| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
батамажад̇уггагат̇ааван̣н̣анаа
Paṭhamacatukkakathāvaṇṇanā
57. аабад̇д̇и баарааж̇игаа асса ход̇ийд̇и зд̇т̇а яасмаа саа агусалаа аабад̇д̇и д̇асса бхигкуно сийласамбхавам̣ абхибхавад̇и, рааг̇аабхибхавз д̇асмим̣ баарааж̇игаад̇и лад̣̇д̇ханаамаа буб̣б̣абхааг̇з аабаннаа д̣̇уггадат̇уллажжаяаад̣̇аяо аабад̇д̇ияо абхибхавид̇ваа винаасзд̇ваа саяамзвзгаа асса. вад̇т̇унаа сабхааг̇аахи ваа асабхааг̇аахи ваа ан̃н̃аахи баарааж̇игад̇д̇зна самаанаж̇аад̇игаахи аабад̇д̇ийхи саяам̣ наабхибхавийяад̇ийд̇и згз. д̇ам̣ д̇ам̣ буб̣б̣з вижаарид̇амзва. яад̣̇аа бана жад̇ассоби баарааж̇игаабад̇д̇ияо згад̇о хонд̇и, д̇ад̣̇аа д̇аа д̇асса бхигкуно бхигкубхаавам̣ абхибхаванд̇и, абхигкум̣ гаронд̇и, анубасамбаннам̣ гаронд̇и, саман̃н̃ааяаби бхигку на ход̇и. омасаваад̣̇абаажид̇д̇ияам̣ на ж̇анзд̇ийд̇и згз. д̣̇уд̇иязна ад̇т̇авигаббзна баарааж̇игасса д̇хаммасса бад̇д̇и самбад̇д̇и аабад̇д̇ийд̇и ад̇т̇о сан̇г̇ахид̇о ход̇ийд̇и гад̇ваа аабад̇д̇исамбад̇д̇иваад̣̇ийнам̣ сан̇г̇ахид̇о ход̇и, яуж̇ж̇ад̇и жзсаа барасаабзгкаа. саабад̇д̇иго наама со бхигку ход̇и, ан̃н̃ат̇аа д̇асса кан̣абхан̇г̇зна анаабад̇д̇иго бхавзяяа, на жа ход̇ийд̇и. гад̣̇аа бана ход̇ийд̇и? яад̣̇аа гаалам̣ гарод̇и, яад̣̇аа жа сигкам̣ бажжагкааяа сааман̣зраад̣̇ибхуумияам̣ д̇идтад̇и. яад̣̇и звам̣ сигкааяа бажжагкаад̇ааяа баарааж̇игаабад̇д̇и бажжагкаад̇аа ход̇и сигкаа жаад̇и убхаяам̣ д̇асса згад̇о ад̇т̇и, сан̇гхаад̣̇исзсаад̣̇иаабад̇д̇и сигкаабажжагкаанзна гим̣ на бажжагкаад̇аа, буна убасамбаннзна д̣̇зсаабзд̇аб̣б̣аа. сигкаабажжагкаанам̣ аабад̇д̇ивудтаанам̣ ж̇аад̇ам̣, абхигку аабад̇д̇ид̇о вудтаад̇и, г̇ахадто вудтаад̇и, сааман̣зро вудтаад̇и, д̇ад̇о винаяавирод̇хаа на вудтаад̇и. хан̃жи бана вудтаад̇и г̇ахадто, сааман̣зро ваа сийласамбаннова жхааналаабхий асса, сод̇аабад̇д̇ипаласса ваа арахад̇д̇апаласса ваа лаабхий асса, баарааж̇игаабад̇д̇ияаа саабад̇д̇иго арахаа асса. угкид̇д̇аго уббаб̣б̣аж̇ид̇о ваа бариваасаарахо маанад̇д̇аарахо уббаб̣б̣аж̇ид̇о ваа сийласамбанно жхааналаабхий асса, сод̇аабад̇д̇ипаласса, арахад̇д̇апаласса ваа лаабхий асса, саабад̇д̇иго санд̇арааяиго арахаа асса, со буна убасамбанно бариваасам̣, маанад̇д̇ам̣ ваа д̣̇ад̇ваа аб̣бхзд̇аб̣б̣о угкид̇д̇аго осаарзд̇аб̣б̣од̇и самаано аяам̣ убалаб̣бход̇и.
57.Āpatti pārājikā assa hotīti ettha yasmā sā akusalā āpatti tassa bhikkhuno sīlasambhavaṃ abhibhavati, rāgābhibhave tasmiṃ pārājikāti laddhanāmā pubbabhāge āpannā dukkaṭathullaccayādayo āpattiyo abhibhavitvā vināsetvā sayamevekā assa. Vatthunā sabhāgāhi vā asabhāgāhi vā aññāhi pārājikattena samānajātikāhi āpattīhi sayaṃ nābhibhavīyatīti eke. Taṃ taṃ pubbe vicāritameva. Yadā pana catassopi pārājikāpattiyo ekato honti, tadā tā tassa bhikkhuno bhikkhubhāvaṃ abhibhavanti, abhikkhuṃ karonti, anupasampannaṃ karonti, samaññāyapi bhikkhu na hoti. Omasavādapācittiyaṃ na janetīti eke. Dutiyena atthavikappena pārājikassa dhammassa patti sampatti āpattīti attho saṅgahito hotīti katvā āpattisampattivādīnaṃ saṅgahito hoti, yujjati cesā parasāpekkhā. Sāpattiko nāma so bhikkhu hoti, aññathā tassa khaṇabhaṅgena anāpattiko bhaveyya, na ca hotīti. Kadā pana hotīti? Yadā kālaṃ karoti, yadā ca sikkhaṃ paccakkhāya sāmaṇerādibhūmiyaṃ tiṭṭhati. Yadi evaṃ sikkhāya paccakkhātāya pārājikāpatti paccakkhātā hoti sikkhā cāti ubhayaṃ tassa ekato atthi, saṅghādisesādiāpatti sikkhāpaccakkhānena kiṃ na paccakkhātā, puna upasampannena desāpetabbā. Sikkhāpaccakkhānaṃ āpattivuṭṭhānaṃ jātaṃ, abhikkhu āpattito vuṭṭhāti, gahaṭṭho vuṭṭhāti, sāmaṇero vuṭṭhāti, tato vinayavirodhā na vuṭṭhāti. Hañci pana vuṭṭhāti gahaṭṭho, sāmaṇero vā sīlasampannova jhānalābhī assa, sotāpattiphalassa vā arahattaphalassa vā lābhī assa, pārājikāpattiyā sāpattiko arahā assa. Ukkhittako uppabbajito vā parivāsāraho mānattāraho uppabbajito vā sīlasampanno jhānalābhī assa, sotāpattiphalassa, arahattaphalassa vā lābhī assa, sāpattiko santarāyiko arahā assa, so puna upasampanno parivāsaṃ, mānattaṃ vā datvā abbhetabbo ukkhittako osāretabboti samāno ayaṃ upalabbhoti.
аяам̣ банзд̇т̇а винижчаяо – баарааж̇игам̣ д̇хаммам̣ аабанно яаава бхигкубхаавам̣ бадиж̇аанаад̇и саад̣̇ияад̇и сам̣ваасам̣, санд̇арааяигад̇д̇аа убосат̇ад̣̇ивасаад̣̇ийсу г̇ахадтасса вияа саяамзва сийлам̣ самаад̣̇ияанд̇ассаби на сийласамаад̣̇аанам̣ рухад̇и, баг̇зва жхаанаад̣̇ийни. со жз бхигкубхаавам̣ на саад̣̇ияад̇и на бадиж̇аанаад̇и сам̣ваасам̣ на саад̣̇ияад̇и, гзвалам̣ бхигкуунам̣ аавигад̇ваа рааж̇авзрижораад̣̇ибхаязна гаасаавам̣ на барижжаж̇ад̇и, анубасамбаннова ход̇и сахасзяяаад̣̇им̣ ж̇анзд̇и, сийласса жа жхаанаад̣̇ийнан̃жа бхааг̇ий ход̇и. вуд̇д̇ан̃хзд̇ам̣ бхаг̇авад̇аа –
Ayaṃ panettha vinicchayo – pārājikaṃ dhammaṃ āpanno yāva bhikkhubhāvaṃ paṭijānāti sādiyati saṃvāsaṃ, santarāyikattā uposathadivasādīsu gahaṭṭhassa viya sayameva sīlaṃ samādiyantassapi na sīlasamādānaṃ ruhati, pageva jhānādīni. So ce bhikkhubhāvaṃ na sādiyati na paṭijānāti saṃvāsaṃ na sādiyati, kevalaṃ bhikkhūnaṃ āvikatvā rājavericorādibhayena kāsāvaṃ na pariccajati, anupasampannova hoti sahaseyyādiṃ janeti, sīlassa ca jhānādīnañca bhāgī hoti. Vuttañhetaṃ bhagavatā –
‘‘аабаннзна висуд̣̇д̇хаабзгкзна санд̇ий аабад̇д̇и аавигаад̇аб̣б̣аа, аавигад̇аа хисса паасу ход̇и, батамасса жхаанасса ад̇хиг̇амааяаа’’д̇иаад̣̇и (махаава. 134-135).
‘‘Āpannena visuddhāpekkhena santī āpatti āvikātabbā, āvikatā hissa phāsu hoti, paṭhamassa jhānassa adhigamāyā’’tiādi (mahāva. 134-135).
д̇ад̇т̇а санд̇ий аабад̇д̇ийд̇и саавасзсаанавасзсаббабхзд̣̇аа саб̣б̣ааби аабад̇д̇и аабаннаа ад̇хиббзд̇аа. звам̣ санд̇зби баг̇зва г̇ахадтаад̣̇ибхуумияам̣ тид̇о жхаанаад̣̇ийнам̣ бхааг̇ий асса суд̣̇д̇ханд̇з тид̇ад̇д̇аа, яо бана угкид̇д̇аго аносаарид̇о, г̇аруд̇хаммам̣ ваа аабаж̇ж̇ид̇ваа авудтид̇о сигкам̣ бажжагкааяа г̇ахадтаад̣̇ибхуумияам̣ тид̇о, на со жхаанаад̣̇ийнам̣ бхааг̇ийязва бхавад̇и на суд̣̇д̇ханд̇з тид̇ад̇д̇аа, сагаран̣ийяад̇д̇аа жа, д̇знзва бхаг̇авад̇аа ‘‘со буна убасамбанно осаарзд̇аб̣б̣о’’д̇и вуд̇д̇ам̣, д̇асмаа д̇асса буг̇г̇аласса д̇з бхигкугаалз аабаннаа анд̇арааяигаа д̇хаммаа виббадисаарам̣ ж̇анаяид̇ваа авиббадисаарамуулагаанам̣ баамож̇ж̇аад̣̇ийнам̣ самбхавам̣ ниваарзнд̇и, но сагаасаавзсуязва. но жз ниваарзнд̇и, самбхавад̇и. г̇аругам̣ аабаж̇ж̇ид̇ваа бхигкуунам̣ аавигад̇ваа жз уббаб̣б̣аж̇ид̇о, багад̇ад̇д̇о худ̇ваа уббаб̣б̣аж̇ид̇од̇и гад̇ваа жхаанаад̣̇ийнам̣ бхааг̇ий асса ‘‘аавигад̇аа хисса паасу ход̇ий’’д̇и вуд̇д̇ад̇д̇аа. баг̇зва бхигкугаалз, на д̇взва угкид̇д̇аго сагаран̣ийяад̇д̇аад̇и згз. д̇ад̣̇анувад̇д̇анаго бана д̇ам̣ лад̣̇д̇хим̣ бахааяа бхааг̇ий асса. на, бхигкавз, саг̇ахадтааяа барисааяа (махаава. 154) сигкаабажжагкаад̇агасса анд̇имавад̇т̇ум̣ аж̇жхаабаннагасса нисиннабарисааяаад̇и (махаава. 183) зд̇т̇а г̇ахадто наама багад̇ияаа г̇ихилин̇г̇з тид̇о. сигкам̣ бажжагкааяа бхигкулин̇г̇з тид̇о сигкаабажжагкаад̇аго. со сагаасаавзсу саабзгкад̇д̇аа сааман̣зрабхаавам̣ бад̇т̇аяамаано д̇знзва лин̇г̇зна д̇ийхи саран̣аг̇аманзхи сааман̣зро ход̇и. анд̇имавад̇т̇ум̣ аж̇жхаабанно сам̣ваасам̣ саад̣̇ияанд̇оби бажчаа буб̣б̣з вуд̇д̇аггамзна асаад̣̇ияид̇ваа сааман̣зрабхаавам̣ бад̇т̇аяамаано сигкаабажжагкаад̇аго вияа д̇ийхи саран̣аг̇аманзхи сааман̣зро ход̇и, на буна гаасаавам̣ бадиг̇г̇аахаабзд̇аб̣б̣о бхигкуухи батамам̣ д̣̇инналин̇г̇зязва тид̇ад̇д̇аа. яо бана баарааж̇иго жод̣̇ияамаано барааж̇ид̇ваа ‘‘ханд̣̇а, бханд̇з, сааман̣зро бхаваами, саран̣аани д̣̇зт̇аа’’д̇и вад̣̇ад̇и, ‘‘саад̇ху г̇ан̣хаахий’’д̇и на вад̇д̇аб̣б̣о, г̇ихилин̇г̇з табзд̇ваа буна гаасааяаани бадиг̇г̇аахаабзд̇ваа баб̣б̣ааж̇зд̇аб̣б̣о. ‘‘ид̣̇ам̣ бана саб̣б̣ам̣ ад̇д̇ано мад̇ияаа вуд̇д̇ад̇д̇аа вижаарзд̇ваа г̇ахзд̇аб̣б̣а’’нд̇и аажарияо вад̣̇ад̇и. бавзсанам̣ наама ан̇г̇аж̇аад̇ам̣ бавзсзнд̇асса ан̇г̇аж̇аад̇зна сампусанам̣. бавидтам̣ наама яаава муулаа бавзсзнд̇асса виббагад̇агаалз вааяаамагаало. суггависсадтисамаяз ан̇г̇аж̇аад̇ам̣ тид̇ам̣ наама. уд̣̇д̇харан̣ам̣ наама нийхаран̣агаало. г̇ан̣тибад̣̇з бана ‘‘вааяаамад̇о орамид̇ваа таанам̣ тид̇ам̣ наамаа’’д̇и вуд̇д̇ам̣, д̇ам̣ асан̇гарад̇о д̣̇ассанад̇т̇ам̣ вуд̇д̇ам̣. бавзсанабавидтауд̣̇д̇харан̣агаалзсуби суггависсадти ход̇иязва.
Tattha santī āpattīti sāvasesānavasesappabhedā sabbāpi āpatti āpannā adhippetā. Evaṃ santepi pageva gahaṭṭhādibhūmiyaṃ ṭhito jhānādīnaṃ bhāgī assa suddhante ṭhitattā, yo pana ukkhittako anosārito, garudhammaṃ vā āpajjitvā avuṭṭhito sikkhaṃ paccakkhāya gahaṭṭhādibhūmiyaṃ ṭhito, na so jhānādīnaṃ bhāgīyeva bhavati na suddhante ṭhitattā, sakaraṇīyattā ca, teneva bhagavatā ‘‘so puna upasampanno osāretabbo’’ti vuttaṃ, tasmā tassa puggalassa te bhikkhukāle āpannā antarāyikā dhammā vippaṭisāraṃ janayitvā avippaṭisāramūlakānaṃ pāmojjādīnaṃ sambhavaṃ nivārenti, no sakāsāvesuyeva. No ce nivārenti, sambhavati. Garukaṃ āpajjitvā bhikkhūnaṃ āvikatvā ce uppabbajito, pakatatto hutvā uppabbajitoti katvā jhānādīnaṃ bhāgī assa ‘‘āvikatā hissa phāsu hotī’’ti vuttattā. Pageva bhikkhukāle, na tveva ukkhittako sakaraṇīyattāti eke. Tadanuvattanako pana taṃ laddhiṃ pahāya bhāgī assa. Na, bhikkhave, sagahaṭṭhāya parisāya (mahāva. 154) sikkhāpaccakkhātakassa antimavatthuṃ ajjhāpannakassa nisinnaparisāyāti (mahāva. 183) ettha gahaṭṭho nāma pakatiyā gihiliṅge ṭhito. Sikkhaṃ paccakkhāya bhikkhuliṅge ṭhito sikkhāpaccakkhātako. So sakāsāvesu sāpekkhattā sāmaṇerabhāvaṃ patthayamāno teneva liṅgena tīhi saraṇagamanehi sāmaṇero hoti. Antimavatthuṃ ajjhāpanno saṃvāsaṃ sādiyantopi pacchā pubbe vuttakkamena asādiyitvā sāmaṇerabhāvaṃ patthayamāno sikkhāpaccakkhātako viya tīhi saraṇagamanehi sāmaṇero hoti, na puna kāsāvaṃ paṭiggāhāpetabbo bhikkhūhi paṭhamaṃ dinnaliṅgeyeva ṭhitattā. Yo pana pārājiko codiyamāno parājitvā ‘‘handa, bhante, sāmaṇero bhavāmi, saraṇāni dethā’’ti vadati, ‘‘sādhu gaṇhāhī’’ti na vattabbo, gihiliṅge ṭhapetvā puna kāsāyāni paṭiggāhāpetvā pabbājetabbo. ‘‘Idaṃ pana sabbaṃ attano matiyā vuttattā vicāretvā gahetabba’’nti ācariyo vadati. Pavesanaṃ nāma aṅgajātaṃ pavesentassa aṅgajātena samphusanaṃ. Paviṭṭhaṃ nāma yāva mūlā pavesentassa vippakatakāle vāyāmakālo. Sukkavissaṭṭhisamaye aṅgajātaṃ ṭhitaṃ nāma. Uddharaṇaṃ nāma nīharaṇakālo. Gaṇṭhipade pana ‘‘vāyāmato oramitvā ṭhānaṃ ṭhitaṃ nāmā’’ti vuttaṃ, taṃ asaṅkarato dassanatthaṃ vuttaṃ. Pavesanapaviṭṭhauddharaṇakālesupi sukkavissaṭṭhi hotiyeva.
батамажад̇уггагат̇ааван̣н̣анаа нидтид̇аа.
Paṭhamacatukkakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / батамажад̇уггагат̇ааван̣н̣анаа • Paṭhamacatukkakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / батамажад̇уггаван̣н̣анаа • Paṭhamacatukkavaṇṇanā
