| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਦਾਨવਗ੍ਗੋ
4. Dānavaggo
੧-੪. ਪਠਮਦਾਨਸੁਤ੍ਤਾਦਿવਣ੍ਣਨਾ
1-4. Paṭhamadānasuttādivaṇṇanā
੩੧-੩੪. ਚਤੁਤ੍ਥਸ੍ਸ ਪਠਮੇ ਆਸਜ੍ਜਾਤਿ ਯਸ੍ਸ ਦੇਤਿ, ਤਸ੍ਸ ਆਗਮਨਹੇਤੁ ਤੇਨ ਸਮਾਗਮਨਿਮਿਤ੍ਤਂ। ਭਯਾਤਿ ਭਯਹੇਤੁ। ਨਨੁ ਭਯਂ ਨਾਮ ਲਦ੍ਧਕਾਮਤਾਰਾਗਾਦਯੋ વਿਯ ਚੇਤਨਾਯ ਅવਿਸੁਦ੍ਧਿਕਰਂ, ਤਂ ਕਸ੍ਮਾ ਇਧ ਗਹਿਤਨ੍ਤਿ? ਨਯਿਦਂ ਤਾਦਿਸਂ વੋਹਾਰਭਯਾਦਿਂ ਸਨ੍ਧਾਯ વੁਤ੍ਤਨ੍ਤਿ ਦਸ੍ਸੇਤੁਂ ‘‘ਅਯਂ ਅਦਾਯਕੋ ਅਕਾਰਕੋ’’ਤਿਆਦਿ વੁਤ੍ਤਂ। ਅਦਾਸਿ ਮੇਤਿ ਯਂ ਪੁਬ੍ਬੇ ਕਤਂ ਉਪਕਾਰਂ ਚਿਨ੍ਤੇਤ੍વਾ ਦੀਯਤਿ, ਤਂ ਸਨ੍ਧਾਯ વੁਤ੍ਤਂ। ਦਸ੍ਸਤਿ ਮੇਤਿ ਪਚ੍ਚੁਪਕਾਰਾਸੀਸਾਯ ਯਂ ਦੀਯਤਿ, ਤਂ ਸਨ੍ਧਾਯ વਦਤਿ। ਸਾਹੁ ਦਾਨਨ੍ਤਿ ਦਾਨਂ ਨਾਮੇਤਂ ਪਣ੍ਡਿਤਪਞ੍ਞਤ੍ਤਨ੍ਤਿ ਸਾਧੁਸਮਾਚਾਰੇ ਠਤ੍વਾ ਦੇਤਿ। ਅਲਙ੍ਕਾਰਤ੍ਥਨ੍ਤਿ ਉਪਸੋਭਨਤ੍ਥਂ। ਦਾਨਞ੍ਹਿ ਦਤ੍વਾ ਤਂ ਪਚ੍ਚવੇਕ੍ਖਨ੍ਤਸ੍ਸ ਪਾਮੋਜ੍ਜਪੀਤਿਸੋਮਨਸ੍ਸਾਦਯੋ ਉਪ੍ਪਜ੍ਜਨ੍ਤਿ, ਲੋਭਦੋਸਇਸ੍ਸਾਮਚ੍ਛੇਰਾਦਯੋਪਿ વਿਦੂਰੀ ਭવਨ੍ਤਿ। ਇਦਾਨਿ ਦਾਨਂ ਅਨੁਕੂਲਧਮ੍ਮਪਰਿਬ੍ਰੂਹਨੇਨ ਪਚ੍ਚਨੀਕਧਮ੍ਮવਿਦੂਰੀਕਰਣੇਨ ਚ ਭਾવਨਾਚਿਤ੍ਤਸ੍ਸ ਉਪਸੋਭਨਾਯ ਚ ਪਰਿਕ੍ਖਾਰਾਯ ਚ ਹੋਤੀਤਿ ‘‘ਅਲਙ੍ਕਾਰਤ੍ਥਞ੍ਚੇવ ਪਰਿਕ੍ਖਾਰਤ੍ਥਞ੍ਚ ਦੇਤੀ’’ਤਿ વੁਤ੍ਤਂ। ਤੇਨਾਹ ‘‘ਦਾਨਞ੍ਹਿ ਚਿਤ੍ਤਂ ਮੁਦੁਂ ਕਰੋਤੀ’’ਤਿਆਦਿ। ਮੁਦੁਚਿਤ੍ਤੋ ਹੋਤਿ ਲਦ੍ਧਾ ਦਾਯਕੇ ‘‘ਇਮਿਨਾ ਮਯ੍ਹਂ ਸਙ੍ਗਹੋ ਕਤੋ’’ਤਿ, ਦਾਤਾਪਿ ਲਦ੍ਧਰਿ। ਤੇਨ વੁਤ੍ਤਂ ‘‘ਉਭਿਨ੍ਨਮ੍ਪਿ ਚਿਤ੍ਤਂ ਮੁਦੁਂ ਕਰੋਤੀ’’ਤਿ।
31-34. Catutthassa paṭhame āsajjāti yassa deti, tassa āgamanahetu tena samāgamanimittaṃ. Bhayāti bhayahetu. Nanu bhayaṃ nāma laddhakāmatārāgādayo viya cetanāya avisuddhikaraṃ, taṃ kasmā idha gahitanti? Nayidaṃ tādisaṃ vohārabhayādiṃ sandhāya vuttanti dassetuṃ ‘‘ayaṃ adāyako akārako’’tiādi vuttaṃ. Adāsi meti yaṃ pubbe kataṃ upakāraṃ cintetvā dīyati, taṃ sandhāya vuttaṃ. Dassati meti paccupakārāsīsāya yaṃ dīyati, taṃ sandhāya vadati. Sāhu dānanti dānaṃ nāmetaṃ paṇḍitapaññattanti sādhusamācāre ṭhatvā deti. Alaṅkāratthanti upasobhanatthaṃ. Dānañhi datvā taṃ paccavekkhantassa pāmojjapītisomanassādayo uppajjanti, lobhadosaissāmaccherādayopi vidūrī bhavanti. Idāni dānaṃ anukūladhammaparibrūhanena paccanīkadhammavidūrīkaraṇena ca bhāvanācittassa upasobhanāya ca parikkhārāya ca hotīti ‘‘alaṅkāratthañceva parikkhāratthañca detī’’ti vuttaṃ. Tenāha ‘‘dānañhi cittaṃ muduṃ karotī’’tiādi. Muducitto hoti laddhā dāyake ‘‘iminā mayhaṃ saṅgaho kato’’ti, dātāpi laddhari. Tena vuttaṃ ‘‘ubhinnampi cittaṃ muduṃ karotī’’ti.
ਅਦਨ੍ਤਦਮਨਨ੍ਤਿ ਅਦਨ੍ਤਾ ਅਨਸ੍ਸવਾਪਿਸ੍ਸ ਦਾਨੇਨ ਦਨ੍ਤਾ ਅਸ੍ਸવਾ ਹੋਨ੍ਤਿ, વਸੇ વਤ੍ਤਨ੍ਤਿ। ਅਦਾਨਂ ਦਨ੍ਤਦੂਸਕਨ੍ਤਿ ਅਦਾਨਂ ਪੁਬ੍ਬੇ ਦਨ੍ਤਾਨਂ ਅਸ੍ਸવਾਨਮ੍ਪਿ વਿਘਾਤੁਪ੍ਪਾਦਨੇਨ ਚਿਤ੍ਤਂ ਦੂਸੇਤਿ। ਉਨ੍ਨਮਨ੍ਤਿ ਦਾਯਕਾ ਪਿਯਂવਦਾ ਚ ਪਰੇਸਂ ਗਰੁਚਿਤ੍ਤੀਕਾਰਟ੍ਠਾਨਤਾਯ। ਨਮਨ੍ਤਿਪਟਿਗ੍ਗਾਹਕਾ ਦਾਨੇਨ ਪਿਯવਾਚਾਯ ਚ ਲਦ੍ਧਸਙ੍ਗਹਾਸਙ੍ਗਾਹਕਾਨਂ।
Adantadamananti adantā anassavāpissa dānena dantā assavā honti, vase vattanti. Adānaṃ dantadūsakanti adānaṃ pubbe dantānaṃ assavānampi vighātuppādanena cittaṃ dūseti. Unnamanti dāyakā piyaṃvadā ca paresaṃ garucittīkāraṭṭhānatāya. Namantipaṭiggāhakā dānena piyavācāya ca laddhasaṅgahāsaṅgāhakānaṃ.
ਚਿਤ੍ਤਾਲਙ੍ਕਾਰਦਾਨਮੇવ ਉਤ੍ਤਮਂ ਅਨੁਪਕ੍ਕਿਲਿਟ੍ਠਤਾਯ ਸੁਪਰਿਸੁਦ੍ਧਤਾਯ ਗੁਣવਿਸੇਸਪਚ੍ਚਯਤਾਯ ਚ। ਦੁਤਿਯਾਦੀਨਿ ਉਤ੍ਤਾਨਤ੍ਥਾਨੇવ।
Cittālaṅkāradānameva uttamaṃ anupakkiliṭṭhatāya suparisuddhatāya guṇavisesapaccayatāya ca. Dutiyādīni uttānatthāneva.
ਪਠਮਦਾਨਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Paṭhamadānasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਪਠਮਦਾਨਸੁਤ੍ਤਂ • 1. Paṭhamadānasuttaṃ
੨. ਦੁਤਿਯਦਾਨਸੁਤ੍ਤਂ • 2. Dutiyadānasuttaṃ
੩. ਦਾਨવਤ੍ਥੁਸੁਤ੍ਤਂ • 3. Dānavatthusuttaṃ
੪. ਖੇਤ੍ਤਸੁਤ੍ਤਂ • 4. Khettasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਪਠਮਦਾਨਸੁਤ੍ਤવਣ੍ਣਨਾ • 1. Paṭhamadānasuttavaṇṇanā
੨. ਦੁਤਿਯਦਾਨਸੁਤ੍ਤવਣ੍ਣਨਾ • 2. Dutiyadānasuttavaṇṇanā
੩. ਦਾਨવਤ੍ਥੁਸੁਤ੍ਤવਣ੍ਣਨਾ • 3. Dānavatthusuttavaṇṇanā
੪. ਖੇਤ੍ਤਸੁਤ੍ਤવਣ੍ਣਨਾ • 4. Khettasuttavaṇṇanā
