| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(23) 3. දීඝචාරිකවග්‌ගො
(23) 3. Dīghacārikavaggo
1. පඨමදීඝචාරිකසුත්‌තං
1. Paṭhamadīghacārikasuttaṃ
221. ‘‘පඤ්‌චිමෙ , භික්‌ඛවෙ, ආදීනවා දීඝචාරිකං අනවත්‌ථචාරිකං අනුයුත්‌තස්‌ස විහරතො. කතමෙ පඤ්‌ච? අස්‌සුතං න සුණාති, සුතං න පරියොදාපෙති, සුතෙනෙකච්‌චෙන අවිසාරදො හොති, ගාළ්‌හං 1 රොගාතඞ්‌කං ඵුසති, න ච මිත්‌තවා හොති. ඉමෙ ඛො, භික්‌ඛවෙ, පඤ්‌ච ආදීනවා දීඝචාරිකං අනවත්‌ථචාරිකං අනුයුත්‌තස්‌ස විහරතො.
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘පඤ්‌චිමෙ, භික්‌ඛවෙ, ආනිසංසා සමවත්‌ථචාරෙ. කතමෙ පඤ්‌ච? අස්‌සුතං සුණාති, සුතං පරියොදාපෙති, සුතෙනෙකච්‌චෙන විසාරදො හොති, න ගාළ්‌හං රොගාතඞ්‌කං ඵුසති, මිත්‌තවා ච හොති. ඉමෙ ඛො, භික්‌ඛවෙ, පඤ්‌ච ආනිසංසා සමවත්‌ථචාරෙ’’ති. පඨමං.
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. පඨමදීඝචාරිකසුත්‌තවණ්‌ණනා • 1. Paṭhamadīghacārikasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
