| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3-4. பட²மத⁴ம்மவிஹாரீஸுத்தாதி³வண்ணனா
3-4. Paṭhamadhammavihārīsuttādivaṇṇanā
73-74. ததியே நியகஜ்ஜ²த்தேதி அத்தனோ ஸந்தானே. மெத்தாய உபஸங்ஹரணவஸேன ஹிதங் ஏஸந்தேன. கருணாய வஸேன அனுகம்பமானேன. பரிக்³க³ஹெத்வாதி பரிதோ க³ஹெத்வா, ப²ரித்வாதி அத்தோ². பரிச்சாதி பரிதோ கத்வா, ஸமந்ததோ ப²ரித்வா இச்சேவ அத்தோ². ‘‘படிச்சா’’திபி பாடோ². மா பமஜ்ஜித்தா²தி ‘‘ஜா²யதா²’’தி வுத்தஸமத²விபஸ்ஸனானங் அனநுயுஞ்ஜனேன அஞ்ஞேன வா கேனசி பமாத³காரணேன மா பமாத³ங் ஆபஜ்ஜித்த². நிய்யானிகஸாஸனே அகத்தப்³ப³கரணங் விய கத்தப்³பா³கரணம்பி பமாதோ³தி. விபத்திகாலேதி ஸத்தஅஸப்பாயாதி³விபத்தியுத்தே காலே. ஸப்³பே³பி ஸாஸனே கு³ணா இதே⁴வ ஸங்க³ஹங் க³ச்ச²ந்தீதி ஆஹ ‘‘ஜா²யத² மா பமாத³த்த²…பே॰… அனுஸாஸனீ’’தி. சதுத்தே² நத்தி² வத்தப்³ப³ங்.
73-74. Tatiye niyakajjhatteti attano santāne. Mettāya upasaṃharaṇavasena hitaṃ esantena. Karuṇāya vasena anukampamānena. Pariggahetvāti parito gahetvā, pharitvāti attho. Pariccāti parito katvā, samantato pharitvā icceva attho. ‘‘Paṭiccā’’tipi pāṭho. Mā pamajjitthāti ‘‘jhāyathā’’ti vuttasamathavipassanānaṃ ananuyuñjanena aññena vā kenaci pamādakāraṇena mā pamādaṃ āpajjittha. Niyyānikasāsane akattabbakaraṇaṃ viya kattabbākaraṇampi pamādoti. Vipattikāleti sattaasappāyādivipattiyutte kāle. Sabbepi sāsane guṇā idheva saṅgahaṃ gacchantīti āha ‘‘jhāyatha mā pamādattha…pe… anusāsanī’’ti. Catutthe natthi vattabbaṃ.
பட²மத⁴ம்மவிஹாரீஸுத்தாதி³வண்ணனா நிட்டி²தா.
Paṭhamadhammavihārīsuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
3. பட²மத⁴ம்மவிஹாரீஸுத்தங் • 3. Paṭhamadhammavihārīsuttaṃ
4. து³தியத⁴ம்மவிஹாரீஸுத்தங் • 4. Dutiyadhammavihārīsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
3. பட²மத⁴ம்மவிஹாரீஸுத்தவண்ணனா • 3. Paṭhamadhammavihārīsuttavaṇṇanā
4. து³தியத⁴ம்மவிஹாரீஸுத்தவண்ணனா • 4. Dutiyadhammavihārīsuttavaṇṇanā
