| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
(༢༥) ༥. དུཙྩརིཏཝགྒོ
(25) 5. Duccaritavaggo
༡. པཋམདུཙྩརིཏསུཏྟཾ
1. Paṭhamaduccaritasuttaṃ
༢༤༡. ‘‘པཉྩིམེ , བྷིཀྑཝེ, ཨཱདཱིནཝཱ དུཙྩརིཏེ། ཀཏམེ པཉྩ? ཨཏྟཱཔི ཨཏྟཱནཾ ཨུཔཝདཏི; ཨནུཝིཙྩ ཝིཉྙཱུ གརཧནྟི; པཱཔཀོ ཀིཏྟིསདྡོ ཨབྦྷུགྒཙྪཏི; སམྨཱུལ༹ྷོ ཀཱལཾ ཀརོཏི; ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི། ཨིམེ ཁོ, བྷིཀྑཝེ, པཉྩ ཨཱདཱིནཝཱ དུཙྩརིཏེ།
241. ‘‘Pañcime , bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; sammūḷho kālaṃ karoti; kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā duccarite.
‘‘པཉྩིམེ, བྷིཀྑཝེ, ཨཱནིསཾསཱ སུཙརིཏེ། ཀཏམེ པཉྩ? ཨཏྟཱཔི ཨཏྟཱནཾ ན ཨུཔཝདཏི; ཨནུཝིཙྩ ཝིཉྙཱུ པསཾསནྟི; ཀལྱཱཎོ ཀིཏྟིསདྡོ ཨབྦྷུགྒཙྪཏི; ཨསམྨཱུལ༹ྷོ ཀཱལཾ ཀརོཏི; ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི། ཨིམེ ཁོ, བྷིཀྑཝེ, པཉྩ ཨཱནིསཾསཱ སུཙརིཏེ’’ཏི། པཋམཾ།
‘‘Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asammūḷho kālaṃ karoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā sucarite’’ti. Paṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. པཋམདུཙྩརིཏསུཏྟཝཎྞནཱ • 1. Paṭhamaduccaritasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
