| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਪਠਮਦਾਰੁਕ੍ਖਨ੍ਧੋਪਮਸੁਤ੍ਤવਣ੍ਣਨਾ
4. Paṭhamadārukkhandhopamasuttavaṇṇanā
੨੪੧. વਿਲਾਸਮਾਨੋ વਿਯ ਸਾਗਰਂ ਪਤ੍વਾ। ਅਨ੍ਤੋਸਾਖੋਤਿ ਗਙ੍ਗਾਯ ਤੀਰਸ੍ਸ ਅਨ੍ਤੋ ਓਨਤਸਾਖੋ। ਤੇਮੇਤੀਤਿ ਤਿਨ੍ਤੋ ਹੋਤਿ। ਤਿਰਿਯਂ ਪਤਿਤੋ ਦਣ੍ਡਸੇਤੁ વਿਯ ਠਿਤਤ੍ਤਾ ਮਹਾਜਨਸ੍ਸ ਪਚ੍ਚਯੋ ਜਾਤੋ, ਤਥਾ ਮਹਨ੍ਤਭਾવੇਨ ਗਙ੍ਗਾਸੋਤਂ ਓਤਰਣਾਦਿ ਨਤ੍ਥਿ।
241.Vilāsamāno viya sāgaraṃ patvā. Antosākhoti gaṅgāya tīrassa anto onatasākho. Temetīti tinto hoti. Tiriyaṃ patito daṇḍasetu viya ṭhitattā mahājanassa paccayo jāto, tathā mahantabhāvena gaṅgāsotaṃ otaraṇādi natthi.
ਅਯਂ ਹੀਤਿ ਅਨਨ੍ਤਰਂ વੁਤ੍ਤਪੁਗ੍ਗਲੋ। ਅਰਿਯਮਗ੍ਗਂ ਓਰੁਯ੍ਹਾਤਿ ਚਤੁਬ੍ਬਿਧਂ ਅਰਿਯਮਗ੍ਗવੀਥਿਂ ਓਤਰਿਤ੍વਾ। ‘‘ਚਿਤ੍ਤਂ ਨਾਮੇਤ’’ਨ੍ਤਿਆਦਿਨਾ ਚਿਨ੍ਤੇਤ੍વਾ ਗਿਹਿਬਨ੍ਧਨਂ ਨ વਿਸ੍ਸਜ੍ਜੇਤੀਤਿ ਸਮ੍ਬਨ੍ਧੋ। ਅਤ੍ਤਨੋ ਭਜਮਾਨਕੇਤਿ ਅਤ੍ਤਨੋ ਭਜਨ੍ਤੇ। ਜੀવਿਕਤ੍ਥਾਯ ਪਯੁਜ੍ਜਿਤਬ੍ਬਤੋ ਪਯੋਗੋ, ਖੇਤ੍ਤવਤ੍ਥਾਦਿ। ਤਤੋ ਪਯੋਗਤੋ ਉਟ੍ਠਿਤਂ ਆਯਂ। ਕਿਞ੍ਚਾਪਿ ਭਿਕ੍ਖੂਨਂ ਕਾਯਸਾਮਗ੍ਗਿਂ ਦੇਤਿ ਭਿਕ੍ਖਤ੍ਥਾਯ।
Ayaṃhīti anantaraṃ vuttapuggalo. Ariyamaggaṃ oruyhāti catubbidhaṃ ariyamaggavīthiṃ otaritvā. ‘‘Cittaṃ nāmeta’’ntiādinā cintetvā gihibandhanaṃ na vissajjetīti sambandho. Attano bhajamānaketi attano bhajante. Jīvikatthāya payujjitabbato payogo, khettavatthādi. Tato payogato uṭṭhitaṃ āyaṃ. Kiñcāpi bhikkhūnaṃ kāyasāmaggiṃ deti bhikkhatthāya.
ਮੁਣ੍ਡਘਟਨ੍ਤਿ ਭਿਨ੍ਨੋਟ੍ਠਂ ਘਟਂ। ਖਨ੍ਧੇਤਿ ਅਂਸੇ। ਸਙ੍ਘਭੋਗਨ੍ਤਿ ਸਙ੍ਘਸਨ੍ਤਕਂ ਭੋਗਗਾਮਂ ਗਨ੍ਤ੍વਾ। ਅਤ੍ਥਤੋ ਏવਂ વਦਨ੍ਤੀਤਿ ਤਥਾ ਅਤ੍ਥਸ੍ਸ ਸਮ੍ਭવਤੋ ਏવਂ વਦਨ੍ਤਾ વਿਯ ਹੋਨ੍ਤਿ। ਯਾਗੁਮਤ੍ਤਕੇ ਯਾਗੁਨ੍ਤਿ ਯਾਗੁਂ ਪਿવਿਤ੍વਾ ਤਾਯ ਅਪਰਿਪਕ੍ਕਾਯ ਏવ ਅਞ੍ਞਂ ਯਾਗੁਂ ਅਜ੍ਝੋਹਰਿਤ੍વਾਤਿ ਸਮ੍ਬਨ੍ਧੋ।
Muṇḍaghaṭanti bhinnoṭṭhaṃ ghaṭaṃ. Khandheti aṃse. Saṅghabhoganti saṅghasantakaṃ bhogagāmaṃ gantvā. Atthato evaṃ vadantīti tathā atthassa sambhavato evaṃ vadantā viya honti. Yāgumattake yāgunti yāguṃ pivitvā tāya aparipakkāya eva aññaṃ yāguṃ ajjhoharitvāti sambandho.
ਕਿਲੇਸਾਨੁਰਞ੍ਜਿਤੋવਾਤਿ ਯੋਨਿਸੋਮਨਸਿਕਾਰਸ੍ਸ ਅਭਾવੇਨ ਕਿਲੇਸਾਨੁਗਤਚਿਤ੍ਤੋ ਏવ। ਅਕ੍ਖੀਨਿ ਨੀਹਰਿਤ੍વਾਤਿ ਕੋਧવਸੇਨ ਅਕ੍ਖਿਕੇ ਕਰੋਨ੍ਤੋ ਅਕ੍ਖੀਨਿ ਨੀਹਰਿਤ੍વਾ વਿਚਰਿਸ੍ਸਤਿ। ਉਦ੍ਧਤੋ ਹੋਤਿ ਅવੂਪਸਨ੍ਤੋ।
Kilesānurañjitovāti yonisomanasikārassa abhāvena kilesānugatacitto eva. Akkhīni nīharitvāti kodhavasena akkhike karonto akkhīni nīharitvā vicarissati. Uddhato hoti avūpasanto.
ਦਿਟ੍ਠਿਗਤਿਕੋਤਿ ਸਾਸਨਿਕੋ ਏવਂ ਅਯੋਨਿਸੋ ਉਮ੍ਮੁਜ੍ਜਿਤ੍વਾ ਸਾਸਨਂ ਉਦ੍ਧਮ੍ਮਂ ਉਬ੍ਬਿਨਯਂ ਕਤ੍વਾ ਦੀਪੇਨ੍ਤੋ ਅਰਿਟ੍ਠਸਦਿਸੋ। ਤੇਨਾਹ ‘‘ਸੋ ਹੀ’’ਤਿਆਦਿ। ਅਰੂਪਭવੇ ਰੂਪਂ ਅਤ੍ਥਿ, ਅਞ੍ਞਥਾ ਤਤੋ ਚੁਤਸ੍ਸ ਕੁਤੋ ਰੂਪਕ੍ਖਨ੍ਧਸ੍ਸ ਸਮ੍ਭવੋ। ਅਸਞ੍ਞੀਭવੇ ਚਿਤ੍ਤਂ ਅਤ੍ਥੀਤਿ ਏਤ੍ਥਾਪਿ ਏਸੇવ ਨਯੋ। ਬਹੁਚਿਤ੍ਤਕ੍ਖਣਿਕੋ ਲੋਕੁਤ੍ਤਰਮਗ੍ਗੋ ‘‘ਯੋ ਇਮੇ ਚਤ੍ਤਾਰੋ ਸਤਿਪਟ੍ਠਾਨੇ ਭਾવੇਯ੍ਯ ਸਤ੍ਤવਸ੍ਸਾਨੀ’’ਤਿਆਦਿવਚਨਤੋ (ਦੀ॰ ਨਿ॰ ੨.੪੦੪; ਮ॰ ਨਿ॰ ੧.੧੩੭)। ਅਨੁਸਯੋ ਚਿਤ੍ਤવਿਪ੍ਪਯੁਤ੍ਤੋ, ਅਞ੍ਞਥਾ ਸਾવਜ੍ਜਾਨવਜ੍ਜਧਮ੍ਮਾਨਂ ਏਕਜ੍ਝਂ ਉਪ੍ਪਤ੍ਤਿ ਸਿਯਾ। ਤੇ ਚ ਸਤ੍ਤਾ ਸਨ੍ਧਾવਨ੍ਤਿ ਸਂਸਰਨ੍ਤਿ, ਅਞ੍ਞਥਾ ਕਮ੍ਮਫਲਾਨਂ ਸਮ੍ਬਨ੍ਧੋ ਨ ਸਿਯਾਤਿ। ਇਤਿ વਦਨ੍ਤੋ ਏવਂ ਮਿਚ੍ਛਾવਾਦਂ ਪਗ੍ਗਯ੍ਹ વਦਨ੍ਤੋ।
Diṭṭhigatikoti sāsaniko evaṃ ayoniso ummujjitvā sāsanaṃ uddhammaṃ ubbinayaṃ katvā dīpento ariṭṭhasadiso. Tenāha ‘‘so hī’’tiādi. Arūpabhave rūpaṃ atthi, aññathā tato cutassa kuto rūpakkhandhassa sambhavo. Asaññībhave cittaṃ atthīti etthāpi eseva nayo. Bahucittakkhaṇiko lokuttaramaggo ‘‘yo ime cattāro satipaṭṭhāne bhāveyya sattavassānī’’tiādivacanato (dī. ni. 2.404; ma. ni. 1.137). Anusayo cittavippayutto, aññathā sāvajjānavajjadhammānaṃ ekajjhaṃ uppatti siyā. Te ca sattā sandhāvanti saṃsaranti, aññathā kammaphalānaṃ sambandho na siyāti. Iti vadanto evaṃ micchāvādaṃ paggayha vadanto.
ਤੇਮਨਰੁਕ੍ਖੋ વਿਯ…ਪੇ॰… ਦੁਲ੍ਲਭਧਮ੍ਮਸ੍ਸવਨੋ ਚ ਪੁਗ੍ਗਲੋ ਸਦ੍ਧਾਸਿਨੇਹੇਨ ਅਤੇਮਨਤੋ। ਕਤવਿਨਯੋ ਸਿਕ੍ਖਿਤવਿਨਯੋ ਯਥਾ ‘‘ਕਤવਿਜ੍ਜੋ’’ਤਿ। ਧਮ੍ਮਕਥਿਕਾਨਂ વਿਚਾਰੇਥਾਤਿ ਇਦਂ ਦੇਯ੍ਯਧਮ੍ਮਂ ਧਮ੍ਮਕਥਿਕਾਨਂ ਅਯ੍ਯਾਨਂ ਤਸ੍ਸ ਤਸ੍ਸ ਯੁਤ੍ਤવਸੇਨ વਿਚਾਰੇਥਾਤਿ ਨਿਯ੍ਯਾਤਨવਸੇਨ વਤ੍વਾ। ਦਿવਾਕਥਿਕੋ ਸਰਭਾਣਕੋ ਸਾਯਨ੍ਹੇ ਕਥੇਤਿ, ਪੁਰਿਮਯਾਮਂ ਕਥੇਨ੍ਤੋ ਰਤ੍ਤਿਕਥਿਕੋ ਭਾਣਕਪੁਗ੍ਗਲੋ।
Temanarukkho viya…pe… dullabhadhammassavano ca puggalo saddhāsinehena atemanato. Katavinayo sikkhitavinayo yathā ‘‘katavijjo’’ti. Dhammakathikānaṃvicārethāti idaṃ deyyadhammaṃ dhammakathikānaṃ ayyānaṃ tassa tassa yuttavasena vicārethāti niyyātanavasena vatvā. Divākathiko sarabhāṇako sāyanhe katheti, purimayāmaṃ kathento rattikathiko bhāṇakapuggalo.
ਨਨ੍ਦਨવਨਾਭਿਰਾਮੇਤਿ ਨਨ੍ਦਨવਨਂ વਿਯ ਮਨੋਰਮੇ। ਅਸ੍ਸ ਭਾਰਹਾਰਭਿਕ੍ਖੂਤਿ ਅਸ੍ਸ ਕਿਚ੍ਚવਾਹਕਭਿਕ੍ਖੂ ਉਪਜ੍ਝਾਯਾਦਯੋ। ਸੁਖਨਿਸਿਨ੍ਨਕਥਨ੍ਤਿ ਪਟਿਸਨ੍ਥਾਰਕਥਾਪੁਬ੍ਬਕਂ ਉਪਨਿਸਿਨ੍ਨਕਥਂ ਸੁਤ੍વਾ।
Nandanavanābhirāmeti nandanavanaṃ viya manorame. Assa bhārahārabhikkhūti assa kiccavāhakabhikkhū upajjhāyādayo. Sukhanisinnakathanti paṭisanthārakathāpubbakaṃ upanisinnakathaṃ sutvā.
ਠਿਤਸਣ੍ਠਾਨੇਨੇવ ਠਿਤਾਕਾਰੇਨੇવ ਠਿਤਂ, ਨਪ੍ਪਯੁਤ੍ਤਨ੍ਤਿ ਅਤ੍ਥੋ। ਚਿਤ੍ਤਕਮ੍ਮਮੂਲਾਦੀਨਿ ਠਿਤਸਣ੍ਠਾਨੇਨੇવ ਠਿਤਾਤਿ ਯੋਜਨਾ। ਮੁਦੁਤਾਯਾਤਿ ਮੁਦੁਹਦਯਤਾਯ ਸਾਪੇਕ੍ਖਤਾਯ।
Ṭhitasaṇṭhāneneva ṭhitākāreneva ṭhitaṃ, nappayuttanti attho. Cittakammamūlādīni ṭhitasaṇṭhāneneva ṭhitāti yojanā. Mudutāyāti muduhadayatāya sāpekkhatāya.
ਪਟਿਪਦਨ੍ਤਿ ਸਮਥવਿਪਸ੍ਸਨਾਪਟਿਪਤ੍ਤਿਂ। ਦੀਪੇਤ੍વਾ ਪਕਾਸੇਤ੍વਾ ਪਾਕਟਂ ਕਤ੍વਾ। ਤਤ੍ਰੁਪ੍ਪਾਦੋਤਿ ਤਤ੍ਰ ਉਪ੍ਪਜ੍ਜਨਕਆਯੁਪ੍ਪਾਦੋ। ਖੇਤ੍ਤਂ ਸਨ੍ਧਾਯ વਦਤਿ। ਤੇਲ…ਪੇ॰… ਹਤ੍ਥਾਤਿ ਤੇਲਘਟ-ਮਧੁਘਟਫਾਣਿਤਘਟਾਦਿਹਤ੍ਥਾ। ਅਪਕ੍ਕਮਿਂਸੁ ਦੁਬ੍ਬਿਚਾਰਿਤਤ੍ਤਾ। ਪੂਰੇਸੀਤਿ ਹੇਟ੍ਠਾ ਚ ਤਤ੍ਥ ਤਤ੍ਥ ਅਤੀਤਾਨਿ ਕਾਲવਚਨਾਨਿ ਪੋਰਾਣਟ੍ਠਕਥਾਯ ਆਗਤਤ੍ਤਾ ਕਿਰ વੁਤ੍ਤਾਨਿ।
Paṭipadanti samathavipassanāpaṭipattiṃ. Dīpetvā pakāsetvā pākaṭaṃ katvā. Tatruppādoti tatra uppajjanakaāyuppādo. Khettaṃ sandhāya vadati. Tela…pe… hatthāti telaghaṭa-madhughaṭaphāṇitaghaṭādihatthā. Apakkamiṃsu dubbicāritattā. Pūresīti heṭṭhā ca tattha tattha atītāni kālavacanāni porāṇaṭṭhakathāya āgatattā kira vuttāni.
ਉਪਗਮਨਾਨੁਪਗਮਨਾਦੀਨਿ ਓਰਿਮਸ੍ਸ ਪਾਰਿਮਸ੍ਸ ਚ ਉਪਗਮਨਾਨੁਪਗਮਨਾਨਿ ਚੇવ ਮਜ੍ਝੇ ਸਂਸੀਦਨਾਨਿ ਚ। ਪਟਿવਿਜ੍ਝਿਤੁਨ੍ਤਿ ਜਾਨਿਤੁਂ। ਏਤਨ੍ਤਿ ਯਥਾવੁਤ੍ਤਂ ਚਕ੍ਖੁਸਭਾવਂ। ਦੋਮਨਸ੍ਸਨ੍ਤਿ ਤਸ੍ਸੇવ ਮਨ੍ਦਭਾવਪਚ੍ਚਯਂ ਦੋਮਨਸ੍ਸਂ। ਆਪਜ੍ਜਨ੍ਤੋਪਿ ਉਪਗਚ੍ਛਤਿ ਨਾਮ ਤਨ੍ਨਿਮਿਤ੍ਤਸਂਕਿਲੇਸਸ੍ਸ ਉਪ੍ਪਾਦਿਤਤ੍ਤਾ। ਤਿਣ੍ਣਂ ਲਕ੍ਖਣਾਨਨ੍ਤਿ ਹੁਤ੍વਾ ਅਭਾવਤੋ ਆਦਿਅਨ੍ਤવਨ੍ਤਤੋ ਤਾવਕਾਲਿਕਤੋ ਨਿਚ੍ਚਪਟਿਕ੍ਖੇਪਤੋਤਿਆਦੀਨਂ ਤਿਣ੍ਣਂ ਲਕ੍ਖਣਾਨਂ ਸਲ੍ਲਕ੍ਖਣવਸੇਨ।
Upagamanānupagamanādīni orimassa pārimassa ca upagamanānupagamanāni ceva majjhe saṃsīdanāni ca. Paṭivijjhitunti jānituṃ. Etanti yathāvuttaṃ cakkhusabhāvaṃ. Domanassanti tasseva mandabhāvapaccayaṃ domanassaṃ. Āpajjantopi upagacchati nāma tannimittasaṃkilesassa uppāditattā. Tiṇṇaṃ lakkhaṇānanti hutvā abhāvato ādiantavantato tāvakālikato niccapaṭikkhepatotiādīnaṃ tiṇṇaṃ lakkhaṇānaṃ sallakkhaṇavasena.
વਾਮਤੋਤਿ ਮਿਚ੍ਛਾ। ਦਕ੍ਖਿਣਤੋਤਿ ਸਮ੍ਮਾ। ਯਥਾ ਤਸ੍ਸ ਤਸ੍ਸ ਸਤ੍ਤਸ੍ਸ ਓਰਭਾવਤ੍ਤਾ ਅਜ੍ਝਤ੍ਤਿਕਾਨਿ ਆਯਤਨਾਨਿ ਓਰਿਮਂ ਤੀਰਂ ਕਤ੍વਾ વੁਤ੍ਤਾਨਿ, ਏવਂ ਨੇਸਂ ਪਰਭਾવਤ੍ਤਾ ਬਾਹਿਰਾਨਿ ਆਯਤਨਾਨਿ ਪਾਰਿਮਂ વੁਤ੍ਤਾਨਿ। ਅਪਾਯਮਜ੍ਝੇ ਸਂਸਰਣਹੇਤੁਤਾਯ ਨਨ੍ਦੀਰਾਗੋવ ‘‘ਮਜ੍ਝੇ ਸਂਸਾਦੋ’’ਤਿ વੁਤ੍ਤੋ।
Vāmatoti micchā. Dakkhiṇatoti sammā. Yathā tassa tassa sattassa orabhāvattā ajjhattikāni āyatanāni orimaṃ tīraṃ katvā vuttāni, evaṃ nesaṃ parabhāvattā bāhirāni āyatanāni pārimaṃ vuttāni. Apāyamajjhe saṃsaraṇahetutāya nandīrāgova ‘‘majjhe saṃsādo’’ti vutto.
ਉਨ੍ਨਤੋਤਿ ‘‘ਸੇਯ੍ਯੋਹਮਸ੍ਮੀ’’ਤਿਆਦਿਨਾ ਉਨ੍ਨਤਿਂ ਉਪਗਤੋ। ਅਤ੍ਤੁਕ੍ਕਂਸਨੇ ਪਂਸੁਕੂਲਿਕਭਾવੇਨ ਅਤ੍ਤਾਨਂ ਦਹਨਤੋ ਅਞ੍ਞਾਕਾਰਤਾਗਹੇਤਬ੍ਬੋ। ਪਾਸਾਣੋ ਨੁ ਖੋ ਏਸ ਖਾਣੁਕੋਤਿ ਗਹੇਤਬ੍ਬਦਾਰੁਕ੍ਖਨ੍ਧਸਦਿਸੋ વੁਤ੍ਤੋ।
Unnatoti ‘‘seyyohamasmī’’tiādinā unnatiṃ upagato. Attukkaṃsane paṃsukūlikabhāvena attānaṃ dahanato aññākāratāgahetabbo. Pāsāṇo nu kho esa khāṇukoti gahetabbadārukkhandhasadiso vutto.
ਚੁਣ੍ਣવਿਚੁਣ੍ਣਂ ਹੋਤਿ ਆવਟ੍ਟવੇਗਸ੍ਸ ਬਲવਭਾવਤੋ। ਚਤੂਸੁ ਅਪਾਯੇਸੂਤਿ ਪਞ੍ਚਕਾਮਗੁਣਾવਟ੍ਟੇ ਪਤਿਤਪੁਗ੍ਗਲੋ ਮਨੁਸ੍ਸਲੋਕੇਪਿ ਗੁਣਸਰੀਰਭੇਦਨੇਨ ਦੀਘਰਤ੍ਤਂ ਚੁਣ੍ਣવਿਚੁਣ੍ਣਂ ਆਪਜ੍ਜਤਿਯੇવ, ਤਸ੍ਸ ਤਥਾ ਆਪਨ੍ਨਤ੍ਤਾ। ਏવਞ੍ਹਿ ਸੋ ਅਪਾਯੇਸੁ ਤਾਦਿਸੇਸੁ ਜਾਯਤਿ।
Cuṇṇavicuṇṇaṃhoti āvaṭṭavegassa balavabhāvato. Catūsu apāyesūti pañcakāmaguṇāvaṭṭe patitapuggalo manussalokepi guṇasarīrabhedanena dīgharattaṃ cuṇṇavicuṇṇaṃ āpajjatiyeva, tassa tathā āpannattā. Evañhi so apāyesu tādisesu jāyati.
ਸੀਲਸ੍ਸ ਦੁਟ੍ਠਂ ਨਾਮ ਨਤ੍ਥਿ, ਤਸ੍ਮਾ ਅਭਾવਤ੍ਥੋ ਇਧ ਦੁ-ਸਦ੍ਦੋਤਿ ਆਹ ‘‘ਨਿਸ੍ਸੀਲੋ’’ਤਿ। ‘‘ਪਾਪਂ ਪਾਪੇਨ ਸੁਕਰ’’ਨ੍ਤਿਆਦੀਸੁ (ਉਦਾ॰ ੪੮) વਿਯ ਪਾਪ-ਸਦ੍ਦੋ ਨਿਹੀਨਪਰਿਯਾਯੋਤਿ ਆਹ ‘‘ਲਾਮਕਧਮ੍ਮੋ’’ਤਿ। ਨ ਸੁਚੀਤਿ ਕਾਯવਾਚਾਚਿਤ੍ਤੇਹਿ ਨ ਸੁਚਿ। ਸਙ੍ਕਾਯ વਾਤਿ ਅਤ੍ਤਨੋ વਾ ਸਙ੍ਕਾਯ ਪਰੇਸਂ ਸਮਾਚਾਰਕਿਰਿਯਂ ਸਰਤਿ ਆਸਙ੍ਕਤਿ। ਤੇਨਾਹ ‘‘ਤਸ੍ਸ ਹੀ’’ਤਿਆਦਿ। ਤਾਨਿ ਕਮ੍ਮਾਨਿ ਪવਿਸਤੀਤਿ ਤਾਨਿ ਕਮ੍ਮਾਨਿ ਕਰੋਨ੍ਤਾਨਂ ਅਨ੍ਤਰੇ ਪવਿਸਤਿ। ਗੁਣਾਨਂ ਪੂਤਿਭਾવੇਨਾਤਿ ਗੁਣਭਾવੇਨ ਗਹਿਤਾਨਂ ਸੀਲਧਮ੍ਮਾਨਂ ਸਂਕਿਲਿਟ੍ਠਭਾવਪ੍ਪਤ੍ਤਿਯਾ। ਕਚવਰਜਾਤੋਤਿ ਅਬ੍ਭਨ੍ਤਰਂ ਸਞ੍ਜਾਤਕਚવਰੋ, ਕਚવਰਭੂਤੋ વਾ।
Sīlassa duṭṭhaṃ nāma natthi, tasmā abhāvattho idha du-saddoti āha ‘‘nissīlo’’ti. ‘‘Pāpaṃ pāpena sukara’’ntiādīsu (udā. 48) viya pāpa-saddo nihīnapariyāyoti āha ‘‘lāmakadhammo’’ti. Na sucīti kāyavācācittehi na suci. Saṅkāya vāti attano vā saṅkāya paresaṃ samācārakiriyaṃ sarati āsaṅkati. Tenāha ‘‘tassa hī’’tiādi. Tāni kammāni pavisatīti tāni kammāni karontānaṃ antare pavisati. Guṇānaṃ pūtibhāvenāti guṇabhāvena gahitānaṃ sīladhammānaṃ saṃkiliṭṭhabhāvappattiyā. Kacavarajātoti abbhantaraṃ sañjātakacavaro, kacavarabhūto vā.
ਅਣਣਾ ਪਬ੍ਬਜ੍ਜਾਤਿ ਅਣਣਸ੍ਸੇવ ਪਬ੍ਬਜ੍ਜਾ। ਓਰਿਮਤੀਰਾਦੀਨਂ ਉਪਗਮਨਾਨੁਪਗਮਨਾਦੀਨਂ ਜੋਤਿਤਤ੍ਤਾ વਟ੍ਟવਿવਟ੍ਟਂ ਕਥਿਤਂ।
Aṇaṇā pabbajjāti aṇaṇasseva pabbajjā. Orimatīrādīnaṃ upagamanānupagamanādīnaṃ jotitattā vaṭṭavivaṭṭaṃ kathitaṃ.
ਪਠਮਦਾਰੁਕ੍ਖਨ੍ਧੋਪਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamadārukkhandhopamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਪਠਮਦਾਰੁਕ੍ਖਨ੍ਧੋਪਮਸੁਤ੍ਤਂ • 4. Paṭhamadārukkhandhopamasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਪਠਮਦਾਰੁਕ੍ਖਨ੍ਧੋਪਮਸੁਤ੍ਤવਣ੍ਣਨਾ • 4. Paṭhamadārukkhandhopamasuttavaṇṇanā
