| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. батамад̇хаммавихаарийсуд̇д̇аван̣н̣анаа
3. Paṭhamadhammavihārīsuttavaṇṇanā
73. д̇ад̇ияз д̣̇ивасам̣ ад̇инаамзд̇ийд̇и д̣̇ивасам̣ ад̇иггаамзд̇и. рин̃жад̇и бадисаллаананд̇и згийбхаавам̣ виссаж̇ж̇зд̇и. д̣̇зсзд̇ийд̇и гат̇зд̇и багаасзд̇и. д̇хаммабан̃н̃ад̇д̇ияаад̇и д̇хаммасса бан̃н̃аабанааяа. д̇хаммам̣ барияаабун̣аад̇ийд̇и наван̇г̇авасзна жад̇усажжад̇хаммам̣ барияаабун̣аад̇и вал̣ан̃ж̇зд̇и гат̇зд̇и. на рин̃жад̇и бадисаллаананд̇и згийбхаавам̣ на виссаж̇ж̇зд̇и. ануяун̃ж̇ад̇и аж̇жхад̇д̇ам̣ жзд̇осамат̇анд̇и нияагаж̇жхад̇д̇з жид̇д̇асамаад̇хим̣ аасзвад̇и бхаавзд̇и, самат̇агаммадтаанз яуд̇д̇аббаяуд̇д̇о ход̇и.
73. Tatiye divasaṃ atināmetīti divasaṃ atikkāmeti. Riñcati paṭisallānanti ekībhāvaṃ vissajjeti. Desetīti katheti pakāseti. Dhammapaññattiyāti dhammassa paññāpanāya. Dhammaṃpariyāpuṇātīti navaṅgavasena catusaccadhammaṃ pariyāpuṇāti vaḷañjeti katheti. Na riñcati paṭisallānanti ekībhāvaṃ na vissajjeti. Anuyuñjati ajjhattaṃ cetosamathanti niyakajjhatte cittasamādhiṃ āsevati bhāveti, samathakammaṭṭhāne yuttappayutto hoti.
хид̇зсинаад̇и хид̇ам̣ зсанд̇зна. анугамбагзнаад̇и анугамбамаанзна. анугамбам̣ убаад̣̇ааяаад̇и анугамбам̣ жид̇д̇зна бариг̇г̇ахзд̇ваа, бадижжаад̇иби вуд̇д̇ам̣ ход̇и. гад̇ам̣ во д̇ам̣ маяаад̇и д̇ам̣ маяаа имз бан̃жа буг̇г̇алз д̣̇зсзнд̇зна д̇умхаагам̣ гад̇ам̣. зд̇д̇агамзва хи анугамбагасса сад̇т̇у гижжам̣ яад̣̇ид̣̇ам̣ авибарийд̇ад̇хаммад̣̇зсанаа, ид̇о барам̣ бана бадибад̇д̇и наама саавагаанам̣ гижжам̣. д̇знааха – зд̇аани бхигку ругкамуулаани…бз… амхаагам̣ анусаасанийд̇и. д̇ад̇т̇а жа ругкамуулаанийд̇и иминаа ругкамууласзнаасанам̣ д̣̇ассзд̇и. сун̃н̃ааг̇аараанийд̇и иминаа ж̇анавивид̇д̇адтаанам̣. убхаязнааби жа яог̇аануруубам̣ сзнаасанамаажигкад̇и, д̣̇ааяаж̇ж̇ам̣ нияяаад̇зд̇и. жхааяат̇аад̇и аарамман̣уубаниж̇жхаанзна адтад̇им̣саарамман̣аани, лагкан̣уубаниж̇жхаанзна жа анижжаад̣̇ид̇о канд̇хааяад̇анаад̣̇ийни убаниж̇жхааяат̇а, самат̇ан̃жа вибассанан̃жа вад̣дхзт̇аад̇и вуд̇д̇ам̣ ход̇и. маа бамаад̣̇ад̇т̇аад̇и маа бамаж̇ж̇ид̇т̇а. маа бажчаа виббадисаарино ахувад̇т̇аад̇и яз хи буб̣б̣з д̣̇ахарагаалз аарог̇яагаалз сад̇д̇асаббааяаад̣̇исамбад̇д̇игаалз сад̇т̇у саммукийбхаавагаалз жа яонисоманасигааравирахид̇аа рад̇д̇инд̣̇ивам̣ ман̇гулабхад̇д̇аа худ̇ваа сзяяасукамид̣̇д̇хасукамануяуд̇д̇аа бамаж̇ж̇анд̇и, д̇з бажчаа ж̇араагаалз рог̇агаалз маран̣агаалз вибад̇д̇игаалз сад̇т̇у бариниб̣б̣аанагаалз жа д̇ам̣ буб̣б̣з бамаад̣̇авихаарам̣ ануссаранд̇аа саббадисанд̇хигаалагирияан̃жа бхаарияам̣ самбассамаанаа виббадисаарино хонд̇и. д̇умхз бана д̇аад̣̇исаа маа ахувад̇т̇аад̇и зд̇амад̇т̇ам̣ д̣̇ассзнд̇о ааха – ‘‘маа бажчаа виббадисаарино ахувад̇т̇аа’’д̇и. аяам̣ во амхаагам̣ анусаасанийд̇и аяам̣ амхаагам̣ санд̇игаа ‘‘жхааяат̇а маа бамаад̣̇ад̇т̇аа’’д̇и д̇умхаагам̣ анусаасаний, оваад̣̇од̇и вуд̇д̇ам̣ ход̇и.
Hitesināti hitaṃ esantena. Anukampakenāti anukampamānena. Anukampaṃ upādāyāti anukampaṃ cittena pariggahetvā, paṭiccātipi vuttaṃ hoti. Kataṃ vo taṃ mayāti taṃ mayā ime pañca puggale desentena tumhākaṃ kataṃ. Ettakameva hi anukampakassa satthu kiccaṃ yadidaṃ aviparītadhammadesanā, ito paraṃ pana paṭipatti nāma sāvakānaṃ kiccaṃ. Tenāha – etāni bhikkhu rukkhamūlāni…pe… amhākaṃ anusāsanīti. Tattha ca rukkhamūlānīti iminā rukkhamūlasenāsanaṃ dasseti. Suññāgārānīti iminā janavivittaṭṭhānaṃ. Ubhayenāpi ca yogānurūpaṃ senāsanamācikkhati, dāyajjaṃ niyyāteti. Jhāyathāti ārammaṇūpanijjhānena aṭṭhatiṃsārammaṇāni, lakkhaṇūpanijjhānena ca aniccādito khandhāyatanādīni upanijjhāyatha, samathañca vipassanañca vaḍḍhethāti vuttaṃ hoti. Mā pamādatthāti mā pamajjittha. Mā pacchā vippaṭisārino ahuvatthāti ye hi pubbe daharakāle ārogyakāle sattasappāyādisampattikāle satthu sammukhībhāvakāle ca yonisomanasikāravirahitā rattindivaṃ maṅkulabhattā hutvā seyyasukhamiddhasukhamanuyuttā pamajjanti, te pacchā jarākāle rogakāle maraṇakāle vipattikāle satthu parinibbānakāle ca taṃ pubbe pamādavihāraṃ anussarantā sappaṭisandhikālakiriyañca bhāriyaṃ sampassamānā vippaṭisārino honti. Tumhe pana tādisā mā ahuvatthāti etamatthaṃ dassento āha – ‘‘mā pacchā vippaṭisārino ahuvatthā’’ti. Ayaṃ vo amhākaṃ anusāsanīti ayaṃ amhākaṃ santikā ‘‘jhāyatha mā pamādatthā’’ti tumhākaṃ anusāsanī, ovādoti vuttaṃ hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. батамад̇хаммавихаарийсуд̇д̇ам̣ • 3. Paṭhamadhammavihārīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. батамад̇хаммавихаарийсуд̇д̇аад̣̇иван̣н̣анаа • 3-4. Paṭhamadhammavihārīsuttādivaṇṇanā
