| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๓-๔. ปฐมธมฺมวิหารีสุตฺตาทิวณฺณนา
3-4. Paṭhamadhammavihārīsuttādivaṇṇanā
๗๓-๗๔. ตติเย นิยกชฺฌเตฺตติ อตฺตโน สนฺตาเนฯ เมตฺตาย อุปสํหรณวเสน หิตํ เอสเนฺตนฯ กรุณาย วเสน อนุกมฺปมาเนนฯ ปริคฺคเหตฺวาติ ปริโต คเหตฺวา, ผริตฺวาติ อโตฺถฯ ปริจฺจาติ ปริโต กตฺวา, สมนฺตโต ผริตฺวา อิเจฺจว อโตฺถฯ ‘‘ปฎิจฺจา’’ติปิ ปาโฐฯ มา ปมชฺชิตฺถาติ ‘‘ฌายถา’’ติ วุตฺตสมถวิปสฺสนานํ อนนุยุญฺชเนน อเญฺญน วา เกนจิ ปมาทการเณน มา ปมาทํ อาปชฺชิตฺถฯ นิยฺยานิกสาสเน อกตฺตพฺพกรณํ วิย กตฺตพฺพากรณมฺปิ ปมาโทติฯ วิปตฺติกาเลติ สตฺตอสปฺปายาทิวิปตฺติยุเตฺต กาเลฯ สเพฺพปิ สาสเน คุณา อิเธว สงฺคหํ คจฺฉนฺตีติ อาห ‘‘ฌายถ มา ปมาทตฺถ…เป.… อนุสาสนี’’ติฯ จตุเตฺถ นตฺถิ วตฺตพฺพํฯ
73-74. Tatiye niyakajjhatteti attano santāne. Mettāya upasaṃharaṇavasena hitaṃ esantena. Karuṇāya vasena anukampamānena. Pariggahetvāti parito gahetvā, pharitvāti attho. Pariccāti parito katvā, samantato pharitvā icceva attho. ‘‘Paṭiccā’’tipi pāṭho. Mā pamajjitthāti ‘‘jhāyathā’’ti vuttasamathavipassanānaṃ ananuyuñjanena aññena vā kenaci pamādakāraṇena mā pamādaṃ āpajjittha. Niyyānikasāsane akattabbakaraṇaṃ viya kattabbākaraṇampi pamādoti. Vipattikāleti sattaasappāyādivipattiyutte kāle. Sabbepi sāsane guṇā idheva saṅgahaṃ gacchantīti āha ‘‘jhāyatha mā pamādattha…pe… anusāsanī’’ti. Catutthe natthi vattabbaṃ.
ปฐมธมฺมวิหารีสุตฺตาทิวณฺณนา นิฎฺฐิตาฯ
Paṭhamadhammavihārīsuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๓. ปฐมธมฺมวิหารีสุตฺตํ • 3. Paṭhamadhammavihārīsuttaṃ
๔. ทุติยธมฺมวิหารีสุตฺตํ • 4. Dutiyadhammavihārīsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๓. ปฐมธมฺมวิหารีสุตฺตวณฺณนา • 3. Paṭhamadhammavihārīsuttavaṇṇanā
๔. ทุติยธมฺมวิหารีสุตฺตวณฺณนา • 4. Dutiyadhammavihārīsuttavaṇṇanā
