| Library / Tipiṭaka / တိပိဋက • Tipiṭaka / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā |
၈. ကုမာရိဘူတဝဂ္ဂော
8. Kumāribhūtavaggo
၁-၂-၃. ပဌမဒုတိယတတိယသိက္ခာပဒဝဏ္ဏနာ
1-2-3. Paṭhamadutiyatatiyasikkhāpadavaṇṇanā
၁၁၁၉. ကုမာရိဘူတဝဂ္ဂသ္သ ပဌမဒုတိယတတိယသိက္ခာပဒာနိ တီဏိ တီဟိ ဂိဟိဂတသိက္ခာပဒေဟိ သဒိသာနိ။ ယာ ပန တာ သဗ္ဗပဌမာ ဒ္ဝေ မဟာသိက္ခမာနာ, တာ အတိက္ကန္တဝီသတိဝသ္သာတိ ဝေဒိတဗ္ဗာ။ တာ ဂိဟိဂတာ ဝာ ဟောန္တု အဂိဟိဂတာ ဝာ, သိက္ခမာနာ ဣစ္စေဝ ဝတ္တဗ္ဗာ, ဂိဟိဂတာတိ ဝာ ကုမာရိဘူတာတိ ဝာ န ဝတ္တဗ္ဗာ။ ဂိဟိဂတာယ ဒသဝသ္သကာလေ သိက္ခာသမ္မုတိံ ဒတ္ဝာ ဒ္ဝာဒသဝသ္သကာလေ ဥပသမ္ပဒာ ကာတဗ္ဗာ။ ဧကာဒသဝသ္သကာလေ ဒတ္ဝာ တေရသဝသ္သကာလေ ကာတဗ္ဗာ, ဒ္ဝာဒသတေရသစုဒ္ဒသပန္နရသသောဠသသတ္တရသအဋ္ဌာရသဝသ္သကာလေ သမ္မုတိံ ဒတ္ဝာ ဝီသတိဝသ္သကာလေ ဥပသမ္ပဒာ ကာတဗ္ဗာ။ အဋ္ဌာရသဝသ္သကာလတော ပဋ္ဌာယ စ ပနာယံ ဂိဟိဂတာတိပိ ကုမာရိဘူတာတိပိ ဝတ္တုံ ဝဋ္ဋတိ, ကုမာရိဘူတာ ပန ဂိဟိဂတာတိ န ဝတ္တဗ္ဗာ, ကုမာရိဘူတာ ဣစ္စေဝ ဝတ္တဗ္ဗာ။ မဟာသိက္ခမာနာ ပန ဂိဟိဂတာတိပိ ဝတ္တုံ န ဝဋ္ဋတိ, ကုမာရိဘူတာတိပိ ဝတ္တုံ န ဝဋ္ဋတိ, သိက္ခာသမ္မုတိဒာနဝသေန ပန တိသ္သောပိ သိက္ခမာနာတိ ဝတ္တုံ ဝဋ္ဋတိ။
1119. Kumāribhūtavaggassa paṭhamadutiyatatiyasikkhāpadāni tīṇi tīhi gihigatasikkhāpadehi sadisāni. Yā pana tā sabbapaṭhamā dve mahāsikkhamānā, tā atikkantavīsativassāti veditabbā. Tā gihigatā vā hontu agihigatā vā, sikkhamānā icceva vattabbā, gihigatāti vā kumāribhūtāti vā na vattabbā. Gihigatāya dasavassakāle sikkhāsammutiṃ datvā dvādasavassakāle upasampadā kātabbā. Ekādasavassakāle datvā terasavassakāle kātabbā, dvādasaterasacuddasapannarasasoḷasasattarasaaṭṭhārasavassakāle sammutiṃ datvā vīsativassakāle upasampadā kātabbā. Aṭṭhārasavassakālato paṭṭhāya ca panāyaṃ gihigatātipi kumāribhūtātipi vattuṃ vaṭṭati, kumāribhūtā pana gihigatāti na vattabbā, kumāribhūtā icceva vattabbā. Mahāsikkhamānā pana gihigatātipi vattuṃ na vaṭṭati, kumāribhūtātipi vattuṃ na vaṭṭati, sikkhāsammutidānavasena pana tissopi sikkhamānāti vattuṃ vaṭṭati.
ပဌမဒုတိယတတိယာနိ။
Paṭhamadutiyatatiyāni.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁. ပဌမသိက္ခာပဒံ • 1. Paṭhamasikkhāpadaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၈. ကုမာရိဘူတဝဂ္ဂဝဏ္ဏနာ • 8. Kumāribhūtavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမာဒိသိက္ခာပဒဝဏ္ဏနာ • 1. Paṭhamādisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁-၂-၃. ပဌမ-ဒုတိယ-တတိယသိက္ခာပဒ-အတ္ထယောဇနာ • 1-2-3. Paṭhama-dutiya-tatiyasikkhāpada-atthayojanā
