| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੮. ਕੁਮਾਰਿਭੂਤવਗ੍ਗੋ
8. Kumāribhūtavaggo
੧-੨-੩. ਪਠਮਦੁਤਿਯਤਤਿਯਸਿਕ੍ਖਾਪਦવਣ੍ਣਨਾ
1-2-3. Paṭhamadutiyatatiyasikkhāpadavaṇṇanā
੧੧੧੯. ਕੁਮਾਰਿਭੂਤવਗ੍ਗਸ੍ਸ ਪਠਮਦੁਤਿਯਤਤਿਯਸਿਕ੍ਖਾਪਦਾਨਿ ਤੀਣਿ ਤੀਹਿ ਗਿਹਿਗਤਸਿਕ੍ਖਾਪਦੇਹਿ ਸਦਿਸਾਨਿ। ਯਾ ਪਨ ਤਾ ਸਬ੍ਬਪਠਮਾ ਦ੍વੇ ਮਹਾਸਿਕ੍ਖਮਾਨਾ, ਤਾ ਅਤਿਕ੍ਕਨ੍ਤવੀਸਤਿવਸ੍ਸਾਤਿ વੇਦਿਤਬ੍ਬਾ। ਤਾ ਗਿਹਿਗਤਾ વਾ ਹੋਨ੍ਤੁ ਅਗਿਹਿਗਤਾ વਾ, ਸਿਕ੍ਖਮਾਨਾ ਇਚ੍ਚੇવ વਤ੍ਤਬ੍ਬਾ, ਗਿਹਿਗਤਾਤਿ વਾ ਕੁਮਾਰਿਭੂਤਾਤਿ વਾ ਨ વਤ੍ਤਬ੍ਬਾ। ਗਿਹਿਗਤਾਯ ਦਸવਸ੍ਸਕਾਲੇ ਸਿਕ੍ਖਾਸਮ੍ਮੁਤਿਂ ਦਤ੍વਾ ਦ੍વਾਦਸવਸ੍ਸਕਾਲੇ ਉਪਸਮ੍ਪਦਾ ਕਾਤਬ੍ਬਾ। ਏਕਾਦਸવਸ੍ਸਕਾਲੇ ਦਤ੍વਾ ਤੇਰਸવਸ੍ਸਕਾਲੇ ਕਾਤਬ੍ਬਾ, ਦ੍વਾਦਸਤੇਰਸਚੁਦ੍ਦਸਪਨ੍ਨਰਸਸੋਲ਼ਸਸਤ੍ਤਰਸਅਟ੍ਠਾਰਸવਸ੍ਸਕਾਲੇ ਸਮ੍ਮੁਤਿਂ ਦਤ੍વਾ વੀਸਤਿવਸ੍ਸਕਾਲੇ ਉਪਸਮ੍ਪਦਾ ਕਾਤਬ੍ਬਾ। ਅਟ੍ਠਾਰਸવਸ੍ਸਕਾਲਤੋ ਪਟ੍ਠਾਯ ਚ ਪਨਾਯਂ ਗਿਹਿਗਤਾਤਿਪਿ ਕੁਮਾਰਿਭੂਤਾਤਿਪਿ વਤ੍ਤੁਂ વਟ੍ਟਤਿ, ਕੁਮਾਰਿਭੂਤਾ ਪਨ ਗਿਹਿਗਤਾਤਿ ਨ વਤ੍ਤਬ੍ਬਾ, ਕੁਮਾਰਿਭੂਤਾ ਇਚ੍ਚੇવ વਤ੍ਤਬ੍ਬਾ। ਮਹਾਸਿਕ੍ਖਮਾਨਾ ਪਨ ਗਿਹਿਗਤਾਤਿਪਿ વਤ੍ਤੁਂ ਨ વਟ੍ਟਤਿ, ਕੁਮਾਰਿਭੂਤਾਤਿਪਿ વਤ੍ਤੁਂ ਨ વਟ੍ਟਤਿ, ਸਿਕ੍ਖਾਸਮ੍ਮੁਤਿਦਾਨવਸੇਨ ਪਨ ਤਿਸ੍ਸੋਪਿ ਸਿਕ੍ਖਮਾਨਾਤਿ વਤ੍ਤੁਂ વਟ੍ਟਤਿ।
1119. Kumāribhūtavaggassa paṭhamadutiyatatiyasikkhāpadāni tīṇi tīhi gihigatasikkhāpadehi sadisāni. Yā pana tā sabbapaṭhamā dve mahāsikkhamānā, tā atikkantavīsativassāti veditabbā. Tā gihigatā vā hontu agihigatā vā, sikkhamānā icceva vattabbā, gihigatāti vā kumāribhūtāti vā na vattabbā. Gihigatāya dasavassakāle sikkhāsammutiṃ datvā dvādasavassakāle upasampadā kātabbā. Ekādasavassakāle datvā terasavassakāle kātabbā, dvādasaterasacuddasapannarasasoḷasasattarasaaṭṭhārasavassakāle sammutiṃ datvā vīsativassakāle upasampadā kātabbā. Aṭṭhārasavassakālato paṭṭhāya ca panāyaṃ gihigatātipi kumāribhūtātipi vattuṃ vaṭṭati, kumāribhūtā pana gihigatāti na vattabbā, kumāribhūtā icceva vattabbā. Mahāsikkhamānā pana gihigatātipi vattuṃ na vaṭṭati, kumāribhūtātipi vattuṃ na vaṭṭati, sikkhāsammutidānavasena pana tissopi sikkhamānāti vattuṃ vaṭṭati.
ਪਠਮਦੁਤਿਯਤਤਿਯਾਨਿ।
Paṭhamadutiyatatiyāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧. ਪਠਮਸਿਕ੍ਖਾਪਦਂ • 1. Paṭhamasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਕੁਮਾਰਿਭੂਤવਗ੍ਗવਣ੍ਣਨਾ • 8. Kumāribhūtavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧-੨-੩. ਪਠਮ-ਦੁਤਿਯ-ਤਤਿਯਸਿਕ੍ਖਾਪਦ-ਅਤ੍ਥਯੋਜਨਾ • 1-2-3. Paṭhama-dutiya-tatiyasikkhāpada-atthayojanā
