| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. দানৰগ্গো
4. Dānavaggo
১. পঠমদানসুত্তং
1. Paṭhamadānasuttaṃ
৩১. 1 ‘‘অট্ঠিমানি , ভিক্খৰে, দানানি। কতমানি অট্ঠ? আসজ্জ দানং দেতি, ভযা দানং দেতি, ‘অদাসি মে’তি দানং দেতি, ‘দস্সতি মে’তি দানং দেতি, ‘সাহু দান’ন্তি দানং দেতি, ‘অহং পচামি, ইমে ন পচন্তি; নারহামি পচন্তো অপচন্তানং দানং অদাতু’ন্তি দানং দেতি, ‘ইমং মে দানং দদতো কল্যাণো কিত্তিসদ্দো অব্ভুগ্গচ্ছতী’তি দানং দেতি, চিত্তালঙ্কারচিত্তপরিক্খারত্থং দানং দেতি। ইমানি খো, ভিক্খৰে, অট্ঠ দানানী’’তি। পঠমং।
31.2 ‘‘Aṭṭhimāni , bhikkhave, dānāni. Katamāni aṭṭha? Āsajja dānaṃ deti, bhayā dānaṃ deti, ‘adāsi me’ti dānaṃ deti, ‘dassati me’ti dānaṃ deti, ‘sāhu dāna’nti dānaṃ deti, ‘ahaṃ pacāmi, ime na pacanti; nārahāmi pacanto apacantānaṃ dānaṃ adātu’nti dānaṃ deti, ‘imaṃ me dānaṃ dadato kalyāṇo kittisaddo abbhuggacchatī’ti dānaṃ deti, cittālaṅkāracittaparikkhāratthaṃ dānaṃ deti. Imāni kho, bhikkhave, aṭṭha dānānī’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. পঠমদানসুত্তৰণ্ণনা • 1. Paṭhamadānasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৪. পঠমদানসুত্তাদিৰণ্ণনা • 1-4. Paṭhamadānasuttādivaṇṇanā
