| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
батамажад̇уггаван̣н̣анаа
Paṭhamacatukkavaṇṇanā
57. ассаад̇и аакяаад̇абад̣̇анд̇и д̇асса ад̇т̇ам̣ д̣̇ассзнд̇о ‘‘ход̇ий’’д̇и ааха, бхавзяяаад̇и ад̇т̇о, ход̇ийд̇и вуд̇д̇ам̣ ход̇и. д̣̇уд̇ияз ад̇т̇авигаббз ‘‘ход̇ий’’д̇и ид̣̇ам̣ важанасзсо.
57.Assāti ākhyātapadanti tassa atthaṃ dassento ‘‘hotī’’ti āha, bhaveyyāti attho, hotīti vuttaṃ hoti. Dutiye atthavikappe ‘‘hotī’’ti idaṃ vacanaseso.
58. саад̣̇ияанд̇ассзваад̇и зд̇т̇а саад̣̇ияанам̣ наама сзвзд̇угаамад̇аажид̇д̇асса уббаад̣̇анамзваад̇и ааха ‘‘бадисзванажид̇д̇асаман̇г̇иссаа’’д̇и. бадибагканд̇и анидтам̣ ахид̇ам̣. ‘‘бхигкуунам̣ бажжад̇т̇игаа бхигкубажжад̇т̇игаа’’д̇и вуд̇д̇з убари вужжамаанаа рааж̇абажжад̇т̇игаад̣̇аяоби ид̇хзва бависанд̇ийд̇и д̇ам̣ нивад̇д̇анад̇т̇ам̣ бхигкуу зва бажжад̇т̇игаад̇и рааж̇абажжад̇т̇игаануруубзна ад̇т̇о д̣̇ассид̇о. д̇асмим̣ кан̣зд̇и бавзсанагкан̣з. аг̇г̇ад̇о хи яаава муулаа бавзсанагирияааяа вад̇д̇амаанагаало бавзсанагкан̣о наама. бавидтагаалзд̇и ан̇г̇аж̇аад̇асса яад̇д̇агам̣ таанам̣ бавзсанаарахам̣, д̇ад̇д̇агам̣ анавасзсад̇о бавидтагаалз, бавзсанагирияааяа нидтид̇агкан̣зд̇и ад̇т̇о. звам̣ бавидтасса уд̣̇д̇харан̣аарамбхад̇о анд̇араа тид̇агаалз тид̇ам̣ ан̇г̇аж̇аад̇ам̣, д̇асса тид̇и ваа тид̇ам̣ наама, адтагат̇ааяам̣ бана маад̇уг̇аамасса суггависсадтим̣ бад̇ваа саб̣б̣ат̇аа вааяаамад̇о орамид̇ваа тид̇агаалам̣ санд̇хааяа ‘‘суггависсадтисамаяз’’д̇и вуд̇д̇ам̣, д̇ад̣̇убхаяамби тид̇амзваад̇и г̇ахзд̇аб̣б̣ам̣. уд̣̇д̇харан̣ам̣ наама яаава аг̇г̇аа нийхаран̣агирияааяа вад̇д̇амаанагаалод̇и ааха ‘‘нийхаран̣агаалз бадисзванажид̇д̇ам̣ убадтаабзд̇ий’’д̇и.
58.Sādiyantassevāti ettha sādiyanaṃ nāma sevetukāmatācittassa uppādanamevāti āha ‘‘paṭisevanacittasamaṅgissā’’ti. Paṭipakkhanti aniṭṭhaṃ ahitaṃ. ‘‘Bhikkhūnaṃ paccatthikā bhikkhupaccatthikā’’ti vutte upari vuccamānā rājapaccatthikādayopi idheva pavisantīti taṃ nivattanatthaṃ bhikkhū eva paccatthikāti rājapaccatthikānurūpena attho dassito. Tasmiṃ khaṇeti pavesanakkhaṇe. Aggato hi yāva mūlā pavesanakiriyāya vattamānakālo pavesanakkhaṇo nāma. Paviṭṭhakāleti aṅgajātassa yattakaṃ ṭhānaṃ pavesanārahaṃ, tattakaṃ anavasesato paviṭṭhakāle, pavesanakiriyāya niṭṭhitakkhaṇeti attho. Evaṃ paviṭṭhassa uddharaṇārambhato antarā ṭhitakāle ṭhitaṃ aṅgajātaṃ, tassa ṭhiti vā ṭhitaṃ nāma, aṭṭhakathāyaṃ pana mātugāmassa sukkavissaṭṭhiṃ patvā sabbathā vāyāmato oramitvā ṭhitakālaṃ sandhāya ‘‘sukkavissaṭṭhisamaye’’ti vuttaṃ, tadubhayampi ṭhitamevāti gahetabbaṃ. Uddharaṇaṃ nāma yāva aggā nīharaṇakiriyāya vattamānakāloti āha ‘‘nīharaṇakāle paṭisevanacittaṃ upaṭṭhāpetī’’ti.
зд̇т̇а жа яасмаа барзхи убаггамияамаанасса ан̇г̇аж̇аад̇аад̣̇игааяажаланасса виж̇ж̇амаанад̇д̇аа сзванажид̇д̇з убадтид̇амад̇д̇з д̇асмим̣ кан̣з жид̇д̇аж̇аруубзна сан̃ж̇ааяамаанам̣ ан̇г̇аж̇аад̇аад̣̇ижаланам̣ иминаа сзванажид̇д̇зна уббаад̣̇ид̇амзва ход̇и. абижа сзванажид̇д̇з уббаннз барзхи анубаггамияамаанассааби ан̇г̇аж̇аад̇з жаланам̣ ход̇зва, д̇ан̃жа д̇зна гад̇ам̣ наама ход̇и, д̇асмаа гааяажид̇д̇ад̇о самудтид̇ам̣ баарааж̇игаабад̇д̇им̣ со аабаж̇ж̇ад̇иязва уб̣бхаж̇аан̣уман̣д̣алигаа (баажи. 657-658) вияа. д̇ад̇т̇ааби хи ‘‘ад̇хагкагам̣ уб̣бхаж̇аан̣уман̣д̣алам̣ аамасанам̣ ваа…бз… бадибийл̣анам̣ ваа саад̣̇иязяяаа’’д̇и (баажи. 657) саад̣̇ияанамад̇д̇зязва аабад̇д̇и вуд̇д̇аа, бхигкуно гааяасам̣саг̇г̇з бана ‘‘гааяасам̣саг̇г̇ам̣ самаабаж̇ж̇зяяаа’’д̇и (баараа. 270) ад̇д̇ано убаггамасса аабад̇д̇инимид̇д̇абхаавзна вуд̇д̇ад̇д̇аа ид̇т̇ияаа пусияамаанасса гааяасам̣саг̇г̇арааг̇з жа ид̇т̇ияаа сан̃ж̇анид̇агааяажаланз жа виж̇ж̇амаанзби ад̇д̇ано баяог̇аабхаавзна анаабад̇д̇иязва вуд̇д̇аад̇и г̇ахзд̇аб̣б̣ам̣. гзжи бана ‘‘батамасан̇гхаад̣̇исзсависаязби барзхи б̣алаггаарзна хад̇т̇аад̣̇ийхи убаггамияамаанасса можанассаад̣̇о жа уббаж̇ж̇ад̇и, д̇зна жа асужимхи муд̇д̇з сан̇гхаад̣̇исзсо, амуд̇д̇з т̇уллажжаяам̣ зваа’’д̇и вад̣̇анд̇и. ан̇г̇аарагаасунд̇и ан̇г̇аарараасим̣, ан̇г̇аарабун̣н̣ааваадам̣ ваа. ид̇т̇ияаа убаггамияамаанз асаад̣̇ияанам̣ наама на саб̣б̣зсам̣ висаяод̇и ааха иман̃хийд̇иаад̣̇и. згаад̣̇асахи аг̇г̇ийхийд̇и рааг̇ад̣̇осамохаж̇аад̇иж̇араамаран̣асогабарид̣̇звад̣̇угкад̣̇оманассубааяаасасан̇каад̇зхи згаад̣̇асаг̇г̇ийхи. ассаад̇и асаад̣̇ияанд̇асса. жад̇уггам̣ нийхарид̇ваа табзсийд̇и зд̇т̇а згабуг̇г̇алависаяад̇ааяа згоби анаабад̇д̇ивааро бавзсанабавидтатид̇ауд̣̇д̇харан̣асан̇кааад̇аанам̣ жад̇уннам̣ бад̣̇аанам̣ васзна ‘‘жад̇угга’’нд̇и вуд̇д̇о. батамажад̇уггагат̇аад̇и зд̇т̇а бана анаабад̇д̇иваарзна сад̣̇д̇хим̣ бан̃жаннам̣ ваараанам̣ вуд̇д̇анаязна ‘‘бан̃жа жад̇уггаа’’д̇и вад̇д̇аб̣б̣зби згамаг̇г̇ависаяад̇ааяа д̇зсам̣ згад̇д̇ам̣ ааробзд̇ваа батамажад̇уггад̇аа вуд̇д̇аа. д̇знзва вагкад̇и д̇ин̣н̣ам̣ маг̇г̇аанам̣ васзна д̇ийн̣и суд̣̇д̇хигажад̇уггаанийд̇иаад̣̇и.
Ettha ca yasmā parehi upakkamiyamānassa aṅgajātādikāyacalanassa vijjamānattā sevanacitte upaṭṭhitamatte tasmiṃ khaṇe cittajarūpena sañjāyamānaṃ aṅgajātādicalanaṃ iminā sevanacittena uppāditameva hoti. Apica sevanacitte uppanne parehi anupakkamiyamānassāpi aṅgajāte calanaṃ hoteva, tañca tena kataṃ nāma hoti, tasmā kāyacittato samuṭṭhitaṃ pārājikāpattiṃ so āpajjatiyeva ubbhajāṇumaṇḍalikā (pāci. 657-658) viya. Tatthāpi hi ‘‘adhakkhakaṃ ubbhajāṇumaṇḍalaṃ āmasanaṃ vā…pe… paṭipīḷanaṃ vā sādiyeyyā’’ti (pāci. 657) sādiyanamatteyeva āpatti vuttā, bhikkhuno kāyasaṃsagge pana ‘‘kāyasaṃsaggaṃ samāpajjeyyā’’ti (pārā. 270) attano upakkamassa āpattinimittabhāvena vuttattā itthiyā phusiyamānassa kāyasaṃsaggarāge ca itthiyā sañjanitakāyacalane ca vijjamānepi attano payogābhāvena anāpattiyeva vuttāti gahetabbaṃ. Keci pana ‘‘paṭhamasaṅghādisesavisayepi parehi balakkārena hatthādīhi upakkamiyamānassa mocanassādo ca uppajjati, tena ca asucimhi mutte saṅghādiseso, amutte thullaccayaṃ evā’’ti vadanti. Aṅgārakāsunti aṅgārarāsiṃ, aṅgārapuṇṇāvāṭaṃ vā. Itthiyā upakkamiyamāne asādiyanaṃ nāma na sabbesaṃ visayoti āha imañhītiādi. Ekādasahi aggīhīti rāgadosamohajātijarāmaraṇasokaparidevadukkhadomanassupāyāsasaṅkhātehi ekādasaggīhi. Assāti asādiyantassa. Catukkaṃ nīharitvā ṭhapesīti ettha ekapuggalavisayatāya ekopi anāpattivāro pavesanapaviṭṭhaṭhitauddharaṇasaṅkhaātānaṃ catunnaṃ padānaṃ vasena ‘‘catukka’’nti vutto. Paṭhamacatukkakathāti ettha pana anāpattivārena saddhiṃ pañcannaṃ vārānaṃ vuttanayena ‘‘pañca catukkā’’ti vattabbepi ekamaggavisayatāya tesaṃ ekattaṃ āropetvā paṭhamacatukkatā vuttā. Teneva vakkhati tiṇṇaṃ maggānaṃ vasena tīṇi suddhikacatukkānītiādi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / батамажад̇уггагат̇ааван̣н̣анаа • Paṭhamacatukkakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / батамажад̇уггагат̇ааван̣н̣анаа • Paṭhamacatukkakathāvaṇṇanā
