| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
8. батамад̣̇удтад̣̇осасигкаабад̣̇аван̣н̣анаа
8. Paṭhamaduṭṭhadosasikkhāpadavaṇṇanā
380. адтамз баагаарзна баригкид̇д̇анд̇и самб̣анд̇хо. г̇обураддаалагаяуд̇д̇анд̇и д̣̇ваарабаасаад̣̇зна жа д̇ад̇т̇а д̇ад̇т̇а баагаарамад̇т̇агз бад̇идтаабид̇ааддаалагзхи жа яуд̇д̇ам̣. взл̣уухи баригкид̇д̇ад̇д̇аа аб̣бханд̇арз бубпуубаг̇апалуубаг̇аругкасан̃чаннад̇д̇аа жа нийлобхаасам̣. чааяууд̣̇агасамбад̇д̇ияаа бхуумибхааг̇асамбад̇д̇ияаа жа манорамам̣. гаал̣агавзсзнаад̇и галанд̣̇агаруубзна. ниваабанд̇и бхож̇анам̣. д̇анд̇и уяяаанам̣. д̣̇аб̣б̣од̇и д̇асса т̇зрасса нааманд̇и д̣̇аб̣б̣ад̇т̇амбхз бад̇ид̇ад̇д̇аа д̣̇аб̣б̣од̇и д̇асса т̇зрасса наамам̣ ахоси.
380. Aṭṭhame pākārena parikkhittanti sambandho. Gopuraṭṭālakayuttanti dvārapāsādena ca tattha tattha pākāramatthake patiṭṭhāpitaaṭṭālakehi ca yuttaṃ. Veḷūhi parikkhittattā abbhantare pupphūpagaphalūpagarukkhasañchannattā ca nīlobhāsaṃ. Chāyūdakasampattiyā bhūmibhāgasampattiyā ca manoramaṃ. Kāḷakavesenāti kalandakarūpena. Nivāpanti bhojanaṃ. Tanti uyyānaṃ. Dabboti tassa therassa nāmanti dabbatthambhe patitattā dabboti tassa therassa nāmaṃ ahosi.
гассабад̣̇асаб̣аласса саасаносагганагаалз гира сад̇д̇а бхигкуу згажид̇д̇аа худ̇ваа ан̃н̃з саасанз аг̇ааравам̣ гаронд̇з д̣̇исваа ‘‘ид̇ха гим̣ гарома, згаманд̇з саман̣ад̇хаммам̣ гад̇ваа д̣̇угкассанд̇ам̣ гариссаамаа’’д̇и ниссзн̣им̣ б̣анд̇хид̇ваа ужжам̣ баб̣б̣ад̇асикарам̣ абхирухид̇ваа ад̇д̇ано жид̇д̇аб̣алам̣ ж̇аананд̇аа ‘‘ниссзн̣им̣ баад̇знд̇у, ж̇ийвид̇з саалаяаа од̇аранд̇у, маа бажчаануд̇аббино ахувад̇т̇аа’’д̇и вад̇ваа саб̣б̣з згажид̇д̇аа худ̇ваа ниссзн̣им̣ баад̇зд̇ваа ‘‘аббамад̇д̇аа хот̇а, аавусо’’д̇и ан̃н̃аман̃н̃ам̣ овад̣̇ид̇ваа жид̇д̇аружиязсу таанзсу нисийд̣̇ид̇ваа саман̣ад̇хаммам̣ гаад̇ум̣ аарабхим̣су.
Kassapadasabalassa sāsanosakkanakāle kira satta bhikkhū ekacittā hutvā aññe sāsane agāravaṃ karonte disvā ‘‘idha kiṃ karoma, ekamante samaṇadhammaṃ katvā dukkhassantaṃ karissāmā’’ti nisseṇiṃ bandhitvā uccaṃ pabbatasikharaṃ abhiruhitvā attano cittabalaṃ jānantā ‘‘nisseṇiṃ pātentu, jīvite sālayā otarantu, mā pacchānutappino ahuvatthā’’ti vatvā sabbe ekacittā hutvā nisseṇiṃ pātetvā ‘‘appamattā hotha, āvuso’’ti aññamaññaṃ ovaditvā cittaruciyesu ṭhānesu nisīditvā samaṇadhammaṃ kātuṃ ārabhiṃsu.
д̇ад̇рзго т̇зро бан̃жамз д̣̇ивасз арахад̇д̇ам̣ бад̇ваа ‘‘мама гижжам̣ нибпаннам̣, ахам̣ имасмим̣ таанз гим̣ гариссаамий’’д̇и ид̣̇д̇хияаа уд̇д̇арагуруд̇о бин̣д̣абаад̇ам̣ аахарид̇ваа ааха – ‘‘аавусо, имам̣ бин̣д̣абаад̇ам̣ барибхун̃ж̇ат̇а, бхигкаажаарагижжам̣ мамааяад̇д̇ам̣ ход̇у, д̇умхз ад̇д̇ано гаммам̣ гарот̇аа’’д̇и. гим̣ ну маяам̣, аавусо, ниссзн̣им̣ баад̇знд̇аа звам̣ аважумха ‘‘яо батамам̣ д̇хаммам̣ сажчигарод̇и, со бхигкам̣ аахарад̇у, д̇знаабхад̇ам̣ сзсаа барибхун̃ж̇ид̇ваа саман̣ад̇хаммам̣ гариссанд̇ий’’д̇и. над̇т̇и, аавусод̇и. д̇умхз ад̇д̇ано буб̣б̣ахзд̇унаава лабхид̇т̇а, маяамби саггонд̇аа ваддассанд̇ам̣ гариссаама, г̇ажчат̇а д̇умхзд̇и. т̇зро д̇з сан̃н̃аабзд̇ум̣ асаггонд̇о паасугадтаанз бин̣д̣абаад̇ам̣ барибхун̃ж̇ид̇ваа г̇ад̇о. абароби т̇зро сад̇д̇амз д̣̇ивасз анааг̇аамипалам̣ бад̇ваа д̇ад̇о жуд̇о суд̣̇д̇хааваасаб̣рахмалогз ниб̣б̣ад̇д̇о, ид̇арз т̇зраа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа д̇зсу д̇зсу гулзсу ниб̣б̣ад̇д̇аа. зго г̇анд̇хаарарадтз д̇аггасиланаг̇арз рааж̇аг̇зхз ниб̣б̣ад̇д̇о, зго бажжанд̇имарадтз бариб̣б̣ааж̇игааяа гужчимхи ниб̣б̣ад̇д̇о, зго б̣аахияарадтз гудумб̣ияаг̇зхз ниб̣б̣ад̇д̇о, зго рааж̇аг̇ахз гудумб̣ияаг̇зхз ниб̣б̣ад̇д̇о.
Tatreko thero pañcame divase arahattaṃ patvā ‘‘mama kiccaṃ nipphannaṃ, ahaṃ imasmiṃ ṭhāne kiṃ karissāmī’’ti iddhiyā uttarakuruto piṇḍapātaṃ āharitvā āha – ‘‘āvuso, imaṃ piṇḍapātaṃ paribhuñjatha, bhikkhācārakiccaṃ mamāyattaṃ hotu, tumhe attano kammaṃ karothā’’ti. Kiṃ nu mayaṃ, āvuso, nisseṇiṃ pātentā evaṃ avacumha ‘‘yo paṭhamaṃ dhammaṃ sacchikaroti, so bhikkhaṃ āharatu, tenābhataṃ sesā paribhuñjitvā samaṇadhammaṃ karissantī’’ti. Natthi, āvusoti. Tumhe attano pubbahetunāva labhittha, mayampi sakkontā vaṭṭassantaṃ karissāma, gacchatha tumheti. Thero te saññāpetuṃ asakkonto phāsukaṭṭhāne piṇḍapātaṃ paribhuñjitvā gato. Aparopi thero sattame divase anāgāmiphalaṃ patvā tato cuto suddhāvāsabrahmaloke nibbatto, itare therā ekaṃ buddhantaraṃ devamanussesu saṃsaritvā tesu tesu kulesu nibbattā. Eko gandhāraraṭṭhe takkasilanagare rājagehe nibbatto, eko paccantimaraṭṭhe paribbājikāya kucchimhi nibbatto, eko bāhiyaraṭṭhe kuṭumbiyagehe nibbatto, eko rājagahe kuṭumbiyagehe nibbatto.
аяам̣ бана д̣̇аб̣б̣ад̇т̇зро малларадтз анубияанаг̇арз згасса малларан̃н̃о г̇зхз бадисанд̇хим̣ г̇ан̣хи. д̇асса маад̇аа убавиж̇ан̃н̃аа гааламагааси. мад̇асарийрам̣ сусаанам̣ нзд̇ваа д̣̇ааружид̇агам̣ ааробзд̇ваа аг̇г̇им̣ ад̣̇ам̣су. аг̇г̇ивзг̇асанд̇ад̇д̇ам̣ уд̣̇арабадалам̣ д̣̇взд̇хаа ахоси. д̣̇аараго ад̇д̇ано бун̃н̃аб̣алзна уббад̇ид̇ваа згасмим̣ д̣̇аб̣б̣ад̇т̇амбхз нибад̇и, д̇ам̣ д̣̇аарагам̣ г̇ахзд̇ваа аяяигааяа ад̣̇ам̣су. саа д̇асса наамам̣ г̇ан̣ханд̇ий д̣̇аб̣б̣ад̇т̇амбхз бад̇ид̇ваа лад̣̇д̇хаж̇ийвигад̇д̇аа ‘‘д̣̇аб̣б̣о’’д̇и д̇асса наамам̣ агааси. д̇зна вуд̇д̇ам̣ ‘‘д̣̇аб̣б̣од̇и д̇асса т̇зрасса наама’’нд̇и.
Ayaṃ pana dabbatthero mallaraṭṭhe anupiyanagare ekassa mallarañño gehe paṭisandhiṃ gaṇhi. Tassa mātā upavijaññā kālamakāsi. Matasarīraṃ susānaṃ netvā dārucitakaṃ āropetvā aggiṃ adaṃsu. Aggivegasantattaṃ udarapaṭalaṃ dvedhā ahosi. Dārako attano puññabalena uppatitvā ekasmiṃ dabbatthambhe nipati, taṃ dārakaṃ gahetvā ayyikāya adaṃsu. Sā tassa nāmaṃ gaṇhantī dabbatthambhe patitvā laddhajīvikattā ‘‘dabbo’’ti tassa nāmaṃ akāsi. Tena vuttaṃ ‘‘dabboti tassa therassa nāma’’nti.
д̇асса сад̇д̇авассигагаалз сад̇т̇аа бхигкусан̇гхабаривуд̇о малларадтз жааригам̣ жарамаано анубияаниг̇амам̣ бад̇ваа анубияамб̣аванз вихарад̇и. д̣̇аб̣б̣агумааро сад̇т̇аарам̣ д̣̇исваа саха д̣̇ассанзнзва басийд̣̇ид̇ваа баб̣б̣аж̇ид̇угаамо худ̇ваа ‘‘ахам̣ д̣̇асаб̣аласса санд̇игз баб̣б̣аж̇иссаамий’’д̇и аяяигам̣ аабужчи. саа ‘‘саад̇ху д̇аад̇аа’’д̇и д̣̇аб̣б̣агумаарам̣ аад̣̇ааяа сад̇т̇у санд̇игам̣ г̇анд̇ваа ‘‘бханд̇з, имам̣ гумаарам̣ баб̣б̣ааж̇зт̇аа’’д̇и ааха. сад̇т̇аа ан̃н̃ад̇арасса бхигкуно сан̃н̃ам̣ ад̣̇ааси ‘‘бхигку имам̣ д̣̇аарагам̣ баб̣б̣ааж̇зхий’’д̇и. со т̇зро сад̇т̇у важанам̣ суд̇ваа д̣̇аб̣б̣агумаарам̣ баб̣б̣ааж̇знд̇о д̇ажабан̃жагагаммадтаанам̣ аажигки. буб̣б̣ахзд̇усамбанно гад̇аабхинийхааро батамагзсаваддияаа воробанагкан̣зязва сод̇аабад̇д̇ипалз бад̇идтааси, д̣̇уд̇ияааяа гзсаваддияаа оробияамаанааяа сагад̣̇ааг̇аамипалз, д̇ад̇ияааяа анааг̇аамипалз, саб̣б̣агзсаанам̣ бана оробанан̃жа арахад̇д̇апаласажчигирияаа жа абажчаа абурз ахоси. д̇ам̣ санд̇хааяа вуд̇д̇ам̣ ‘‘т̇зро гира сад̇д̇авассигова сам̣взг̇ам̣ лабхид̇ваа баб̣б̣аж̇ид̇о кураг̇г̇зязва арахад̇д̇ам̣ баабун̣ийд̇и взд̣̇ид̇аб̣б̣о’’д̇и.
Tassa sattavassikakāle satthā bhikkhusaṅghaparivuto mallaraṭṭhe cārikaṃ caramāno anupiyanigamaṃ patvā anupiyambavane viharati. Dabbakumāro satthāraṃ disvā saha dassaneneva pasīditvā pabbajitukāmo hutvā ‘‘ahaṃ dasabalassa santike pabbajissāmī’’ti ayyikaṃ āpucchi. Sā ‘‘sādhu tātā’’ti dabbakumāraṃ ādāya satthu santikaṃ gantvā ‘‘bhante, imaṃ kumāraṃ pabbājethā’’ti āha. Satthā aññatarassa bhikkhuno saññaṃ adāsi ‘‘bhikkhu imaṃ dārakaṃ pabbājehī’’ti. So thero satthu vacanaṃ sutvā dabbakumāraṃ pabbājento tacapañcakakammaṭṭhānaṃ ācikkhi. Pubbahetusampanno katābhinīhāro paṭhamakesavaṭṭiyā voropanakkhaṇeyeva sotāpattiphale patiṭṭhāsi, dutiyāya kesavaṭṭiyā oropiyamānāya sakadāgāmiphale, tatiyāya anāgāmiphale, sabbakesānaṃ pana oropanañca arahattaphalasacchikiriyā ca apacchā apure ahosi. Taṃ sandhāya vuttaṃ ‘‘thero kira sattavassikova saṃvegaṃ labhitvā pabbajito khuraggeyeva arahattaṃ pāpuṇīti veditabbo’’ti.
саавагзна бад̇д̇аб̣б̣анд̇и яат̇убаниссаяам̣ д̇зна д̇зна саавагзна бад̇д̇аб̣б̣ам̣. д̇иссо виж̇ж̇аад̇иаад̣̇и яат̇аасамбхававасзна вуд̇д̇ам̣. г̇ун̣аж̇аад̇анд̇и ‘‘яан̃жа гин̃жи саавагзна бад̇д̇аб̣б̣а’’нд̇и набум̣сагалин̇г̇асамб̣анд̇хад̣̇ассанад̇т̇ам̣ вуд̇д̇ам̣. жад̇уусу сажжзсу жад̇уухи маг̇г̇зхи сол̣асавид̇хасса гижжасса гад̇ад̇д̇аад̇и д̣̇угкасамуд̣̇аяанирод̇хамаг̇г̇асан̇каад̇зсу жад̇уусу сажжзсу д̣̇угкабарин̃н̃аа самуд̣̇аяаббахаанам̣ нирод̇хасажчигирияаа маг̇г̇абхааванаад̇и згзгасса маг̇г̇асса жад̇уннам̣ жад̇уннам̣ гижжаанам̣ васзна сол̣асавид̇хасса гижжасса гад̇ад̇д̇аа. д̇ад̇о д̇ад̇о бадиггамид̇ваад̇и д̇ад̇о д̇ад̇о гижжад̇о аарамман̣ад̇о жа бадивад̇д̇ид̇ваа. силаабаддагзд̇и баасаан̣апалагз. д̇зрасаабийд̇и бхад̇д̇уд̣̇д̣̇зсагасзнаасанаг̇г̇аахаабагабхан̣д̣ааг̇ааригажийварабадиг̇г̇аахагажийварабхааж̇анагаяааг̇убхааж̇анагапалабхааж̇анагакаж̇ж̇абхааж̇анагааббамад̇д̇агависсаж̇ж̇агасаадияаг̇г̇аахаабагабад̇д̇аг̇г̇аахаабагааараамигабзсагасааман̣зрабзсагасаммуд̇ийнам̣ васзна д̇зрасааби саммуд̇ияо д̣̇аад̇ум̣ вадданд̇и.
Sāvakena pattabbanti yathupanissayaṃ tena tena sāvakena pattabbaṃ. Tisso vijjātiādi yathāsambhavavasena vuttaṃ. Guṇajātanti ‘‘yañca kiñci sāvakena pattabba’’nti napuṃsakaliṅgasambandhadassanatthaṃ vuttaṃ. Catūsu saccesu catūhi maggehi soḷasavidhassa kiccassa katattāti dukkhasamudayanirodhamaggasaṅkhātesu catūsu saccesu dukkhapariññā samudayappahānaṃ nirodhasacchikiriyā maggabhāvanāti ekekassa maggassa catunnaṃ catunnaṃ kiccānaṃ vasena soḷasavidhassa kiccassa katattā. Tato tato paṭikkamitvāti tato tato kiccato ārammaṇato ca paṭivattitvā. Silāpaṭṭaketi pāsāṇaphalake. Terasāpīti bhattuddesakasenāsanaggāhāpakabhaṇḍāgārikacīvarapaṭiggāhakacīvarabhājanakayāgubhājanakaphalabhājanakakhajjabhājanakaappamattakavissajjakasāṭiyaggāhāpakapattaggāhāpakaārāmikapesakasāmaṇerapesakasammutīnaṃ vasena terasāpi sammutiyo dātuṃ vaṭṭanti.
382. абисууд̇и зд̇т̇а сууд̇и нибаад̇амад̇д̇ам̣, аби-сад̣̇д̣̇о адтаанаббаяуд̇д̇о ‘‘вигаалз’’д̇и имасса ананд̇арам̣ д̣̇адтаб̣б̣о, вигаалзби ааг̇ажчанд̇ийд̇и ад̇т̇о. ж̇аананд̇аад̇и д̣̇уурабхаавам̣ ж̇аананд̇аа. звам̣ саб̣б̣абад̣̇зсууд̇и зд̇т̇а гад̇игасан̣таанаад̣̇ийнам̣ наанаббагаарад̇д̇аа д̇асмим̣ д̇асмим̣ вихаарз гад̇игавад̇д̇аад̣̇ийни висум̣ висум̣ гат̇аабзд̇ийд̇и взд̣̇ид̇аб̣б̣ам̣. саб̣б̣авихаарзсу жа г̇аманамаг̇г̇з самаббамаан̣з гад̇ваа ад̇хидтаад̇ийд̇и вад̣̇анд̇и. аяан̃хи ниммид̇аанам̣ д̇хаммад̇аад̇и анияамзд̇ваа ниммид̇аанам̣ аяам̣ ‘‘згасмим̣ бхаасамаанасми’’нд̇иаад̣̇и д̇хаммад̇аа. д̇ат̇аа хи яз ван̣н̣аваяасарийрааваяавабаригкаарагирияаависзсаад̣̇ийхи нияамам̣ агад̇ваа ниммид̇аа хонд̇и, д̇з анияамзд̇ваа ниммид̇ад̇д̇аа ид̣̇д̇химад̇аа сад̣̇исаава хонд̇и. таананисаж̇ж̇аад̣̇ийсу бхаасид̇ад̇ун̣хийбхааваад̣̇ийсу ваа яам̣ яам̣ ид̣̇д̇химаа гарод̇и, д̇ам̣ д̇ад̣̇зва гаронд̇и. сажз бана наанаббагаарз гаад̇угаамо ход̇и, гзжи батамаваяз, гзжи маж̇жхимаваяз, гзжи бажчимаваяз, д̇ат̇аа д̣̇ийгхагзсз, убад̣дхамун̣д̣з , миссагагзсз, убад̣дхарад̇д̇ажийварз, бан̣д̣угажийварз, бад̣̇абхаан̣ад̇хаммагат̇аасарабхан̃н̃абан̃хабужчанабан̃хависсаж̇ж̇анажийварасиб̣б̣анад̇хованаад̣̇ийни гаронд̇з, абарзби ваа наанаббагаарагз гаад̇угаамо ход̇и, д̇зна баад̣̇агаж̇жхаанад̇о вудтааяа ‘‘зд̇д̇агаа бхигкуу батамаваяаа хонд̇уу’’д̇иаад̣̇инаа наязна баригаммам̣ гад̇ваа буна самаабаж̇ж̇ид̇ваа вудтааяа ад̇хидтид̇з ад̇хидтаанажид̇д̇зна сад̣̇д̇хим̣ ижчид̇ижчид̇аббагаарааязва хонд̇и. авад̇т̇угаважанам̣ на ход̇ийд̇и ниммид̇аанам̣ ‘‘аяам̣ ман̃жо’’д̇иаад̣̇иважанам̣ авад̇т̇угам̣ на ход̇и саб̣б̣ад̇т̇а ман̃жабийтаанам̣ самбхавад̇о.
382.Apisūti ettha sūti nipātamattaṃ, api-saddo aṭṭhānappayutto ‘‘vikāle’’ti imassa anantaraṃ daṭṭhabbo, vikālepi āgacchantīti attho. Jānantāti dūrabhāvaṃ jānantā. Evaṃ sabbapadesūti ettha katikasaṇṭhānādīnaṃ nānappakārattā tasmiṃ tasmiṃ vihāre katikavattādīni visuṃ visuṃ kathāpetīti veditabbaṃ. Sabbavihāresu ca gamanamagge samappamāṇe katvā adhiṭṭhātīti vadanti. Ayañhi nimmitānaṃ dhammatāti aniyametvā nimmitānaṃ ayaṃ ‘‘ekasmiṃ bhāsamānasmi’’ntiādi dhammatā. Tathā hi ye vaṇṇavayasarīrāvayavaparikkhārakiriyāvisesādīhi niyamaṃ akatvā nimmitā honti, te aniyametvā nimmitattā iddhimatā sadisāva honti. Ṭhānanisajjādīsu bhāsitatuṇhībhāvādīsu vā yaṃ yaṃ iddhimā karoti, taṃ tadeva karonti. Sace pana nānappakāre kātukāmo hoti, keci paṭhamavaye, keci majjhimavaye, keci pacchimavaye, tathā dīghakese, upaḍḍhamuṇḍe , missakakese, upaḍḍharattacīvare, paṇḍukacīvare, padabhāṇadhammakathāsarabhaññapañhapucchanapañhavissajjanacīvarasibbanadhovanādīni karonte, aparepi vā nānappakārake kātukāmo hoti, tena pādakajjhānato vuṭṭhāya ‘‘ettakā bhikkhū paṭhamavayā hontū’’tiādinā nayena parikammaṃ katvā puna samāpajjitvā vuṭṭhāya adhiṭṭhite adhiṭṭhānacittena saddhiṃ icchiticchitappakārāyeva honti. Avatthukavacanaṃ na hotīti nimmitānaṃ ‘‘ayaṃ mañco’’tiādivacanaṃ avatthukaṃ na hoti sabbattha mañcapīṭhānaṃ sambhavato.
383. згажааригабхад̇д̇анд̇и ад̇иманаабад̇д̇аа висум̣ тид̇игааяа баабзд̇аб̣б̣ам̣ бхад̇д̇ам̣. д̇ад̣̇д̇хид̇авохаарзнаад̇и жад̇д̇аари баримаан̣амасса жад̇угганд̇и звам̣ д̇ад̣̇д̇хид̇авохаарзна. од̣̇анасса бужчааяа саад̇хагад̇амад̇д̇аа ааха – ‘‘гаран̣ад̇т̇зязва гаран̣аважана’’нд̇и, од̣̇анзна гаран̣абхууд̇зна бужчанд̇ийд̇и вуд̇д̇ам̣ ход̇и. яз жа од̣̇анзна гаран̣абхууд̇зна бужчанд̇и, д̇зсам̣ бужчанаагаарад̣̇ассанад̇т̇ам̣ ‘‘гим̣, бханд̇з, од̣̇анам̣ д̣̇змаад̇и бужчанд̇ий’’д̇и вуд̇д̇ам̣.
383.Ekacārikabhattanti atimanāpattā visuṃ ṭhitikāya pāpetabbaṃ bhattaṃ. Taddhitavohārenāti cattāri parimāṇamassa catukkanti evaṃ taddhitavohārena. Odanassa pucchāya sādhakatamattā āha – ‘‘karaṇattheyeva karaṇavacana’’nti, odanena karaṇabhūtena pucchantīti vuttaṃ hoti. Ye ca odanena karaṇabhūtena pucchanti, tesaṃ pucchanākāradassanatthaṃ ‘‘kiṃ, bhante, odanaṃ demāti pucchantī’’ti vuttaṃ.
бхавод̇и бхавид̇аб̣б̣о. асаманнаахарид̇ваад̇и аабхог̇ам̣ агад̇ваа. рад̇д̇им̣ самманд̇аяамаанаад̇и ган̃жи гаалам̣ субид̇ваа вудтааяа самманд̇аяамаанаа. рад̇д̇ияан̃хи батамаяаамамаж̇жхимаяаамзсу субид̇ваа баб̣уд̣̇д̇хаанам̣ аж̇ж̇ад̇анагаалзби анаж̇ж̇ад̇анаабхимаано ход̇и, д̇асмаа д̇з ‘‘хияяо’’д̇и аахам̣су. яз бана рад̇д̇ияам̣ гаммаббасуд̇аа ж̇ааг̇арияамануяуд̇д̇аа хонд̇и, д̇зсам̣ аж̇ж̇ад̇анаабхимааноязва, д̇асмаа д̇з ‘‘аж̇ж̇а’’ижжзва вохаранд̇и, на ‘‘хияяо’’д̇и. бад̇хуубааяанд̇аад̇и бунаббунам̣ уббаж̇ж̇анагагод̇хавасзна бад̇хуубааяанд̇аа.
Bhavoti bhavitabbo. Asamannāharitvāti ābhogaṃ akatvā. Rattiṃ sammantayamānāti kañci kālaṃ supitvā vuṭṭhāya sammantayamānā. Rattiyañhi paṭhamayāmamajjhimayāmesu supitvā pabuddhānaṃ ajjatanakālepi anajjatanābhimāno hoti, tasmā te ‘‘hiyyo’’ti āhaṃsu. Ye pana rattiyaṃ kammappasutā jāgariyamanuyuttā honti, tesaṃ ajjatanābhimānoyeva, tasmā te ‘‘ajja’’icceva voharanti, na ‘‘hiyyo’’ti. Padhūpāyantāti punappunaṃ uppajjanakakodhavasena padhūpāyantā.
384. д̣̇аб̣б̣а д̣̇аб̣б̣аад̇и д̣̇уд̇ияо д̣̇аб̣б̣а-сад̣̇д̣̇о бан̣д̣ид̇аад̇хиважанод̇и ааха ‘‘д̣̇аб̣б̣аа бан̣д̣ид̇аа’’д̇и. звам̣ на ниб̣б̣зтзнд̇ийд̇и самб̣анд̇хо. ниб̣б̣зтзнд̇ийд̇и ад̇д̇аанам̣ д̣̇осад̇о можзнд̇и. вудтааналагкан̣ам̣ ман̃н̃амаанаад̇и вудтааналагкан̣анд̇и ман̃н̃амаанаа. на гхадияад̇ийд̇и т̇зрасса сусийлабадин̃н̃ааяа д̇ассаа д̣̇уссийлабадин̃н̃ааважанам̣ на гхадияад̇ийд̇и ад̇хиббааяо. зд̇т̇а яам̣ вад̇д̇аб̣б̣ам̣, д̇ам̣ барад̇о аави бхависсад̇и. наасзт̇аад̇и сзд̇агам̣ д̣̇ад̇ваа г̇ихибхаавам̣ баабзт̇аад̇и ад̇т̇о. лин̇г̇анаасанаа хзд̇т̇а ад̇хиббзд̇аа. имамзва жа д̣̇ассзд̇ум̣ ‘‘д̇иссо наасанаа’’д̇иаад̣̇и вуд̇д̇ам̣. згагаммаад̣̇исам̣ваасасса агаран̣ам̣ сам̣ваасанаасанаа. д̣̇ан̣д̣агамманаасанаа наама ваалугаад̣̇ийни огирид̇ваа яаава камаабзд̇и, д̇аава д̣̇ан̣д̣агаммавасзна ниггад̣дханам̣. жара бирз винассаад̇и ниггад̣дханаагаарад̣̇ассанам̣. д̇ад̇т̇а жараад̇и г̇ажча, абзхийд̇и вуд̇д̇ам̣ ход̇и. бирзд̇и бара амаамага, амхаагам̣ анаж̇жхад̇д̇игабхууд̇аад̇и ад̇т̇о. бирзд̇и хи бара-сад̣̇д̣̇зна самаанад̇т̇ам̣ самб̣од̇ханаважанам̣. ат̇а ваа бирзд̇и ‘‘барад̇о’’д̇и иминаа самаанад̇т̇ам̣ нибаад̇абад̣̇ам̣, д̇асмаа жара бирзд̇и барад̇о г̇ажча, маа ид̇ха д̇идтаад̇и ад̇т̇о. винассаад̇и ад̣̇ассанам̣ г̇ажча.
384.Dabbadabbāti dutiyo dabba-saddo paṇḍitādhivacanoti āha ‘‘dabbā paṇḍitā’’ti. Evaṃ na nibbeṭhentīti sambandho. Nibbeṭhentīti attānaṃ dosato mocenti. Vuṭṭhānalakkhaṇaṃ maññamānāti vuṭṭhānalakkhaṇanti maññamānā. Na ghaṭiyatīti therassa susīlapaṭiññāya tassā dussīlapaṭiññāvacanaṃ na ghaṭiyatīti adhippāyo. Ettha yaṃ vattabbaṃ, taṃ parato āvi bhavissati. Nāsethāti setakaṃ datvā gihibhāvaṃ pāpethāti attho. Liṅganāsanā hettha adhippetā. Imameva ca dassetuṃ ‘‘tisso nāsanā’’tiādi vuttaṃ. Ekakammādisaṃvāsassa akaraṇaṃ saṃvāsanāsanā. Daṇḍakammanāsanā nāma vālukādīni okiritvā yāva khamāpeti, tāva daṇḍakammavasena nikkaḍḍhanaṃ. Cara pire vinassāti nikkaḍḍhanākāradassanaṃ. Tattha carāti gaccha, apehīti vuttaṃ hoti. Pireti para amāmaka, amhākaṃ anajjhattikabhūtāti attho. Pireti hi para-saddena samānatthaṃ sambodhanavacanaṃ. Atha vā pireti ‘‘parato’’ti iminā samānatthaṃ nipātapadaṃ, tasmā cara pireti parato gaccha, mā idha tiṭṭhāti attho. Vinassāti adassanaṃ gaccha.
яасмаа д̇з бхигкуу ад̇д̇аанам̣ аббагаасзд̇ваа тид̇аа, д̇асмаа ануяун̃ж̇ат̇аад̇и имасса г̇авзсат̇а ж̇аанаат̇аад̇и ад̇т̇о вуд̇д̇о. гаараго ход̇ийд̇и ‘‘аяязнамхи д̣̇уусид̇аа’’д̇и бадин̃н̃аад̇ад̇д̇аа д̇ааяа бадин̃н̃ааяа яад̣̇и наасид̇аа, т̇зро гаараго ход̇и, сад̣̇осод̇и ад̇т̇о. агаараго ход̇ийд̇и д̇ааяа гад̇абадин̃н̃ам̣ анабзгкид̇ваа яад̣̇и бхаг̇авад̇аа багад̇ид̣̇уссийлабхаавам̣язва санд̇хааяа саа наасид̇аа, т̇зро агаараго ход̇ийд̇и ад̇хиббааяо. ‘‘сагааяа бадин̃н̃ааяа наасзт̇аа’’д̇и вуд̇д̇з ‘‘аяязнамхи д̣̇уусид̇аа’’д̇и д̇ааяа гад̇абадин̃н̃ааяа бхууд̇ад̇аа аабаж̇ж̇ад̇ийд̇и ааха – ‘‘бханд̇з, д̇умхаагам̣ ваад̣̇з т̇зро гаараго ход̇и сад̣̇осо’’д̇и. бхигкуним̣ ануд̣̇д̇хам̣сзд̇и, д̣̇уггаданд̇и иминаа махааадтагат̇ааваад̣̇о д̣̇ассид̇о. мусааваад̣̇з баажид̇д̇ияанд̇и вуд̇д̇анд̇и бхигкуним̣ ануд̣̇д̇хам̣сзнд̇асса мусааваад̣̇з баажид̇д̇ияанд̇и вуд̇д̇ам̣.
Yasmā te bhikkhū attānaṃ appakāsetvā ṭhitā, tasmā anuyuñjathāti imassa gavesatha jānāthāti attho vutto. Kārako hotīti ‘‘ayyenamhi dūsitā’’ti paṭiññātattā tāya paṭiññāya yadi nāsitā, thero kārako hoti, sadosoti attho. Akārako hotīti tāya katapaṭiññaṃ anapekkhitvā yadi bhagavatā pakatidussīlabhāvaṃyeva sandhāya sā nāsitā, thero akārako hotīti adhippāyo. ‘‘Sakāya paṭiññāya nāsethā’’ti vutte ‘‘ayyenamhi dūsitā’’ti tāya katapaṭiññāya bhūtatā āpajjatīti āha – ‘‘bhante, tumhākaṃ vāde thero kārako hoti sadoso’’ti. Bhikkhuniṃ anuddhaṃseti, dukkaṭanti iminā mahāaṭṭhakathāvādo dassito. Musāvāde pācittiyanti vuttanti bhikkhuniṃ anuddhaṃsentassa musāvāde pācittiyanti vuttaṃ.
д̇ад̇раад̇и д̇зсу д̣̇уггадабаажид̇д̇иязсу. ид̇о бадтааяа ‘‘д̇асмаа баажид̇д̇ияамзва яуж̇ж̇ад̇ий’’д̇и важанабарияанд̇ам̣ д̣̇вийсуби адтагат̇аасу ад̇хиббааяавибхааванам̣. д̇ад̇т̇а буриманаязд̇и ‘‘бхигкуним̣ ануд̣̇д̇хам̣сзд̇и, д̣̇уггада’’нд̇и вуд̇д̇аадтагат̇аанаяз. д̣̇уггадамзва яуж̇ж̇ад̇ийд̇и гасмаа вуд̇д̇анд̇и жз? д̇ад̇т̇а гааран̣ам̣ д̣̇ассзнд̇о ‘‘яат̇аа’’д̇иаад̣̇имааха. бхигкуно бхигкусмим̣ сан̇гхаад̣̇исзсод̇и бхигкум̣ амуулагзна анд̇имавад̇т̇унаа ануд̣̇д̇хам̣сзнд̇асса бхигкуно сан̇гхаад̣̇исзсод̇и ад̇т̇о. бажчиманаязби ‘‘бхигкуним̣ ануд̣̇д̇хам̣сзнд̇асса мусааваад̣̇з баажид̇д̇ияа’’нд̇и вуд̇д̇ам̣. гурунд̣̇ийнаязби мусааваад̣̇ад̇д̇аа баажид̇д̇ияамзва яуж̇ж̇ад̇ийд̇и висам̣ваад̣̇абурзгкад̇ааяа баажид̇д̇ияамзва яуж̇ж̇ад̇ийд̇и ад̇хиббааяо. яад̣̇и звам̣ бхигкум̣ амуулагзна анд̇имавад̇т̇унаа ануд̣̇д̇хам̣сзнд̇асса аггосанд̇асса жа мусааваад̣̇ад̇д̇аа баажид̇д̇иязнзва бхавид̇аб̣б̣анд̇и жз? д̇ад̇т̇а сад̇иби мусааваад̣̇з важанаббамаан̣ад̇о сан̇гхаад̣̇исзсаомасаваад̣̇абаажид̇д̇иязхзва бхавид̇аб̣б̣ам̣, на самбаж̇аанамусааваад̣̇абаажид̇д̇иязнаад̇и д̣̇ассзд̇ум̣ ‘‘важанаббамаан̣ад̇о’’д̇иаад̣̇имааха. д̇ад̇т̇а важанаббамаан̣ад̇од̇и бхаг̇авад̇аа вуд̇д̇абаал̣иважанаббамаан̣ад̇о. ид̣̇аани д̇ам̣ важанам̣ д̣̇ассзд̇ум̣ ‘‘ануд̣̇д̇хам̣санаад̇хиббааязнаа’’д̇иаад̣̇и вуд̇д̇ам̣. бхигкусса бана бхигкунияаа д̣̇уггаданд̇и важанам̣ над̇т̇ийд̇и бхигкунияаа ануд̣̇д̇хам̣санз бхигкуно д̣̇уггаданд̇и важанам̣ над̇т̇и д̇ат̇аа баал̣ияам̣ анааг̇ад̇ад̇д̇аа. самбаж̇аанамусааваад̣̇з баажид̇д̇ияанд̇и важанамад̇т̇ийд̇и сааман̃н̃ад̇о вуд̇д̇ам̣ самбаж̇аанамусааваад̣̇асигкаабад̣̇ам̣ д̣̇ассзд̇и.
Tatrāti tesu dukkaṭapācittiyesu. Ito paṭṭhāya ‘‘tasmā pācittiyameva yujjatī’’ti vacanapariyantaṃ dvīsupi aṭṭhakathāsu adhippāyavibhāvanaṃ. Tattha purimanayeti ‘‘bhikkhuniṃ anuddhaṃseti, dukkaṭa’’nti vuttaaṭṭhakathānaye. Dukkaṭameva yujjatīti kasmā vuttanti ce? Tattha kāraṇaṃ dassento ‘‘yathā’’tiādimāha. Bhikkhuno bhikkhusmiṃ saṅghādisesoti bhikkhuṃ amūlakena antimavatthunā anuddhaṃsentassa bhikkhuno saṅghādisesoti attho. Pacchimanayepi ‘‘bhikkhuniṃ anuddhaṃsentassa musāvāde pācittiya’’nti vuttaṃ. Kurundīnayepi musāvādattā pācittiyameva yujjatīti visaṃvādapurekkhatāya pācittiyameva yujjatīti adhippāyo. Yadi evaṃ bhikkhuṃ amūlakena antimavatthunā anuddhaṃsentassa akkosantassa ca musāvādattā pācittiyeneva bhavitabbanti ce? Tattha satipi musāvāde vacanappamāṇato saṅghādisesaomasavādapācittiyeheva bhavitabbaṃ, na sampajānamusāvādapācittiyenāti dassetuṃ ‘‘vacanappamāṇato’’tiādimāha. Tattha vacanappamāṇatoti bhagavatā vuttapāḷivacanappamāṇato. Idāni taṃ vacanaṃ dassetuṃ ‘‘anuddhaṃsanādhippāyenā’’tiādi vuttaṃ. Bhikkhussa pana bhikkhuniyā dukkaṭanti vacanaṃ natthīti bhikkhuniyā anuddhaṃsane bhikkhuno dukkaṭanti vacanaṃ natthi tathā pāḷiyaṃ anāgatattā. Sampajānamusāvāde pācittiyanti vacanamatthīti sāmaññato vuttaṃ sampajānamusāvādasikkhāpadaṃ dasseti.
ид̣̇аани д̣̇вийсуби адтагат̇ааваад̣̇зсу ад̇хиббааяам̣ вибхаавзд̇ваа д̇зсу бажчимаваад̣̇з д̣̇осам̣ д̣̇ассзд̇ваа буримаваад̣̇ам̣ бад̇идтабзд̇угаамо аажарияо ‘‘д̇ад̇ра банаа’’д̇иаад̣̇имааха. д̇ад̇раад̇и ‘‘баажид̇д̇ияамзва яуж̇ж̇ад̇ий’’д̇и вуд̇д̇аваад̣̇з. ануд̣̇д̇хам̣санаад̇хиббааяз асад̇и баажид̇д̇ияанд̇и иминаа самбаж̇аанамусааваад̣̇з баажид̇д̇ияасса огаасам̣ д̣̇ассзд̇и. висум̣ баажид̇д̇ияам̣ вуд̇д̇анд̇и самбаж̇аанамусааваад̣̇з баажид̇д̇ияад̇о висум̣ ан̃н̃амзва баажид̇д̇ияам̣ вуд̇д̇ам̣. зд̇зхи наасанаа над̇т̇ийд̇и сааман̃н̃ад̇о вуд̇д̇ам̣, имиссаа бана д̣̇уггадзна наасанаа над̇т̇ийд̇и ад̇хиббааяо. яад̣̇и звам̣ гасмаа нам̣ бхаг̇аваа наасзд̇ийд̇и ааха ‘‘яасмаа банаа’’д̇иаад̣̇и.
Idāni dvīsupi aṭṭhakathāvādesu adhippāyaṃ vibhāvetvā tesu pacchimavāde dosaṃ dassetvā purimavādaṃ patiṭṭhapetukāmo ācariyo ‘‘tatra panā’’tiādimāha. Tatrāti ‘‘pācittiyameva yujjatī’’ti vuttavāde. Anuddhaṃsanādhippāye asati pācittiyanti iminā sampajānamusāvāde pācittiyassa okāsaṃ dasseti. Visuṃ pācittiyaṃ vuttanti sampajānamusāvāde pācittiyato visuṃ aññameva pācittiyaṃ vuttaṃ. Etehi nāsanā natthīti sāmaññato vuttaṃ, imissā pana dukkaṭena nāsanā natthīti adhippāyo. Yadi evaṃ kasmā naṃ bhagavā nāsetīti āha ‘‘yasmā panā’’tiādi.
385-386. д̣̇уусид̇од̇и д̣̇удтасад̣̇д̣̇асса гаммасаад̇ханад̇ам̣ д̣̇ассзд̇и. д̣̇уусаяад̇и барам̣ винаасзд̇ийд̇и д̣̇уусаго. иминаа ‘‘д̣̇уусаяад̇ийд̇и д̣̇осо’’д̇и д̣̇осасад̣̇д̣̇асса гад̇д̇усаад̇ханад̇аа вуд̇д̇аа. багад̇ибхаавам̣ ж̇ахаабид̇од̇и д̣̇усасад̣̇д̣̇асса вигад̇ияам̣ батид̇ад̇д̇аа вуд̇д̇ам̣, багад̇ияаа соммабхаавам̣ ж̇ахаабид̇од̇и ад̇т̇о, вигаарамаабаад̣̇ид̇од̇и вуд̇д̇ам̣ ход̇и. аагааранаанад̇д̇знаад̇и д̣̇уусид̇аагаарасса д̣̇уусагаагаарасса жа наанад̇д̇зна. анабхирад̣̇д̇ход̇и ад̇удто. яо бана ад̇удто, со сукид̇о наама на ход̇ийд̇и ааха ‘‘на сукид̇о’’д̇и. ‘‘аараад̇хид̇о рааж̇аа’’д̇иаад̣̇ийсу басаад̣̇ид̇од̇и ад̇т̇асамбхавад̇о ‘‘на ваа басаад̣̇ид̇о’’д̇и вуд̇д̇ам̣. кийласад̣̇д̣̇о т̇ад̣̇д̇хабхаававажано гажаварабарияааяо жа ход̇ийд̇и ааха – ‘‘жид̇д̇ат̇ад̣̇д̇хабхааважид̇д̇агажаварасан̇каад̇ам̣ бадигхакийла’’нд̇и. кийлаяад̇и д̇зна жид̇д̇ам̣ т̇ад̣̇д̇хабхаавам̣ аабаж̇ж̇ад̇ийд̇и кийлам̣, жид̇д̇асса т̇ад̣̇д̇хабхааво. со жа ад̇т̇ад̇о бадигхоязва. жид̇д̇асса т̇ад̣̇д̇хабхаавалагкан̣о хи бадигхо, д̇асмин̃жа уббаннз жид̇д̇ам̣ углаабаж̇аад̇адтаанам̣ вияа аманун̃н̃ам̣ ход̇и, д̇асмаа гажаварасад̣̇исад̇д̇ааби бадигхова ‘‘кийла’’нд̇и вуд̇д̇о. д̇знааха ‘‘бадигхакийла’’нд̇и. жид̇д̇асса т̇ад̣̇д̇хабхаавад̇д̇аа гажаварасад̣̇исад̇д̇аа жа бадигхоязва кийлам̣ бадигхакийлам̣. наббад̇ийд̇од̇и бийд̇исукаад̣̇ийхи на абхиг̇ад̇о на ануг̇ад̇о, на убзд̇од̇и ад̇т̇о. яо жа бийд̇исукаад̣̇ийхи анубаг̇ад̇о, со д̇зхи важ̇ж̇ид̇о наама ход̇ийд̇и ааха ‘‘бийд̇исукаад̣̇ийхи важ̇ж̇ид̇о’’д̇и. яо жа д̇зхи важ̇ж̇ид̇о, на со д̇зна абхисадо наама ход̇ийд̇и ааха ‘‘на абхисадо’’д̇и, бийд̇исукаад̣̇ийхи на бад̇т̇адод̇и ад̇т̇о.
385-386.Dūsitoti duṭṭhasaddassa kammasādhanataṃ dasseti. Dūsayati paraṃ vināsetīti dūsako. Iminā ‘‘dūsayatīti doso’’ti dosasaddassa kattusādhanatā vuttā. Pakatibhāvaṃ jahāpitoti dusasaddassa vikatiyaṃ paṭhitattā vuttaṃ, pakatiyā sommabhāvaṃ jahāpitoti attho, vikāramāpāditoti vuttaṃ hoti. Ākāranānattenāti dūsitākārassa dūsakākārassa ca nānattena. Anabhiraddhoti atuṭṭho. Yo pana atuṭṭho, so sukhito nāma na hotīti āha ‘‘na sukhito’’ti. ‘‘Ārādhito rājā’’tiādīsu pasāditoti atthasambhavato ‘‘na vā pasādito’’ti vuttaṃ. Khīlasaddo thaddhabhāvavacano kacavarapariyāyo ca hotīti āha – ‘‘cittathaddhabhāvacittakacavarasaṅkhātaṃ paṭighakhīla’’nti. Khīlayati tena cittaṃ thaddhabhāvaṃ āpajjatīti khīlaṃ, cittassa thaddhabhāvo. So ca atthato paṭighoyeva. Cittassa thaddhabhāvalakkhaṇo hi paṭigho, tasmiñca uppanne cittaṃ uklāpajātaṭṭhānaṃ viya amanuññaṃ hoti, tasmā kacavarasadisattāpi paṭighova ‘‘khīla’’nti vutto. Tenāha ‘‘paṭighakhīla’’nti. Cittassa thaddhabhāvattā kacavarasadisattā ca paṭighoyeva khīlaṃ paṭighakhīlaṃ. Nappatītoti pītisukhādīhi na abhigato na anugato, na upetoti attho. Yo ca pītisukhādīhi anupagato, so tehi vajjito nāma hotīti āha ‘‘pītisukhādīhi vajjito’’ti. Yo ca tehi vajjito, na so tena abhisaṭo nāma hotīti āha ‘‘na abhisaṭo’’ti, pītisukhādīhi na patthaṭoti attho.
язнаад̇и язна гобзна. д̣̇удтод̇и маад̇игааяа ааг̇ад̇абад̣̇ам̣ д̣̇ассзд̇и, губид̇од̇и бад̣̇абхааж̇анз ааг̇ад̇абад̣̇ам̣. ад̇т̇ад̇о згад̇д̇зби убхиннам̣ бад̣̇аанам̣ васзна ‘‘убхаяамбий’’д̇и вуд̇д̇ам̣. звам̣ ‘‘д̇зна жа гобзна д̇зна жа д̣̇осзнаа’’д̇и имзсам̣ бад̣̇аанам̣ васзна ‘‘д̣̇вийхий’’д̇и вуд̇д̇ам̣, ад̇т̇ад̇о бана д̣̇осоязва. со жа сан̇каарагканд̇хабарияаабаннод̇и ааха ‘‘имзхи д̣̇вийхи сан̇каарагканд̇хамзва д̣̇ассзд̇ий’’д̇и. ‘‘анад̇д̇аманад̇аа анабхирад̣̇д̇хий’’д̇и важанзхи д̣̇оманассавзд̣̇анаава вуд̇д̇аад̇и ааха ‘‘имзхи д̣̇вийхи взд̣̇анаагканд̇хам̣ д̣̇ассзд̇ий’’д̇и.
Yenāti yena kopena. Duṭṭhoti mātikāya āgatapadaṃ dasseti, kupitoti padabhājane āgatapadaṃ. Atthato ekattepi ubhinnaṃ padānaṃ vasena ‘‘ubhayampī’’ti vuttaṃ. Evaṃ ‘‘tena ca kopena tena ca dosenā’’ti imesaṃ padānaṃ vasena ‘‘dvīhī’’ti vuttaṃ, atthato pana dosoyeva. So ca saṅkhārakkhandhapariyāpannoti āha ‘‘imehi dvīhi saṅkhārakkhandhameva dassetī’’ti. ‘‘Anattamanatā anabhiraddhī’’ti vacanehi domanassavedanāva vuttāti āha ‘‘imehi dvīhi vedanākkhandhaṃ dassetī’’ti.
яад̣̇аа бана жод̣̇агзна ад̣̇идтам̣ асуд̇ам̣ абарисан̇гид̇ам̣ ваа ход̇и, д̇ад̣̇аа амуулагам̣ наама ход̇ийд̇и ааха ‘‘д̇ам̣ банасса…бз… жод̣̇агавасзна ад̇хиббзд̇а’’нд̇и. яад̣̇и жуд̣̇ид̇агавасзна ад̇хиббзд̇ам̣ сияаа, амуулагам̣ наама анаж̇жхаабаннанд̇и бад̣̇абхааж̇анам̣ вад̣̇зяяаад̇и ад̇хиббааяо. яам̣ баарааж̇иганд̇и бхигкуно ануруубзсу згуунавийсад̇ияаа баарааж̇игзсу ан̃н̃ад̇арам̣. бад̣̇абхааж̇анз бана баал̣ияам̣ ааг̇ад̇аанзва г̇ахзд̇ваа ‘‘жад̇уннам̣ ан̃н̃ад̇арзнаа’’д̇и вуд̇д̇ам̣. зд̇анд̇и жуд̣̇ид̇агасса аабаннаанаабаннад̇д̇ам̣. ид̇хаад̇и имасмим̣ сигкаабад̣̇з.
Yadā pana codakena adiṭṭhaṃ asutaṃ aparisaṅkitaṃ vā hoti, tadā amūlakaṃ nāma hotīti āha ‘‘taṃ panassa…pe… codakavasena adhippeta’’nti. Yadi cuditakavasena adhippetaṃ siyā, amūlakaṃ nāma anajjhāpannanti padabhājanaṃ vadeyyāti adhippāyo. Yaṃ pārājikanti bhikkhuno anurūpesu ekūnavīsatiyā pārājikesu aññataraṃ. Padabhājane pana pāḷiyaṃ āgatāneva gahetvā ‘‘catunnaṃ aññatarenā’’ti vuttaṃ. Etanti cuditakassa āpannānāpannattaṃ. Idhāti imasmiṃ sikkhāpade.
д̇ат̇зваад̇и басаад̣̇асод̇зна д̣̇иб̣б̣асод̇зна ваад̇и имамад̇т̇ам̣ ад̇ид̣̇исад̇и. суд̇ваава ж̇аанид̇аб̣б̣ад̇о ‘‘суд̇адтаанзязва д̇идтад̇ий’’д̇и вуд̇д̇ам̣. барисан̇ганам̣ барисан̇гид̇ам̣, д̣̇идтаануг̇ад̇ам̣ барисан̇гид̇ам̣ д̣̇идтабарисан̇гид̇ам̣. звам̣ сзсзсуби. имзсанд̇и гад̇д̇уад̇т̇з саамиважанам̣, имзхийд̇и ад̇т̇о. гариссанд̇и ваад̇и зд̇т̇а вибхад̇д̇ибарин̣аамам̣ гад̇ваа имзд̇и яож̇зд̇аб̣б̣ам̣. д̣̇идтам̣ ад̇т̇и самуулагам̣, ад̇т̇и амуулаганд̇и ид̣̇ам̣ аж̇жхаажаарасса саб̣бхааваасаб̣бхаавам̣ санд̇хааяа вуд̇д̇ам̣. ад̇т̇и сан̃н̃аасамуулагам̣, ад̇т̇и сан̃н̃ааамуулаганд̇и ид̣̇ам̣ бана д̣̇идтасан̃н̃ааяа саб̣бхааваасаб̣бхаавам̣ санд̇хааяа.
Tathevāti pasādasotena dibbasotena vāti imamatthaṃ atidisati. Sutvāva jānitabbato ‘‘sutaṭṭhāneyeva tiṭṭhatī’’ti vuttaṃ. Parisaṅkanaṃ parisaṅkitaṃ, diṭṭhānugataṃ parisaṅkitaṃ diṭṭhaparisaṅkitaṃ. Evaṃ sesesupi. Imesanti kattuatthe sāmivacanaṃ, imehīti attho. Karissanti vāti ettha vibhattipariṇāmaṃ katvā imeti yojetabbaṃ. Diṭṭhaṃ atthi samūlakaṃ, atthi amūlakanti idaṃ ajjhācārassa sabbhāvāsabbhāvaṃ sandhāya vuttaṃ. Atthi saññāsamūlakaṃ, atthi saññāamūlakanti idaṃ pana diṭṭhasaññāya sabbhāvāsabbhāvaṃ sandhāya.
самийбз тад̇ваад̇и д̣̇ваад̣̇асахад̇т̇аб̣бханд̇арз самийбз тад̇ваад̇и вад̣̇анд̇ийд̇и д̇ийсуби г̇ан̣тибад̣̇зсу вуд̇д̇ам̣. барад̇о бана ‘‘д̣̇ууд̇ам̣ ваа бан̣н̣ам̣ ваа саасанам̣ бзсзд̇ваа жод̣̇знд̇асса сийсам̣ на зд̇ий’’д̇и бараммукаажод̣̇анааяа зва анаабад̇д̇ияаа вуд̇д̇ад̇д̇аа ‘‘самийбз тад̇ваа’’д̇и ид̣̇ам̣ саммукабхаавамад̇д̇ад̣̇ассанад̇т̇ам̣ вуд̇д̇анд̇и амхаагам̣ канд̇и . д̇знзва маад̇игаадтагат̇ааяам̣ (ган̇каа. адта. д̣̇удтад̣̇осасигкаабад̣̇аван̣н̣анаа) ан̇г̇ам̣ д̣̇ассзнд̇зна ‘‘жааванаад̇хиббааязна саммукаажод̣̇анаа’’д̇и вуд̇д̇ам̣, на жа саммукабхааво д̣̇ваад̣̇асахад̇т̇аб̣бханд̇арзязваад̇и нияамо саггаа вад̇т̇ум̣. винаяавинижчаяан̃жа бад̇ваа г̇аругзязва таад̇аб̣б̣анд̇и вуд̇д̇ам̣, д̇асмаа убабаригкид̇ваа яуд̇д̇ад̇арам̣ г̇ахзд̇аб̣б̣ам̣. жод̣̇аабагассзва ваажааяа ваажааяа сан̇гхаад̣̇исзсод̇и аан̣ад̇д̇асса ваажааяа ваажааяа жод̣̇аабагасса сан̇гхаад̣̇исзсо. маяааби д̣̇идтам̣ суд̇ам̣ ад̇т̇ийд̇и ид̣̇ам̣ аан̣ад̇д̇ассаби жод̣̇агабхаавад̣̇ассанад̇т̇ам̣ вуд̇д̇ам̣, звам̣ бана авад̇вааби ‘‘баарааж̇игам̣ д̇хаммам̣ аж̇жхаабанносий’’д̇и ид̣̇амзва важанам̣ барасса важанам̣ вияа агад̇ваа ануд̣̇д̇хам̣санаад̇хиббааязна вад̣̇анд̇асса сан̇гхаад̣̇исзсоязва. сад̇иби бана ануд̣̇д̇хам̣санаад̇хиббааяз ‘‘асугзна звам̣ вуд̇д̇а’’нд̇и д̣̇ассзд̇ваа вад̣̇анд̇асса над̇т̇и сан̇гхаад̣̇исзсод̇и вад̣̇анд̇и.
Samīpe ṭhatvāti dvādasahatthabbhantare samīpe ṭhatvāti vadantīti tīsupi gaṇṭhipadesu vuttaṃ. Parato pana ‘‘dūtaṃ vā paṇṇaṃ vā sāsanaṃ pesetvā codentassa sīsaṃ na etī’’ti parammukhācodanāya eva anāpattiyā vuttattā ‘‘samīpe ṭhatvā’’ti idaṃ sammukhabhāvamattadassanatthaṃ vuttanti amhākaṃ khanti . Teneva mātikāṭṭhakathāyaṃ (kaṅkhā. aṭṭha. duṭṭhadosasikkhāpadavaṇṇanā) aṅgaṃ dassentena ‘‘cāvanādhippāyena sammukhācodanā’’ti vuttaṃ, na ca sammukhabhāvo dvādasahatthabbhantareyevāti niyamo sakkā vatthuṃ. Vinayavinicchayañca patvā garukeyeva ṭhātabbanti vuttaṃ, tasmā upaparikkhitvā yuttataraṃ gahetabbaṃ. Codāpakasseva vācāya vācāya saṅghādisesoti āṇattassa vācāya vācāya codāpakassa saṅghādiseso. Mayāpi diṭṭhaṃ sutaṃ atthīti idaṃ āṇattassapi codakabhāvadassanatthaṃ vuttaṃ, evaṃ pana avatvāpi ‘‘pārājikaṃ dhammaṃ ajjhāpannosī’’ti idameva vacanaṃ parassa vacanaṃ viya akatvā anuddhaṃsanādhippāyena vadantassa saṅghādisesoyeva. Satipi pana anuddhaṃsanādhippāye ‘‘asukena evaṃ vutta’’nti dassetvā vadantassa natthi saṅghādisesoti vadanti.
самб̣ахулаа самб̣ахулз самб̣ахулзхи вад̇т̇уухи жод̣̇знд̇ийд̇и зд̇т̇а самб̣ахулзд̇и б̣ахуд̇д̇анид̣̇д̣̇зсз гааран̣ам̣ на д̣̇иссад̇и. вад̇т̇ужод̣̇агаанам̣язва хи згаанзгавасзна ид̣̇ам̣ жад̇уггамааг̇ад̇ам̣, на жуд̣̇ид̇агассаби згаанзгавасзна. д̇ат̇аа хи згассзва жуд̣̇ид̇агасса васзна згавад̇т̇узгажод̣̇агазгавад̇т̇унаанаажод̣̇аганаанаавад̇т̇узгажод̣̇аганаанаавад̇т̇унаанаажод̣̇агаббабхзд̣̇ам̣ ид̣̇ам̣ жад̇уггамааг̇ад̇ам̣, д̇знзва жад̇уд̇т̇ажод̣̇анам̣ д̣̇ассзнд̇знаби ‘‘имиссаа жод̣̇анааяа наанаавад̇т̇ууни наанаажод̣̇агаа’’д̇и вуд̇д̇ам̣, на бана ‘‘наанаажуд̣̇ид̇агаа’’д̇и, д̇асмаа ‘‘самб̣ахулз’’д̇и б̣ахуд̇д̇анид̣̇д̣̇зсз гааран̣ам̣ на д̣̇иссад̇и. ат̇а ваа батамам̣ д̇ийсуби жод̣̇анаасу згад̇д̇зна жуд̣̇ид̇агам̣ нид̣̇д̣̇исид̇вааби ид̇ха б̣ахуд̇д̇зна нид̣̇д̣̇зсо ‘‘на гзвалам̣ згасмим̣язва жуд̣̇ид̇агз жод̣̇анаа самбхавад̇и, ат̇а ко самб̣ахулзсубий’’д̇и имамад̇т̇ам̣ д̣̇ассзд̇ум̣ гад̇о.
Sambahulā sambahule sambahulehi vatthūhi codentīti ettha sambahuleti bahuttaniddese kāraṇaṃ na dissati. Vatthucodakānaṃyeva hi ekānekavasena idaṃ catukkamāgataṃ, na cuditakassapi ekānekavasena. Tathā hi ekasseva cuditakassa vasena ekavatthuekacodakaekavatthunānācodakanānāvatthuekacodakanānāvatthunānācodakappabhedaṃ idaṃ catukkamāgataṃ, teneva catutthacodanaṃ dassentenapi ‘‘imissā codanāya nānāvatthūni nānācodakā’’ti vuttaṃ, na pana ‘‘nānācuditakā’’ti, tasmā ‘‘sambahule’’ti bahuttaniddese kāraṇaṃ na dissati. Atha vā paṭhamaṃ tīsupi codanāsu ekattena cuditakaṃ niddisitvāpi idha bahuttena niddeso ‘‘na kevalaṃ ekasmiṃyeva cuditake codanā sambhavati, atha kho sambahulesupī’’ti imamatthaṃ dassetuṃ kato.
жод̣̇зд̇ум̣ бана го лабхад̇и, го на лабхад̇ийд̇иаад̣̇и ануд̣̇д̇хам̣санаад̇хиббааяам̣ винааби жод̣̇анаалагкан̣ам̣ д̣̇ассзд̇ум̣ вуд̇д̇ам̣. сийласамбаннод̇и ид̣̇ам̣ д̣̇уссийласса важанам̣ аббамаан̣анд̇и ад̇хиббааязна вуд̇д̇ам̣. бхигкунийнам̣ бана бхигкум̣ жод̣̇зд̇ум̣ аниссарад̇д̇аа ‘‘бхигкунимзваа’’д̇и вуд̇д̇ам̣. сад̇иби бхигкунийнам̣ бхигкуусу аниссарабхаавз д̇аахи гад̇ажод̣̇анааби жод̣̇анаарухад̇д̇аа жод̣̇анааязваад̇и ад̇хиббааязна ‘‘бан̃жаби сахад̇хаммигаа лабханд̇ий’’д̇и вуд̇д̇ам̣. бхигкусса суд̇ваа жод̣̇зд̇ийд̇иаад̣̇инаа жод̣̇аго язсам̣ суд̇ваа жод̣̇зд̇и, д̇зсамби важанам̣ бамаан̣амзваад̇и самбадижчид̇ад̇д̇аа д̇зсам̣ жод̣̇анааби рухад̇зваад̇и д̣̇ассзд̇ум̣ т̇зро суд̇д̇ам̣ нид̣̇ассзси.
Codetuṃ pana ko labhati, ko na labhatītiādi anuddhaṃsanādhippāyaṃ vināpi codanālakkhaṇaṃ dassetuṃ vuttaṃ. Sīlasampannoti idaṃ dussīlassa vacanaṃ appamāṇanti adhippāyena vuttaṃ. Bhikkhunīnaṃ pana bhikkhuṃ codetuṃ anissarattā ‘‘bhikkhunimevā’’ti vuttaṃ. Satipi bhikkhunīnaṃ bhikkhūsu anissarabhāve tāhi katacodanāpi codanāruhattā codanāyevāti adhippāyena ‘‘pañcapi sahadhammikā labhantī’’ti vuttaṃ. Bhikkhussa sutvā codetītiādinā codako yesaṃ sutvā codeti, tesampi vacanaṃ pamāṇamevāti sampaṭicchitattā tesaṃ codanāpi ruhatevāti dassetuṃ thero suttaṃ nidassesi.
д̣̇ууд̇ам̣ ваа бан̣н̣ам̣ ваа саасанам̣ ваа бзсзд̇ваад̇и ‘‘д̇вам̣язва г̇анд̇ваа жод̣̇зхий’’д̇и д̣̇ууд̇ам̣ ваа бзсзд̇ваа яо д̇ам̣ жод̣̇зд̇ум̣ саггод̇и, д̇асса мукасаасанам̣ ваа бан̣н̣ам̣ ваа бзсзд̇ваа. сийсам̣ на зд̇ийд̇и сан̇гхаад̣̇исзсо на ход̇ийд̇и ад̇хиббааяо. гин̃жааби баал̣ияам̣ ‘‘жод̣̇зд̇и ваа жод̣̇аабзд̇и ваа’’д̇и сааман̃н̃ад̇о вуд̇д̇ад̇д̇аа д̣̇ууд̇асаасанаад̣̇ийхи жод̣̇аабзнд̇ассаби аабад̇д̇иязваад̇и бан̃н̃ааяад̇и, ‘‘сийсам̣ на зд̇ий’’д̇и ид̣̇ам̣ бана адтагат̇аажарияаббамаан̣зна г̇ахзд̇аб̣б̣ам̣. самаязнаад̇и багад̇ияаа сад̣̇д̣̇ам̣ суд̇ваа ад̇т̇авиж̇аананасамаязна.
Dūtaṃvā paṇṇaṃ vā sāsanaṃ vā pesetvāti ‘‘tvaṃyeva gantvā codehī’’ti dūtaṃ vā pesetvā yo taṃ codetuṃ sakkoti, tassa mukhasāsanaṃ vā paṇṇaṃ vā pesetvā. Sīsaṃ na etīti saṅghādiseso na hotīti adhippāyo. Kiñcāpi pāḷiyaṃ ‘‘codeti vā codāpeti vā’’ti sāmaññato vuttattā dūtasāsanādīhi codāpentassapi āpattiyevāti paññāyati, ‘‘sīsaṃ na etī’’ti idaṃ pana aṭṭhakathācariyappamāṇena gahetabbaṃ. Samayenāti pakatiyā saddaṃ sutvā atthavijānanasamayena.
г̇аругаанам̣ д̣̇виннанд̇и баарааж̇игасан̇гхаад̣̇исзсаанам̣. авасзсаанам̣ васзнаад̇и бан̃жалахугаабад̇д̇ийнам̣ васзна. ‘‘над̇т̇и д̣̇инна’’нд̇иаад̣̇и д̣̇асавад̇т̇угаа мижчаад̣̇идти. ‘‘анд̇аваа лого, ананд̇аваа лого’’д̇иаад̣̇инаяаббавад̇д̇аа д̣̇идти сассад̇ужчзд̣̇асан̇каад̇ам̣ анд̇ам̣ г̇ан̣хаад̇ийд̇и анд̇аг̇г̇аахигаа. ааж̇ийвахзд̇у бан̃н̃ад̇д̇аанам̣ чаннам̣ сигкаабад̣̇аанам̣ васзнаад̇и ааж̇ийвахзд̇у ааж̇ийвагааран̣аа баабижчо ижчаабагад̇о асанд̇ам̣ абхууд̇ам̣ уд̇д̇аримануссад̇хаммам̣ уллабад̇и, аабад̇д̇и баарааж̇игасса, ааж̇ийвахзд̇у ааж̇ийвагааран̣аа сан̃жарид̇д̇ам̣ самаабаж̇ж̇ад̇и, аабад̇д̇и сан̇гхаад̣̇исзсасса, ааж̇ийвахзд̇у ааж̇ийвагааран̣аа яо д̇з вихаарз васад̇и, со бхигку арахаад̇и бхан̣ад̇и, бадивиж̇аананд̇асса аабад̇д̇и т̇уллажжаяасса, ааж̇ийвахзд̇у ааж̇ийвагааран̣аа бхигку бан̣ийд̇абхож̇анаани аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баажид̇д̇ияасса, ааж̇ийвахзд̇у ааж̇ийвагааран̣аа бхигкуний бан̣ийд̇абхож̇анаани аг̇илаанаа ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баадид̣̇зсанийяасса, ааж̇ийвахзд̇у ааж̇ийвагааран̣аа бхигку суубам̣ ваа од̣̇анам̣ ваа аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и д̣̇уггадасса, ааж̇ийвавибад̇д̇ибажжаяаа имаа ча аабад̇д̇ияо аабаж̇ж̇ад̇ийд̇и звам̣ бариваарабаал̣ияам̣ (бари. 287) д̣̇ассид̇аанам̣ чаннам̣ сигкаабад̣̇аанам̣ васзна. д̣̇идтивибад̇д̇иааж̇ийвавибад̇д̇ийхи жод̣̇знд̇оби д̇аммуулигааяа аабад̇д̇ияаа зва жод̣̇зд̇и.
Garukānaṃ dvinnanti pārājikasaṅghādisesānaṃ. Avasesānaṃ vasenāti pañcalahukāpattīnaṃ vasena. ‘‘Natthi dinna’’ntiādi dasavatthukā micchādiṭṭhi. ‘‘Antavā loko, anantavā loko’’tiādinayappavattā diṭṭhi sassatucchedasaṅkhātaṃ antaṃ gaṇhātīti antaggāhikā. Ājīvahetu paññattānaṃ channaṃ sikkhāpadānaṃ vasenāti ājīvahetu ājīvakāraṇā pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa, ājīvahetu ājīvakāraṇā sañcarittaṃ samāpajjati, āpatti saṅghādisesassa, ājīvahetu ājīvakāraṇā yo te vihāre vasati, so bhikkhu arahāti bhaṇati, paṭivijānantassa āpatti thullaccayassa, ājīvahetu ājīvakāraṇā bhikkhu paṇītabhojanāni agilāno attano atthāya viññāpetvā bhuñjati, āpatti pācittiyassa, ājīvahetu ājīvakāraṇā bhikkhunī paṇītabhojanāni agilānā attano atthāya viññāpetvā bhuñjati, āpatti pāṭidesanīyassa, ājīvahetu ājīvakāraṇā bhikkhu sūpaṃ vā odanaṃ vā agilāno attano atthāya viññāpetvā bhuñjati, āpatti dukkaṭassa, ājīvavipattipaccayā imā cha āpattiyo āpajjatīti evaṃ parivārapāḷiyaṃ (pari. 287) dassitānaṃ channaṃ sikkhāpadānaṃ vasena. Diṭṭhivipattiājīvavipattīhi codentopi tammūlikāya āpattiyā eva codeti.
‘‘гасмаа мам̣ на ванд̣̇асий’’д̇и бужчид̇з ‘‘ассаман̣оси асагяабуд̇д̇ияосий’’д̇и аванд̣̇анагааран̣асса вуд̇д̇ад̇д̇аа анд̇имавад̇т̇ум̣ аж̇жхаабанно на ванд̣̇ид̇аб̣б̣од̇и вад̣̇анд̇и. жод̣̇зд̇угаамад̇ааяа зва аванд̣̇ид̇ваа ад̇д̇анаа вад̇д̇аб̣б̣асса вуд̇д̇амад̇т̇ам̣ табзд̇ваа аванд̣̇ияабхаавз д̇ам̣ гааран̣ам̣ на ход̇ийд̇и жуул̣аг̇ан̣тибад̣̇з маж̇жхимаг̇ан̣тибад̣̇з жа вуд̇д̇ам̣. анд̇имавад̇т̇ум̣ аж̇жхаабаннасса аванд̣̇анийязсу авуд̇д̇ад̇д̇аа д̇зна сад̣̇д̇хим̣ саяанд̇асса сахасзяяаабад̇д̇ияаа абхаавад̇о д̇асса жа бадиг̇г̇ахан̣асса руханад̇о д̇ад̣̇зва яуд̇д̇ад̇аранд̇и вин̃н̃ааяад̇и. гин̃жааби яаава со бхигкубхаавам̣ бадиж̇аанаад̇и, д̇аава ванд̣̇ид̇аб̣б̣о. яад̣̇аа бана ‘‘ассаман̣омхий’’д̇и бадиж̇аанаад̇и, д̇ад̣̇аа на ванд̣̇ид̇аб̣б̣од̇и аяамзд̇т̇а висзсо взд̣̇ид̇аб̣б̣о. анд̇имавад̇т̇ум̣ аж̇жхаабаннасса хи бхигкубхаавам̣ бадиж̇аананд̇ассзва бхигкубхааво, на д̇ад̇о барам̣. бхигкубхаавам̣ аббадиж̇аананд̇о хи анубасамбаннабагкам̣ бхаж̇ад̇и. яасмаа аамисам̣ д̣̇знд̇о ад̇д̇ано ижчид̇адтаанзязва д̣̇зд̇и, д̇асмаа бадибаадияаа нисиннаанам̣ яааг̇убхад̇д̇аад̣̇ийни д̣̇знд̇зна згасса жод̣̇зд̇угаамад̇ааяа ад̣̇иннзби жод̣̇анаа наама на ход̇ийд̇и ааха ‘‘на д̇аавад̇аа жод̣̇анаа ход̇ий’’д̇и.
‘‘Kasmā maṃ na vandasī’’ti pucchite ‘‘assamaṇosi asakyaputtiyosī’’ti avandanakāraṇassa vuttattā antimavatthuṃ ajjhāpanno na vanditabboti vadanti. Codetukāmatāya eva avanditvā attanā vattabbassa vuttamatthaṃ ṭhapetvā avandiyabhāve taṃ kāraṇaṃ na hotīti cūḷagaṇṭhipade majjhimagaṇṭhipade ca vuttaṃ. Antimavatthuṃ ajjhāpannassa avandanīyesu avuttattā tena saddhiṃ sayantassa sahaseyyāpattiyā abhāvato tassa ca paṭiggahaṇassa ruhanato tadeva yuttataranti viññāyati. Kiñcāpi yāva so bhikkhubhāvaṃ paṭijānāti, tāva vanditabbo. Yadā pana ‘‘assamaṇomhī’’ti paṭijānāti, tadā na vanditabboti ayamettha viseso veditabbo. Antimavatthuṃ ajjhāpannassa hi bhikkhubhāvaṃ paṭijānantasseva bhikkhubhāvo, na tato paraṃ. Bhikkhubhāvaṃ appaṭijānanto hi anupasampannapakkhaṃ bhajati. Yasmā āmisaṃ dento attano icchitaṭṭhāneyeva deti, tasmā paṭipāṭiyā nisinnānaṃ yāgubhattādīni dentena ekassa codetukāmatāya adinnepi codanā nāma na hotīti āha ‘‘na tāvatā codanā hotī’’ti.
д̇им̣саанийд̇и д̇им̣са зд̇зсамад̇т̇ийд̇и д̇им̣саани, д̇им̣саванд̇аанийд̇и ад̇т̇о, д̇им̣саад̇хигаанийд̇и вуд̇д̇ам̣ ход̇и. г̇ун̣аважанад̇д̇аа д̇ад̣̇д̇хид̇алобам̣ гад̇ваа ‘‘д̇им̣сааний’’д̇и вуд̇д̇ам̣. ат̇а ваа д̇им̣са жод̣̇анаа ад̇хигаа зд̇зсууд̇и д̇им̣саани. д̇асмим̣ ад̇хигамид̇и д̣агаарабажжаяз сад̇и руубамид̣̇ам̣ д̣̇адтаб̣б̣ам̣. навуд̇аанийд̇и зд̇т̇ааби зсзва наяо.
Tiṃsānīti tiṃsa etesamatthīti tiṃsāni, tiṃsavantānīti attho, tiṃsādhikānīti vuttaṃ hoti. Guṇavacanattā taddhitalopaṃ katvā ‘‘tiṃsānī’’ti vuttaṃ. Atha vā tiṃsa codanā adhikā etesūti tiṃsāni. Tasmiṃ adhikamiti ḍakārapaccaye sati rūpamidaṃ daṭṭhabbaṃ. Navutānīti etthāpi eseva nayo.
уб̣б̣аахигааяа д̇ам̣ ад̇хигаран̣ам̣ винижчинид̇аб̣б̣анд̇и уб̣б̣аахигааяа саммад̇зхи д̇ам̣ ад̇хигаран̣ам̣ винижчинид̇аб̣б̣ам̣. алаж̇ж̇уссаннааяа хи барисааяа д̣̇асахан̇г̇зхи саманнааг̇ад̇о бхигку уб̣б̣аахигааяа самманнид̇аб̣б̣о. ‘‘сийлаваа ход̇и баад̇имогкасам̣варасам̣вуд̇о вихарад̇и аажаараг̇ожарасамбанно’’д̇иаад̣̇инаа самат̇агканд̇хагз (жуул̣ава. 231) вуд̇д̇ад̣̇асан̇г̇асамбад̇д̇ияаа саманнааг̇ад̇аа д̣̇вз д̇аяо бхигкуу ужжинид̇ваа д̇ад̇т̇зва вуд̇д̇ааяа н̃ад̇д̇ид̣̇уд̇ияагаммаваажааяа самманнид̇аб̣б̣аа. звам̣ саммад̇зхи бана д̇зхи бхигкуухи висум̣ ваа нисийд̣̇ид̇ваа д̇ассааязва ваа барисааяа ‘‘ан̃н̃зхи на гин̃жи гат̇зд̇аб̣б̣а’’нд̇и саавзд̇ваа д̇ам̣ ад̇хигаран̣ам̣ винижчинид̇аб̣б̣ам̣. д̇умхааганд̇и жуд̣̇ид̇агажод̣̇агз санд̇хааяа вуд̇д̇ам̣.
Ubbāhikāya taṃ adhikaraṇaṃ vinicchinitabbanti ubbāhikāya sammatehi taṃ adhikaraṇaṃ vinicchinitabbaṃ. Alajjussannāya hi parisāya dasahaṅgehi samannāgato bhikkhu ubbāhikāya sammannitabbo. ‘‘Sīlavā hoti pātimokkhasaṃvarasaṃvuto viharati ācāragocarasampanno’’tiādinā samathakkhandhake (cūḷava. 231) vuttadasaṅgasampattiyā samannāgatā dve tayo bhikkhū uccinitvā tattheva vuttāya ñattidutiyakammavācāya sammannitabbā. Evaṃ sammatehi pana tehi bhikkhūhi visuṃ vā nisīditvā tassāyeva vā parisāya ‘‘aññehi na kiñci kathetabba’’nti sāvetvā taṃ adhikaraṇaṃ vinicchinitabbaṃ. Tumhākanti cuditakacodake sandhāya vuttaṃ.
гимхийд̇и гисмим̣ вад̇т̇усмим̣. гимхи намби на ж̇аанаасийд̇и гимхи нанд̇и важанамби на ж̇аанааси. наасса ануяог̇о д̣̇аад̇аб̣б̣од̇и наасса бужчаа бадибужчаа д̣̇аад̇аб̣б̣аа. ‘‘д̣̇умман̇гуунам̣ буг̇г̇алаанам̣ ниг̇г̇ахааяаа’’д̇иаад̣̇иважанад̇о ‘‘алаж̇ж̇ийниг̇г̇ахад̇т̇ааяа…бз… бан̃н̃ад̇д̇а’’нд̇и вуд̇д̇ам̣. зхид̇ийд̇и ааг̇амиссад̇и. д̣̇идтасанд̇аанзнаад̇и д̣̇идтасамб̣анд̇хзна, д̣̇идтанияаамзнаад̇и вуд̇д̇ам̣ ход̇и. виваад̣̇авад̇т̇усан̇каад̇з ад̇т̇з бажжад̇т̇игаа ад̇т̇аббажжад̇т̇игаа. сан̃н̃ам̣ д̣̇ад̇ваад̇и д̇зсам̣ гат̇ам̣ бажчинд̣̇ид̇ваа ад̇д̇ано важанам̣ саад̇хзд̇ум̣ сан̃н̃ам̣ гад̇ваа. асуд̣̇д̇хасан̃н̃ааяа уббаннад̇д̇аа ‘‘ананужчавиго’’д̇и ааха. згасамбхог̇абарибхог̇аад̇и ид̣̇ам̣ ад̇д̇ано санд̇игаа д̇зсам̣ можанад̇т̇ам̣ вуд̇д̇ам̣, на бана д̇зсам̣ ан̃н̃аман̃н̃асамбхог̇з яож̇анад̇т̇ам̣. винижчаяо на гаад̇аб̣б̣од̇и ‘‘амхаагам̣ важанз адтаад̇аб̣б̣асабхааваа зд̇з алаж̇ж̇ино’’д̇и ж̇аананд̇зна винижчаяо на гаад̇аб̣б̣о.
Kimhīti kismiṃ vatthusmiṃ. Kimhi nampi na jānāsīti kimhi nanti vacanampi na jānāsi. Nāssa anuyogo dātabboti nāssa pucchā paṭipucchā dātabbā. ‘‘Dummaṅkūnaṃ puggalānaṃ niggahāyā’’tiādivacanato ‘‘alajjīniggahatthāya…pe… paññatta’’nti vuttaṃ. Ehitīti āgamissati. Diṭṭhasantānenāti diṭṭhasambandhena, diṭṭhaniyāmenāti vuttaṃ hoti. Vivādavatthusaṅkhāte atthe paccatthikā atthappaccatthikā. Saññaṃ datvāti tesaṃ kathaṃ pacchinditvā attano vacanaṃ sādhetuṃ saññaṃ katvā. Asuddhasaññāya uppannattā ‘‘ananucchaviko’’ti āha. Ekasambhogaparibhogāti idaṃ attano santikā tesaṃ mocanatthaṃ vuttaṃ, na pana tesaṃ aññamaññasambhoge yojanatthaṃ. Vinicchayo na kātabboti ‘‘amhākaṃ vacane aṭṭhātabbasabhāvā ete alajjino’’ti jānantena vinicchayo na kātabbo.
вирад̣̇д̇хам̣ ход̇ийд̇и ад̇д̇анаа гад̇ад̣̇осаббадижчаад̣̇анад̇т̇ам̣ ган̃жи мусааваад̣̇ам̣ гад̇ваа вирад̣̇д̇хам̣ ход̇и. бадин̃н̃ам̣ на д̣̇зд̇ийд̇и сажз маяаа гад̇ад̣̇осам̣ вагкаами, маяхам̣ анувад̇д̇агаа бхиж̇ж̇иссанд̇ийд̇и ‘‘гад̇ам̣ маяаа’’д̇и бадин̃н̃ам̣ на д̣̇зд̇и. суд̣̇д̇хо ход̇ууд̇и д̇зсам̣ важанзна суд̣̇д̇хо наама ход̇у, д̇зсам̣ важанзна згад̣̇взваарамасса винижчаяо д̣̇аад̇аб̣б̣од̇и ад̇хиббааяо. таанз на д̇идтад̇ийд̇и лаж̇ж̇идтаанз на д̇идтад̇и. винижчаяо на д̣̇аад̇аб̣б̣од̇и алаж̇ж̇ибхаавамаабаннад̇д̇аа на д̣̇аад̇аб̣б̣о.
Viraddhaṃ hotīti attanā katadosappaṭicchādanatthaṃ kañci musāvādaṃ katvā viraddhaṃ hoti. Paṭiññaṃ na detīti sace mayā katadosaṃ vakkhāmi, mayhaṃ anuvattakā bhijjissantīti ‘‘kataṃ mayā’’ti paṭiññaṃ na deti. Suddho hotūti tesaṃ vacanena suddho nāma hotu, tesaṃ vacanena ekadvevāramassa vinicchayo dātabboti adhippāyo. Ṭhāne na tiṭṭhatīti lajjiṭṭhāne na tiṭṭhati. Vinicchayo na dātabboti alajjibhāvamāpannattā na dātabbo.
амуулагамби самуулагамби муулам̣ г̇ахзд̇ваа вад̣̇анд̇ийд̇и ааха ‘‘д̣̇вз муулааний’’д̇и. гаалзна вагкаамийд̇иаад̣̇ийсу зго згам̣ огаасам̣ гаарзд̇ваа жод̣̇знд̇о гаалзна вад̣̇ад̇и наама. сан̇гхамаж̇жхз г̇ан̣амаж̇жхз салаагаг̇г̇аяааг̇уаг̇г̇авид̇аггамаал̣агабхигкаажаарамаг̇г̇ааасанасаалаад̣̇ийсу убадтаагзхи бариваарид̇агкан̣з ваа жод̣̇знд̇о агаалзна вад̣̇ад̇и наама. д̇ажчзна вад̣̇анд̇о бхууд̇зна вад̣̇ад̇и наама. ‘‘амбхо махаллага-барисааважара-бам̣сугуулига-д̇хаммагат̇ига-бад̇ируубам̣ д̇ава ид̣̇а’’нд̇и вад̣̇анд̇о парусзна вад̣̇ад̇и наама. гааран̣аниссид̇ам̣ бана гад̇ваа ‘‘бханд̇з махаллагаад̇т̇а, барисааважараа бам̣сугуулигаа д̇хаммагат̇игаад̇т̇а, бад̇ируубам̣ д̇умхаагам̣ ид̣̇а’’нд̇и вад̣̇анд̇о сан̣хзна вад̣̇ад̇и наама. гааран̣аниссид̇ам̣ гад̇ваа вад̣̇анд̇о ад̇т̇асан̃хид̇зна вад̣̇ад̇и наама. мзд̇д̇ажид̇д̇о вагкаами, но д̣̇осанд̇арод̇и мзд̇д̇ажид̇д̇ам̣ убадтаабзд̇ваа вагкаами, на д̣̇удтажид̇д̇о худ̇ваа. баннарасасу д̇хаммзсууд̇и барисуд̣̇д̇хагааяасамаажаарад̇аа, барисуд̣̇д̇хаважийсамаажаарад̇аа, саб̣рахмажаарийсу мзд̇д̇ажид̇д̇ад̇аа, б̣ахуссуд̇ад̇аа, убхиннам̣ баад̇имогкаанам̣ вид̇т̇аарзна свааг̇ад̇асувибхад̇д̇асуббавад̇д̇асувинижчид̇ад̇аа, ‘‘гаалзна вагкаамий’’д̇иаад̣̇инаа вуд̇д̇абан̃жад̇хаммаа, гаарун̃н̃ад̇аа, хид̇зсид̇аа, анугамбад̇аа, аабад̇д̇ивудтаанад̇аа, винаяабурзгкаарад̇аад̇и имзсу баннарасасу д̇хаммзсу. д̇ад̇т̇а гаарун̃н̃ад̇аад̇и гаарун̣игабхааво. иминаа гарун̣аа жа гарун̣аабуб̣б̣абхааг̇о жа д̣̇ассид̇о. хид̇зсид̇аад̇и хид̇аг̇авзсанад̇аа. анугамбад̇аад̇и д̇зна хид̇зна сам̣яож̇анаа. д̣̇вийхиби мзд̇д̇аа жа мзд̇д̇аабуб̣б̣абхааг̇о жа д̣̇ассид̇о. аабад̇д̇ивудтаанад̇аад̇и аабад̇д̇ид̇о вудтаабзд̇ваа суд̣̇д̇ханд̇з бад̇идтаабанаа. вад̇т̇ум̣ жод̣̇зд̇ваа саарзд̇ваа бадин̃н̃ам̣ ааробзд̇ваа яат̇аабадин̃н̃ааяа гаммагаран̣ам̣ винаяабурзгкаарад̇аа наама. сажжз жа агуббз жаад̇и важийсажжз жа агуббад̇ааяа жа. жуд̣̇ид̇агзна хи сажжан̃жа вад̇д̇аб̣б̣ам̣, гобо жа на гаад̇аб̣б̣о, нзва ад̇д̇анаа гуж̇жхид̇аб̣б̣о, на баро гхаддзд̇аб̣б̣од̇и ад̇т̇о.
Amūlakampi samūlakampi mūlaṃ gahetvā vadantīti āha ‘‘dve mūlānī’’ti. Kālena vakkhāmītiādīsu eko ekaṃ okāsaṃ kāretvā codento kālena vadati nāma. Saṅghamajjhe gaṇamajjhe salākaggayāguaggavitakkamāḷakabhikkhācāramaggaāsanasālādīsu upaṭṭhākehi parivāritakkhaṇe vā codento akālena vadati nāma. Tacchena vadanto bhūtena vadati nāma. ‘‘Ambho mahallaka-parisāvacara-paṃsukūlika-dhammakathika-patirūpaṃ tava ida’’nti vadanto pharusena vadati nāma. Kāraṇanissitaṃ pana katvā ‘‘bhante mahallakāttha, parisāvacarā paṃsukūlikā dhammakathikāttha, patirūpaṃ tumhākaṃ ida’’nti vadanto saṇhena vadati nāma. Kāraṇanissitaṃ katvā vadanto atthasañhitena vadati nāma. Mettacitto vakkhāmi, no dosantaroti mettacittaṃ upaṭṭhāpetvā vakkhāmi, na duṭṭhacitto hutvā. Pannarasasu dhammesūti parisuddhakāyasamācāratā, parisuddhavacīsamācāratā, sabrahmacārīsu mettacittatā, bahussutatā, ubhinnaṃ pātimokkhānaṃ vitthārena svāgatasuvibhattasuppavattasuvinicchitatā, ‘‘kālena vakkhāmī’’tiādinā vuttapañcadhammā, kāruññatā, hitesitā, anukampatā, āpattivuṭṭhānatā, vinayapurekkhāratāti imesu pannarasasu dhammesu. Tattha kāruññatāti kāruṇikabhāvo. Iminā karuṇā ca karuṇāpubbabhāgo ca dassito. Hitesitāti hitagavesanatā. Anukampatāti tena hitena saṃyojanā. Dvīhipi mettā ca mettāpubbabhāgo ca dassito. Āpattivuṭṭhānatāti āpattito vuṭṭhāpetvā suddhante patiṭṭhāpanā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma. Sacce ca akuppe cāti vacīsacce ca akuppatāya ca. Cuditakena hi saccañca vattabbaṃ, kopo ca na kātabbo, neva attanā kujjhitabbo, na paro ghaṭṭetabboti attho.
бхуммаббад̇д̇ияаад̇и бхуммаважанз самбад̇д̇з, бхуммад̇т̇з ид̣̇ам̣ убаяог̇аважананд̇и вуд̇д̇ам̣ ход̇и. ад̇хигарийяанд̇и зд̇т̇аад̇и ад̇хигаран̣аани. гз ад̇хигарийяанд̇и? самат̇аа. гат̇ам̣ ад̇хигарийяанд̇и? саманавасзна. ад̇хигаран̣ам̣ самзнд̇и вуубасамзнд̇ийд̇и хи самат̇аа. ат̇а ваа саманад̇т̇ааяа бавад̇д̇амаанзхи самат̇зхи ад̇хигаад̇аб̣б̣аанийд̇и ад̇хигаран̣аани. яат̇аа хи саманавасзна самат̇аанам̣ виваад̣̇аад̣̇ийсу ад̇хигад̇д̇убхааво, звам̣ виваад̣̇аад̣̇ийнам̣ д̇зхи ад̇хигад̇д̇аб̣б̣ад̇ааби. д̇знааха ‘‘самат̇зхи ад̇хигаран̣ийяад̇аа’’д̇и. иминаа ад̇хигаран̣асад̣̇д̣̇асса гаммасаад̇ханад̇аа вуд̇д̇аа. г̇ааханд̇и ‘‘асугам̣ жод̣̇зссаамий’’д̇и манасаа жод̣̇анааяа г̇ахан̣ам̣. жзд̇ананд̇и ‘‘жод̣̇зссаамий’’д̇и уббаннажзд̇анам̣. агканд̇инд̇и жуд̣̇ид̇агз уббаннам̣ агканд̇им̣. вохааранд̇и жод̣̇анаавасаббад̇д̇аважанам̣. бан̣н̣ад̇д̇инд̇и жод̣̇анаавасаббавад̇д̇анаамабан̣н̣ад̇д̇им̣. ад̇д̇аад̣̇аанам̣ г̇ахзд̇ваад̇и жод̣̇анам̣ манасаа г̇ахзд̇ваа. д̇ам̣ ад̇хигаран̣анд̇и д̇ам̣ г̇аахалагкан̣ам̣ ад̇хигаран̣ам̣.
Bhummappattiyāti bhummavacane sampatte, bhummatthe idaṃ upayogavacananti vuttaṃ hoti. Adhikarīyanti etthāti adhikaraṇāni. Ke adhikarīyanti? Samathā. Kathaṃ adhikarīyanti? Samanavasena. Adhikaraṇaṃ samenti vūpasamentīti hi samathā. Atha vā samanatthāya pavattamānehi samathehi adhikātabbānīti adhikaraṇāni. Yathā hi samanavasena samathānaṃ vivādādīsu adhikattubhāvo, evaṃ vivādādīnaṃ tehi adhikattabbatāpi. Tenāha ‘‘samathehi adhikaraṇīyatā’’ti. Iminā adhikaraṇasaddassa kammasādhanatā vuttā. Gāhanti ‘‘asukaṃ codessāmī’’ti manasā codanāya gahaṇaṃ. Cetananti ‘‘codessāmī’’ti uppannacetanaṃ. Akkhantinti cuditake uppannaṃ akkhantiṃ. Vohāranti codanāvasappattavacanaṃ. Paṇṇattinti codanāvasappavattanāmapaṇṇattiṃ. Attādānaṃ gahetvāti codanaṃ manasā gahetvā. Taṃ adhikaraṇanti taṃ gāhalakkhaṇaṃ adhikaraṇaṃ.
д̇асмаа бан̣н̣ад̇д̇и ад̇хигаран̣анд̇и адтагат̇аасу гад̇асаннидтаанам̣ д̣̇ассзд̇ваа ид̣̇аани д̇амби на яуд̇д̇анд̇и д̣̇ассзд̇ум̣ ‘‘д̇ам̣ банзд̇а’’нд̇иаад̣̇имааха. д̇зд̇и адтагат̇аажарияаа. баарааж̇игад̇хаммод̇и баарааж̇игаабад̇д̇и. ажжанд̇аагусалад̇д̇аад̇и логаваж̇ж̇абхаавад̇о баарааж̇игаабад̇д̇ияаа зганд̇аагусалад̇д̇аа. яааяа бан̣н̣ад̇д̇ияаад̇и наамабан̣н̣ад̇д̇им̣ санд̇хааяа вад̣̇ад̇и. абхилаабзнаад̇и д̇ассзва взважанам̣. бан̃н̃ад̇д̇од̇и вохааравасзна гат̇ид̇о. ад̇хигаран̣з бавад̇д̇ад̇д̇аа жа ад̇хигаран̣анд̇и ман̃жадтзсу ман̃жавохааро вияа. яасмаа амуулагзна жод̣̇знд̇о жуд̣̇ид̇агз буг̇г̇алз д̇ам̣ ад̇хигаран̣ам̣ над̇т̇ийд̇и саллагкзд̇и, д̇асмаа д̇асса важанам̣ абхид̇хзяяасун̃н̃анд̇и ааха ‘‘сабхаавад̇о над̇т̇ий’’д̇и. д̇ан̃жа ко ид̇хзваад̇и д̇ан̃жа яат̇аавуд̇д̇абарияааязна бан̣н̣ад̇д̇ияаа ад̇хигаран̣абхааво ид̇хзва имасмим̣язва сигкаабад̣̇з. ‘‘маад̇ааби буд̇д̇зна вивад̣̇ад̇ий’’д̇иаад̣̇инаяаббавад̇д̇асса виваад̣̇асса ад̇хигаран̣абхааво на самбхавад̇и самат̇зхи анад̇хигаран̣ийяад̇д̇аад̇и ааха ‘‘ид̇хзгажжо виваад̣̇о’’д̇и.
Tasmāpaṇṇatti adhikaraṇanti aṭṭhakathāsu katasanniṭṭhānaṃ dassetvā idāni tampi na yuttanti dassetuṃ ‘‘taṃ paneta’’ntiādimāha. Teti aṭṭhakathācariyā. Pārājikadhammoti pārājikāpatti. Accantaakusalattāti lokavajjabhāvato pārājikāpattiyā ekantaakusalattā. Yāya paṇṇattiyāti nāmapaṇṇattiṃ sandhāya vadati. Abhilāpenāti tasseva vevacanaṃ. Paññattoti vohāravasena kathito. Adhikaraṇe pavattattā ca adhikaraṇanti mañcaṭṭhesu mañcavohāro viya. Yasmā amūlakena codento cuditake puggale taṃ adhikaraṇaṃ natthīti sallakkheti, tasmā tassa vacanaṃ abhidheyyasuññanti āha ‘‘sabhāvato natthī’’ti. Tañca kho idhevāti tañca yathāvuttapariyāyena paṇṇattiyā adhikaraṇabhāvo idheva imasmiṃyeva sikkhāpade. ‘‘Mātāpi puttena vivadatī’’tiādinayappavattassa vivādassa adhikaraṇabhāvo na sambhavati samathehi anadhikaraṇīyattāti āha ‘‘idhekacco vivādo’’ti.
адтаарасабхзд̣̇агаравад̇т̇уунийд̇и лагкан̣аважанамзд̇ам̣ яат̇аа ‘‘яад̣̇и мз б̣яаад̇хид̇аа д̣̇ахзяяум̣, д̣̇аад̇аб̣б̣амид̣̇амосад̇ха’’нд̇и, д̇асмаа д̇зсу ан̃н̃ад̇аран̃н̃ад̇арам̣ ниссааяа уббанно виваад̣̇о ‘‘адтаарасабхзд̣̇агаравад̇т̇ууни ниссааяа уббанно’’д̇и вужжад̇и. ануваад̣̇од̇и убавад̣̇анаа жзва жод̣̇анаа жа. д̇ад̇т̇а убавад̣̇анаа наама аггосо. бан̃жаби аабад̇д̇игканд̇хаад̇и маад̇игааяа ааг̇ад̇аа бан̃жа аабад̇д̇игканд̇хаа. сад̇д̇аад̇и д̇зязва бан̃жа, вибхан̇г̇з ааг̇ад̇аа т̇уллажжаяад̣̇уб̣бхаасид̇аабад̇д̇ияо д̣̇взд̇и сад̇д̇а. гижжаяад̇аад̇и гад̇д̇аб̣б̣ад̇аа. гаран̣ийяад̇аад̇и д̇ассзва взважанам̣. убхаязнаби абалоганаад̣̇исан̇гхагаммам̣язва д̣̇ассзд̇и, д̇знааха ‘‘абалоганагамма’’нд̇иаад̣̇и.
Aṭṭhārasabhedakaravatthūnīti lakkhaṇavacanametaṃ yathā ‘‘yadi me byādhitā daheyyuṃ, dātabbamidamosadha’’nti, tasmā tesu aññataraññataraṃ nissāya uppanno vivādo ‘‘aṭṭhārasabhedakaravatthūni nissāya uppanno’’ti vuccati. Anuvādoti upavadanā ceva codanā ca. Tattha upavadanā nāma akkoso. Pañcapi āpattikkhandhāti mātikāya āgatā pañca āpattikkhandhā. Sattāti teyeva pañca, vibhaṅge āgatā thullaccayadubbhāsitāpattiyo dveti satta. Kiccayatāti kattabbatā. Karaṇīyatāti tasseva vevacanaṃ. Ubhayenapi apalokanādisaṅghakammaṃyeva dasseti, tenāha ‘‘apalokanakamma’’ntiādi.
аабад̇д̇аад̇хигаран̣ам̣ табзд̇ваа сзсаад̇хигаран̣зхи жод̣̇анааязва над̇т̇ийд̇и ааха ‘‘имасмим̣ банад̇т̇з…бз… аабад̇д̇аад̇хигаран̣амзва ад̇хиббзд̇а’’нд̇и. сабад̣̇аануггаманид̣̇д̣̇зсассаад̇и бад̣̇аанам̣ ануггамзна нид̣̇д̣̇зсо бад̣̇аануггаманид̣̇д̣̇зсо, бад̣̇абхааж̇анассзд̇ам̣ ад̇хиважанам̣. д̇зна саха вад̇д̇амаанам̣ сабад̣̇аануггаманид̣̇д̣̇зсам̣, сигкаабад̣̇ам̣, д̇асса бад̣̇аануггаманид̣̇д̣̇зсасахид̇асса сигкаабад̣̇ассаад̇и ад̇т̇о, бад̣̇абхааж̇анасахид̇ассаад̇и вуд̇д̇ам̣ ход̇и.
Āpattādhikaraṇaṃ ṭhapetvā sesādhikaraṇehi codanāyeva natthīti āha ‘‘imasmiṃ panatthe…pe… āpattādhikaraṇameva adhippeta’’nti. Sapadānukkamaniddesassāti padānaṃ anukkamena niddeso padānukkamaniddeso, padabhājanassetaṃ adhivacanaṃ. Tena saha vattamānaṃ sapadānukkamaniddesaṃ, sikkhāpadaṃ, tassa padānukkamaniddesasahitassa sikkhāpadassāti attho, padabhājanasahitassāti vuttaṃ hoti.
ассаад̇и гад̇д̇уад̇т̇з саамиважанам̣, анзнаад̇и ад̇т̇о. д̇знааха ‘‘зд̇зна жод̣̇агзнаа’’д̇иаад̣̇и. ид̇хааг̇ад̇зсууд̇и имасмим̣ сигкаабад̣̇з ааг̇ад̇зсу. ан̃н̃ад̇ра ааг̇ад̇зсууд̇и ид̇о ан̃н̃ад̇ра омасаваад̣̇аад̣̇исигкаабад̣̇абаал̣ияам̣ ааг̇ад̇зсу. д̣̇уссийлод̇и ниссийло сийлавирахид̇о. баабад̇хаммод̇и д̣̇уссийлад̇д̇аа зва хийнаж̇жхаасаяад̇ааяа лаамагасабхааво. асужисан̇гассарасамаажаарод̇и абарисуд̣̇д̇хагааяагаммаад̣̇ид̇ааяа асужи худ̇ваа сан̇гааяа сарид̇аб̣б̣асамаажааро. д̣̇уссийло хи гин̃жид̣̇зва асааруббам̣ д̣̇исваа ‘‘ид̣̇ам̣ асугзна гад̇ам̣ бхависсад̇ий’’д̇и барзсам̣ аасан̇ганийяо ход̇и, гзнажид̣̇зва ваа гаран̣ийязна манд̇аяанд̇з бхигкуу д̣̇исваа ‘‘гажжи ну ко имз маяаа гад̇агаммам̣ ж̇аанид̇ваа манд̇знд̇ий’’д̇и ад̇д̇аноязва сан̇гааяа сарид̇аб̣б̣асамаажааро. бадижчаннагамманд̇од̇и лаж̇ж̇ид̇аб̣б̣ад̇ааяа бадижчаад̣̇зд̇аб̣б̣агамманд̇о. ассаман̣од̇и на саман̣о. салаагаг̇г̇ахан̣аад̣̇ийсу ‘‘ахамби саман̣о’’д̇и мижчаабадин̃н̃ааяа саман̣абадин̃н̃о. асздтажаарид̇ааяа аб̣рахмажаарий. убосат̇аад̣̇ийсу ‘‘ахамби б̣рахмажаарий’’д̇и мижчаабадин̃н̃ааяа б̣рахмажаарибадин̃н̃о. бууд̇инаа гаммзна сийлавибад̇д̇ияаа анд̇о анубавидтад̇д̇аа анд̇обууд̇и. чад̣̇ваарзхи рааг̇аад̣̇игилзсаанувассанзна д̇инд̇ад̇д̇аа авассуд̇о. сан̃ж̇аад̇арааг̇аад̣̇игажаварад̇д̇аа сийлаванд̇зхи чад̣д̣зд̇аб̣б̣ад̇д̇аа жа гасамб̣уж̇аад̇о.
Assāti kattuatthe sāmivacanaṃ, anenāti attho. Tenāha ‘‘etena codakenā’’tiādi. Idhāgatesūti imasmiṃ sikkhāpade āgatesu. Aññatra āgatesūti ito aññatra omasavādādisikkhāpadapāḷiyaṃ āgatesu. Dussīloti nissīlo sīlavirahito. Pāpadhammoti dussīlattā eva hīnajjhāsayatāya lāmakasabhāvo. Asucisaṅkassarasamācāroti aparisuddhakāyakammāditāya asuci hutvā saṅkāya saritabbasamācāro. Dussīlo hi kiñcideva asāruppaṃ disvā ‘‘idaṃ asukena kataṃ bhavissatī’’ti paresaṃ āsaṅkanīyo hoti, kenacideva vā karaṇīyena mantayante bhikkhū disvā ‘‘kacci nu kho ime mayā katakammaṃ jānitvā mantentī’’ti attanoyeva saṅkāya saritabbasamācāro. Paṭicchannakammantoti lajjitabbatāya paṭicchādetabbakammanto. Assamaṇoti na samaṇo. Salākaggahaṇādīsu ‘‘ahampi samaṇo’’ti micchāpaṭiññāya samaṇapaṭiñño. Aseṭṭhacāritāya abrahmacārī. Uposathādīsu ‘‘ahampi brahmacārī’’ti micchāpaṭiññāya brahmacāripaṭiñño. Pūtinā kammena sīlavipattiyā anto anupaviṭṭhattā antopūti. Chadvārehi rāgādikilesānuvassanena tintattā avassuto. Sañjātarāgādikacavarattā sīlavantehi chaḍḍetabbattā ca kasambujāto.
ид̇ха баал̣ияанд̇и имасмим̣ сигкаабад̣̇з баал̣ияам̣. ж̇здтаб̣б̣ад̇игод̇и галид̣̇звийвад̇анияуд̇д̇о. галид̣̇звий гира сирийд̣̇звияаа ж̇здтаа, д̇асмаа д̇ассаа вад̇ад̇харо ‘‘ж̇здтаб̣б̣ад̇иго’’д̇и вужжад̇и. д̇ам̣ бана вад̇ам̣ самаад̣̇ияид̇ваа буурзнд̇о сагаласарийрз масим̣ магкзд̇ваа гаагабад̇д̇аани мудтияам̣ гад̇ваа галид̣̇звим̣ палагз ликаабзд̇ваа д̇ам̣ гааж̇агодияам̣ б̣анд̇хид̇ваа т̇омзнд̇о вижарад̇и. яад̣̇аг̇г̇знаад̇и яад̇д̇агзна. д̇ад̣̇аг̇г̇знаад̇и д̇ад̇д̇агзна. но габбзд̇ийд̇иаад̣̇и взмад̇игабхаавад̣̇ийбанад̇т̇амзва вуд̇д̇анд̇и махаабад̣̇умад̇т̇зрасса ад̇хиббааяо. д̣̇уд̇ияад̇т̇зро бана ‘‘но габбзд̇и, нассарад̇и, бамудто’’д̇и зд̇зхи взмад̇игабхааваавад̇т̇ааяа ад̣̇ийбанад̇о ан̃н̃о взмад̇игабхааво, ан̃н̃аани но габбанаад̣̇ийнийд̇и жад̇уннамби вибхааг̇зна ад̇т̇ам̣ д̣̇ассзд̇и, д̇асмаа д̇асса ваад̣̇о яуд̇д̇ад̇арод̇и бажчаа вуд̇д̇о. д̣̇ассанз взмад̇иго ход̇ийд̇и буг̇г̇алз н̃аад̇зби д̇асса гирияааяа саммаа ад̣̇идтабхаавад̇о жирагаалаад̇иггамад̇о ваа д̇ам̣ гирияам̣ гаронд̇о ‘‘зса маяаа д̣̇идто ваа, на ваа’’д̇и д̣̇ассанз взмад̇иго ход̇и. буг̇г̇алз взмад̇иго ход̇ийд̇и д̇зна гад̇агаммз н̃аад̇зби д̇ам̣ гаммам̣ гаронд̇асса саммаа ад̣̇идтабхаавад̇о гааланд̇арабхаавад̇о ваа ‘‘д̇асса гаммасса гаараго аяам̣ ваа, но’’д̇и буг̇г̇алз взмад̇иго ход̇и.
Idha pāḷiyanti imasmiṃ sikkhāpade pāḷiyaṃ. Jeṭṭhabbatikoti kalidevīvataniyutto. Kalidevī kira sirīdeviyā jeṭṭhā, tasmā tassā vatadharo ‘‘jeṭṭhabbatiko’’ti vuccati. Taṃ pana vataṃ samādiyitvā pūrento sakalasarīre masiṃ makkhetvā kākapattāni muṭṭhiyaṃ katvā kalideviṃ phalake likhāpetvā taṃ kājakoṭiyaṃ bandhitvā thomento vicarati. Yadaggenāti yattakena. Tadaggenāti tattakena. No kappetītiādi vematikabhāvadīpanatthameva vuttanti mahāpadumattherassa adhippāyo. Dutiyatthero pana ‘‘no kappeti, nassarati, pamuṭṭho’’ti etehi vematikabhāvāvatthāya adīpanato añño vematikabhāvo, aññāni no kappanādīnīti catunnampi vibhāgena atthaṃ dasseti, tasmā tassa vādo yuttataroti pacchā vutto. Dassane vematiko hotīti puggale ñātepi tassa kiriyāya sammā adiṭṭhabhāvato cirakālātikkamato vā taṃ kiriyaṃ karonto ‘‘esa mayā diṭṭho vā, na vā’’ti dassane vematiko hoti. Puggale vematiko hotīti tena katakamme ñātepi taṃ kammaṃ karontassa sammā adiṭṭhabhāvato kālantarabhāvato vā ‘‘tassa kammassa kārako ayaṃ vā, no’’ti puggale vematiko hoti.
389. ‘‘д̇аж̇ж̇анийяагаммаад̣̇исад̇д̇авид̇хамби гаммам̣ гариссаамаа’’д̇и аабад̇д̇ияаа жод̣̇знд̇асса ад̇хиббааяо гаммаад̇хиббааяо. ‘‘аабад̇д̇ид̇о вудтаабзссаамий’’д̇и ад̇хиббааяо вудтаанаад̇хиббааяо. ануд̣̇д̇хам̣сзнд̇ассаад̇и иминаа жааванаад̇хиббааяам̣ д̣̇ассзд̇и. аггосаад̇хиббааязна вад̣̇анд̇асса баажид̇д̇ияанд̇и аггосаад̇хиббааязна сад̇д̇ахиби аабад̇д̇игканд̇хзхи саммукаа вад̣̇анд̇асса баажид̇д̇ияам̣. д̣̇уггаданд̇и аггосаад̇хиббааязна вад̣̇анд̇асса д̣̇уггадам̣.
389. ‘‘Tajjanīyakammādisattavidhampi kammaṃ karissāmā’’ti āpattiyā codentassa adhippāyo kammādhippāyo. ‘‘Āpattito vuṭṭhāpessāmī’’ti adhippāyo vuṭṭhānādhippāyo. Anuddhaṃsentassāti iminā cāvanādhippāyaṃ dasseti. Akkosādhippāyena vadantassa pācittiyanti akkosādhippāyena sattahipi āpattikkhandhehi sammukhā vadantassa pācittiyaṃ. Dukkaṭanti akkosādhippāyena vadantassa dukkaṭaṃ.
‘‘звам̣ сам̣вад̣̇д̇хаа хи д̇асса бхаг̇авад̇о барисаа яад̣̇ид̣̇ам̣ ан̃н̃аман̃н̃аважанзна ан̃н̃аман̃н̃авудтаабанзнаа’’д̇и важанад̇о гурунд̣̇адтагат̇аанаяам̣ бад̇идтабзнд̇о ‘‘гурунд̣̇ияам̣ банаа’’д̇иаад̣̇имааха . саб̣б̣ад̇т̇зваад̇и саб̣б̣аадтагат̇аасу. яяа-гаарз самбад̇д̇з рз-гааро ад̇игганд̇о наама ход̇ийд̇и ааха ‘‘рз-гаарз анад̇игганд̇з’’д̇и. убосат̇асса н̃ад̇д̇игаммабхаавад̇о н̃ад̇д̇ияаа самад̇д̇ааяа убосат̇о гад̇о наама ход̇ийд̇и ааха ‘‘яяа-гаарз самбад̇д̇з на лаб̣бхад̇ий’’д̇и.
‘‘Evaṃ saṃvaddhā hi tassa bhagavato parisā yadidaṃ aññamaññavacanena aññamaññavuṭṭhāpanenā’’ti vacanato kurundaṭṭhakathānayaṃ patiṭṭhapento ‘‘kurundiyaṃpanā’’tiādimāha . Sabbatthevāti sabbaaṭṭhakathāsu. Yya-kāre sampatte re-kāro atikkanto nāma hotīti āha ‘‘re-kāre anatikkante’’ti. Uposathassa ñattikammabhāvato ñattiyā samattāya uposatho kato nāma hotīti āha ‘‘yya-kāre sampatte na labbhatī’’ti.
ид̣̇ан̃жид̣̇ан̃жаад̇и ‘‘баан̣аад̇ибаад̇ам̣ ад̣̇иннаад̣̇аана’’нд̇иаад̣̇им̣. ‘‘асуго жа асуго жа ассаман̣о анубаасаго’’д̇и аггосаад̇хиббааязна бараммукаа вад̣̇анд̇асса д̣̇уггадам̣, саммукаа вад̣̇анд̇асса бана баажид̇д̇ияамзва. яат̇аа ‘‘асуурияам̣ бассад̇и ган̃н̃аа’’д̇и зд̇т̇а ‘‘суурияам̣ на бассад̇и ган̃н̃аа’’д̇и аяамад̇т̇о лаб̣бхад̇и, звам̣ ‘‘аногаасам̣ гаараабзд̇ваа’’д̇и зд̇т̇ааби ‘‘огаасам̣ агаараабзд̇ваа’’д̇и аяамад̇т̇о лаб̣бхад̇ийд̇и ааха ‘‘яам̣ банаа’’д̇иаад̣̇и. яам̣ жод̣̇зд̇и, д̇асса убасамбаннод̇и сан̇кяуубаг̇аманам̣, д̇асмим̣ суд̣̇д̇хасан̃н̃ид̇аа, язна баарааж̇игзна жод̣̇зд̇и, д̇асса д̣̇идтаад̣̇ивасзна амуулагад̇аа, жааванаад̇хиббааязна саммукаа жод̣̇анаа, д̇асса д̇ан̇кан̣авиж̇аанананд̇и имаанзд̇т̇а бан̃жа ан̇г̇аани.
Idañcidañcāti ‘‘pāṇātipātaṃ adinnādāna’’ntiādiṃ. ‘‘Asuko ca asuko ca assamaṇo anupāsako’’ti akkosādhippāyena parammukhā vadantassa dukkaṭaṃ, sammukhā vadantassa pana pācittiyameva. Yathā ‘‘asūriyaṃ passati kaññā’’ti ettha ‘‘sūriyaṃ na passati kaññā’’ti ayamattho labbhati, evaṃ ‘‘anokāsaṃ kārāpetvā’’ti etthāpi ‘‘okāsaṃ akārāpetvā’’ti ayamattho labbhatīti āha ‘‘yaṃ panā’’tiādi. Yaṃ codeti, tassa upasampannoti saṅkhyūpagamanaṃ, tasmiṃ suddhasaññitā, yena pārājikena codeti, tassa diṭṭhādivasena amūlakatā, cāvanādhippāyena sammukhā codanā, tassa taṅkhaṇavijānananti imānettha pañca aṅgāni.
батамад̣̇удтад̣̇осасигкаабад̣̇аван̣н̣анаа нидтид̇аа.
Paṭhamaduṭṭhadosasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. д̣̇удтад̣̇осасигкаабад̣̇ам̣ • 8. Duṭṭhadosasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
