| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๙. ปฐมฉผสฺสายตนสุตฺตวณฺณนา
9. Paṭhamachaphassāyatanasuttavaṇṇanā
๗๑. นวเม ผสฺสายตนานนฺติ ผสฺสากรานํฯ อวุสิตนฺติ อวุฎฺฐํฯ อารกาติ ทูเรฯ เอตฺถาหํ, ภเนฺต, อนสฺสสนฺติ, ภเนฺต, อหํ เอตฺถ อนสฺสสิํ, นโฎฺฐ นาม อหนฺติ วทติฯ ภควา – ‘‘อยํ ภิกฺขุ ‘อหํ นาม อิมสฺมิํ สาสเน นโฎฺฐ’ติ วทติ, กินฺนุ ขฺวสฺส อเญฺญสุ ธาตุกมฺมฎฺฐาน-กสิณกมฺมฎฺฐานาทีสุ อภิโยโค อตฺถี’’ติ จิเนฺตตฺวา, ตมฺปิ อปสฺสโนฺต – ‘‘กตรํ นุ โข กมฺมฎฺฐานํ อิมสฺส สปฺปายํ ภวิสฺสตี’’ติ จิเนฺตสิฯ ตโต ‘‘อายตนกมฺมฎฺฐานเมว สปฺปาย’’นฺติ ทิสฺวา ตํ กเถโนฺต ตํ กิํ มญฺญสิ ภิกฺขูติอาทิมาหฯ สาธูติ ตสฺส พฺยากรเณ สมฺปหํสนํฯ เอเสวโนฺต ทุกฺขสฺสาติ อยเมว วฎฺฎทุกฺขสฺสโนฺต ปริเจฺฉโท, นิพฺพานนฺติ อโตฺถฯ
71. Navame phassāyatanānanti phassākarānaṃ. Avusitanti avuṭṭhaṃ. Ārakāti dūre. Etthāhaṃ, bhante, anassasanti, bhante, ahaṃ ettha anassasiṃ, naṭṭho nāma ahanti vadati. Bhagavā – ‘‘ayaṃ bhikkhu ‘ahaṃ nāma imasmiṃ sāsane naṭṭho’ti vadati, kinnu khvassa aññesu dhātukammaṭṭhāna-kasiṇakammaṭṭhānādīsu abhiyogo atthī’’ti cintetvā, tampi apassanto – ‘‘kataraṃ nu kho kammaṭṭhānaṃ imassa sappāyaṃ bhavissatī’’ti cintesi. Tato ‘‘āyatanakammaṭṭhānameva sappāya’’nti disvā taṃ kathento taṃ kiṃ maññasi bhikkhūtiādimāha. Sādhūti tassa byākaraṇe sampahaṃsanaṃ. Esevanto dukkhassāti ayameva vaṭṭadukkhassanto paricchedo, nibbānanti attho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. ปฐมฉผสฺสายตนสุตฺตํ • 9. Paṭhamachaphassāyatanasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๙. ปฐมฉผสฺสายตนสุตฺตวณฺณนา • 9. Paṭhamachaphassāyatanasuttavaṇṇanā
