| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(8) 3. яод̇хааж̇ийваваг̇г̇о
(8) 3. Yodhājīvavaggo
1. батамажзд̇овимуд̇д̇ипаласуд̇д̇аван̣н̣анаа
1. Paṭhamacetovimuttiphalasuttavaṇṇanā
71. д̇ад̇ияасса батамз яад̇о ко, бхигкавзд̇и хздтаа вуд̇д̇анаязна вибассанам̣ вад̣дхзд̇ваа арахад̇д̇ам̣ бад̇д̇асса бхигкуно ид̣̇аани ван̣н̣абхан̣анад̇т̇ам̣ ид̣̇ам̣ аарад̣̇д̇хам̣. д̇ад̇т̇а яад̇о код̇и яад̣̇аа ко. угкид̇д̇абалигход̇и авиж̇ж̇аабалигхам̣ угкибид̇ваа абанзд̇ваа тид̇о. сам̣гин̣н̣абарикод̇и сам̣саарабарикам̣ сам̣гирид̇ваа винаасзд̇ваа тид̇о. аб̣б̣уул̣хзсигод̇и д̇ан̣хаасан̇каад̇ам̣ зсигаат̇амбхам̣ аб̣б̣уяха лун̃жид̇ваа тид̇о. нираг̇г̇ал̣од̇и нийваран̣агаваадам̣ уг̇гхаадзд̇ваа тид̇о. баннад̣̇д̇хаж̇о баннабхаарод̇и маанад̣̇д̇хаж̇ан̃жа канд̇хаабхисан̇каарагилзсабхааран̃жа баад̇зд̇ваа од̇аарзд̇ваа тид̇о. висам̣яуд̇д̇од̇и ваддзна висам̣яуд̇д̇о. сзсам̣ баал̣инаязнзва взд̣̇ид̇аб̣б̣ам̣. зд̇д̇аавад̇аа бхаг̇авад̇аа маг̇г̇зна гилзсз кзбзд̇ваа нирод̇хасаяанавараг̇ад̇асса ниб̣б̣аанаарамман̣ам̣ паласамаабад̇д̇им̣ аббзд̇ваа вихарад̇о кийн̣аасавасса гаало д̣̇ассид̇о.
71. Tatiyassa paṭhame yato kho, bhikkhaveti heṭṭhā vuttanayena vipassanaṃ vaḍḍhetvā arahattaṃ pattassa bhikkhuno idāni vaṇṇabhaṇanatthaṃ idaṃ āraddhaṃ. Tattha yato khoti yadā kho. Ukkhittapalighoti avijjāpalighaṃ ukkhipitvā apanetvā ṭhito. Saṃkiṇṇaparikhoti saṃsāraparikhaṃ saṃkiritvā vināsetvā ṭhito. Abbūḷhesikoti taṇhāsaṅkhātaṃ esikāthambhaṃ abbuyha luñcitvā ṭhito. Niraggaḷoti nīvaraṇakavāṭaṃ ugghāṭetvā ṭhito. Pannaddhajo pannabhāroti mānaddhajañca khandhābhisaṅkhārakilesabhārañca pātetvā otāretvā ṭhito. Visaṃyuttoti vaṭṭena visaṃyutto. Sesaṃ pāḷinayeneva veditabbaṃ. Ettāvatā bhagavatā maggena kilese khepetvā nirodhasayanavaragatassa nibbānārammaṇaṃ phalasamāpattiṃ appetvā viharato khīṇāsavassa kālo dassito.
яат̇аа хи д̣̇вз наг̇араани згам̣ жоранаг̇арам̣ згам̣ кзманаг̇арам̣. ат̇а згасса махааяод̇хасса звам̣ бхавзяяа – ‘‘яаавимам̣ жоранаг̇арам̣ д̇идтад̇и, д̇аава кзманаг̇арам̣ бхаяад̇о на мужжад̇и, жоранаг̇арам̣ анаг̇арам̣ гариссаамий’’д̇и саннаахам̣ гад̇ваа каг̇г̇ам̣ г̇ахзд̇ваа жоранаг̇арам̣ убасан̇гамид̇ваа наг̇арад̣̇ваарз уссаабид̇з зсигаат̇амбхз каг̇г̇зна чинд̣̇ид̇ваа сад̣̇д̇хим̣ д̣̇ваараб̣аахаахи гаваадам̣ бхинд̣̇ид̇ваа балигхам̣ угкибид̇ваа баагаарам̣ бхинд̣̇ид̇ваа барикам̣ вигирид̇ваа наг̇арасобхад̇т̇ааяа уссид̇з д̇хаж̇з баад̇зд̇ваа наг̇арам̣ аг̇г̇инаа жхаабзд̇ваа кзманаг̇арам̣ бависид̇ваа баасаад̣̇ам̣ ааруяха н̃аад̇иг̇ан̣абаривуд̇о сурасабхож̇анам̣ бхун̃ж̇зяяа. звам̣ жоранаг̇арам̣ вияа саггааяо, кзманаг̇арам̣ вияа ниб̣б̣аанам̣, махааяод̇хо вияа яог̇ааважаро. д̇ассзвам̣ ход̇и – ‘‘яаава саггааяаваддам̣ ваддад̇и, д̇аава д̣̇вад̇д̇им̣сагаммагааран̣ааадтанавуд̇ирог̇абан̃жавийсад̇имахаабхаязхи баримужжанам̣ над̇т̇ий’’д̇и. со махааяод̇хо саннаахам̣ вияа сийласаннаахам̣ гад̇ваа бан̃н̃аакаг̇г̇ам̣ г̇ахзд̇ваа каг̇г̇зна зсигаат̇амбхз вияа арахад̇д̇амаг̇г̇зна д̇ан̣хзсигам̣ лун̃жид̇ваа, со яод̇хо сад̣̇ваараб̣аахагам̣ наг̇арагаваадам̣ вияа бан̃жорамбхааг̇ияасам̣яож̇анааг̇г̇ал̣ам̣ уг̇гхаадзд̇ваа, со яод̇хо балигхам̣ вияа авиж̇ж̇аабалигхам̣ угкибид̇ваа, со яод̇хо баагаарам̣ бхинд̣̇анд̇о барикам̣ вияа гаммаабхисан̇каарам̣ бхинд̣̇анд̇о ж̇аад̇исам̣саарабарикам̣ вигирид̇ваа, со яод̇хо наг̇арам̣ собхад̇т̇ааяа уссаабид̇ад̣̇д̇хаж̇з вияа маанад̣̇д̇хаж̇з баад̇зд̇ваа саггааяанаг̇арам̣ жхаабзд̇ваа, со яод̇хо кзманаг̇арз убарибаасаад̣̇з субхож̇анам̣ вияа гилзсабариниб̣б̣аананаг̇арам̣ бависид̇ваа амад̇ам̣ нирод̇хаарамман̣ам̣ паласамаабад̇д̇исукам̣ анубхавамаано гаалам̣ вийд̇инаамзд̇и.
Yathā hi dve nagarāni ekaṃ coranagaraṃ ekaṃ khemanagaraṃ. Atha ekassa mahāyodhassa evaṃ bhaveyya – ‘‘yāvimaṃ coranagaraṃ tiṭṭhati, tāva khemanagaraṃ bhayato na muccati, coranagaraṃ anagaraṃ karissāmī’’ti sannāhaṃ katvā khaggaṃ gahetvā coranagaraṃ upasaṅkamitvā nagaradvāre ussāpite esikāthambhe khaggena chinditvā saddhiṃ dvārabāhāhi kavāṭaṃ bhinditvā palighaṃ ukkhipitvā pākāraṃ bhinditvā parikhaṃ vikiritvā nagarasobhatthāya ussite dhaje pātetvā nagaraṃ agginā jhāpetvā khemanagaraṃ pavisitvā pāsādaṃ āruyha ñātigaṇaparivuto surasabhojanaṃ bhuñjeyya. Evaṃ coranagaraṃ viya sakkāyo, khemanagaraṃ viya nibbānaṃ, mahāyodho viya yogāvacaro. Tassevaṃ hoti – ‘‘yāva sakkāyavaṭṭaṃ vaṭṭati, tāva dvattiṃsakammakāraṇāaṭṭhanavutirogapañcavīsatimahābhayehi parimuccanaṃ natthī’’ti. So mahāyodho sannāhaṃ viya sīlasannāhaṃ katvā paññākhaggaṃ gahetvā khaggena esikāthambhe viya arahattamaggena taṇhesikaṃ luñcitvā, so yodho sadvārabāhakaṃ nagarakavāṭaṃ viya pañcorambhāgiyasaṃyojanaaggaḷaṃ ugghāṭetvā, so yodho palighaṃ viya avijjāpalighaṃ ukkhipitvā, so yodho pākāraṃ bhindanto parikhaṃ viya kammābhisaṅkhāraṃ bhindanto jātisaṃsāraparikhaṃ vikiritvā, so yodho nagaraṃ sobhatthāya ussāpitaddhaje viya mānaddhaje pātetvā sakkāyanagaraṃ jhāpetvā, so yodho khemanagare uparipāsāde subhojanaṃ viya kilesaparinibbānanagaraṃ pavisitvā amataṃ nirodhārammaṇaṃ phalasamāpattisukhaṃ anubhavamāno kālaṃ vītināmeti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамажзд̇овимуд̇д̇ипаласуд̇д̇ам̣ • 1. Paṭhamacetovimuttiphalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. батамажзд̇овимуд̇д̇ипаласуд̇д̇аад̣̇иван̣н̣анаа • 1-2. Paṭhamacetovimuttiphalasuttādivaṇṇanā
