| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃-၄. ပဌမဓမ္မဝိဟာရီသုတ္တာဒိဝဏ္ဏနာ
3-4. Paṭhamadhammavihārīsuttādivaṇṇanā
၇၃-၇၄. တတိယေ နိယကဇ္ဈတ္တေတိ အတ္တနော သန္တာနေ။ မေတ္တာယ ဥပသံဟရဏဝသေန ဟိတံ ဧသန္တေန။ ကရုဏာယ ဝသေန အနုကမ္ပမာနေန။ ပရိဂ္ဂဟေတ္ဝာတိ ပရိတော ဂဟေတ္ဝာ, ဖရိတ္ဝာတိ အတ္ထော။ ပရိစ္စာတိ ပရိတော ကတ္ဝာ, သမန္တတော ဖရိတ္ဝာ ဣစ္စေဝ အတ္ထော။ ‘‘ပဋိစ္စာ’’တိပိ ပာဌော။ မာ ပမဇ္ဇိတ္ထာတိ ‘‘ဈာယထာ’’တိ ဝုတ္တသမထဝိပသ္သနာနံ အနနုယုဉ္ဇနေန အညေန ဝာ ကေနစိ ပမာဒကာရဏေန မာ ပမာဒံ အာပဇ္ဇိတ္ထ။ နိယ္ယာနိကသာသနေ အကတ္တဗ္ဗကရဏံ ဝိယ ကတ္တဗ္ဗာကရဏမ္ပိ ပမာဒောတိ။ ဝိပတ္တိကာလေတိ သတ္တအသပ္ပာယာဒိဝိပတ္တိယုတ္တေ ကာလေ။ သဗ္ဗေပိ သာသနေ ဂုဏာ ဣဓေဝ သင္ဂဟံ ဂစ္ဆန္တီတိ အာဟ ‘‘ဈာယထ မာ ပမာဒတ္ထ။ပေ.။ အနုသာသနီ’’တိ။ စတုတ္ထေ နတ္ထိ ဝတ္တဗ္ဗံ။
73-74. Tatiye niyakajjhatteti attano santāne. Mettāya upasaṃharaṇavasena hitaṃ esantena. Karuṇāya vasena anukampamānena. Pariggahetvāti parito gahetvā, pharitvāti attho. Pariccāti parito katvā, samantato pharitvā icceva attho. ‘‘Paṭiccā’’tipi pāṭho. Mā pamajjitthāti ‘‘jhāyathā’’ti vuttasamathavipassanānaṃ ananuyuñjanena aññena vā kenaci pamādakāraṇena mā pamādaṃ āpajjittha. Niyyānikasāsane akattabbakaraṇaṃ viya kattabbākaraṇampi pamādoti. Vipattikāleti sattaasappāyādivipattiyutte kāle. Sabbepi sāsane guṇā idheva saṅgahaṃ gacchantīti āha ‘‘jhāyatha mā pamādattha…pe… anusāsanī’’ti. Catutthe natthi vattabbaṃ.
ပဌမဓမ္မဝိဟာရီသုတ္တာဒိဝဏ္ဏနာ နိဋ္ဌိတာ။
Paṭhamadhammavihārīsuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၃. ပဌမဓမ္မဝိဟာရီသုတ္တံ • 3. Paṭhamadhammavihārīsuttaṃ
၄. ဒုတိယဓမ္မဝိဟာရီသုတ္တံ • 4. Dutiyadhammavihārīsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၃. ပဌမဓမ္မဝိဟာရီသုတ္တဝဏ္ဏနာ • 3. Paṭhamadhammavihārīsuttavaṇṇanā
၄. ဒုတိယဓမ္မဝိဟာရီသုတ္တဝဏ္ဏနာ • 4. Dutiyadhammavihārīsuttavaṇṇanā
