| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౪. పఠమదేవపదసుత్తం
4. Paṭhamadevapadasuttaṃ
౧౦౩౦. సావత్థినిదానం . చత్తారిమాని, భిక్ఖవే, దేవానం దేవపదాని అవిసుద్ధానం సత్తానం విసుద్ధియా అపరియోదాతానం సత్తానం పరియోదపనాయ.
1030. Sāvatthinidānaṃ . Cattārimāni, bhikkhave, devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
కతమాని చత్తారి? ఇధ, భిక్ఖవే, అరియసావకో బుద్ధే అవేచ్చప్పసాదేన సమన్నాగతో హోతి – ఇతిపి సో భగవా…పే॰… సత్థా దేవమనుస్సానం బుద్ధో భగవాతి. ఇదం పఠమం దేవానం దేవపదం అవిసుద్ధానం సత్తానం విసుద్ధియా అపరియోదాతానం సత్తానం పరియోదపనాయ.
Katamāni cattāri? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Idaṃ paṭhamaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya.
‘‘పున చపరం, భిక్ఖవే, అరియసావకో ధమ్మే…పే॰… సఙ్ఘే…పే॰….
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘పున చపరం, భిక్ఖవే, అరియసావకో అరియకన్తేహి సీలేహి సమన్నాగతో హోతి అఖణ్డేహి…పే॰… సమాధిసంవత్తనికేహి. ఇదం చతుత్థం దేవానం దేవపదం అవిసుద్ధానం సత్తానం విసుద్ధియా అపరియోదాతానం సత్తానం పరియోదపనాయ. ఇమాని ఖో, భిక్ఖవే, చత్తారి దేవానం దేవపదాని అవిసుద్ధానం సత్తానం విసుద్ధియా అపరియోదాతానం సత్తానం పరియోదపనాయా’’తి. చతుత్థం.
‘‘Puna caparaṃ, bhikkhave, ariyasāvako ariyakantehi sīlehi samannāgato hoti akhaṇḍehi…pe… samādhisaṃvattanikehi. Idaṃ catutthaṃ devānaṃ devapadaṃ avisuddhānaṃ sattānaṃ visuddhiyā apariyodātānaṃ sattānaṃ pariyodapanāya. Imāni kho, bhikkhave, cattāri devānaṃ devapadāni avisuddhānaṃ sattānaṃ visuddhiyā apariyodātānaṃ sattānaṃ pariyodapanāyā’’ti. Catutthaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪. పఠమదేవపదసుత్తవణ్ణనా • 4. Paṭhamadevapadasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. పఠమదేవపదసుత్తవణ్ణనా • 4. Paṭhamadevapadasuttavaṇṇanā
