| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. батамад̣̇ааругканд̇хобамасуд̇д̇аван̣н̣анаа
4. Paṭhamadārukkhandhopamasuttavaṇṇanā
241. вилаасамаано вияа сааг̇арам̣ бад̇ваа. анд̇осаакод̇и г̇ан̇г̇ааяа д̇ийрасса анд̇о онад̇асаако. д̇змзд̇ийд̇и д̇инд̇о ход̇и. д̇ирияам̣ бад̇ид̇о д̣̇ан̣д̣асзд̇у вияа тид̇ад̇д̇аа махааж̇анасса бажжаяо ж̇аад̇о, д̇ат̇аа маханд̇абхаавзна г̇ан̇г̇аасод̇ам̣ од̇аран̣аад̣̇и над̇т̇и.
241.Vilāsamāno viya sāgaraṃ patvā. Antosākhoti gaṅgāya tīrassa anto onatasākho. Temetīti tinto hoti. Tiriyaṃ patito daṇḍasetu viya ṭhitattā mahājanassa paccayo jāto, tathā mahantabhāvena gaṅgāsotaṃ otaraṇādi natthi.
аяам̣ хийд̇и ананд̇арам̣ вуд̇д̇абуг̇г̇ало. арияамаг̇г̇ам̣ оруяхаад̇и жад̇уб̣б̣ид̇хам̣ арияамаг̇г̇авийт̇им̣ од̇арид̇ваа. ‘‘жид̇д̇ам̣ наамзд̇а’’нд̇иаад̣̇инаа жинд̇зд̇ваа г̇ихиб̣анд̇ханам̣ на виссаж̇ж̇зд̇ийд̇и самб̣анд̇хо. ад̇д̇ано бхаж̇амаанагзд̇и ад̇д̇ано бхаж̇анд̇з. ж̇ийвигад̇т̇ааяа баяуж̇ж̇ид̇аб̣б̣ад̇о баяог̇о, кзд̇д̇авад̇т̇аад̣̇и. д̇ад̇о баяог̇ад̇о удтид̇ам̣ ааяам̣. гин̃жааби бхигкуунам̣ гааяасаамаг̇г̇им̣ д̣̇зд̇и бхигкад̇т̇ааяа.
Ayaṃhīti anantaraṃ vuttapuggalo. Ariyamaggaṃ oruyhāti catubbidhaṃ ariyamaggavīthiṃ otaritvā. ‘‘Cittaṃ nāmeta’’ntiādinā cintetvā gihibandhanaṃ na vissajjetīti sambandho. Attano bhajamānaketi attano bhajante. Jīvikatthāya payujjitabbato payogo, khettavatthādi. Tato payogato uṭṭhitaṃ āyaṃ. Kiñcāpi bhikkhūnaṃ kāyasāmaggiṃ deti bhikkhatthāya.
мун̣д̣агхаданд̇и бхиннодтам̣ гхадам̣. канд̇хзд̇и ам̣сз. сан̇гхабхог̇анд̇и сан̇гхасанд̇агам̣ бхог̇аг̇аамам̣ г̇анд̇ваа. ад̇т̇ад̇о звам̣ вад̣̇анд̇ийд̇и д̇ат̇аа ад̇т̇асса самбхавад̇о звам̣ вад̣̇анд̇аа вияа хонд̇и. яааг̇умад̇д̇агз яааг̇унд̇и яааг̇ум̣ бивид̇ваа д̇ааяа абарибаггааяа зва ан̃н̃ам̣ яааг̇ум̣ аж̇жхохарид̇ваад̇и самб̣анд̇хо.
Muṇḍaghaṭanti bhinnoṭṭhaṃ ghaṭaṃ. Khandheti aṃse. Saṅghabhoganti saṅghasantakaṃ bhogagāmaṃ gantvā. Atthato evaṃ vadantīti tathā atthassa sambhavato evaṃ vadantā viya honti. Yāgumattake yāgunti yāguṃ pivitvā tāya aparipakkāya eva aññaṃ yāguṃ ajjhoharitvāti sambandho.
гилзсаануран̃ж̇ид̇оваад̇и яонисоманасигаарасса абхаавзна гилзсаануг̇ад̇ажид̇д̇о зва. агкийни нийхарид̇ваад̇и год̇хавасзна агкигз гаронд̇о агкийни нийхарид̇ваа вижариссад̇и. уд̣̇д̇хад̇о ход̇и авуубасанд̇о.
Kilesānurañjitovāti yonisomanasikārassa abhāvena kilesānugatacitto eva. Akkhīni nīharitvāti kodhavasena akkhike karonto akkhīni nīharitvā vicarissati. Uddhato hoti avūpasanto.
д̣̇идтиг̇ад̇игод̇и саасаниго звам̣ аяонисо уммуж̇ж̇ид̇ваа саасанам̣ уд̣̇д̇хаммам̣ уб̣б̣инаяам̣ гад̇ваа д̣̇ийбзнд̇о аридтасад̣̇исо. д̇знааха ‘‘со хий’’д̇иаад̣̇и. аруубабхавз руубам̣ ад̇т̇и, ан̃н̃ат̇аа д̇ад̇о жуд̇асса гуд̇о руубагканд̇хасса самбхаво. асан̃н̃ийбхавз жид̇д̇ам̣ ад̇т̇ийд̇и зд̇т̇ааби зсзва наяо. б̣ахужид̇д̇агкан̣иго логуд̇д̇арамаг̇г̇о ‘‘яо имз жад̇д̇ааро сад̇ибадтаанз бхаавзяяа сад̇д̇авассааний’’д̇иаад̣̇иважанад̇о (д̣̇ий. ни. 2.404; ма. ни. 1.137). анусаяо жид̇д̇авиббаяуд̇д̇о, ан̃н̃ат̇аа сааваж̇ж̇аанаваж̇ж̇ад̇хаммаанам̣ згаж̇жхам̣ уббад̇д̇и сияаа. д̇з жа сад̇д̇аа санд̇хааванд̇и сам̣саранд̇и, ан̃н̃ат̇аа гаммапалаанам̣ самб̣анд̇хо на сияаад̇и. ид̇и вад̣̇анд̇о звам̣ мижчааваад̣̇ам̣ баг̇г̇аяха вад̣̇анд̇о.
Diṭṭhigatikoti sāsaniko evaṃ ayoniso ummujjitvā sāsanaṃ uddhammaṃ ubbinayaṃ katvā dīpento ariṭṭhasadiso. Tenāha ‘‘so hī’’tiādi. Arūpabhave rūpaṃ atthi, aññathā tato cutassa kuto rūpakkhandhassa sambhavo. Asaññībhave cittaṃ atthīti etthāpi eseva nayo. Bahucittakkhaṇiko lokuttaramaggo ‘‘yo ime cattāro satipaṭṭhāne bhāveyya sattavassānī’’tiādivacanato (dī. ni. 2.404; ma. ni. 1.137). Anusayo cittavippayutto, aññathā sāvajjānavajjadhammānaṃ ekajjhaṃ uppatti siyā. Te ca sattā sandhāvanti saṃsaranti, aññathā kammaphalānaṃ sambandho na siyāti. Iti vadanto evaṃ micchāvādaṃ paggayha vadanto.
д̇зманаругко вияа…бз… д̣̇уллабхад̇хаммассавано жа буг̇г̇ало сад̣̇д̇хаасинзхзна ад̇зманад̇о. гад̇авинаяо сигкид̇авинаяо яат̇аа ‘‘гад̇авиж̇ж̇о’’д̇и. д̇хаммагат̇игаанам̣ вижаарзт̇аад̇и ид̣̇ам̣ д̣̇зяяад̇хаммам̣ д̇хаммагат̇игаанам̣ аяяаанам̣ д̇асса д̇асса яуд̇д̇авасзна вижаарзт̇аад̇и нияяаад̇анавасзна вад̇ваа. д̣̇иваагат̇иго сарабхаан̣аго сааяанхз гат̇зд̇и, буримаяаамам̣ гат̇знд̇о рад̇д̇игат̇иго бхаан̣агабуг̇г̇ало.
Temanarukkho viya…pe… dullabhadhammassavano ca puggalo saddhāsinehena atemanato. Katavinayo sikkhitavinayo yathā ‘‘katavijjo’’ti. Dhammakathikānaṃvicārethāti idaṃ deyyadhammaṃ dhammakathikānaṃ ayyānaṃ tassa tassa yuttavasena vicārethāti niyyātanavasena vatvā. Divākathiko sarabhāṇako sāyanhe katheti, purimayāmaṃ kathento rattikathiko bhāṇakapuggalo.
нанд̣̇анаванаабхираамзд̇и нанд̣̇анаванам̣ вияа манорамз. асса бхаарахаарабхигкууд̇и асса гижжаваахагабхигкуу убаж̇жхааяаад̣̇аяо. суканисиннагат̇анд̇и бадисант̇аарагат̇аабуб̣б̣агам̣ убанисиннагат̇ам̣ суд̇ваа.
Nandanavanābhirāmeti nandanavanaṃ viya manorame. Assa bhārahārabhikkhūti assa kiccavāhakabhikkhū upajjhāyādayo. Sukhanisinnakathanti paṭisanthārakathāpubbakaṃ upanisinnakathaṃ sutvā.
тид̇асан̣таанзнзва тид̇аагаарзнзва тид̇ам̣, наббаяуд̇д̇анд̇и ад̇т̇о. жид̇д̇агаммамуулаад̣̇ийни тид̇асан̣таанзнзва тид̇аад̇и яож̇анаа. муд̣̇уд̇ааяаад̇и муд̣̇ухад̣̇аяад̇ааяа саабзгкад̇ааяа.
Ṭhitasaṇṭhāneneva ṭhitākāreneva ṭhitaṃ, nappayuttanti attho. Cittakammamūlādīni ṭhitasaṇṭhāneneva ṭhitāti yojanā. Mudutāyāti muduhadayatāya sāpekkhatāya.
бадибад̣̇анд̇и самат̇авибассанаабадибад̇д̇им̣. д̣̇ийбзд̇ваа багаасзд̇ваа баагадам̣ гад̇ваа. д̇ад̇руббаад̣̇од̇и д̇ад̇ра уббаж̇ж̇анагаааяуббаад̣̇о. кзд̇д̇ам̣ санд̇хааяа вад̣̇ад̇и. д̇зла…бз… хад̇т̇аад̇и д̇злагхада-мад̇хугхадапаан̣ид̇агхадаад̣̇ихад̇т̇аа. абаггамим̣су д̣̇уб̣б̣ижаарид̇ад̇д̇аа. буурзсийд̇и хздтаа жа д̇ад̇т̇а д̇ад̇т̇а ад̇ийд̇аани гаалаважанаани бораан̣адтагат̇ааяа ааг̇ад̇ад̇д̇аа гира вуд̇д̇аани.
Paṭipadanti samathavipassanāpaṭipattiṃ. Dīpetvā pakāsetvā pākaṭaṃ katvā. Tatruppādoti tatra uppajjanakaāyuppādo. Khettaṃ sandhāya vadati. Tela…pe… hatthāti telaghaṭa-madhughaṭaphāṇitaghaṭādihatthā. Apakkamiṃsu dubbicāritattā. Pūresīti heṭṭhā ca tattha tattha atītāni kālavacanāni porāṇaṭṭhakathāya āgatattā kira vuttāni.
убаг̇аманаанубаг̇аманаад̣̇ийни оримасса бааримасса жа убаг̇аманаанубаг̇аманаани жзва маж̇жхз сам̣сийд̣̇анаани жа. бадивиж̇жхид̇унд̇и ж̇аанид̇ум̣. зд̇анд̇и яат̇аавуд̇д̇ам̣ жагкусабхаавам̣. д̣̇оманассанд̇и д̇ассзва манд̣̇абхаавабажжаяам̣ д̣̇оманассам̣. аабаж̇ж̇анд̇оби убаг̇ажчад̇и наама д̇аннимид̇д̇асам̣гилзсасса уббаад̣̇ид̇ад̇д̇аа. д̇ин̣н̣ам̣ лагкан̣аананд̇и худ̇ваа абхаавад̇о аад̣̇ианд̇аванд̇ад̇о д̇аавагаалигад̇о нижжабадигкзбад̇од̇иаад̣̇ийнам̣ д̇ин̣н̣ам̣ лагкан̣аанам̣ саллагкан̣авасзна.
Upagamanānupagamanādīni orimassa pārimassa ca upagamanānupagamanāni ceva majjhe saṃsīdanāni ca. Paṭivijjhitunti jānituṃ. Etanti yathāvuttaṃ cakkhusabhāvaṃ. Domanassanti tasseva mandabhāvapaccayaṃ domanassaṃ. Āpajjantopi upagacchati nāma tannimittasaṃkilesassa uppāditattā. Tiṇṇaṃ lakkhaṇānanti hutvā abhāvato ādiantavantato tāvakālikato niccapaṭikkhepatotiādīnaṃ tiṇṇaṃ lakkhaṇānaṃ sallakkhaṇavasena.
ваамад̇од̇и мижчаа. д̣̇агкин̣ад̇од̇и саммаа. яат̇аа д̇асса д̇асса сад̇д̇асса орабхаавад̇д̇аа аж̇жхад̇д̇игаани ааяад̇анаани оримам̣ д̇ийрам̣ гад̇ваа вуд̇д̇аани, звам̣ нзсам̣ барабхаавад̇д̇аа б̣аахираани ааяад̇анаани бааримам̣ вуд̇д̇аани. абааяамаж̇жхз сам̣саран̣ахзд̇уд̇ааяа нанд̣̇ийрааг̇ова ‘‘маж̇жхз сам̣саад̣̇о’’д̇и вуд̇д̇о.
Vāmatoti micchā. Dakkhiṇatoti sammā. Yathā tassa tassa sattassa orabhāvattā ajjhattikāni āyatanāni orimaṃ tīraṃ katvā vuttāni, evaṃ nesaṃ parabhāvattā bāhirāni āyatanāni pārimaṃ vuttāni. Apāyamajjhe saṃsaraṇahetutāya nandīrāgova ‘‘majjhe saṃsādo’’ti vutto.
уннад̇од̇и ‘‘сзяяохамасмий’’д̇иаад̣̇инаа уннад̇им̣ убаг̇ад̇о. ад̇д̇уггам̣санз бам̣сугуулигабхаавзна ад̇д̇аанам̣ д̣̇аханад̇о ан̃н̃аагаарад̇ааг̇ахзд̇аб̣б̣о. баасаан̣о ну ко зса каан̣угод̇и г̇ахзд̇аб̣б̣ад̣̇ааругканд̇хасад̣̇исо вуд̇д̇о.
Unnatoti ‘‘seyyohamasmī’’tiādinā unnatiṃ upagato. Attukkaṃsane paṃsukūlikabhāvena attānaṃ dahanato aññākāratāgahetabbo. Pāsāṇo nu kho esa khāṇukoti gahetabbadārukkhandhasadiso vutto.
жун̣н̣авижун̣н̣ам̣ ход̇и ааваддавзг̇асса б̣алавабхаавад̇о. жад̇уусу абааязсууд̇и бан̃жагаамаг̇ун̣ааваддз бад̇ид̇абуг̇г̇ало мануссалогзби г̇ун̣асарийрабхзд̣̇анзна д̣̇ийгхарад̇д̇ам̣ жун̣н̣авижун̣н̣ам̣ аабаж̇ж̇ад̇иязва, д̇асса д̇ат̇аа аабаннад̇д̇аа. зван̃хи со абааязсу д̇аад̣̇исзсу ж̇ааяад̇и.
Cuṇṇavicuṇṇaṃhoti āvaṭṭavegassa balavabhāvato. Catūsu apāyesūti pañcakāmaguṇāvaṭṭe patitapuggalo manussalokepi guṇasarīrabhedanena dīgharattaṃ cuṇṇavicuṇṇaṃ āpajjatiyeva, tassa tathā āpannattā. Evañhi so apāyesu tādisesu jāyati.
сийласса д̣̇удтам̣ наама над̇т̇и, д̇асмаа абхаавад̇т̇о ид̇ха д̣̇у-сад̣̇д̣̇од̇и ааха ‘‘ниссийло’’д̇и. ‘‘баабам̣ баабзна сугара’’нд̇иаад̣̇ийсу (уд̣̇аа. 48) вияа бааба-сад̣̇д̣̇о нихийнабарияааяод̇и ааха ‘‘лаамагад̇хаммо’’д̇и. на сужийд̇и гааяаваажаажид̇д̇зхи на сужи. сан̇гааяа ваад̇и ад̇д̇ано ваа сан̇гааяа барзсам̣ самаажаарагирияам̣ сарад̇и аасан̇гад̇и. д̇знааха ‘‘д̇асса хий’’д̇иаад̣̇и. д̇аани гаммаани бависад̇ийд̇и д̇аани гаммаани гаронд̇аанам̣ анд̇арз бависад̇и. г̇ун̣аанам̣ бууд̇ибхаавзнаад̇и г̇ун̣абхаавзна г̇ахид̇аанам̣ сийлад̇хаммаанам̣ сам̣гилидтабхааваббад̇д̇ияаа. гажавараж̇аад̇од̇и аб̣бханд̇арам̣ сан̃ж̇аад̇агажаваро, гажаварабхууд̇о ваа.
Sīlassa duṭṭhaṃ nāma natthi, tasmā abhāvattho idha du-saddoti āha ‘‘nissīlo’’ti. ‘‘Pāpaṃ pāpena sukara’’ntiādīsu (udā. 48) viya pāpa-saddo nihīnapariyāyoti āha ‘‘lāmakadhammo’’ti. Na sucīti kāyavācācittehi na suci. Saṅkāya vāti attano vā saṅkāya paresaṃ samācārakiriyaṃ sarati āsaṅkati. Tenāha ‘‘tassa hī’’tiādi. Tāni kammāni pavisatīti tāni kammāni karontānaṃ antare pavisati. Guṇānaṃ pūtibhāvenāti guṇabhāvena gahitānaṃ sīladhammānaṃ saṃkiliṭṭhabhāvappattiyā. Kacavarajātoti abbhantaraṃ sañjātakacavaro, kacavarabhūto vā.
ан̣ан̣аа баб̣б̣аж̇ж̇аад̇и ан̣ан̣ассзва баб̣б̣аж̇ж̇аа. оримад̇ийраад̣̇ийнам̣ убаг̇аманаанубаг̇аманаад̣̇ийнам̣ ж̇од̇ид̇ад̇д̇аа ваддавиваддам̣ гат̇ид̇ам̣.
Aṇaṇā pabbajjāti aṇaṇasseva pabbajjā. Orimatīrādīnaṃ upagamanānupagamanādīnaṃ jotitattā vaṭṭavivaṭṭaṃ kathitaṃ.
батамад̣̇ааругканд̇хобамасуд̇д̇аван̣н̣анаа нидтид̇аа.
Paṭhamadārukkhandhopamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. батамад̣̇ааругканд̇хобамасуд̇д̇ам̣ • 4. Paṭhamadārukkhandhopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. батамад̣̇ааругканд̇хобамасуд̇д̇аван̣н̣анаа • 4. Paṭhamadārukkhandhopamasuttavaṇṇanā
