| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(25) 5. දුච්‌චරිතවග්‌ගො
(25) 5. Duccaritavaggo
1. පඨමදුච්‌චරිතසුත්‌තං
1. Paṭhamaduccaritasuttaṃ
241. ‘‘පඤ්‌චිමෙ , භික්‌ඛවෙ, ආදීනවා දුච්‌චරිතෙ. කතමෙ පඤ්‌ච? අත්‌තාපි අත්‌තානං උපවදති; අනුවිච්‌ච විඤ්‌ඤූ ගරහන්‌ති; පාපකො කිත්‌තිසද්‌දො අබ්‌භුග්‌ගච්‌ඡති; සම්‌මූළ්‌හො කාලං කරොති; කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපජ්‌ජති. ඉමෙ ඛො, භික්‌ඛවෙ, පඤ්‌ච ආදීනවා දුච්‌චරිතෙ.
241. ‘‘Pañcime , bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; sammūḷho kālaṃ karoti; kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā duccarite.
‘‘පඤ්‌චිමෙ, භික්‌ඛවෙ, ආනිසංසා සුචරිතෙ. කතමෙ පඤ්‌ච? අත්‌තාපි අත්‌තානං න උපවදති; අනුවිච්‌ච විඤ්‌ඤූ පසංසන්‌ති; කල්‍යාණො කිත්‌තිසද්‌දො අබ්‌භුග්‌ගච්‌ඡති; අසම්‌මූළ්‌හො කාලං කරොති; කායස්‌ස භෙදා පරං මරණා සුගතිං සග්‌ගං ලොකං උපපජ්‌ජති. ඉමෙ ඛො, භික්‌ඛවෙ, පඤ්‌ච ආනිසංසා සුචරිතෙ’’ති. පඨමං.
‘‘Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asammūḷho kālaṃ karoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā sucarite’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. පඨමදුච්‌චරිතසුත්‌තවණ්‌ණනා • 1. Paṭhamaduccaritasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
