| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৭. গব্ভিনিৰগ্গৰণ্ণনা
7. Gabbhinivaggavaṇṇanā
১. পঠমাদিসিক্খাপদৰণ্ণনা
1. Paṭhamādisikkhāpadavaṇṇanā
১০৬৭. ‘‘গব্ভিনি’’ন্তি দস্সনাদীহিপি গব্ভসম্ভৰতো ৰুত্তং। পদভাজনেপি পৰারিতভাৰো ন দিস্সতি।
1067.‘‘Gabbhini’’nti dassanādīhipi gabbhasambhavato vuttaṃ. Padabhājanepi pavāritabhāvo na dissati.
১০৭৪. ধাতি ৰাতি এত্থ দারকং সামিকানং দত্ৰা আহটে ৰড্ঢেতি, তথা মাতাপীতি কেচি।
1074.Dhāti vāti ettha dārakaṃ sāmikānaṃ datvā āhaṭe vaḍḍheti, tathā mātāpīti keci.
১০৮০. ‘‘সিক্খমান’’ন্তি পাঠং দীপৰাসিনো রোচেন্তি কিরিযাকিরিযত্তা, জম্বুদীপৰাসিনো ‘‘সিক্খমানা’’তি। তস্সত্থো সিক্খাধম্মমাননতো সিক্খমানাতি। ইধ কিরিযা ন হোতি, সঞ্ঞাৰ অধিপ্পেতা। ন এতাসু অসিক্খিতা উপসম্পাদেতব্বা উপজ্ঝাযিনীআদীনং আপত্তিভাৰা। ‘‘তস্সা উপসম্পদা হোতি এৰা’’তি ৰদন্তি।
1080. ‘‘Sikkhamāna’’nti pāṭhaṃ dīpavāsino rocenti kiriyākiriyattā, jambudīpavāsino ‘‘sikkhamānā’’ti. Tassattho sikkhādhammamānanato sikkhamānāti. Idha kiriyā na hoti, saññāva adhippetā. Na etāsu asikkhitā upasampādetabbā upajjhāyinīādīnaṃ āpattibhāvā. ‘‘Tassā upasampadā hoti evā’’ti vadanti.
১০৮২. ধম্মকম্মেতি উপসম্পদকম্মং অধিপ্পেতং।
1082.Dhammakammeti upasampadakammaṃ adhippetaṃ.
১১১২. ৰুট্ঠাপিতন্তি সামণেরিভূমিতো যায থেরিযা উপসম্পদাপেক্খা ৰুট্ঠপিতা, সা থেরী ৰুট্ঠাপিতা নাম, তেনেৰ পুন ৰিসেসনত্থং ‘‘পৰত্তিনি’’ন্তি আহ।
1112.Vuṭṭhāpitanti sāmaṇeribhūmito yāya theriyā upasampadāpekkhā vuṭṭhapitā, sā therī vuṭṭhāpitā nāma, teneva puna visesanatthaṃ ‘‘pavattini’’nti āha.
পঠমাদিসিক্খাপদৰণ্ণনা নিট্ঠিতা।
Paṭhamādisikkhāpadavaṇṇanā niṭṭhitā.
গব্ভিনিৰগ্গৰণ্ণনা নিট্ঠিতা।
Gabbhinivaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga
১. পঠমসিক্খাপদং • 1. Paṭhamasikkhāpadaṃ
২. দুতিযসিক্খাপদং • 2. Dutiyasikkhāpadaṃ
৩. ততিযসিক্খাপদং • 3. Tatiyasikkhāpadaṃ
৯. নৰমসিক্খাপদং • 9. Navamasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ২. দুতিযসিক্খাপদৰণ্ণনা • 2. Dutiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৫. চিত্তাগারৰগ্গৰণ্ণনা • 5. Cittāgāravaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমাদিসিক্খাপদৰণ্ণনা • 1. Paṭhamādisikkhāpadavaṇṇanā
