| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
(౨౩) ౩. దీఘచారికవగ్గో
(23) 3. Dīghacārikavaggo
౧. పఠమదీఘచారికసుత్తం
1. Paṭhamadīghacārikasuttaṃ
౨౨౧. ‘‘పఞ్చిమే , భిక్ఖవే, ఆదీనవా దీఘచారికం అనవత్థచారికం అనుయుత్తస్స విహరతో. కతమే పఞ్చ? అస్సుతం న సుణాతి, సుతం న పరియోదాపేతి, సుతేనేకచ్చేన అవిసారదో హోతి, గాళ్హం 1 రోగాతఙ్కం ఫుసతి, న చ మిత్తవా హోతి. ఇమే ఖో, భిక్ఖవే, పఞ్చ ఆదీనవా దీఘచారికం అనవత్థచారికం అనుయుత్తస్స విహరతో.
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘పఞ్చిమే, భిక్ఖవే, ఆనిసంసా సమవత్థచారే. కతమే పఞ్చ? అస్సుతం సుణాతి, సుతం పరియోదాపేతి, సుతేనేకచ్చేన విసారదో హోతి, న గాళ్హం రోగాతఙ్కం ఫుసతి, మిత్తవా చ హోతి. ఇమే ఖో, భిక్ఖవే, పఞ్చ ఆనిసంసా సమవత్థచారే’’తి. పఠమం.
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧. పఠమదీఘచారికసుత్తవణ్ణనా • 1. Paṭhamadīghacārikasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. పఠమదీఘచారికసుత్తాదివణ్ణనా • 1-10. Paṭhamadīghacārikasuttādivaṇṇanā
