| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๘. กุมาริภูตวโคฺค
8. Kumāribhūtavaggo
๑. ปฐมาทิสิกฺขาปทวณฺณนา
1. Paṭhamādisikkhāpadavaṇṇanā
๑๑๑๙. อฎฺฐมวคฺคสฺส ปฐเม สพฺพปฐมา เทฺว มหาสิกฺขมานาติ คพฺภินิวเคฺค (ปาจิ. ๑๐๖๗ อาทโย) สพฺพปฐมํ วุตฺตา เทฺวฯ สิกฺขมานา อิเจฺจว วตฺตพฺพาติ สมฺมุติกมฺมาทีสุ อญฺญถา วุเตฺต กมฺมํ กุปฺปตีติ อธิปฺปาโยฯ
1119. Aṭṭhamavaggassa paṭhame sabbapaṭhamā dve mahāsikkhamānāti gabbhinivagge (pāci. 1067 ādayo) sabbapaṭhamaṃ vuttā dve. Sikkhamānā icceva vattabbāti sammutikammādīsu aññathā vutte kammaṃ kuppatīti adhippāyo.
๑๑๖๗. เอกาทสเม ปาริวาสิเยน ฉนฺททาเนนาติ ปริวุเตฺถน นวิกปฺปวุเตฺถน วิคเตน ฉนฺททาเนนาติ อโตฺถ, ฉนฺทวิสฺสชฺชนมเตฺตน วาฯ
1167. Ekādasame pārivāsiyena chandadānenāti parivutthena navikappavutthena vigatena chandadānenāti attho, chandavissajjanamattena vā.
๑๑๖๘. ‘‘วุฎฺฐิตายา’’ติ เอเตน ‘‘อิทานิ กมฺมํ น กริสฺสามา’’ติ ธุรํ นิกฺขิปิตฺวา กาเยน อวุฎฺฐหิตฺวา นิสินฺนายปิ ปริสาย กมฺมํ กาตุํ น วฎฺฎตีติ ทเสฺสติฯ เตนาห ‘‘ฉนฺทํ อวิสฺสเชฺชตฺวา อวุฎฺฐิตายา’’ติฯ ปาฬิยํ ปน ‘‘อนาปตฺติ อวุฎฺฐิตาย ปริสายา’’ติ สามญฺญโต วุตฺตตฺตา , อุโปสถกฺขนฺธเก จ ‘‘น, ภิกฺขเว, ปาริวาสิกปาริสุทฺธิทาเนน อุโปสโถ กาตโพฺพ อญฺญตฺร อวุฎฺฐิตาย ปริสายา’’ติ (มหาว. ๑๘๓) วุตฺตตฺตา, ตทฎฺฐกถายมฺปิ ‘‘ปาริวาสิยปาริสุทฺธิทานํ นาม ปริสาย วุฎฺฐิตกาลโต ปฎฺฐาย น วฎฺฎติ, อวุฎฺฐิตาย ปน วฎฺฎตี’’ติ (มหาว. อฎฺฐ. ๑๘๓) วุตฺตตฺตา จ ‘‘กมฺมํ น กริสฺสามี’’ติ ธุรํ นิกฺขิปิตฺวา นิสินฺนายปิ กมฺมํ กาตุํ วฎฺฎตีติ คเหตพฺพํฯ เสสํ อุตฺตานเมวฯ
1168.‘‘Vuṭṭhitāyā’’ti etena ‘‘idāni kammaṃ na karissāmā’’ti dhuraṃ nikkhipitvā kāyena avuṭṭhahitvā nisinnāyapi parisāya kammaṃ kātuṃ na vaṭṭatīti dasseti. Tenāha ‘‘chandaṃ avissajjetvā avuṭṭhitāyā’’ti. Pāḷiyaṃ pana ‘‘anāpatti avuṭṭhitāya parisāyā’’ti sāmaññato vuttattā , uposathakkhandhake ca ‘‘na, bhikkhave, pārivāsikapārisuddhidānena uposatho kātabbo aññatra avuṭṭhitāya parisāyā’’ti (mahāva. 183) vuttattā, tadaṭṭhakathāyampi ‘‘pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭatī’’ti (mahāva. aṭṭha. 183) vuttattā ca ‘‘kammaṃ na karissāmī’’ti dhuraṃ nikkhipitvā nisinnāyapi kammaṃ kātuṃ vaṭṭatīti gahetabbaṃ. Sesaṃ uttānameva.
นิฎฺฐิโต กุมาริภูตวโคฺค อฎฺฐโมฯ
Niṭṭhito kumāribhūtavaggo aṭṭhamo.
๑๑๘๑. ฉตฺตวโคฺค อุตฺตาโน เอวฯ
1181. Chattavaggo uttāno eva.
ขุทฺทกวณฺณนานโย นิฎฺฐิโตฯ
Khuddakavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga
๑. ปฐมสิกฺขาปทํ • 1. Paṭhamasikkhāpadaṃ
๑๑. เอกาทสมสิกฺขาปทํ • 11. Ekādasamasikkhāpadaṃ
๑. ปฐมสิกฺขาปทํ • 1. Paṭhamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā
๑-๒-๓. ปฐมทุติยตติยสิกฺขาปทวณฺณนา • 1-2-3. Paṭhamadutiyatatiyasikkhāpadavaṇṇanā
๑๑. เอกาทสมสิกฺขาปทวณฺณนา • 11. Ekādasamasikkhāpadavaṇṇanā
๑. ปฐมสิกฺขาปทวณฺณนา • 1. Paṭhamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๘. กุมาริภูตวคฺควณฺณนา • 8. Kumāribhūtavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. ทุติยาทิสิกฺขาปทวณฺณนา • 2. Dutiyādisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑-๒-๓. ปฐม-ทุติย-ตติยสิกฺขาปท-อตฺถโยชนา • 1-2-3. Paṭhama-dutiya-tatiyasikkhāpada-atthayojanā
๑๑. เอกาทสมสิกฺขาปทํ • 11. Ekādasamasikkhāpadaṃ
๑. ปฐมสิกฺขาปท-อตฺถโยชนา • 1. Paṭhamasikkhāpada-atthayojanā
