| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. পঠমদেৰপদসুত্তং
4. Paṭhamadevapadasuttaṃ
১০৩০. সাৰত্থিনিদানং । চত্তারিমানি, ভিক্খৰে, দেৰানং দেৰপদানি অৰিসুদ্ধানং সত্তানং ৰিসুদ্ধিযা অপরিযোদাতানং সত্তানং পরিযোদপনায।
1030. Sāvatthinidānaṃ . Cattārimāni, bhikkhave, devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
কতমানি চত্তারি? ইধ, ভিক্খৰে, অরিযসাৰকো বুদ্ধে অৰেচ্চপ্পসাদেন সমন্নাগতো হোতি – ইতিপি সো ভগৰা…পে॰… সত্থা দেৰমনুস্সানং বুদ্ধো ভগৰাতি। ইদং পঠমং দেৰানং দেৰপদং অৰিসুদ্ধানং সত্তানং ৰিসুদ্ধিযা অপরিযোদাতানং সত্তানং পরিযোদপনায।
Katamāni cattāri? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Idaṃ paṭhamaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
‘‘পুন চপরং, ভিক্খৰে, অরিযসাৰকো ধম্মে…পে॰… সঙ্ঘে…পে॰…।
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘পুন চপরং, ভিক্খৰে, অরিযসাৰকো অরিযকন্তেহি সীলেহি সমন্নাগতো হোতি অখণ্ডেহি…পে॰… সমাধিসংৰত্তনিকেহি। ইদং চতুত্থং দেৰানং দেৰপদং অৰিসুদ্ধানং সত্তানং ৰিসুদ্ধিযা অপরিযোদাতানং সত্তানং পরিযোদপনায। ইমানি খো, ভিক্খৰে, চত্তারি দেৰানং দেৰপদানি অৰিসুদ্ধানং সত্তানং ৰিসুদ্ধিযা অপরিযোদাতানং সত্তানং পরিযোদপনাযা’’তি। চতুত্থং।
‘‘Puna caparaṃ, bhikkhave, ariyasāvako ariyakantehi sīlehi samannāgato hoti akhaṇḍehi…pe… samādhisaṃvattanikehi. Idaṃ catutthaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya. Imāni kho, bhikkhave, cattāri devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāyā’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. পঠমদেৰপদসুত্তৰণ্ণনা • 4. Paṭhamadevapadasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পঠমদেৰপদসুত্তৰণ্ণনা • 4. Paṭhamadevapadasuttavaṇṇanā
