| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၄. ဒာနဝဂ္ဂော
4. Dānavaggo
၁. ပဌမဒာနသုတ္တံ
1. Paṭhamadānasuttaṃ
၃၁. 1 ‘‘အဋ္ဌိမာနိ , ဘိက္ခဝေ, ဒာနာနိ။ ကတမာနိ အဋ္ဌ? အာသဇ္ဇ ဒာနံ ဒေတိ, ဘယာ ဒာနံ ဒေတိ, ‘အဒာသိ မေ’တိ ဒာနံ ဒေတိ, ‘ဒသ္သတိ မေ’တိ ဒာနံ ဒေတိ, ‘သာဟု ဒာန’န္တိ ဒာနံ ဒေတိ, ‘အဟံ ပစာမိ, ဣမေ န ပစန္တိ; နာရဟာမိ ပစန္တော အပစန္တာနံ ဒာနံ အဒာတု’န္တိ ဒာနံ ဒေတိ, ‘ဣမံ မေ ဒာနံ ဒဒတော ကလ္ယာဏော ကိတ္တိသဒ္ဒော အဗ္ဘုဂ္ဂစ္ဆတီ’တိ ဒာနံ ဒေတိ, စိတ္တာလင္ကာရစိတ္တပရိက္ခာရတ္ထံ ဒာနံ ဒေတိ။ ဣမာနိ ခော, ဘိက္ခဝေ, အဋ္ဌ ဒာနာနီ’’တိ။ ပဌမံ။
31.2 ‘‘Aṭṭhimāni , bhikkhave, dānāni. Katamāni aṭṭha? Āsajja dānaṃ deti, bhayā dānaṃ deti, ‘adāsi me’ti dānaṃ deti, ‘dassati me’ti dānaṃ deti, ‘sāhu dāna’nti dānaṃ deti, ‘ahaṃ pacāmi, ime na pacanti; nārahāmi pacanto apacantānaṃ dānaṃ adātu’nti dānaṃ deti, ‘imaṃ me dānaṃ dadato kalyāṇo kittisaddo abbhuggacchatī’ti dānaṃ deti, cittālaṅkāracittaparikkhāratthaṃ dānaṃ deti. Imāni kho, bhikkhave, aṭṭha dānānī’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. ပဌမဒာနသုတ္တဝဏ္ဏနာ • 1. Paṭhamadānasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ပဌမဒာနသုတ္တာဒိဝဏ္ဏနာ • 1-4. Paṭhamadānasuttādivaṇṇanā
