| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(8) 3. яод̇хааж̇ийваваг̇г̇о
(8) 3. Yodhājīvavaggo
1-2. батамажзд̇овимуд̇д̇ипаласуд̇д̇аад̣̇иван̣н̣анаа
1-2. Paṭhamacetovimuttiphalasuttādivaṇṇanā
71-72. д̇ад̇ияасса батамз авиж̇ж̇аабалигханд̇и зд̇т̇а авиж̇ж̇аад̇и ваддамуулигаа авиж̇ж̇аа, аяам̣ бажураж̇анзхи угкибид̇ум̣ асаггун̣зяяабхаавад̇о д̣̇угкибанадтзна ниб̣б̣аанад̣̇ваараббавзсавиб̣анд̇ханзна жа ‘‘балигхо вияаад̇и балигхо’’д̇и вужжад̇и. д̇знзса д̇ассаа угкид̇д̇ад̇д̇аа ‘‘угкид̇д̇абалигхо’’д̇и вуд̇д̇о. бунаб̣бхавасса гаран̣асийло, бунаб̣бхавам̣ ваа палам̣ арахад̇ийд̇и бонобхавигаа, бунаб̣бхавад̣̇ааяигаад̇и ад̇т̇о. ж̇аад̇исам̣саарод̇и ж̇ааяанавасзна жзва сам̣саран̣авасзна жа звам̣лад̣̇д̇ханаамаанам̣ бунаб̣бхавагканд̇хаанам̣ бажжаяо гаммаабхисан̇кааро. ж̇аад̇исам̣саарод̇и хи палуубажаарзна гааран̣ам̣ вуд̇д̇ам̣. д̇ан̃хи бунаббунам̣ уббад̇д̇игааран̣авасзна баригкибид̇ваа тид̇ад̇д̇аа ‘‘барикаа’’д̇и вужжад̇и санд̇аанасса баригкибанад̇о. д̇знзса д̇асса сам̣гин̣н̣ад̇д̇аа вигин̣н̣ад̇д̇аа саб̣б̣асо кид̇д̇ад̇д̇аа винаасид̇ад̇д̇аа ‘‘сам̣гин̣н̣абарико’’д̇и вуд̇д̇о.
71-72. Tatiyassa paṭhame avijjāpalighanti ettha avijjāti vaṭṭamūlikā avijjā, ayaṃ pacurajanehi ukkhipituṃ asakkuṇeyyabhāvato dukkhipanaṭṭhena nibbānadvārappavesavibandhanena ca ‘‘paligho viyāti paligho’’ti vuccati. Tenesa tassā ukkhittattā ‘‘ukkhittapaligho’’ti vutto. Punabbhavassa karaṇasīlo, punabbhavaṃ vā phalaṃ arahatīti ponobhavikā, punabbhavadāyikāti attho. Jātisaṃsāroti jāyanavasena ceva saṃsaraṇavasena ca evaṃladdhanāmānaṃ punabbhavakkhandhānaṃ paccayo kammābhisaṅkhāro. Jātisaṃsāroti hi phalūpacārena kāraṇaṃ vuttaṃ. Tañhi punappunaṃ uppattikāraṇavasena parikkhipitvā ṭhitattā ‘‘parikhā’’ti vuccati santānassa parikkhipanato. Tenesa tassa saṃkiṇṇattā vikiṇṇattā sabbaso khittattā vināsitattā ‘‘saṃkiṇṇaparikho’’ti vutto.
д̇ан̣хаасан̇каад̇анд̇и зд̇т̇а д̇ан̣хаад̇и ваддамуулигаа д̇ан̣хаа. аяан̃хи г̇амбхийраануг̇ад̇адтзна ‘‘зсигаа’’д̇и вужжад̇и. лун̃жид̇ваа уд̣̇д̇харид̇ваа. орамбхааг̇ияаанийд̇и орамбхааг̇аж̇анагаани гаамабхавз убабад̇д̇ибажжаяаани гаамарааг̇асам̣яож̇анаад̣̇ийни. зд̇аани хи гаваадам̣ вияа наг̇арад̣̇ваарам̣ жид̇д̇ам̣ бид̣̇ахид̇ваа тид̇ад̇д̇аа ‘‘аг̇г̇ал̣аа’’д̇и вужжанд̇и. д̇знзса д̇зсам̣ ниг̇г̇ад̇ад̇д̇аа бхиннад̇д̇аа ‘‘нираг̇г̇ал̣о’’д̇и вуд̇д̇од̇и. аг̇г̇амаг̇г̇зна банно абажид̇о маанад̣̇д̇хаж̇о зд̇ассаад̇и баннад̣̇д̇хаж̇о. баннабхаарод̇и канд̇хабхаарагилзсабхаараабхисан̇каарабхаараа оробид̇аа ассаад̇и баннабхааро. висам̣яуд̇д̇од̇и жад̇уухи яог̇зхи саб̣б̣агилзсзхи жа висам̣яуд̇д̇о. асмимаанод̇и руубз асмийд̇и маано, взд̣̇анааяа, сан̃н̃ааяа, сан̇каарзсу, вин̃н̃аан̣з асмимаано. зд̇т̇а хи бан̃жаби канд̇хз ависзсад̇о ‘‘асмий’’д̇и г̇ахзд̇ваа бавад̇д̇амаано асмимаанод̇и ад̇хиббзд̇о.
Taṇhāsaṅkhātanti ettha taṇhāti vaṭṭamūlikā taṇhā. Ayañhi gambhīrānugataṭṭhena ‘‘esikā’’ti vuccati. Luñcitvā uddharitvā. Orambhāgiyānīti orambhāgajanakāni kāmabhave upapattipaccayāni kāmarāgasaṃyojanādīni. Etāni hi kavāṭaṃ viya nagaradvāraṃ cittaṃ pidahitvā ṭhitattā ‘‘aggaḷā’’ti vuccanti. Tenesa tesaṃ niggatattā bhinnattā ‘‘niraggaḷo’’ti vuttoti. Aggamaggena panno apacito mānaddhajo etassāti pannaddhajo. Pannabhāroti khandhabhārakilesabhāraabhisaṅkhārabhārā oropitā assāti pannabhāro. Visaṃyuttoti catūhi yogehi sabbakilesehi ca visaṃyutto. Asmimānoti rūpe asmīti māno, vedanāya, saññāya, saṅkhāresu, viññāṇe asmimāno. Ettha hi pañcapi khandhe avisesato ‘‘asmī’’ti gahetvā pavattamāno asmimānoti adhippeto.
наг̇арад̣̇ваарасса бариссаяабадиб̣ааханад̇т̇ан̃жзва сод̇ханад̇т̇ан̃жа убхосу бассзсу зсигаат̇амбхз никан̣ид̇ваа табзд̇ийд̇и ааха ‘‘наг̇арад̣̇ваарз уссаабид̇з зсигаат̇амбхз’’д̇и. баагааравид̣̇д̇хам̣санзнзва барикаабхуумисамагаран̣ам̣ ход̇ийд̇и ааха ‘‘баагаарам̣ бхинд̣̇ид̇ваа барикам̣ вигирид̇ваа’’д̇и. ‘‘зва’’нд̇иаад̣̇и убамаасам̣санд̣̇анам̣. санд̇о сам̣виж̇ж̇амаано гааяо д̇хаммасамууход̇и саггааяо, убаад̣̇аанагканд̇хабан̃жагам̣. д̣̇вад̇д̇им̣сагаммагааран̣аа д̣̇угкагканд̇хз ааг̇ад̇ад̣̇угкаани. агкирог̇асийсарог̇аад̣̇аяо. адтанавуд̇и рог̇аа, рааж̇абхаяаад̣̇ийни бан̃жавийсад̇имахаабхаяаани. д̣̇уд̇ияам̣ уд̇д̇аанамзва.
Nagaradvārassa parissayapaṭibāhanatthañceva sodhanatthañca ubhosu passesu esikāthambhe nikhaṇitvā ṭhapetīti āha ‘‘nagaradvāre ussāpite esikāthambhe’’ti. Pākāraviddhaṃsaneneva parikhābhūmisamakaraṇaṃ hotīti āha ‘‘pākāraṃ bhinditvā parikhaṃ vikiritvā’’ti. ‘‘Eva’’ntiādi upamāsaṃsandanaṃ. Santo saṃvijjamāno kāyo dhammasamūhoti sakkāyo, upādānakkhandhapañcakaṃ. Dvattiṃsakammakāraṇā dukkhakkhandhe āgatadukkhāni. Akkhirogasīsarogādayo. Aṭṭhanavuti rogā, rājabhayādīni pañcavīsatimahābhayāni. Dutiyaṃ uttānameva.
батамажзд̇овимуд̇д̇ипаласуд̇д̇аад̣̇иван̣н̣анаа нидтид̇аа.
Paṭhamacetovimuttiphalasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. батамажзд̇овимуд̇д̇ипаласуд̇д̇ам̣ • 1. Paṭhamacetovimuttiphalasuttaṃ
2. д̣̇уд̇ияажзд̇овимуд̇д̇ипаласуд̇д̇ам̣ • 2. Dutiyacetovimuttiphalasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. батамажзд̇овимуд̇д̇ипаласуд̇д̇аван̣н̣анаа • 1. Paṭhamacetovimuttiphalasuttavaṇṇanā
2. д̣̇уд̇ияажзд̇овимуд̇д̇ипаласуд̇д̇аван̣н̣анаа • 2. Dutiyacetovimuttiphalasuttavaṇṇanā
