| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
७. गब्भिनिवग्गवण्णना
7. Gabbhinivaggavaṇṇanā
१. पठमादिसिक्खापदवण्णना
1. Paṭhamādisikkhāpadavaṇṇanā
१०६७. ‘‘गब्भिनि’’न्ति दस्सनादीहिपि गब्भसम्भवतो वुत्तं। पदभाजनेपि पवारितभावो न दिस्सति।
1067.‘‘Gabbhini’’nti dassanādīhipi gabbhasambhavato vuttaṃ. Padabhājanepi pavāritabhāvo na dissati.
१०७४. धाति वाति एत्थ दारकं सामिकानं दत्वा आहटे वड्ढेति, तथा मातापीति केचि।
1074.Dhāti vāti ettha dārakaṃ sāmikānaṃ datvā āhaṭe vaḍḍheti, tathā mātāpīti keci.
१०८०. ‘‘सिक्खमान’’न्ति पाठं दीपवासिनो रोचेन्ति किरियाकिरियत्ता, जम्बुदीपवासिनो ‘‘सिक्खमाना’’ति। तस्सत्थो सिक्खाधम्ममाननतो सिक्खमानाति। इध किरिया न होति, सञ्ञाव अधिप्पेता। न एतासु असिक्खिता उपसम्पादेतब्बा उपज्झायिनीआदीनं आपत्तिभावा। ‘‘तस्सा उपसम्पदा होति एवा’’ति वदन्ति।
1080. ‘‘Sikkhamāna’’nti pāṭhaṃ dīpavāsino rocenti kiriyākiriyattā, jambudīpavāsino ‘‘sikkhamānā’’ti. Tassattho sikkhādhammamānanato sikkhamānāti. Idha kiriyā na hoti, saññāva adhippetā. Na etāsu asikkhitā upasampādetabbā upajjhāyinīādīnaṃ āpattibhāvā. ‘‘Tassā upasampadā hoti evā’’ti vadanti.
१०८२. धम्मकम्मेति उपसम्पदकम्मं अधिप्पेतं।
1082.Dhammakammeti upasampadakammaṃ adhippetaṃ.
१११२. वुट्ठापितन्ति सामणेरिभूमितो याय थेरिया उपसम्पदापेक्खा वुट्ठपिता, सा थेरी वुट्ठापिता नाम, तेनेव पुन विसेसनत्थं ‘‘पवत्तिनि’’न्ति आह।
1112.Vuṭṭhāpitanti sāmaṇeribhūmito yāya theriyā upasampadāpekkhā vuṭṭhapitā, sā therī vuṭṭhāpitā nāma, teneva puna visesanatthaṃ ‘‘pavattini’’nti āha.
पठमादिसिक्खापदवण्णना निट्ठिता।
Paṭhamādisikkhāpadavaṇṇanā niṭṭhitā.
गब्भिनिवग्गवण्णना निट्ठिता।
Gabbhinivaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga
१. पठमसिक्खापदं • 1. Paṭhamasikkhāpadaṃ
२. दुतियसिक्खापदं • 2. Dutiyasikkhāpadaṃ
३. ततियसिक्खापदं • 3. Tatiyasikkhāpadaṃ
९. नवमसिक्खापदं • 9. Navamasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā / २. दुतियसिक्खापदवण्णना • 2. Dutiyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ५. चित्तागारवग्गवण्णना • 5. Cittāgāravaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. पठमादिसिक्खापदवण्णना • 1. Paṭhamādisikkhāpadavaṇṇanā
