| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
агусалабад̣̇ам̣
Akusalapadaṃ
д̇хаммуд̣̇д̣̇зсавааро
Dhammuddesavāro
батамажид̇д̇аван̣н̣анаа
Paṭhamacittavaṇṇanā
365. кан̣ад̇д̇аяасса агусалзсу асамбхавад̇о самавааяагаалахзд̇усамуухад̇т̇о самаяа-сад̣̇д̣̇о. лобхаабхибхууд̇ааяа зва идтаарамман̣асмим̣ ид̇арад̇ра жа идтаагаараг̇г̇ахан̣авасзна соманассасахаг̇ад̇абхаавод̇и звамаад̣̇им̣ санд̇хааяа ‘‘яат̇аанурууба’’нд̇и вуд̇д̇ам̣. ‘‘гилзсаад̇урад̇ааяа анаарог̇яадтзна гилзсаваж̇ж̇асаб̣бхаавад̇о сааваж̇ж̇адтзна авиж̇ж̇аасамбхууд̇ад̇ааяа агосаляасамбхууд̇адтзна агусала’’нд̇и жа ‘‘сааваж̇ж̇ад̣̇угкавибаагалагкан̣ам̣, анад̇т̇аж̇ананарасам̣, сам̣гилзсабажжубадтаанам̣, аяонисоманасигаарабад̣̇адтаанам̣, г̇аараяхабхаавад̇о ваа сааваж̇ж̇алагкан̣ам̣, сам̣гилзсабхааварасам̣, анидтавибаагабажжубадтаанам̣, яат̇аавуд̇д̇абад̣̇адтаанамзваа’’д̇и жа звамаад̣̇инаа вуд̇д̇анаязна ануг̇анд̇аб̣б̣ад̇ааяа вуд̇д̇ам̣ ‘‘вуд̇д̇анаяам̣ ануг̇анд̇ваа’’д̇и.
365. Khaṇattayassa akusalesu asambhavato samavāyakālahetusamūhattho samaya-saddo. Lobhābhibhūtāya eva iṭṭhārammaṇasmiṃ itaratra ca iṭṭhākāraggahaṇavasena somanassasahagatabhāvoti evamādiṃ sandhāya ‘‘yathānurūpa’’nti vuttaṃ. ‘‘Kilesāturatāya anārogyaṭṭhena kilesavajjasabbhāvato sāvajjaṭṭhena avijjāsambhūtatāya akosalyasambhūtaṭṭhena akusala’’nti ca ‘‘sāvajjadukkhavipākalakkhaṇaṃ, anatthajananarasaṃ, saṃkilesapaccupaṭṭhānaṃ, ayonisomanasikārapadaṭṭhānaṃ, gārayhabhāvato vā sāvajjalakkhaṇaṃ, saṃkilesabhāvarasaṃ, aniṭṭhavipākapaccupaṭṭhānaṃ, yathāvuttapadaṭṭhānamevā’’ti ca evamādinā vuttanayena anugantabbatāya vuttaṃ ‘‘vuttanayaṃ anugantvā’’ti.
г̇ад̇ам̣ г̇аманам̣ бавад̇д̇ийд̇и гад̇ваа вуд̇д̇ам̣ ‘‘г̇ад̇амад̇д̇ам̣ г̇ад̇имад̇д̇ам̣ г̇ахан̣амад̇д̇а’’нд̇и. д̣̇идтияаа хи г̇ад̇и бавад̇д̇и зваад̇и. аасаннагааран̣ад̇д̇аад̇и бад̣̇адтаанад̇ааяа, яонисоманасигааро вияа хи гусаласса аяонисоманасигааро агусаласса ажжаасаннахзд̇у. д̇ат̇аа хи сад̇иби асад̣̇д̇хаммасаванаад̣̇игааран̣з аяонисо анааваж̇ж̇ид̇з ававад̇т̇аабид̇з жа над̇т̇и агусалаббавад̇д̇и. д̇ат̇аа жа вагкад̇и адтагат̇ааяам̣ ‘‘аяонисо агусала’’нд̇и. зд̇зна зганд̇агааран̣ад̇аа жа вуд̇д̇ад̇т̇аа ход̇и. бадисан̇каа сийд̇аад̣̇икаманам̣ аббамаад̣̇авихаарод̇и вуд̇д̇ам̣ ‘‘аббамаж̇ж̇анам̣ камана’’нд̇и. д̇зна сад̇исам̣варод̇и ид̇ха канд̇исам̣варо вуд̇д̇од̇и ад̇хиббааяо инд̣̇рияасам̣варасса вуд̇д̇ад̇д̇аа. бахаанасам̣варод̇и вийрияасам̣варо. со хи ‘‘уббаннам̣ гаамавид̇аггам̣ наад̇хиваасзд̇и баж̇ахад̇ий’’д̇иаад̣̇инаа (ма. ни. 1.26; а. ни. 4.14; 6.58) вуд̇д̇од̇и.
Gataṃ gamanaṃ pavattīti katvā vuttaṃ ‘‘gatamattaṃ gatimattaṃ gahaṇamatta’’nti. Diṭṭhiyā hi gati pavatti evāti. Āsannakāraṇattāti padaṭṭhānatāya, yonisomanasikāro viya hi kusalassa ayonisomanasikāro akusalassa accāsannahetu. Tathā hi satipi asaddhammasavanādikāraṇe ayoniso anāvajjite avavatthāpite ca natthi akusalappavatti. Tathā ca vakkhati aṭṭhakathāyaṃ ‘‘ayoniso akusala’’nti. Etena ekantakāraṇatā ca vuttatthā hoti. Paṭisaṅkhā sītādikhamanaṃ appamādavihāroti vuttaṃ ‘‘appamajjanaṃ khamana’’nti. Tena satisaṃvaroti idha khantisaṃvaro vuttoti adhippāyo indriyasaṃvarassa vuttattā. Pahānasaṃvaroti vīriyasaṃvaro. So hi ‘‘uppannaṃ kāmavitakkaṃ nādhivāseti pajahatī’’tiādinā (ma. ni. 1.26; a. ni. 4.14; 6.58) vuttoti.
саммаабадибад̇д̇ияаа бадибагкабхаавзна г̇ахзд̇аб̣б̣ад̇аагааро мохо саммаабадибад̇д̇ибадибагкабхааваг̇г̇ахан̣аагааро. д̇зна хи нивуд̇аа на саммаа бадибаж̇ж̇анд̇и. абхиж̇жхааяа висзсаяог̇о гаммабат̇аббад̇д̇и.
Sammāpaṭipattiyā paṭipakkhabhāvena gahetabbatākāro moho sammāpaṭipattipaṭipakkhabhāvaggahaṇākāro. Tena hi nivutā na sammā paṭipajjanti. Abhijjhāya visesayogo kammapathappatti.
анубабаригкаа мохо. со жзд̇т̇а д̣̇идтирахид̇о взд̣̇ид̇аб̣б̣о. д̣̇идтисахид̇асса бана д̣̇идтияаа анувид̇хааяагад̇д̇аа д̇аг̇г̇ахан̣знзва г̇ахан̣анд̇и. авад̇т̇усминд̇и асад̣̇д̣̇аханийяз вад̇т̇усмим̣. саанунаяо ад̇химогкод̇и мохад̣̇идтийнам̣ сад̣̇д̇хаабад̇ируубад̇амааха. ахиригаанод̇д̇аббамохаад̣̇ийхи бамаж̇ж̇анад̇о ахиригаад̣̇ийхи гааран̣зхи. аарагкарахид̇ажид̇д̇зд̇и жид̇д̇асса сад̇ивирахад̇ам̣язва д̣̇ассзд̇и. аарагкабажжубадтаанаа хи сад̇ийд̇и. зд̇зна ‘‘ассад̣̇д̇хияажид̇д̇з анд̇хаб̣аалажид̇д̇з’’д̇и бад̣̇ад̣̇ваяам̣ вуд̇д̇ад̇т̇ам̣ ход̇и. убанаахаад̣̇ийд̇и аад̣̇и-сад̣̇д̣̇зна рааг̇аад̣̇аяо сан̇г̇аяханд̇и. рааг̇аад̣̇ийнам̣ барияудтаанаад̣̇исабхаавад̇ааяа ‘‘ависзсзнаа’’д̇и вуд̇д̇ам̣ висзсасса згажжасса асамбхавад̇о. ид̇хаад̇и, имасмим̣ жид̇д̇з. нибпаад̣̇зд̇аб̣б̣з баяож̇анз бхуммам̣ ‘‘жаммасмим̣ д̣̇ийбинам̣ ханд̇ий’’д̇и (важ̇ира. дий. 17-18 взран̃ж̇аган̣д̣аван̣н̣анаа) вияа аарамман̣ам̣ ваа авуубасамо палуубажаарзна ‘‘сзмхо г̇ул̣о’’д̇и вияа.
Anupaparikkhā moho. So cettha diṭṭhirahito veditabbo. Diṭṭhisahitassa pana diṭṭhiyā anuvidhāyakattā taggahaṇeneva gahaṇanti. Avatthusminti asaddahanīye vatthusmiṃ. Sānunayo adhimokkhoti mohadiṭṭhīnaṃ saddhāpatirūpatamāha. Ahirikānottappamohādīhi pamajjanato ahirikādīhi kāraṇehi. Ārakkharahitacitteti cittassa sativirahataṃyeva dasseti. Ārakkhapaccupaṭṭhānā hi satīti. Etena ‘‘assaddhiyacitte andhabālacitte’’ti padadvayaṃ vuttatthaṃ hoti. Upanāhādīti ādi-saddena rāgādayo saṅgayhanti. Rāgādīnaṃ pariyuṭṭhānādisabhāvatāya ‘‘avisesenā’’ti vuttaṃ visesassa ekaccassa asambhavato. Idhāti, imasmiṃ citte. Nipphādetabbe payojane bhummaṃ ‘‘cammasmiṃ dīpinaṃ hantī’’ti (vajira. ṭī. 17-18 verañjakaṇḍavaṇṇanā) viya ārammaṇaṃ vā avūpasamo phalūpacārena ‘‘semho guḷo’’ti viya.
д̇хаммуд̣̇д̣̇зсаваарагат̇ааван̣н̣анаа нидтид̇аа.
Dhammuddesavārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / батамажид̇д̇ам̣ • Paṭhamacittaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / батамажид̇д̇агат̇ааван̣н̣анаа • Paṭhamacittakathāvaṇṇanā
