| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
(២៣) ៣. ទីឃចារិកវគ្គោ
(23) 3. Dīghacārikavaggo
១. បឋមទីឃចារិកសុត្តំ
1. Paṭhamadīghacārikasuttaṃ
២២១. ‘‘បញ្ចិមេ , ភិក្ខវេ, អាទីនវា ទីឃចារិកំ អនវត្ថចារិកំ អនុយុត្តស្ស វិហរតោ។ កតមេ បញ្ច? អស្សុតំ ន សុណាតិ, សុតំ ន បរិយោទាបេតិ, សុតេនេកច្ចេន អវិសារទោ ហោតិ, គាឡ្ហំ 1 រោគាតង្កំ ផុសតិ, ន ច មិត្តវា ហោតិ។ ឥមេ ខោ, ភិក្ខវេ, បញ្ច អាទីនវា ទីឃចារិកំ អនវត្ថចារិកំ អនុយុត្តស្ស វិហរតោ។
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘បញ្ចិមេ, ភិក្ខវេ, អានិសំសា សមវត្ថចារេ។ កតមេ បញ្ច? អស្សុតំ សុណាតិ, សុតំ បរិយោទាបេតិ, សុតេនេកច្ចេន វិសារទោ ហោតិ, ន គាឡ្ហំ រោគាតង្កំ ផុសតិ, មិត្តវា ច ហោតិ។ ឥមេ ខោ, ភិក្ខវេ, បញ្ច អានិសំសា សមវត្ថចារេ’’តិ។ បឋមំ។
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១. បឋមទីឃចារិកសុត្តវណ្ណនា • 1. Paṭhamadīghacārikasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. បឋមទីឃចារិកសុត្តាទិវណ្ណនា • 1-10. Paṭhamadīghacārikasuttādivaṇṇanā
