| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
(൨൩) ൩. ദീഘചാരികവഗ്ഗോ
(23) 3. Dīghacārikavaggo
൧. പഠമദീഘചാരികസുത്തം
1. Paṭhamadīghacārikasuttaṃ
൨൨൧. ‘‘പഞ്ചിമേ , ഭിക്ഖവേ, ആദീനവാ ദീഘചാരികം അനവത്ഥചാരികം അനുയുത്തസ്സ വിഹരതോ. കതമേ പഞ്ച? അസ്സുതം ന സുണാതി, സുതം ന പരിയോദാപേതി, സുതേനേകച്ചേന അവിസാരദോ ഹോതി, ഗാള്ഹം 1 രോഗാതങ്കം ഫുസതി, ന ച മിത്തവാ ഹോതി. ഇമേ ഖോ, ഭിക്ഖവേ, പഞ്ച ആദീനവാ ദീഘചാരികം അനവത്ഥചാരികം അനുയുത്തസ്സ വിഹരതോ.
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘പഞ്ചിമേ, ഭിക്ഖവേ, ആനിസംസാ സമവത്ഥചാരേ. കതമേ പഞ്ച? അസ്സുതം സുണാതി, സുതം പരിയോദാപേതി, സുതേനേകച്ചേന വിസാരദോ ഹോതി, ന ഗാള്ഹം രോഗാതങ്കം ഫുസതി, മിത്തവാ ച ഹോതി. ഇമേ ഖോ, ഭിക്ഖവേ, പഞ്ച ആനിസംസാ സമവത്ഥചാരേ’’തി. പഠമം.
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧. പഠമദീഘചാരികസുത്തവണ്ണനാ • 1. Paṭhamadīghacārikasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. പഠമദീഘചാരികസുത്താദിവണ്ണനാ • 1-10. Paṭhamadīghacārikasuttādivaṇṇanā
