| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৩-৪. পঠমধম্মৰিহারীসুত্তাদিৰণ্ণনা
3-4. Paṭhamadhammavihārīsuttādivaṇṇanā
৭৩-৭৪. ততিযে নিযকজ্ঝত্তেতি অত্তনো সন্তানে। মেত্তায উপসংহরণৰসেন হিতং এসন্তেন। করুণায ৰসেন অনুকম্পমানেন। পরিগ্গহেত্ৰাতি পরিতো গহেত্ৰা, ফরিত্ৰাতি অত্থো। পরিচ্চাতি পরিতো কত্ৰা, সমন্ততো ফরিত্ৰা ইচ্চেৰ অত্থো। ‘‘পটিচ্চা’’তিপি পাঠো। মা পমজ্জিত্থাতি ‘‘ঝাযথা’’তি ৰুত্তসমথৰিপস্সনানং অননুযুঞ্জনেন অঞ্ঞেন ৰা কেনচি পমাদকারণেন মা পমাদং আপজ্জিত্থ। নিয্যানিকসাসনে অকত্তব্বকরণং ৰিয কত্তব্বাকরণম্পি পমাদোতি। ৰিপত্তিকালেতি সত্তঅসপ্পাযাদিৰিপত্তিযুত্তে কালে। সব্বেপি সাসনে গুণা ইধেৰ সঙ্গহং গচ্ছন্তীতি আহ ‘‘ঝাযথ মা পমাদত্থ…পে॰… অনুসাসনী’’তি। চতুত্থে নত্থি ৰত্তব্বং।
73-74. Tatiye niyakajjhatteti attano santāne. Mettāya upasaṃharaṇavasena hitaṃ esantena. Karuṇāya vasena anukampamānena. Pariggahetvāti parito gahetvā, pharitvāti attho. Pariccāti parito katvā, samantato pharitvā icceva attho. ‘‘Paṭiccā’’tipi pāṭho. Mā pamajjitthāti ‘‘jhāyathā’’ti vuttasamathavipassanānaṃ ananuyuñjanena aññena vā kenaci pamādakāraṇena mā pamādaṃ āpajjittha. Niyyānikasāsane akattabbakaraṇaṃ viya kattabbākaraṇampi pamādoti. Vipattikāleti sattaasappāyādivipattiyutte kāle. Sabbepi sāsane guṇā idheva saṅgahaṃ gacchantīti āha ‘‘jhāyatha mā pamādattha…pe… anusāsanī’’ti. Catutthe natthi vattabbaṃ.
পঠমধম্মৰিহারীসুত্তাদিৰণ্ণনা নিট্ঠিতা।
Paṭhamadhammavihārīsuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৩. পঠমধম্মৰিহারীসুত্তং • 3. Paṭhamadhammavihārīsuttaṃ
৪. দুতিযধম্মৰিহারীসুত্তং • 4. Dutiyadhammavihārīsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৩. পঠমধম্মৰিহারীসুত্তৰণ্ণনা • 3. Paṭhamadhammavihārīsuttavaṇṇanā
৪. দুতিযধম্মৰিহারীসুত্তৰণ্ণনা • 4. Dutiyadhammavihārīsuttavaṇṇanā
