| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੮) ੩. ਯੋਧਾਜੀવવਗ੍ਗੋ
(8) 3. Yodhājīvavaggo
੧. ਪਠਮਚੇਤੋવਿਮੁਤ੍ਤਿਫਲਸੁਤ੍ਤવਣ੍ਣਨਾ
1. Paṭhamacetovimuttiphalasuttavaṇṇanā
੭੧. ਤਤਿਯਸ੍ਸ ਪਠਮੇ ਯਤੋ ਖੋ, ਭਿਕ੍ਖવੇਤਿ ਹੇਟ੍ਠਾ વੁਤ੍ਤਨਯੇਨ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਤ੍ਤਸ੍ਸ ਭਿਕ੍ਖੁਨੋ ਇਦਾਨਿ વਣ੍ਣਭਣਨਤ੍ਥਂ ਇਦਂ ਆਰਦ੍ਧਂ। ਤਤ੍ਥ ਯਤੋ ਖੋਤਿ ਯਦਾ ਖੋ। ਉਕ੍ਖਿਤ੍ਤਪਲਿਘੋਤਿ ਅવਿਜ੍ਜਾਪਲਿਘਂ ਉਕ੍ਖਿਪਿਤ੍વਾ ਅਪਨੇਤ੍વਾ ਠਿਤੋ। ਸਂਕਿਣ੍ਣਪਰਿਖੋਤਿ ਸਂਸਾਰਪਰਿਖਂ ਸਂਕਿਰਿਤ੍વਾ વਿਨਾਸੇਤ੍વਾ ਠਿਤੋ। ਅਬ੍ਬੂਲ਼੍ਹੇਸਿਕੋਤਿ ਤਣ੍ਹਾਸਙ੍ਖਾਤਂ ਏਸਿਕਾਥਮ੍ਭਂ ਅਬ੍ਬੁਯ੍ਹ ਲੁਞ੍ਚਿਤ੍વਾ ਠਿਤੋ। ਨਿਰਗ੍ਗਲ਼ੋਤਿ ਨੀવਰਣਕવਾਟਂ ਉਗ੍ਘਾਟੇਤ੍વਾ ਠਿਤੋ। ਪਨ੍ਨਦ੍ਧਜੋ ਪਨ੍ਨਭਾਰੋਤਿ ਮਾਨਦ੍ਧਜਞ੍ਚ ਖਨ੍ਧਾਭਿਸਙ੍ਖਾਰਕਿਲੇਸਭਾਰਞ੍ਚ ਪਾਤੇਤ੍વਾ ਓਤਾਰੇਤ੍વਾ ਠਿਤੋ। વਿਸਂਯੁਤ੍ਤੋਤਿ વਟ੍ਟੇਨ વਿਸਂਯੁਤ੍ਤੋ। ਸੇਸਂ ਪਾਲ਼ਿਨਯੇਨੇવ વੇਦਿਤਬ੍ਬਂ। ਏਤ੍ਤਾવਤਾ ਭਗવਤਾ ਮਗ੍ਗੇਨ ਕਿਲੇਸੇ ਖੇਪੇਤ੍વਾ ਨਿਰੋਧਸਯਨવਰਗਤਸ੍ਸ ਨਿਬ੍ਬਾਨਾਰਮ੍ਮਣਂ ਫਲਸਮਾਪਤ੍ਤਿਂ ਅਪ੍ਪੇਤ੍વਾ વਿਹਰਤੋ ਖੀਣਾਸવਸ੍ਸ ਕਾਲੋ ਦਸ੍ਸਿਤੋ।
71. Tatiyassa paṭhame yato kho, bhikkhaveti heṭṭhā vuttanayena vipassanaṃ vaḍḍhetvā arahattaṃ pattassa bhikkhuno idāni vaṇṇabhaṇanatthaṃ idaṃ āraddhaṃ. Tattha yato khoti yadā kho. Ukkhittapalighoti avijjāpalighaṃ ukkhipitvā apanetvā ṭhito. Saṃkiṇṇaparikhoti saṃsāraparikhaṃ saṃkiritvā vināsetvā ṭhito. Abbūḷhesikoti taṇhāsaṅkhātaṃ esikāthambhaṃ abbuyha luñcitvā ṭhito. Niraggaḷoti nīvaraṇakavāṭaṃ ugghāṭetvā ṭhito. Pannaddhajo pannabhāroti mānaddhajañca khandhābhisaṅkhārakilesabhārañca pātetvā otāretvā ṭhito. Visaṃyuttoti vaṭṭena visaṃyutto. Sesaṃ pāḷinayeneva veditabbaṃ. Ettāvatā bhagavatā maggena kilese khepetvā nirodhasayanavaragatassa nibbānārammaṇaṃ phalasamāpattiṃ appetvā viharato khīṇāsavassa kālo dassito.
ਯਥਾ ਹਿ ਦ੍વੇ ਨਗਰਾਨਿ ਏਕਂ ਚੋਰਨਗਰਂ ਏਕਂ ਖੇਮਨਗਰਂ। ਅਥ ਏਕਸ੍ਸ ਮਹਾਯੋਧਸ੍ਸ ਏવਂ ਭવੇਯ੍ਯ – ‘‘ਯਾવਿਮਂ ਚੋਰਨਗਰਂ ਤਿਟ੍ਠਤਿ, ਤਾવ ਖੇਮਨਗਰਂ ਭਯਤੋ ਨ ਮੁਚ੍ਚਤਿ, ਚੋਰਨਗਰਂ ਅਨਗਰਂ ਕਰਿਸ੍ਸਾਮੀ’’ਤਿ ਸਨ੍ਨਾਹਂ ਕਤ੍વਾ ਖਗ੍ਗਂ ਗਹੇਤ੍વਾ ਚੋਰਨਗਰਂ ਉਪਸਙ੍ਕਮਿਤ੍વਾ ਨਗਰਦ੍વਾਰੇ ਉਸ੍ਸਾਪਿਤੇ ਏਸਿਕਾਥਮ੍ਭੇ ਖਗ੍ਗੇਨ ਛਿਨ੍ਦਿਤ੍વਾ ਸਦ੍ਧਿਂ ਦ੍વਾਰਬਾਹਾਹਿ ਕવਾਟਂ ਭਿਨ੍ਦਿਤ੍વਾ ਪਲਿਘਂ ਉਕ੍ਖਿਪਿਤ੍વਾ ਪਾਕਾਰਂ ਭਿਨ੍ਦਿਤ੍વਾ ਪਰਿਖਂ વਿਕਿਰਿਤ੍વਾ ਨਗਰਸੋਭਤ੍ਥਾਯ ਉਸ੍ਸਿਤੇ ਧਜੇ ਪਾਤੇਤ੍વਾ ਨਗਰਂ ਅਗ੍ਗਿਨਾ ਝਾਪੇਤ੍વਾ ਖੇਮਨਗਰਂ ਪવਿਸਿਤ੍વਾ ਪਾਸਾਦਂ ਆਰੁਯ੍ਹ ਞਾਤਿਗਣਪਰਿવੁਤੋ ਸੁਰਸਭੋਜਨਂ ਭੁਞ੍ਜੇਯ੍ਯ। ਏવਂ ਚੋਰਨਗਰਂ વਿਯ ਸਕ੍ਕਾਯੋ, ਖੇਮਨਗਰਂ વਿਯ ਨਿਬ੍ਬਾਨਂ, ਮਹਾਯੋਧੋ વਿਯ ਯੋਗਾવਚਰੋ। ਤਸ੍ਸੇવਂ ਹੋਤਿ – ‘‘ਯਾવ ਸਕ੍ਕਾਯવਟ੍ਟਂ વਟ੍ਟਤਿ, ਤਾવ ਦ੍વਤ੍ਤਿਂਸਕਮ੍ਮਕਾਰਣਾਅਟ੍ਠਨવੁਤਿਰੋਗਪਞ੍ਚવੀਸਤਿਮਹਾਭਯੇਹਿ ਪਰਿਮੁਚ੍ਚਨਂ ਨਤ੍ਥੀ’’ਤਿ। ਸੋ ਮਹਾਯੋਧੋ ਸਨ੍ਨਾਹਂ વਿਯ ਸੀਲਸਨ੍ਨਾਹਂ ਕਤ੍વਾ ਪਞ੍ਞਾਖਗ੍ਗਂ ਗਹੇਤ੍વਾ ਖਗ੍ਗੇਨ ਏਸਿਕਾਥਮ੍ਭੇ વਿਯ ਅਰਹਤ੍ਤਮਗ੍ਗੇਨ ਤਣ੍ਹੇਸਿਕਂ ਲੁਞ੍ਚਿਤ੍વਾ, ਸੋ ਯੋਧੋ ਸਦ੍વਾਰਬਾਹਕਂ ਨਗਰਕવਾਟਂ વਿਯ ਪਞ੍ਚੋਰਮ੍ਭਾਗਿਯਸਂਯੋਜਨਅਗ੍ਗਲ਼ਂ ਉਗ੍ਘਾਟੇਤ੍વਾ, ਸੋ ਯੋਧੋ ਪਲਿਘਂ વਿਯ ਅવਿਜ੍ਜਾਪਲਿਘਂ ਉਕ੍ਖਿਪਿਤ੍વਾ, ਸੋ ਯੋਧੋ ਪਾਕਾਰਂ ਭਿਨ੍ਦਨ੍ਤੋ ਪਰਿਖਂ વਿਯ ਕਮ੍ਮਾਭਿਸਙ੍ਖਾਰਂ ਭਿਨ੍ਦਨ੍ਤੋ ਜਾਤਿਸਂਸਾਰਪਰਿਖਂ વਿਕਿਰਿਤ੍વਾ, ਸੋ ਯੋਧੋ ਨਗਰਂ ਸੋਭਤ੍ਥਾਯ ਉਸ੍ਸਾਪਿਤਦ੍ਧਜੇ વਿਯ ਮਾਨਦ੍ਧਜੇ ਪਾਤੇਤ੍વਾ ਸਕ੍ਕਾਯਨਗਰਂ ਝਾਪੇਤ੍વਾ, ਸੋ ਯੋਧੋ ਖੇਮਨਗਰੇ ਉਪਰਿਪਾਸਾਦੇ ਸੁਭੋਜਨਂ વਿਯ ਕਿਲੇਸਪਰਿਨਿਬ੍ਬਾਨਨਗਰਂ ਪવਿਸਿਤ੍વਾ ਅਮਤਂ ਨਿਰੋਧਾਰਮ੍ਮਣਂ ਫਲਸਮਾਪਤ੍ਤਿਸੁਖਂ ਅਨੁਭવਮਾਨੋ ਕਾਲਂ વੀਤਿਨਾਮੇਤਿ।
Yathā hi dve nagarāni ekaṃ coranagaraṃ ekaṃ khemanagaraṃ. Atha ekassa mahāyodhassa evaṃ bhaveyya – ‘‘yāvimaṃ coranagaraṃ tiṭṭhati, tāva khemanagaraṃ bhayato na muccati, coranagaraṃ anagaraṃ karissāmī’’ti sannāhaṃ katvā khaggaṃ gahetvā coranagaraṃ upasaṅkamitvā nagaradvāre ussāpite esikāthambhe khaggena chinditvā saddhiṃ dvārabāhāhi kavāṭaṃ bhinditvā palighaṃ ukkhipitvā pākāraṃ bhinditvā parikhaṃ vikiritvā nagarasobhatthāya ussite dhaje pātetvā nagaraṃ agginā jhāpetvā khemanagaraṃ pavisitvā pāsādaṃ āruyha ñātigaṇaparivuto surasabhojanaṃ bhuñjeyya. Evaṃ coranagaraṃ viya sakkāyo, khemanagaraṃ viya nibbānaṃ, mahāyodho viya yogāvacaro. Tassevaṃ hoti – ‘‘yāva sakkāyavaṭṭaṃ vaṭṭati, tāva dvattiṃsakammakāraṇāaṭṭhanavutirogapañcavīsatimahābhayehi parimuccanaṃ natthī’’ti. So mahāyodho sannāhaṃ viya sīlasannāhaṃ katvā paññākhaggaṃ gahetvā khaggena esikāthambhe viya arahattamaggena taṇhesikaṃ luñcitvā, so yodho sadvārabāhakaṃ nagarakavāṭaṃ viya pañcorambhāgiyasaṃyojanaaggaḷaṃ ugghāṭetvā, so yodho palighaṃ viya avijjāpalighaṃ ukkhipitvā, so yodho pākāraṃ bhindanto parikhaṃ viya kammābhisaṅkhāraṃ bhindanto jātisaṃsāraparikhaṃ vikiritvā, so yodho nagaraṃ sobhatthāya ussāpitaddhaje viya mānaddhaje pātetvā sakkāyanagaraṃ jhāpetvā, so yodho khemanagare uparipāsāde subhojanaṃ viya kilesaparinibbānanagaraṃ pavisitvā amataṃ nirodhārammaṇaṃ phalasamāpattisukhaṃ anubhavamāno kālaṃ vītināmeti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਪਠਮਚੇਤੋવਿਮੁਤ੍ਤਿਫਲਸੁਤ੍ਤਂ • 1. Paṭhamacetovimuttiphalasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੨. ਪਠਮਚੇਤੋવਿਮੁਤ੍ਤਿਫਲਸੁਤ੍ਤਾਦਿવਣ੍ਣਨਾ • 1-2. Paṭhamacetovimuttiphalasuttādivaṇṇanā
