| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
9. батамад̣̇аб̣б̣асуд̇д̇ам̣
9. Paṭhamadabbasuttaṃ
79. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко ааяасмаа д̣̇аб̣б̣о маллабуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа д̣̇аб̣б̣о маллабуд̇д̇о бхаг̇аванд̇ам̣ зд̇ад̣̇авожа – ‘‘бариниб̣б̣аанагаало мз д̣̇аани, суг̇ад̇аа’’д̇и. ‘‘яассад̣̇аани д̇вам̣, д̣̇аб̣б̣а, гаалам̣ ман̃н̃асий’’д̇и.
79. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho āyasmā dabbo mallaputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā dabbo mallaputto bhagavantaṃ etadavoca – ‘‘parinibbānakālo me dāni, sugatā’’ti. ‘‘Yassadāni tvaṃ, dabba, kālaṃ maññasī’’ti.
ат̇а ко ааяасмаа д̣̇аб̣б̣о маллабуд̇д̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇ид̇ваа д̇зж̇од̇хаад̇ум̣ самаабаж̇ж̇ид̇ваа вудтахид̇ваа бариниб̣б̣ааяи.
Atha kho āyasmā dabbo mallaputto uṭṭhāyāsanā bhagavantaṃ abhivādetvā padakkhiṇaṃ katvā vehāsaṃ abbhuggantvā ākāse antalikkhe pallaṅkena nisīditvā tejodhātuṃ samāpajjitvā vuṭṭhahitvā parinibbāyi.
ат̇а ко ааяасмад̇о д̣̇аб̣б̣асса маллабуд̇д̇асса взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇ид̇ваа д̇зж̇од̇хаад̇ум̣ самаабаж̇ж̇ид̇ваа вудтахид̇ваа бариниб̣б̣уд̇асса сарийрасса жхааяамаанасса д̣аяхамаанасса нзва чааригаа бан̃н̃ааяид̇т̇а на маси. сзяяат̇ааби наама саббисса ваа д̇зласса ваа жхааяамаанасса д̣аяхамаанасса нзва чааригаа бан̃н̃ааяад̇и на маси; звамзва ааяасмад̇о д̣̇аб̣б̣асса маллабуд̇д̇асса взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇ид̇ваа д̇зж̇од̇хаад̇ум̣ самаабаж̇ж̇ид̇ваа вудтахид̇ваа бариниб̣б̣уд̇асса сарийрасса жхааяамаанасса д̣аяхамаанасса нзва чааригаа бан̃н̃ааяид̇т̇а на масийд̇и.
Atha kho āyasmato dabbassa mallaputtassa vehāsaṃ abbhuggantvā ākāse antalikkhe pallaṅkena nisīditvā tejodhātuṃ samāpajjitvā vuṭṭhahitvā parinibbutassa sarīrassa jhāyamānassa ḍayhamānassa neva chārikā paññāyittha na masi. Seyyathāpi nāma sappissa vā telassa vā jhāyamānassa ḍayhamānassa neva chārikā paññāyati na masi; evameva āyasmato dabbassa mallaputtassa vehāsaṃ abbhuggantvā ākāse antalikkhe pallaṅkena nisīditvā tejodhātuṃ samāpajjitvā vuṭṭhahitvā parinibbutassa sarīrassa jhāyamānassa ḍayhamānassa neva chārikā paññāyittha na masīti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘абхзд̣̇и гааяо нирод̇хи сан̃н̃аа,
‘‘Abhedi kāyo nirodhi saññā,
вуубасамим̣су сан̇каараа,
Vūpasamiṃsu saṅkhārā,
вин̃н̃аан̣ам̣ ад̇т̇амааг̇амаа’’д̇и. навамам̣;
Viññāṇaṃ atthamāgamā’’ti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 9. батамад̣̇аб̣б̣асуд̇д̇аван̣н̣анаа • 9. Paṭhamadabbasuttavaṇṇanā
