| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. д̣̇аанаваг̇г̇о
4. Dānavaggo
1. батамад̣̇аанасуд̇д̇аван̣н̣анаа
1. Paṭhamadānasuttavaṇṇanā
31. жад̇уд̇т̇асса батамз аасаж̇ж̇а д̣̇аанам̣ д̣̇зд̇ийд̇и бад̇ваа д̣̇аанам̣ д̣̇зд̇и. ааг̇ад̇ам̣ д̣̇исваа д̇ам̣ мухуд̇д̇ам̣язва нисийд̣̇аабзд̇ваа саггаарам̣ гад̇ваа д̣̇аанам̣ д̣̇зд̇и, д̣̇ассаамийд̇и на гиламзд̇и. бхаяаад̇и ‘‘аяам̣ ад̣̇ааяаго агаараго’’д̇и г̇арахабхаяаа, абааяабхаяаа ваа. ад̣̇ааси мзд̇и маяхам̣ буб̣б̣з зса ид̣̇ам̣ наама ад̣̇аасийд̇и д̣̇зд̇и. д̣̇ассад̇и мзд̇и анааг̇ад̇з ид̣̇ам̣ наама д̣̇ассад̇ийд̇и д̣̇зд̇и. сааху д̣̇аананд̇и д̣̇аанам̣ наама саад̇ху сунд̣̇арам̣ б̣уд̣̇д̇хаад̣̇ийхи бан̣д̣ид̇зхи басад̇т̇анд̇и д̣̇зд̇и. жид̇д̇аалан̇гааражид̇д̇абаригкаарад̇т̇ам̣ д̣̇аанам̣ д̣̇зд̇ийд̇и самат̇авибассанаажид̇д̇асса алан̇гаарад̇т̇ан̃жзва баригкаарад̇т̇ан̃жа д̣̇зд̇и. д̣̇аанан̃хи жид̇д̇ам̣ муд̣̇ум̣ гарод̇и. язна лад̣̇д̇хо, со ‘‘лад̣̇д̇хам̣ мз’’д̇и муд̣̇ужид̇д̇о ход̇и. язна д̣̇иннам̣, соби ‘‘д̣̇иннам̣ маяаа’’д̇и муд̣̇ужид̇д̇о ход̇и. ид̇и убхиннам̣ жид̇д̇ам̣ муд̣̇ум̣ гарод̇и. д̇знзва ‘‘ад̣̇анд̇ад̣̇амана’’нд̇и вужжад̇и. яат̇ааха –
31. Catutthassa paṭhame āsajja dānaṃ detīti patvā dānaṃ deti. Āgataṃ disvā taṃ muhuttaṃyeva nisīdāpetvā sakkāraṃ katvā dānaṃ deti, dassāmīti na kilameti. Bhayāti ‘‘ayaṃ adāyako akārako’’ti garahabhayā, apāyabhayā vā. Adāsimeti mayhaṃ pubbe esa idaṃ nāma adāsīti deti. Dassati meti anāgate idaṃ nāma dassatīti deti. Sāhu dānanti dānaṃ nāma sādhu sundaraṃ buddhādīhi paṇḍitehi pasatthanti deti. Cittālaṅkāracittaparikkhāratthaṃ dānaṃ detīti samathavipassanācittassa alaṅkāratthañceva parikkhāratthañca deti. Dānañhi cittaṃ muduṃ karoti. Yena laddho, so ‘‘laddhaṃ me’’ti muducitto hoti. Yena dinnaṃ, sopi ‘‘dinnaṃ mayā’’ti muducitto hoti. Iti ubhinnaṃ cittaṃ muduṃ karoti. Teneva ‘‘adantadamana’’nti vuccati. Yathāha –
‘‘ад̣̇анд̇ад̣̇аманам̣ д̣̇аанам̣, ад̣̇аанам̣ д̣̇анд̇ад̣̇уусагам̣;
‘‘Adantadamanaṃ dānaṃ, adānaṃ dantadūsakaṃ;
д̣̇аанзна бияаваажааяа, уннаманд̇и наманд̇и жаа’’д̇и.
Dānena piyavācāya, unnamanti namanti cā’’ti.
имзсу бана адтасу д̣̇аанзсу жид̇д̇аалан̇гаарад̣̇аанамзва уд̇д̇аманд̇и.
Imesu pana aṭṭhasu dānesu cittālaṅkāradānameva uttamanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамад̣̇аанасуд̇д̇ам̣ • 1. Paṭhamadānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. батамад̣̇аанасуд̇д̇аад̣̇иван̣н̣анаа • 1-4. Paṭhamadānasuttādivaṇṇanā
