| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
(೧೪) ೪. ರಾಜವಗ್ಗೋ
(14) 4. Rājavaggo
೧. ಪಠಮಚಕ್ಕಾನುವತ್ತನಸುತ್ತವಣ್ಣನಾ
1. Paṭhamacakkānuvattanasuttavaṇṇanā
೧೩೧. ಚತುತ್ಥಸ್ಸ ಪಠಮೇ ಧಮ್ಮೇನಾತಿ ದಸಕುಸಲಧಮ್ಮೇನ। ಚಕ್ಕನ್ತಿ ಆಣಾಚಕ್ಕಂ। ಅತ್ಥಞ್ಞೂತಿ ರಜ್ಜತ್ಥಂ ಜಾನಾತಿ। ಧಮ್ಮಞ್ಞೂತಿ ಪವೇಣಿಧಮ್ಮಂ ಜಾನಾತಿ। ಮತ್ತಞ್ಞೂತಿ ದಣ್ಡೇ ವಾ ಬಲಮ್ಹಿ ವಾ ಪಮಾಣಂ ಜಾನಾತಿ। ಕಾಲಞ್ಞೂತಿ ರಜ್ಜಸುಖಾನುಭವನಕಾಲಂ, ವಿನಿಚ್ಛಯಕರಣಕಾಲಂ, ಜನಪದಚಾರಿಕಾಕಾಲಞ್ಚ ಜಾನಾತಿ। ಪರಿಸಞ್ಞೂತಿ ಅಯಂ ಪರಿಸಾ ಖತ್ತಿಯಪರಿಸಾ, ಅಯಂ ಬ್ರಾಹ್ಮಣವೇಸ್ಸಸುದ್ದಸಮಣಪರಿಸಾತಿ ಜಾನಾತಿ।
131. Catutthassa paṭhame dhammenāti dasakusaladhammena. Cakkanti āṇācakkaṃ. Atthaññūti rajjatthaṃ jānāti. Dhammaññūti paveṇidhammaṃ jānāti. Mattaññūti daṇḍe vā balamhi vā pamāṇaṃ jānāti. Kālaññūti rajjasukhānubhavanakālaṃ, vinicchayakaraṇakālaṃ, janapadacārikākālañca jānāti. Parisaññūti ayaṃ parisā khattiyaparisā, ayaṃ brāhmaṇavessasuddasamaṇaparisāti jānāti.
ತಥಾಗತವಾರೇ ಅತ್ಥಞ್ಞೂತಿ ಪಞ್ಚ ಅತ್ಥೇ ಜಾನಾತಿ। ಧಮ್ಮಞ್ಞೂತಿ ಚತ್ತಾರೋ ಧಮ್ಮೇ ಜಾನಾತಿ। ಮತ್ತಞ್ಞೂತಿ ಚತೂಸು ಪಚ್ಚಯೇಸು ಪಟಿಗ್ಗಹಣಪರಿಭೋಗಮತ್ತಂ ಜಾನಾತಿ। ಕಾಲಞ್ಞೂತಿ ಅಯಂ ಕಾಲೋ ಪಟಿಸಲ್ಲೀನಸ್ಸ, ಅಯಂ ಸಮಾಪತ್ತಿಯಾ, ಅಯಂ ಧಮ್ಮದೇಸನಾಯ, ಅಯಂ ಜನಪದಚಾರಿಕಾಯಾತಿ ಏವಂ ಕಾಲಂ ಜಾನಾತಿ। ಪರಿಸಞ್ಞೂತಿ ಅಯಂ ಪರಿಸಾ ಖತ್ತಿಯಪರಿಸಾ…ಪೇ॰… ಅಯಂ ಸಮಣಪರಿಸಾತಿ ಜಾನಾತಿ। ಅನುತ್ತರನ್ತಿ ನವಹಿ ಲೋಕುತ್ತರಧಮ್ಮೇಹಿ ಅನುತ್ತರಂ। ಧಮ್ಮಚಕ್ಕನ್ತಿ ಸೇಟ್ಠಚಕ್ಕಂ।
Tathāgatavāre atthaññūti pañca atthe jānāti. Dhammaññūti cattāro dhamme jānāti. Mattaññūti catūsu paccayesu paṭiggahaṇaparibhogamattaṃ jānāti. Kālaññūti ayaṃ kālo paṭisallīnassa, ayaṃ samāpattiyā, ayaṃ dhammadesanāya, ayaṃ janapadacārikāyāti evaṃ kālaṃ jānāti. Parisaññūti ayaṃ parisā khattiyaparisā…pe… ayaṃ samaṇaparisāti jānāti. Anuttaranti navahi lokuttaradhammehi anuttaraṃ. Dhammacakkanti seṭṭhacakkaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧. ಪಠಮಚಕ್ಕಾನುವತ್ತನಸುತ್ತಂ • 1. Paṭhamacakkānuvattanasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧. ಪಠಮಚಕ್ಕಾನುವತ್ತನಸುತ್ತವಣ್ಣನಾ • 1. Paṭhamacakkānuvattanasuttavaṇṇanā
