| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
агусалабад̣̇ам̣
Akusalapadaṃ
д̇хаммуд̣̇д̣̇зсаваарагат̇аа
Dhammuddesavārakathā
батамажид̇д̇ам̣
Paṭhamacittaṃ
365. ид̣̇аани агусалад̇хаммабад̣̇ам̣ бхааж̇зд̇ваа д̣̇ассзд̇ум̣ гад̇амз д̇хаммаа агусалаад̇иаад̣̇и аарад̣̇д̇хам̣. д̇ад̇т̇а д̇хаммававад̇т̇аанаад̣̇иваараббабхзд̣̇о жа хздтаа ааг̇ад̇аанам̣ бад̣̇аанам̣ ад̇т̇авинижчаяо жа хздтаа вуд̇д̇анаязнзва взд̣̇ид̇аб̣б̣о. д̇ад̇т̇а д̇ад̇т̇а бана висзсамад̇д̇амзва ван̣н̣аяиссаама. д̇ад̇т̇а самаяававад̇т̇аанз д̇аава яасмаа, гусаласса вияа, агусаласса бхуумибхзд̣̇о над̇т̇и, д̇асмаа зганд̇ам̣ гаамааважарамби самаанам̣ зд̇ам̣ ‘гаамааважара’нд̇и на вуд̇д̇ам̣. д̣̇идтиг̇ад̇асамбаяуд̇д̇анд̇и зд̇т̇а д̣̇идти зва д̣̇идтиг̇ад̇ам̣ ‘г̇уут̇аг̇ад̇ам̣ муд̇д̇аг̇ад̇а’нд̇иаад̣̇ийни (а. ни. 9.11) вияа. г̇анд̇аб̣б̣аабхаавад̇о ваа д̣̇идтияаа г̇ад̇амад̇д̇амзвзд̇анд̇иби д̣̇идтиг̇ад̇ам̣. д̇зна самбаяуд̇д̇ам̣ д̣̇идтиг̇ад̇асамбаяуд̇д̇ам̣.
365. Idāni akusaladhammapadaṃ bhājetvā dassetuṃ katame dhammā akusalātiādi āraddhaṃ. Tattha dhammavavatthānādivārappabhedo ca heṭṭhā āgatānaṃ padānaṃ atthavinicchayo ca heṭṭhā vuttanayeneva veditabbo. Tattha tattha pana visesamattameva vaṇṇayissāma. Tattha samayavavatthāne tāva yasmā, kusalassa viya, akusalassa bhūmibhedo natthi, tasmā ekantaṃ kāmāvacarampi samānaṃ etaṃ ‘kāmāvacara’nti na vuttaṃ. Diṭṭhigatasampayuttanti ettha diṭṭhi eva diṭṭhigataṃ ‘gūthagataṃ muttagata’ntiādīni (a. ni. 9.11) viya. Gantabbābhāvato vā diṭṭhiyā gatamattamevetantipi diṭṭhigataṃ. Tena sampayuttaṃ diṭṭhigatasampayuttaṃ.
д̇ад̇т̇а асад̣̇д̇хаммасаванам̣, агаляаан̣амид̇д̇ад̇аа, арияаанам̣ ад̣̇ассанагаамад̇аад̣̇ийни аяонисо манасигаарод̇и звамаад̣̇ийхи гааран̣зхи имасса д̣̇идтиг̇ад̇асан̇каад̇асса мижчаад̣̇ассанасса уббад̇д̇и взд̣̇ид̇аб̣б̣аа. яз хи зд̇з д̣̇идтиваад̣̇абадисам̣яуд̇д̇аа асад̣̇д̇хаммаа д̇зсам̣ б̣ахумаанабуб̣б̣ан̇г̇амзна ад̇игганд̇амаж̇жхад̇д̇зна убабаригкаарахид̇зна саванзна, яз жа д̣̇идтивибаннаа агаляаан̣амид̇д̇аа д̇ам̣самбаван̇гад̇аасан̇каад̇ааяа агаляаан̣амид̇д̇ад̇ааяа, б̣уд̣̇д̇хаад̣̇ийнам̣ арияаанан̃жзва саббурисаанан̃жа ад̣̇ассанагаамад̇ааяа жад̇усад̇ибадтаанаад̣̇ибхзд̣̇з арияад̇хаммз аговид̣̇ад̇д̇зна баад̇имогкасам̣вараинд̣̇рияасам̣варасад̇исам̣варан̃аан̣асам̣варабахаанасам̣вараббабхзд̣̇з арияад̇хаммз жзва саббурисад̇хаммз жа сам̣варабхзд̣̇асан̇каад̇зна авинаязна д̇зхзва гааран̣зхи барибхаавид̇зна аяонисо манасигаарзна год̇уухаламан̇г̇алаад̣̇ибасуд̇ад̇ааяа жа зд̇ам̣ уббаж̇ж̇ад̇ийд̇и взд̣̇ид̇аб̣б̣ам̣. асан̇каарабхааво банасса жид̇д̇асса хздтаа вуд̇д̇анаязнзва взд̣̇ид̇аб̣б̣о.
Tattha asaddhammasavanaṃ, akalyāṇamittatā, ariyānaṃ adassanakāmatādīni ayoniso manasikāroti evamādīhi kāraṇehi imassa diṭṭhigatasaṅkhātassa micchādassanassa uppatti veditabbā. Ye hi ete diṭṭhivādapaṭisaṃyuttā asaddhammā tesaṃ bahumānapubbaṅgamena atikkantamajjhattena upaparikkhārahitena savanena, ye ca diṭṭhivipannā akalyāṇamittā taṃsampavaṅkatāsaṅkhātāya akalyāṇamittatāya, buddhādīnaṃ ariyānañceva sappurisānañca adassanakāmatāya catusatipaṭṭhānādibhede ariyadhamme akovidattena pātimokkhasaṃvaraindriyasaṃvarasatisaṃvarañāṇasaṃvarapahānasaṃvarappabhede ariyadhamme ceva sappurisadhamme ca saṃvarabhedasaṅkhātena avinayena teheva kāraṇehi paribhāvitena ayoniso manasikārena kotūhalamaṅgalādipasutatāya ca etaṃ uppajjatīti veditabbaṃ. Asaṅkhārabhāvo panassa cittassa heṭṭhā vuttanayeneva veditabbo.
д̇хаммуд̣̇д̣̇зсаваарз пассод̇и агусалажид̇д̇асахаж̇аад̇о пассо. взд̣̇анаад̣̇ийсуби зсзва наяо. ид̇и агусаламад̇д̇амзва зд̇зсам̣ буримзхи висзсо.
Dhammuddesavāre phassoti akusalacittasahajāto phasso. Vedanādīsupi eseva nayo. Iti akusalamattameva etesaṃ purimehi viseso.
жид̇д̇ассзгаг̇г̇ад̇аа ход̇ийд̇и баан̣аад̇ибаад̇аад̣̇ийсуби авигкид̇д̇абхаавзна жид̇д̇асса згаг̇г̇ад̇аа ход̇и. мануссаа хи жид̇д̇ам̣ самаад̣̇ахид̇ваа авигкид̇д̇аа худ̇ваа авираж̇жхамаанаани сад̇т̇аани баан̣асарийрзсу нибаад̇знд̇и, сусамаахид̇аа барзсам̣ санд̇агам̣ харанд̇и, згарасзна жид̇д̇зна мижчаажаарам̣ аабаж̇ж̇анд̇и. звам̣ агусалаббавад̇д̇ияамби жид̇д̇асса згаг̇г̇ад̇аа ход̇и.
Cittassekaggatā hotīti pāṇātipātādīsupi avikkhittabhāvena cittassa ekaggatā hoti. Manussā hi cittaṃ samādahitvā avikkhittā hutvā avirajjhamānāni satthāni pāṇasarīresu nipātenti, susamāhitā paresaṃ santakaṃ haranti, ekarasena cittena micchācāraṃ āpajjanti. Evaṃ akusalappavattiyampi cittassa ekaggatā hoti.
мижчаад̣̇идтийд̇и аяаат̇аавад̣̇идти, вираж̇жхид̇ваа г̇ахан̣ад̇о ваа вид̇ат̇аа д̣̇идти мижчаад̣̇идти. анад̇т̇аавахад̇д̇аа бан̣д̣ид̇зхи ж̇иг̇ужчид̇аа д̣̇идтийд̇иби мижчаад̣̇идти. мижчаасан̇габбаад̣̇ийсуби зсзва наяо. абижа мижчаа бассанд̇и д̇ааяа, саяам̣ ваа мижчаа бассад̇и, мижчаад̣̇ассанамад̇д̇амзва ваа зсаад̇и мижчаад̣̇идти. саа аяонисо абхинивзсалагкан̣аа, бараамаасарасаа, мижчаабхинивзсабажжубадтаанаа, арияаанам̣ ад̣̇ассанагаамад̇аад̣̇ибад̣̇адтаанаа; барамам̣ важ̇ж̇анд̇и д̣̇адтаб̣б̣аа. мижчаасан̇габбаад̣̇ийсу ‘мижчаа’д̇и бад̣̇амад̇д̇амзва висзсо. сзсам̣ гусалаад̇хигаарз вуд̇д̇анаязнзва взд̣̇ид̇аб̣б̣ам̣.
Micchādiṭṭhīti ayāthāvadiṭṭhi, virajjhitvā gahaṇato vā vitathā diṭṭhi micchādiṭṭhi. Anatthāvahattā paṇḍitehi jigucchitā diṭṭhītipi micchādiṭṭhi. Micchāsaṅkappādīsupi eseva nayo. Apica micchā passanti tāya, sayaṃ vā micchā passati, micchādassanamattameva vā esāti micchādiṭṭhi. Sā ayoniso abhinivesalakkhaṇā, parāmāsarasā, micchābhinivesapaccupaṭṭhānā, ariyānaṃ adassanakāmatādipadaṭṭhānā; paramaṃ vajjanti daṭṭhabbā. Micchāsaṅkappādīsu ‘micchā’ti padamattameva viseso. Sesaṃ kusalādhikāre vuttanayeneva veditabbaṃ.
ахиригаб̣алам̣ анод̇д̇аббаб̣аланд̇и зд̇т̇а б̣алад̇т̇о нид̣̇д̣̇зсаваарз аави бхависсад̇и. ид̇арзсу бана – на хирияад̇ийд̇и ахириго. ахиригасса бхааво ахиригам̣. на од̇д̇аббам̣ анод̇д̇аббам̣. д̇зсу ахиригам̣ гааяад̣̇ужжарид̇аад̣̇ийхи аж̇иг̇ужчаналагкан̣ам̣, алаж̇ж̇аалагкан̣ам̣ ваа. анод̇д̇аббам̣ д̇зхзва асаараж̇ж̇аналагкан̣ам̣ ануд̇д̇аасаналагкан̣ам̣ ваа. ахиригамзва б̣алам̣ ахиригаб̣алам̣. анод̇д̇аббамзва б̣алам̣ анод̇д̇аббаб̣алам̣. аяамзд̇т̇а сан̇кзбад̇т̇о. вид̇т̇ааро бана хздтаа вуд̇д̇абадибагкавасзна взд̣̇ид̇аб̣б̣о.
Ahirikabalaṃanottappabalanti ettha balattho niddesavāre āvi bhavissati. Itaresu pana – na hiriyatīti ahiriko. Ahirikassa bhāvo ahirikaṃ. Na ottappaṃ anottappaṃ. Tesu ahirikaṃ kāyaduccaritādīhi ajigucchanalakkhaṇaṃ, alajjālakkhaṇaṃ vā. Anottappaṃ teheva asārajjanalakkhaṇaṃ anuttāsanalakkhaṇaṃ vā. Ahirikameva balaṃ ahirikabalaṃ. Anottappameva balaṃ anottappabalaṃ. Ayamettha saṅkhepattho. Vitthāro pana heṭṭhā vuttapaṭipakkhavasena veditabbo.
луб̣бханд̇и д̇зна, саяам̣ ваа луб̣бхад̇и, луб̣бханамад̇д̇амзва ваа д̇анд̇и лобхо. муяханд̇и д̇зна, саяам̣ ваа муяхад̇и, муяханамад̇д̇амзва ваа д̇анд̇и мохо. д̇зсу лобхо аарамман̣аг̇г̇ахан̣алагкан̣о маггадаалзбо вияа, абхисан̇г̇арасо д̇ад̇д̇агабаалз кид̇д̇амам̣сабзси вияа, абарижжааг̇абажжубадтаано д̇злан̃ж̇анарааг̇о вияа, сам̣яож̇анияад̇хаммзсу ассаад̣̇ад̣̇ассанабад̣̇адтаано. со д̇ан̣хаанад̣̇ийбхаавзна вад̣дхамаано, сийгхасод̇аа над̣̇ий вияа махаасамуд̣̇д̣̇ам̣, абааяамзва г̇ахзд̇ваа г̇ажчад̇ийд̇и д̣̇адтаб̣б̣о.
Lubbhanti tena, sayaṃ vā lubbhati, lubbhanamattameva vā tanti lobho. Muyhanti tena, sayaṃ vā muyhati, muyhanamattameva vā tanti moho. Tesu lobho ārammaṇaggahaṇalakkhaṇo makkaṭālepo viya, abhisaṅgaraso tattakapāle khittamaṃsapesi viya, apariccāgapaccupaṭṭhāno telañjanarāgo viya, saṃyojaniyadhammesu assādadassanapadaṭṭhāno. So taṇhānadībhāvena vaḍḍhamāno, sīghasotā nadī viya mahāsamuddaṃ, apāyameva gahetvā gacchatīti daṭṭhabbo.
мохо жид̇д̇асса анд̇хабхаавалагкан̣о ан̃н̃аан̣алагкан̣о ваа, асамбадивзд̇харасо аарамман̣асабхааважчаад̣̇анарасо ваа, асаммаабадибад̇д̇ибажжубадтаано анд̇хагаарабажжубадтаано ваа, аяонисоманасигаарабад̣̇адтаано. саб̣б̣аагусалаанам̣ мууланд̇и д̣̇адтаб̣б̣о.
Moho cittassa andhabhāvalakkhaṇo aññāṇalakkhaṇo vā, asampaṭivedharaso ārammaṇasabhāvacchādanaraso vā, asammāpaṭipattipaccupaṭṭhāno andhakārapaccupaṭṭhāno vā, ayonisomanasikārapadaṭṭhāno. Sabbākusalānaṃ mūlanti daṭṭhabbo.
абхиж̇жхааяанд̇и д̇ааяа, саяам̣ ваа абхиж̇жхааяад̇и, абхиж̇жхааяанамад̇д̇амзва ваа зсаад̇и абхиж̇жхаа. саа барасамбад̇д̇ийнам̣ сагагаран̣аижчаалагкан̣аа, д̇знаагаарзна зсанабхааварасаа, барасамбад̇д̇и-абхимукабхаавабажжубадтаанаа, барасамбад̇д̇ийсу абхирад̇ибад̣̇адтаанаа. барасамбад̇д̇иабхимукаа зва хи саа убадтахад̇и. д̇аасу жа абхирад̇ияаа сад̇и бавад̇д̇ад̇и, барасамбад̇д̇ийсу жзд̇асо хад̇т̇аббасааровияаад̇и д̣̇адтаб̣б̣аа.
Abhijjhāyanti tāya, sayaṃ vā abhijjhāyati, abhijjhāyanamattameva vā esāti abhijjhā. Sā parasampattīnaṃ sakakaraṇaicchālakkhaṇā, tenākārena esanabhāvarasā, parasampatti-abhimukhabhāvapaccupaṭṭhānā, parasampattīsu abhiratipadaṭṭhānā. Parasampattiabhimukhā eva hi sā upaṭṭhahati. Tāsu ca abhiratiyā sati pavattati, parasampattīsu cetaso hatthappasāroviyāti daṭṭhabbā.
самат̇о ход̇ийд̇иаад̣̇ийсу ан̃н̃зсу гижжзсу вигкзбасаманад̇о самат̇о. агусалаббавад̇д̇ияам̣ жид̇д̇ам̣ баг̇г̇ан̣хаад̇ийд̇и баг̇г̇аахо. на вигкибад̇ийд̇и авигкзбо.
Samatho hotītiādīsu aññesu kiccesu vikkhepasamanato samatho. Akusalappavattiyaṃ cittaṃ paggaṇhātīti paggāho. Na vikkhipatīti avikkhepo.
имасмим̣ жид̇д̇з сад̣̇д̇хаа, сад̇и, бан̃н̃аа, ча яуг̇ал̣агаанийд̇и имз д̇хаммаа на г̇ахид̇аа. гасмаа? ассад̣̇д̇хияажид̇д̇з басаад̣̇о наама над̇т̇и. д̇асмаа д̇аава сад̣̇д̇хаа на г̇ахид̇аа. гим̣ бана д̣̇идтиг̇ад̇игаа ад̇д̇ано ад̇д̇ано сад̇т̇аараанам̣ на сад̣̇д̣̇аханд̇ийд̇и? сад̣̇д̣̇аханд̇и. саа бана сад̣̇д̇хаа наама на ход̇и, важанасамбадижчанамад̇д̇амзвзд̇ам̣. ад̇т̇ад̇о анубабаригкаа ваа ход̇и, д̣̇идти ваа. асад̇ияажид̇д̇з бана сад̇и над̇т̇ийд̇и на г̇ахид̇аа. гим̣ д̣̇идтиг̇ад̇игаа ад̇д̇анаа гад̇агаммам̣ на саранд̇ийд̇и? саранд̇и. саа бана сад̇и наама на ход̇и. гзвалам̣ д̇знаагаарзна агусалажид̇д̇аббавад̇д̇и. д̇асмаа сад̇и на г̇ахид̇аа. ат̇а гасмаа ‘‘мижчаасад̇ий’’д̇и (д̣̇ий. ни. 3.333; сам̣. ни. 5.1) суд̇д̇анд̇з вуд̇д̇аа? саа бана агусалагканд̇хаанам̣ сад̇ивирахид̇ад̇д̇аа сад̇ибадибагкад̇д̇аа жа мижчаамаг̇г̇амижчад̇д̇аанам̣ бууран̣ад̇т̇ам̣ д̇ад̇т̇а барияааязна д̣̇зсанаа гад̇аа. ниббарияааязна банзсаа над̇т̇и. д̇асмаа на г̇ахид̇аа. анд̇хаб̣аалажид̇д̇з бана бан̃н̃аа над̇т̇ийд̇и на г̇ахид̇аа. гим̣ д̣̇идтиг̇ад̇игаанам̣ ван̃жанаабан̃н̃аа над̇т̇ийд̇и? ад̇т̇и. на банзсаа бан̃н̃аа, мааяаа наамзсаа ход̇и. саа ад̇т̇ад̇о д̇ан̣хаава. ид̣̇ам̣ бана жид̇д̇ам̣ сад̣̇арат̇ам̣ г̇аругам̣ бхаарияам̣ гагкал̣ам̣ т̇ад̣̇д̇хам̣ агамман̃н̃ам̣ г̇илаанам̣ ван̇гам̣ гудилам̣. д̇асмаа бассад̣̇д̇хаад̣̇ийни ча яуг̇ал̣агаани на г̇ахид̇аани.
Imasmiṃ citte saddhā, sati, paññā, cha yugaḷakānīti ime dhammā na gahitā. Kasmā? Assaddhiyacitte pasādo nāma natthi. Tasmā tāva saddhā na gahitā. Kiṃ pana diṭṭhigatikā attano attano satthārānaṃ na saddahantīti? Saddahanti. Sā pana saddhā nāma na hoti, vacanasampaṭicchanamattamevetaṃ. Atthato anupaparikkhā vā hoti, diṭṭhi vā. Asatiyacitte pana sati natthīti na gahitā. Kiṃ diṭṭhigatikā attanā katakammaṃ na sarantīti? Saranti. Sā pana sati nāma na hoti. Kevalaṃ tenākārena akusalacittappavatti. Tasmā sati na gahitā. Atha kasmā ‘‘micchāsatī’’ti (dī. ni. 3.333; saṃ. ni. 5.1) suttante vuttā? Sā pana akusalakkhandhānaṃ sativirahitattā satipaṭipakkhattā ca micchāmaggamicchattānaṃ pūraṇatthaṃ tattha pariyāyena desanā katā. Nippariyāyena panesā natthi. Tasmā na gahitā. Andhabālacitte pana paññā natthīti na gahitā. Kiṃ diṭṭhigatikānaṃ vañcanāpaññā natthīti? Atthi. Na panesā paññā, māyā nāmesā hoti. Sā atthato taṇhāva. Idaṃ pana cittaṃ sadarathaṃ garukaṃ bhāriyaṃ kakkhaḷaṃ thaddhaṃ akammaññaṃ gilānaṃ vaṅkaṃ kuṭilaṃ. Tasmā passaddhādīni cha yugaḷakāni na gahitāni.
зд̇д̇аавад̇аа бад̣̇абадибаадияаа жид̇д̇ан̇г̇авасзна баал̣иаарул̣хаани д̣̇вад̇д̇им̣са бад̣̇аани д̣̇ассзд̇ваа ид̣̇аани язваабанагад̇хаммз д̣̇ассзд̇ум̣ яз ваа бана д̇асмим̣ самаязд̇иаад̣̇имааха. д̇ад̇т̇а саб̣б̣зсуби агусалажид̇д̇зсу чанд̣̇о ад̇химогко манасигааро маано иссаа мажчарияам̣ т̇инам̣ мид̣̇д̇хам̣ уд̣̇д̇хажжам̣ гуггужжанд̇и имз д̣̇асзва язваабанагаа хонд̇и д̇хаммаа, суд̇д̇ааг̇ад̇аа, суд̇д̇абад̣̇зсу д̣̇иссарзд̇и вуд̇д̇аа. имасмим̣ бана жид̇д̇з чанд̣̇о ад̇химогко манасигааро уд̣̇д̇хажжанд̇и имз абан̣н̣аган̇г̇асан̇каад̇аа жад̇д̇аарова язваабанагаа хонд̇и.
Ettāvatā padapaṭipāṭiyā cittaṅgavasena pāḷiāruḷhāni dvattiṃsa padāni dassetvā idāni yevāpanakadhamme dassetuṃ ye vā pana tasmiṃ samayetiādimāha. Tattha sabbesupi akusalacittesu chando adhimokkho manasikāro māno issā macchariyaṃ thinaṃ middhaṃ uddhaccaṃ kukkuccanti ime daseva yevāpanakā honti dhammā, suttāgatā, suttapadesu dissareti vuttā. Imasmiṃ pana citte chando adhimokkho manasikāro uddhaccanti ime apaṇṇakaṅgasaṅkhātā cattārova yevāpanakā honti.
д̇ад̇т̇а чанд̣̇аад̣̇аяо хздтаа вуд̇д̇анаязнзва взд̣̇ид̇аб̣б̣аа. гзвалан̃хи д̇з гусалаа, имз агусалаа. ид̇арам̣ бана уд̣̇д̇хад̇асса бхааво ‘уд̣̇д̇хажжам̣’. д̇ам̣ жзд̇асо авуубасамалагкан̣ам̣ ваад̇аабхигхаад̇ажалаж̇алам̣ вияа, анавадтаанарасам̣ ваад̇аабхигхаад̇ажалад̇хаж̇абадаагаа вияа, бханд̇ад̇д̇абажжубадтаанам̣ баасаан̣аабхигхаад̇асамуд̣̇д̇хад̇абхасмаа вияа, жзд̇асо авуубасамз аяонисоманасигаарабад̣̇адтаанам̣. жид̇д̇авигкзбод̇и д̣̇адтаб̣б̣ам̣.
Tattha chandādayo heṭṭhā vuttanayeneva veditabbā. Kevalañhi te kusalā, ime akusalā. Itaraṃ pana uddhatassa bhāvo ‘uddhaccaṃ’. Taṃ cetaso avūpasamalakkhaṇaṃ vātābhighātacalajalaṃ viya, anavaṭṭhānarasaṃ vātābhighātacaladhajapaṭākā viya, bhantattapaccupaṭṭhānaṃ pāsāṇābhighātasamuddhatabhasmā viya, cetaso avūpasame ayonisomanasikārapadaṭṭhānaṃ. Cittavikkhepoti daṭṭhabbaṃ.
ид̇и пассаад̣̇ийни д̣̇вад̇д̇им̣са, язваабанагавасзна вуд̇д̇аани жад̇д̇аарийд̇и саб̣б̣ааниби имасмим̣ д̇хаммуд̣̇д̣̇зсаваарз чад̇д̇им̣са д̇хаммабад̣̇аани бхаванд̇и. жад̇д̇аари абан̣н̣аган̇г̇аани хаабзд̇ваа баал̣ияам̣ ааг̇ад̇аани д̣̇вад̇д̇им̣самзва. аг̇г̇ахид̇аг̇г̇ахан̣зна банзд̇т̇а пассабан̃жагам̣, вид̇агго вижааро бийд̇и жид̇д̇ассзгаг̇г̇ад̇аа вийрияинд̣̇рияам̣ ж̇ийвид̇инд̣̇рияам̣ мижчаад̣̇идти ахиригам̣ анод̇д̇аббам̣ лобхо моход̇и сол̣аса д̇хаммаа хонд̇и.
Iti phassādīni dvattiṃsa, yevāpanakavasena vuttāni cattārīti sabbānipi imasmiṃ dhammuddesavāre chattiṃsa dhammapadāni bhavanti. Cattāri apaṇṇakaṅgāni hāpetvā pāḷiyaṃ āgatāni dvattiṃsameva. Aggahitaggahaṇena panettha phassapañcakaṃ, vitakko vicāro pīti cittassekaggatā vīriyindriyaṃ jīvitindriyaṃ micchādiṭṭhi ahirikaṃ anottappaṃ lobho mohoti soḷasa dhammā honti.
д̇зсу сол̣асасу сад̇д̇а д̇хаммаа авибхад̇д̇игаа нава савибхад̇д̇игаа хонд̇и. гад̇амз сад̇д̇а? пассо сан̃н̃аа жзд̇анаа вижааро бийд̇и ж̇ийвид̇инд̣̇рияам̣ моход̇и имз сад̇д̇а авибхад̇д̇игаа. взд̣̇анаа жид̇д̇ам̣ вид̇агго жид̇д̇ассзгаг̇г̇ад̇аа вийрияинд̣̇рияам̣ мижчаад̣̇идти ахиригам̣ анод̇д̇аббам̣ лобход̇и имз нава савибхад̇д̇игаа.
Tesu soḷasasu satta dhammā avibhattikā nava savibhattikā honti. Katame satta? Phasso saññā cetanā vicāro pīti jīvitindriyaṃ mohoti ime satta avibhattikā. Vedanā cittaṃ vitakko cittassekaggatā vīriyindriyaṃ micchādiṭṭhi ahirikaṃ anottappaṃ lobhoti ime nava savibhattikā.
д̇зсу ча д̇хаммаа д̣̇вийсу таанзсу вибхад̇д̇аа, зго д̇ийсу, зго жад̇уусу, зго часу. гат̇ам̣? жид̇д̇ам̣ вид̇агго мижчаад̣̇идти ахиригам̣ анод̇д̇аббам̣ лобход̇и имз ча д̣̇вийсу таанзсу вибхад̇д̇аа. д̇зсу хи жид̇д̇ам̣ д̇аава пассабан̃жагам̣ бад̇ваа жид̇д̇ам̣ ход̇ийд̇и вуд̇д̇ам̣, инд̣̇рияаани бад̇ваа манинд̣̇рияанд̇и. вид̇агго жхаанан̇г̇аани бад̇ваа вид̇агго ход̇ийд̇и вуд̇д̇о, маг̇г̇ан̇г̇аани бад̇ваа мижчаасан̇габбод̇и. мижчаад̣̇идти маг̇г̇ан̇г̇зсуби гаммабат̇зсуби мижчаад̣̇идтиязва. ахиригам̣ б̣алаани бад̇ваа ахиригаб̣алам̣ ход̇ийд̇и вуд̇д̇ам̣, логанаасагад̣̇угам̣ бад̇ваа ахириганд̇и. анод̇д̇аббзби зсзва наяо. лобхо муулам̣ бад̇ваа лобхо ход̇ийд̇и вуд̇д̇о. гаммабат̇ам̣ бад̇ваа абхиж̇жхаад̇и. имз ча д̣̇вийсу таанзсу вибхад̇д̇аа.
Tesu cha dhammā dvīsu ṭhānesu vibhattā, eko tīsu, eko catūsu, eko chasu. Kathaṃ? Cittaṃ vitakko micchādiṭṭhi ahirikaṃ anottappaṃ lobhoti ime cha dvīsu ṭhānesu vibhattā. Tesu hi cittaṃ tāva phassapañcakaṃ patvā cittaṃ hotīti vuttaṃ, indriyāni patvā manindriyanti. Vitakko jhānaṅgāni patvā vitakko hotīti vutto, maggaṅgāni patvā micchāsaṅkappoti. Micchādiṭṭhi maggaṅgesupi kammapathesupi micchādiṭṭhiyeva. Ahirikaṃ balāni patvā ahirikabalaṃ hotīti vuttaṃ, lokanāsakadukaṃ patvā ahirikanti. Anottappepi eseva nayo. Lobho mūlaṃ patvā lobho hotīti vutto. Kammapathaṃ patvā abhijjhāti. Ime cha dvīsu ṭhānesu vibhattā.
взд̣̇анаа бана пассабан̃жагам̣ бад̇ваа взд̣̇анаа ход̇ийд̇и вуд̇д̇аа, жхаанан̇г̇аани бад̇ваа суканд̇и, инд̣̇рияаани бад̇ваа соманассинд̣̇рияанд̇и. звам̣ згова д̇хаммо д̇ийсу таанзсу вибхад̇д̇о.
Vedanā pana phassapañcakaṃ patvā vedanā hotīti vuttā, jhānaṅgāni patvā sukhanti, indriyāni patvā somanassindriyanti. Evaṃ ekova dhammo tīsu ṭhānesu vibhatto.
вийрияам̣ бана инд̣̇рияаани бад̇ваа вийрияинд̣̇рияам̣ ход̇ийд̇и вуд̇д̇ам̣, маг̇г̇ан̇г̇аани бад̇ваа мижчаавааяаамо ход̇ийд̇и, б̣алаани бад̇ваа вийрияаб̣аланд̇и, бидтид̣̇угам̣ бад̇ваа баг̇г̇аахо ход̇ийд̇и. звам̣ аяам̣ зго д̇хаммо жад̇уусу таанзсу вибхад̇д̇о.
Vīriyaṃ pana indriyāni patvā vīriyindriyaṃ hotīti vuttaṃ, maggaṅgāni patvā micchāvāyāmo hotīti, balāni patvā vīriyabalanti, piṭṭhidukaṃ patvā paggāho hotīti. Evaṃ ayaṃ eko dhammo catūsu ṭhānesu vibhatto.
самаад̇хи бана жхаанан̇г̇аани бад̇ваа жид̇д̇ассзгаг̇г̇ад̇аа ход̇ийд̇и вуд̇д̇о, инд̣̇рияаани бад̇ваа самаад̇хинд̣̇рияанд̇и, маг̇г̇ан̇г̇аани бад̇ваа мижчаасамаад̇хийд̇и, б̣алаани бад̇ваа самаад̇хиб̣аланд̇и, бидтид̣̇угам̣ бад̇ваа д̣̇уд̇ияад̣̇угз згагавасзнзва самат̇од̇и , д̇ад̇ияз авигкзбод̇и. звамаяам̣ зго д̇хаммо часу таанзсу вибхад̇д̇о.
Samādhi pana jhānaṅgāni patvā cittassekaggatā hotīti vutto, indriyāni patvā samādhindriyanti, maggaṅgāni patvā micchāsamādhīti, balāni patvā samādhibalanti, piṭṭhidukaṃ patvā dutiyaduke ekakavaseneva samathoti , tatiye avikkhepoti. Evamayaṃ eko dhammo chasu ṭhānesu vibhatto.
саб̣б̣зби банзд̇з д̇хаммаа пассабан̃жагавасзна жхаанан̇г̇авасзна инд̣̇рияавасзна маг̇г̇ан̇г̇авасзна б̣алавасзна муулавасзна гаммабат̇авасзна логанаасагавасзна бидтид̣̇угавасзнаад̇и нава раасаяо хонд̇и. д̇ад̇т̇а яам̣ вад̇д̇аб̣б̣ам̣ д̇ам̣ батамагусалажид̇д̇анид̣̇д̣̇зсз вуд̇д̇амзваад̇и.
Sabbepi panete dhammā phassapañcakavasena jhānaṅgavasena indriyavasena maggaṅgavasena balavasena mūlavasena kammapathavasena lokanāsakavasena piṭṭhidukavasenāti nava rāsayo honti. Tattha yaṃ vattabbaṃ taṃ paṭhamakusalacittaniddese vuttamevāti.
д̇хаммуд̣̇д̣̇зсаваарагат̇аа нидтид̇аа.
Dhammuddesavārakathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / батамажид̇д̇агат̇ааван̣н̣анаа • Paṭhamacittakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / батамажид̇д̇аван̣н̣анаа • Paṭhamacittavaṇṇanā
