| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. батамачапассааяад̇анасуд̇д̇аван̣н̣анаа
9. Paṭhamachaphassāyatanasuttavaṇṇanā
71. навамз пассааяад̇анаананд̇и пассаагараанам̣. авусид̇анд̇и авудтам̣. аарагаад̇и д̣̇уурз. зд̇т̇аахам̣, бханд̇з, анассасанд̇и, бханд̇з, ахам̣ зд̇т̇а анассасим̣, надто наама аханд̇и вад̣̇ад̇и. бхаг̇аваа – ‘‘аяам̣ бхигку ‘ахам̣ наама имасмим̣ саасанз надто’д̇и вад̣̇ад̇и, гинну квасса ан̃н̃зсу д̇хаад̇угаммадтаана-гасин̣агаммадтаанаад̣̇ийсу абхияог̇о ад̇т̇ий’’д̇и жинд̇зд̇ваа, д̇амби абассанд̇о – ‘‘гад̇арам̣ ну ко гаммадтаанам̣ имасса саббааяам̣ бхависсад̇ий’’д̇и жинд̇зси. д̇ад̇о ‘‘ааяад̇анагаммадтаанамзва саббааяа’’нд̇и д̣̇исваа д̇ам̣ гат̇знд̇о д̇ам̣ гим̣ ман̃н̃аси бхигкууд̇иаад̣̇имааха. саад̇хууд̇и д̇асса б̣яаагаран̣з самбахам̣санам̣. зсзванд̇о д̣̇угкассаад̇и аяамзва ваддад̣̇угкассанд̇о барижчзд̣̇о, ниб̣б̣аананд̇и ад̇т̇о.
71. Navame phassāyatanānanti phassākarānaṃ. Avusitanti avuṭṭhaṃ. Ārakāti dūre. Etthāhaṃ, bhante, anassasanti, bhante, ahaṃ ettha anassasiṃ, naṭṭho nāma ahanti vadati. Bhagavā – ‘‘ayaṃ bhikkhu ‘ahaṃ nāma imasmiṃ sāsane naṭṭho’ti vadati, kinnu khvassa aññesu dhātukammaṭṭhāna-kasiṇakammaṭṭhānādīsu abhiyogo atthī’’ti cintetvā, tampi apassanto – ‘‘kataraṃ nu kho kammaṭṭhānaṃ imassa sappāyaṃ bhavissatī’’ti cintesi. Tato ‘‘āyatanakammaṭṭhānameva sappāya’’nti disvā taṃ kathento taṃ kiṃ maññasi bhikkhūtiādimāha. Sādhūti tassa byākaraṇe sampahaṃsanaṃ. Esevanto dukkhassāti ayameva vaṭṭadukkhassanto paricchedo, nibbānanti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. батамачапассааяад̇анасуд̇д̇ам̣ • 9. Paṭhamachaphassāyatanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. батамачапассааяад̇анасуд̇д̇аван̣н̣анаа • 9. Paṭhamachaphassāyatanasuttavaṇṇanā
