคหณปริโภคมตฺตํ ชานาติฯ กาลญฺญูติ อยํ กาโล ปฎิสลฺลีนสฺส, อยํ สมาปตฺติยา, อยํ ธมฺมเทสนาย, อยํ ชนปทจาริกายาติ เอวํ กาลํ ชานาติฯ ปริสญฺญูติ อยํ ปริสา ขตฺติยปริสา…เป.… อยํ สมณปริสาติ ชานาติฯ อนุตฺตรนฺติ นวหิ โลกุตฺตรธเมฺมหิ อนุตฺตรํฯ ธมฺมจกฺกนฺติ เสฎฺฐจกฺกํฯ
Tathāgatavāre atthaññūti pañca atthe jānāti. Dhammaññūti cattāro dhamme jānāti. Mattaññūti catūsu paccayesu paṭiggahaṇaparibhogamattaṃ jānāti. Kālaññūti ayaṃ kālo paṭisallīnassa, ayaṃ samāpattiyā, ayaṃ dhammadesanāya, ayaṃ janapadacārikāyāti evaṃ kālaṃ jānāti. Parisaññūti ayaṃ parisā khattiyaparisā…pe… ayaṃ samaṇaparisāti jānāti. Anuttaranti navahi lokuttaradhammehi anuttaraṃ. Dhammacakkanti seṭṭhacakkaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. ปฐมจกฺกานุวตฺตนสุตฺตํ • 1. Paṭhamacakkānuvattanasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. ปฐมจกฺกานุวตฺตนสุตฺตวณฺณนา • 1. Paṭhamacakkānuvattanasuttavaṇṇanā
