| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(২৩) ৩. দীঘচারিকৰগ্গো
(23) 3. Dīghacārikavaggo
১. পঠমদীঘচারিকসুত্তং
1. Paṭhamadīghacārikasuttaṃ
২২১. ‘‘পঞ্চিমে , ভিক্খৰে, আদীনৰা দীঘচারিকং অনৰত্থচারিকং অনুযুত্তস্স ৰিহরতো। কতমে পঞ্চ? অস্সুতং ন সুণাতি, সুতং ন পরিযোদাপেতি, সুতেনেকচ্চেন অৰিসারদো হোতি, গাল়্হং 1 রোগাতঙ্কং ফুসতি, ন চ মিত্তৰা হোতি। ইমে খো, ভিক্খৰে, পঞ্চ আদীনৰা দীঘচারিকং অনৰত্থচারিকং অনুযুত্তস্স ৰিহরতো।
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘পঞ্চিমে, ভিক্খৰে, আনিসংসা সমৰত্থচারে। কতমে পঞ্চ? অস্সুতং সুণাতি, সুতং পরিযোদাপেতি, সুতেনেকচ্চেন ৰিসারদো হোতি, ন গাল়্হং রোগাতঙ্কং ফুসতি, মিত্তৰা চ হোতি। ইমে খো, ভিক্খৰে, পঞ্চ আনিসংসা সমৰত্থচারে’’তি। পঠমং।
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. পঠমদীঘচারিকসুত্তৰণ্ণনা • 1. Paṭhamadīghacārikasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
