| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
9. පඨමඡඵස්‌සායතනසුත්‌තවණ්‌ණනා
9. Paṭhamachaphassāyatanasuttavaṇṇanā
71. නවමෙ ඵස්‌සායතනානන්‌ති ඵස්‌සාකරානං. අවුසිතන්‌ති අවුට්‌ඨං. ආරකාති දූරෙ. එත්‌ථාහං, භන්‌තෙ, අනස්‌සසන්‌ති, භන්‌තෙ, අහං එත්‌ථ අනස්‌සසිං, නට්‌ඨො නාම අහන්‌ති වදති. භගවා – ‘‘අයං භික්‌ඛු ‘අහං නාම ඉමස්‌මිං සාසනෙ නට්‌ඨො’ති වදති, කින්‌නු ඛ්‌වස්‌ස අඤ්‌ඤෙසු ධාතුකම්‌මට්‌ඨාන-කසිණකම්‌මට්‌ඨානාදීසු අභියොගො අත්‌ථී’’ති චින්‌තෙත්‌වා, තම්‌පි අපස්‌සන්‌තො – ‘‘කතරං නු ඛො කම්‌මට්‌ඨානං ඉමස්‌ස සප්‌පායං භවිස්‌සතී’’ති චින්‌තෙසි. තතො ‘‘ආයතනකම්‌මට්‌ඨානමෙව සප්‌පාය’’න්‌ති දිස්‌වා තං කථෙන්‌තො තං කිං මඤ්‌ඤසි භික්‌ඛූතිආදිමාහ. සාධූති තස්‌ස බ්‍යාකරණෙ සම්‌පහංසනං. එසෙවන්‌තො දුක්‌ඛස්‌සාති අයමෙව වට්‌ටදුක්‌ඛස්‌සන්‌තො පරිච්‌ඡෙදො, නිබ්‌බානන්‌ති අත්‌ථො.
71. Navame phassāyatanānanti phassākarānaṃ. Avusitanti avuṭṭhaṃ. Ārakāti dūre. Etthāhaṃ, bhante, anassasanti, bhante, ahaṃ ettha anassasiṃ, naṭṭho nāma ahanti vadati. Bhagavā – ‘‘ayaṃ bhikkhu ‘ahaṃ nāma imasmiṃ sāsane naṭṭho’ti vadati, kinnu khvassa aññesu dhātukammaṭṭhāna-kasiṇakammaṭṭhānādīsu abhiyogo atthī’’ti cintetvā, tampi apassanto – ‘‘kataraṃ nu kho kammaṭṭhānaṃ imassa sappāyaṃ bhavissatī’’ti cintesi. Tato ‘‘āyatanakammaṭṭhānameva sappāya’’nti disvā taṃ kathento taṃ kiṃ maññasi bhikkhūtiādimāha. Sādhūti tassa byākaraṇe sampahaṃsanaṃ. Esevanto dukkhassāti ayameva vaṭṭadukkhassanto paricchedo, nibbānanti attho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. පඨමඡඵස්‌සායතනසුත්‌තං • 9. Paṭhamachaphassāyatanasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. පඨමඡඵස්‌සායතනසුත්‌තවණ්‌ණනා • 9. Paṭhamachaphassāyatanasuttavaṇṇanā
