| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
8. батамад̣̇удтад̣̇осасигкаабад̣̇аван̣н̣анаа
8. Paṭhamaduṭṭhadosasikkhāpadavaṇṇanā
380. саавагзна бад̇д̇аб̣б̣анд̇и багад̇исаавагам̣ санд̇хааяа вуд̇д̇ам̣, на аг̇г̇асаавагам̣. яат̇уубаниссаяаяат̇аабуг̇г̇алавасзна ‘‘д̇иссо виж̇ж̇аа’’д̇иаад̣̇и вуд̇д̇ам̣. гзнажи саавагзна д̇иссо виж̇ж̇аа, гзнажи жад̇ассо бадисамбхид̣̇аа, гзнажи ча абхин̃н̃аа, гзнажи гзвало навалогуд̇д̇арад̇хаммод̇и звам̣ висум̣ висум̣ яат̇аасамбхавам̣ вуд̇д̇анд̇и взд̣̇ид̇аб̣б̣ам̣.
380.Sāvakena pattabbanti pakatisāvakaṃ sandhāya vuttaṃ, na aggasāvakaṃ. Yathūpanissayayathāpuggalavasena ‘‘tisso vijjā’’tiādi vuttaṃ. Kenaci sāvakena tisso vijjā, kenaci catasso paṭisambhidā, kenaci cha abhiññā, kenaci kevalo navalokuttaradhammoti evaṃ visuṃ visuṃ yathāsambhavaṃ vuttanti veditabbaṃ.
382. ‘‘яз д̇з бхигкуу суд̇д̇анд̇игаа’’д̇иаад̣̇иважанад̇о д̇харамаанзби бхаг̇авад̇и бидагад̇д̇аяабарижчзд̣̇о ад̇т̇ийд̇и сид̣̇д̇хам̣. д̇хаммагат̇игаад̇и аабхид̇хаммигаа рад̇ияаа ажчиссанд̇ийд̇иаад̣̇и ааяасмад̇о д̣̇аб̣б̣асса нзсам̣ д̇иражчаанагат̇ааяа рад̇инияож̇анам̣ вияа д̣̇иссад̇и, на д̇ат̇аа д̣̇адтаб̣б̣ам̣. суд̇д̇анд̇игаад̣̇исам̣саг̇г̇ад̇о д̇зсам̣ суд̇д̇анд̇игаад̣̇ийнам̣ паасувихааранд̇арааяам̣, д̇зсамби д̇иражчаанагат̇аарад̇ияаа абхаавзна анабхирад̇иваасам̣, д̇ад̇о нзсам̣ сааман̃н̃аа жааванан̃жа бариваж̇ж̇анд̇о звам̣ жинд̇зсийд̇и д̣̇адтаб̣б̣ам̣. ‘‘ниммид̇аанам̣ д̇хаммад̇аад̇и саавагзхи ниммид̇аанам̣язва, на б̣уд̣̇д̇хзхий’’д̇и вад̣̇анд̇и. ‘‘саад̇хагад̇амам̣ гаран̣а’’нд̇и звам̣ вуд̇д̇з гаран̣ад̇т̇зязва д̇ад̇ияаавибхад̇д̇ийд̇и ад̇т̇о.
382.‘‘Ye te bhikkhū suttantikā’’tiādivacanato dharamānepi bhagavati piṭakattayaparicchedo atthīti siddhaṃ. Dhammakathikāti ābhidhammikā ratiyā acchissantītiādi āyasmato dabbassa nesaṃ tiracchānakathāya ratiniyojanaṃ viya dissati, na tathā daṭṭhabbaṃ. Suttantikādisaṃsaggato tesaṃ suttantikādīnaṃ phāsuvihārantarāyaṃ, tesampi tiracchānakathāratiyā abhāvena anabhirativāsaṃ, tato nesaṃ sāmaññā cāvanañca parivajjanto evaṃ cintesīti daṭṭhabbaṃ. ‘‘Nimmitānaṃ dhammatāti sāvakehi nimmitānaṃyeva, na buddhehī’’ti vadanti. ‘‘Sādhakatamaṃ karaṇa’’nti evaṃ vutte karaṇattheyeva tatiyāvibhattīti attho.
383-4. яанд̇и язна. ‘‘гад̇д̇аад̇и гад̇д̇аа, на гад̇д̇аа’’д̇и ликид̇ам̣. ‘‘бхарияам̣ вияа мам̣ аж̇жхаажарад̇ий’’д̇и вад̣̇анд̇ияаа б̣алавад̇ий жод̣̇анаа. д̇зна хийд̇и зд̇т̇а яат̇аа чубанамад̇д̇з виббадисаарийвад̇т̇усмим̣ гааяасам̣саг̇г̇арааг̇асамбхаваа абужчид̇ваа зва сан̇гхаад̣̇исзсам̣ бан̃н̃аабзси, д̇ат̇зва буб̣б̣звассаа д̣̇уссийлабхаавам̣ н̃ад̇ваа вуд̇д̇анд̇и взд̣̇ид̇аб̣б̣ам̣. яад̣̇и д̇аава бхууд̇ааяа бадин̃н̃ааяа наасид̇аа, т̇зро гаараго ход̇и. ат̇а абхууд̇ааяа, бхаг̇авад̇аа ‘‘наасзт̇аа’’д̇и на вад̇д̇аб̣б̣ам̣, вуд̇д̇ан̃жа, д̇асмаа вуд̇д̇ам̣ ‘‘яад̣̇и д̇аава бадин̃н̃ааяа наасид̇аа, т̇зро гаараго ход̇ий’’д̇и.
383-4.Yanti yena. ‘‘Kattāti kattā, na kattā’’ti likhitaṃ. ‘‘Bhariyaṃ viya maṃ ajjhācaratī’’ti vadantiyā balavatī codanā. Tena hīti ettha yathā chupanamatte vippaṭisārīvatthusmiṃ kāyasaṃsaggarāgasambhavā apucchitvā eva saṅghādisesaṃ paññāpesi, tatheva pubbevassā dussīlabhāvaṃ ñatvā vuttanti veditabbaṃ. Yadi tāva bhūtāya paṭiññāya nāsitā, thero kārako hoti. Atha abhūtāya, bhagavatā ‘‘nāsethā’’ti na vattabbaṃ, vuttañca, tasmā vuttaṃ ‘‘yadi tāva paṭiññāya nāsitā, thero kārako hotī’’ti.
ат̇а аббадин̃н̃ааяаад̇и ‘‘аяязнамхи д̣̇уусид̇аа’’д̇и имам̣ бадин̃н̃ам̣ винаа зва д̇ассаа багад̇ид̣̇уссийлабхаавам̣ санд̇хааяа наасид̇аа, т̇зро агаараго ход̇и. абхаяаг̇ириваасиноби ад̇д̇ано суд̇д̇ам̣ вад̇ваа ‘‘д̇умхаагам̣ ваад̣̇з т̇зро гаараго’’д̇и вад̣̇анд̇и, гасмаа? д̣̇уггадам̣ мусааваад̣̇абажжаяаа лин̇г̇анаасанааяа анаасзд̇аб̣б̣ад̇д̇аа. баарааж̇игассзва хи лин̇г̇анаасанааяа наасзд̇аб̣б̣аа. ‘‘наасзт̇аа’’д̇и жа вуд̇д̇ад̇д̇аа баарааж̇игаава ж̇аад̇аа, саа гим̣ санд̇хааяа, д̇ад̇о т̇зро гаараго аабаж̇ж̇ад̇и. ‘‘сагааяа бадин̃н̃ааяа наасзт̇аа’’д̇и вуд̇д̇з бана абаарааж̇игааби ад̇д̇ано важанзна наасзд̇аб̣б̣аа ж̇аад̇аад̇и ад̇хиббааяо. махаавихаараваасиноби ад̇д̇ано суд̇д̇ам̣ вад̇ваа ‘‘д̇умхаагам̣ ваад̣̇з т̇зро гаараго’’д̇и жа вад̣̇анд̇и. гасмаа? ‘‘сагааяа бадин̃н̃ааяа наасзт̇аа’’д̇и хи вуд̇д̇з бадин̃н̃ааяа бхууд̇ад̇аа аабаж̇ж̇ад̇и ‘‘наасзт̇аа’’д̇и важанад̇о. бхууд̇ааязва хи бадин̃н̃ааяа наасзд̇аб̣б̣аа ход̇и, наабхууд̇ааяаад̇и ад̇хиббааяо. буриманаязд̇и д̣̇уггадаваад̣̇з. буримо яуд̇д̇ивасзна бавад̇д̇о, бажчимо баал̣иважанавасзна бавад̇д̇од̇и взд̣̇ид̇аб̣б̣о.
Atha appaṭiññāyāti ‘‘ayyenamhi dūsitā’’ti imaṃ paṭiññaṃ vinā eva tassā pakatidussīlabhāvaṃ sandhāya nāsitā, thero akārako hoti. Abhayagirivāsinopi attano suttaṃ vatvā ‘‘tumhākaṃ vāde thero kārako’’ti vadanti, kasmā? Dukkaṭaṃ musāvādapaccayā liṅganāsanāya anāsetabbattā. Pārājikasseva hi liṅganāsanāya nāsetabbā. ‘‘Nāsethā’’ti ca vuttattā pārājikāva jātā, sā kiṃ sandhāya, tato thero kārako āpajjati. ‘‘Sakāya paṭiññāya nāsethā’’ti vutte pana apārājikāpi attano vacanena nāsetabbā jātāti adhippāyo. Mahāvihāravāsinopi attano suttaṃ vatvā ‘‘tumhākaṃ vāde thero kārako’’ti ca vadanti. Kasmā? ‘‘Sakāya paṭiññāya nāsethā’’ti hi vutte paṭiññāya bhūtatā āpajjati ‘‘nāsethā’’ti vacanato. Bhūtāyeva hi paṭiññāya nāsetabbā hoti, nābhūtāyāti adhippāyo. Purimanayeti dukkaṭavāde. Purimo yuttivasena pavatto, pacchimo pāḷivacanavasena pavattoti veditabbo.
385-6. бийд̇исукзхийд̇и зд̇т̇а ‘‘сукзнаа’’д̇и вад̇д̇аб̣б̣з бийд̇иг̇г̇ахан̣ам̣ д̇ад̇ияаж̇жхаанасукам̣, гааяиган̃жа абанзд̇ум̣ самбаяуд̇д̇абийд̇ияаа вуд̇д̇ам̣. сажз жуд̣̇ид̇агавасзна гад̇ам̣ амуулагам̣ наама, ‘‘анаж̇жхаабаннам̣ агад̇а’’нд̇и вад̣̇зяяа, имз гариссанд̇и, д̇асмаа ‘‘д̇аад̣̇исам̣ д̣̇идтасан̃н̃ий худ̇ваа жод̣̇зд̇ий’’д̇и баато . ‘‘зд̇зна наязна суд̇амуд̇абарисан̇гид̇ааниби вид̇т̇аарад̇о взд̣̇ид̇аб̣б̣ааний’’д̇и баато. ‘‘жад̇уннам̣ ан̃н̃ад̇арзнаа’’д̇и баад̇имогкуд̣̇д̣̇зсз зва ааг̇ад̇з г̇ахзд̇ваа вуд̇д̇ам̣, ид̇арзсам̣ ан̃н̃ад̇арзнааби ануд̣̇д̇хам̣сзнд̇асса сан̇гхаад̣̇исзсоваад̇и но д̇аггод̇и аажарияо. бхигкубхааваа хи жааванасамад̇т̇ад̇о. ‘‘самийбз тад̇ваа’’д̇и важанад̇о бараммукаа жод̣̇знд̇асса, жод̣̇аабзнд̇асса ваа сийсам̣ на зд̇и. д̣̇идтан̃жз суд̇зна барисан̇гид̇зна жод̣̇зд̇и жод̣̇аабзд̇и, суд̇абарисан̇гид̇ам̣ ваа д̣̇идтаад̣̇ийхи жод̣̇ид̇з ваа жод̣̇аабид̇з ваа сийсам̣ зд̇и зва амуулагзна жод̣̇ид̇ад̇д̇аа. вуд̇д̇ан̃хзд̇ам̣ ‘‘д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о, д̇ан̃жз жод̣̇зд̇и ‘суд̇о маяаа…бз… сан̇гхаад̣̇исзсассаа’’д̇и (баараа. 387). ‘‘асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно, д̇ан̃жз асуд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и д̣̇уггадасса. огаасам̣ гаараабзд̇ваа жааванаад̇хиббааяо вад̣̇зд̇и, анаабад̇д̇ий’’д̇и (баараа. 389) иминаа на-самзнд̇ам̣ вияа кааяад̇и, гат̇ам̣? д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о наама асуд̣̇д̇хо буг̇г̇ало ход̇и, ‘‘ан̃н̃ад̇арасмим̣ асуд̣̇д̇хад̣̇идти самаано д̇ан̃жз жод̣̇зд̇и ‘суд̇о маяаа баарааж̇игам̣ д̇хаммам̣ аж̇жхаабанносий’д̇и, аабад̇д̇и ваажааяа ваажааяа сан̇гхаад̣̇исзсассаа’’д̇и важанад̇о буриманаязнаабад̇д̇и. ‘‘жааванаад̇хиббааяо вад̣̇зд̇и, аабад̇д̇и д̣̇уггадассаа’’д̇и важанад̇о бажчиманаязна сан̇гхаад̣̇исзсзна аабад̇д̇ийд̇и д̣̇вз баал̣инаяаа ан̃н̃аман̃н̃ам̣ вируд̣̇д̇хаа вияа д̣̇иссанд̇и, на жа вируд̣̇д̇хам̣ б̣уд̣̇д̇хаа гат̇аяанд̇и, д̇асмаа зд̇т̇а яуд̇д̇и бариязсид̇аб̣б̣аа. адтагат̇аажарияаа д̇аавааху ‘‘самуулагзна ваа сан̃н̃аасамуулагзна ваа жод̣̇знд̇асса анаабад̇д̇и, амуулагзна ваа бана сан̃н̃ааамуулагзна ваа жод̣̇знд̇асса аабад̇д̇ий’’д̇и. д̇ассад̇т̇о – д̣̇ассанасаванабарисан̇ганамуулзна самуулагзна ваа д̇ад̣̇абхаавзна амуулагзнааби сан̃н̃аасамуулагзна ваа жод̣̇знд̇асса анаабад̇д̇и, д̣̇ассанаад̣̇имуулаабхаавзна амуулагзна ваа д̇аб̣бхаавзна самуулагзнааби сан̃н̃ааамуулагзна ваа жод̣̇знд̇асса аабад̇д̇и, д̇асмаа д̣̇идтасса ход̇и.
385-6.Pītisukhehīti ettha ‘‘sukhenā’’ti vattabbe pītiggahaṇaṃ tatiyajjhānasukhaṃ, kāyikañca apanetuṃ sampayuttapītiyā vuttaṃ. Sace cuditakavasena kataṃ amūlakaṃ nāma, ‘‘anajjhāpannaṃ akata’’nti vadeyya, ime karissanti, tasmā ‘‘tādisaṃ diṭṭhasaññī hutvā codetī’’ti pāṭho . ‘‘Etena nayena sutamutaparisaṅkitānipi vitthārato veditabbānī’’ti pāṭho. ‘‘Catunnaṃ aññatarenā’’ti pātimokkhuddese eva āgate gahetvā vuttaṃ, itaresaṃ aññatarenāpi anuddhaṃsentassa saṅghādisesovāti no takkoti ācariyo. Bhikkhubhāvā hi cāvanasamatthato. ‘‘Samīpe ṭhatvā’’ti vacanato parammukhā codentassa, codāpentassa vā sīsaṃ na eti. Diṭṭhañce sutena parisaṅkitena codeti codāpeti, sutaparisaṅkitaṃ vā diṭṭhādīhi codite vā codāpite vā sīsaṃ eti eva amūlakena coditattā. Vuttañhetaṃ ‘‘diṭṭhassa hoti pārājikaṃ dhammaṃ ajjhāpajjanto, tañce codeti ‘suto mayā…pe… saṅghādisesassā’’ti (pārā. 387). ‘‘Asuddho hoti puggalo aññataraṃ pārājikaṃ dhammaṃ ajjhāpanno, tañce asuddhadiṭṭhi samāno anokāsaṃ kārāpetvā cāvanādhippāyo vadeti, āpatti dukkaṭassa. Okāsaṃ kārāpetvā cāvanādhippāyo vadeti, anāpattī’’ti (pārā. 389) iminā na-samentaṃ viya khāyati, kathaṃ? Diṭṭhassa hoti pārājikaṃ dhammaṃ ajjhāpajjanto nāma asuddho puggalo hoti, ‘‘aññatarasmiṃ asuddhadiṭṭhi samāno tañce codeti ‘suto mayā pārājikaṃ dhammaṃ ajjhāpannosī’ti, āpatti vācāya vācāya saṅghādisesassā’’ti vacanato purimanayenāpatti. ‘‘Cāvanādhippāyo vadeti, āpatti dukkaṭassā’’ti vacanato pacchimanayena saṅghādisesena āpattīti dve pāḷinayā aññamaññaṃ viruddhā viya dissanti, na ca viruddhaṃ buddhā kathayanti, tasmā ettha yutti pariyesitabbā. Aṭṭhakathācariyā tāvāhu ‘‘samūlakena vā saññāsamūlakena vā codentassa anāpatti, amūlakena vā pana saññāamūlakena vā codentassa āpattī’’ti. Tassattho – dassanasavanaparisaṅkanamūlena samūlakena vā tadabhāvena amūlakenāpi saññāsamūlakena vā codentassa anāpatti, dassanādimūlābhāvena amūlakena vā tabbhāvena samūlakenāpi saññāamūlakena vā codentassa āpatti, tasmā diṭṭhassa hoti.
баарааж̇игам̣ д̇хаммам̣ аж̇жхаабаж̇ж̇анд̇од̇иаад̣̇имхи д̣̇ассанамуулзна самуулагзнааби ‘‘суд̇о маяаа’’д̇и важанад̇о сан̃н̃ааамуулагзна ваа жод̣̇зд̇и, аабад̇д̇и сан̇гхаад̣̇исзсасса. д̇ад̣̇ад̇т̇асса аавибхаавад̇т̇ам̣ ‘‘д̣̇идтз взмад̇иго’’д̇иаад̣̇и ваараа вуд̇д̇аад̇и взд̣̇ид̇аб̣б̣аа.
Pārājikaṃ dhammaṃ ajjhāpajjantotiādimhi dassanamūlena samūlakenāpi ‘‘suto mayā’’ti vacanato saññāamūlakena vā codeti, āpatti saṅghādisesassa. Tadatthassa āvibhāvatthaṃ ‘‘diṭṭhe vematiko’’tiādi vārā vuttāti veditabbā.
асуд̣̇д̇хо ход̇и буг̇г̇алобхиаад̣̇имхи бана самуулагзна, сан̃н̃аасамуулагзна ваа жод̣̇ид̇ад̇д̇аа анаабад̇д̇ийд̇и. звамзвам̣ бана д̇ад̣̇ад̇т̇ад̣̇ийбанад̇т̇ам̣ д̇з ваараа вуд̇д̇аа. д̇ад̇т̇а хи ‘‘ад̣̇идтасса ход̇ий’’д̇иаад̣̇иваараа амуулагзна жод̣̇знд̇асса аабад̇д̇и ход̇ийд̇и д̣̇ассанад̇т̇ам̣ вуд̇д̇аа. ‘‘д̣̇идтз взмад̇иго’’д̇иаад̣̇инаа сан̃н̃ааамуулагзна жод̣̇знд̇асса аабад̇д̇и ход̇ийд̇и д̣̇ассанад̇т̇ам̣ вуд̇д̇аа. ан̃н̃ат̇аа ‘‘д̣̇идтасса ход̇и, д̣̇идтз взмад̇иго’’д̇иаад̣̇иваараа ниб̣б̣исзсаа бхавзяяум̣. ид̣̇ам̣ банзд̇т̇а саннидтаанам̣-яат̇аа асуд̣̇д̇хам̣ буг̇г̇алам̣ аногаасам̣ гаараабзд̇ваа жод̣̇знд̇асса д̣̇уггадам̣, аггосаад̇хиббааяасса жа омасаваад̣̇зна д̣̇уггадасса, д̇ат̇аа асуд̣̇д̇хад̣̇идтигоби асуд̣̇д̇хам̣ асуд̣̇д̇хад̣̇идти амуулагзна жод̣̇зд̇и, аабад̇д̇и. самуулагзна ваа жод̣̇зд̇и, анаабад̇д̇ийд̇и д̇ам̣ саннидтаанам̣ яат̇аа ‘‘анаабад̇д̇и суд̣̇д̇хз асуд̣̇д̇хад̣̇идтисса асуд̣̇д̇хз асуд̣̇д̇хад̣̇идтиссаа’’д̇и иминаа сам̣санд̣̇ад̇и, д̇ат̇аа г̇ахзд̇аб̣б̣ам̣. ан̃н̃ат̇аа яуд̇д̇и бариязсид̇аб̣б̣аа.
Asuddho hoti puggalobhiādimhi pana samūlakena, saññāsamūlakena vā coditattā anāpattīti. Evamevaṃ pana tadatthadīpanatthaṃ te vārā vuttā. Tattha hi ‘‘adiṭṭhassa hotī’’tiādivārā amūlakena codentassa āpatti hotīti dassanatthaṃ vuttā. ‘‘Diṭṭhe vematiko’’tiādinā saññāamūlakena codentassa āpatti hotīti dassanatthaṃ vuttā. Aññathā ‘‘diṭṭhassa hoti, diṭṭhe vematiko’’tiādivārā nibbisesā bhaveyyuṃ. Idaṃ panettha sanniṭṭhānaṃ-yathā asuddhaṃ puggalaṃ anokāsaṃ kārāpetvā codentassa dukkaṭaṃ, akkosādhippāyassa ca omasavādena dukkaṭassa, tathā asuddhadiṭṭhikopi asuddhaṃ asuddhadiṭṭhi amūlakena codeti, āpatti. Samūlakena vā codeti, anāpattīti taṃ sanniṭṭhānaṃ yathā ‘‘anāpatti suddhe asuddhadiṭṭhissa asuddhe asuddhadiṭṭhissā’’ti iminā saṃsandati, tathā gahetabbaṃ. Aññathā yutti pariyesitabbā.
сийласамбаннод̇и зд̇т̇а ‘‘д̣̇уссийласса важанам̣ аббамаан̣ам̣. бхигкуний хи бхигкумхи аниссараа, д̇асмаа уггадтанаяз вид̇хим̣ санд̇хааяа т̇зрзна вуд̇д̇ам̣. д̣̇уд̇ияад̇т̇зрзна бхигкуний аж̇аанид̇вааби жод̣̇зд̇и, сигкамаанаад̣̇аяо ваа жод̣̇знд̇и, д̇зсам̣ суд̇ваа бхигкуу зва вижаарзд̇ваа д̇асса бадин̃н̃ааяа гаарзнд̇и. го зд̇т̇а д̣̇осод̇и ид̣̇ам̣ санд̇хааяа вуд̇д̇ам̣. д̇ад̇иязна д̇ид̇т̇ияаанам̣ важанам̣ суд̇вааби бхигкуу зва вижаарзнд̇и, д̇асмаа на гожи на лабхад̇ийд̇и звам̣ саб̣б̣ам̣ самзд̇ийд̇и абарз’’д̇и вуд̇д̇ам̣. д̇им̣саани д̇им̣саванд̇аани. ануяог̇од̇и бадиважанам̣. зхид̇ийд̇и ааг̇амиссад̇и. д̣̇идтасанд̇аанзнаад̇и д̣̇идтанаязна, д̣̇идтавид̇хаанзнаад̇и ад̇хиббааяо. бад̇идтааяаад̇и бад̇идтам̣ лабхид̇ваа. таанзд̇и лаж̇ж̇идтаанз.
Sīlasampannoti ettha ‘‘dussīlassa vacanaṃ appamāṇaṃ. Bhikkhunī hi bhikkhumhi anissarā, tasmā ukkaṭṭhanaye vidhiṃ sandhāya therena vuttaṃ. Dutiyattherena bhikkhunī ajānitvāpi codeti, sikkhamānādayo vā codenti, tesaṃ sutvā bhikkhū eva vicāretvā tassa paṭiññāya kārenti. Ko ettha dosoti idaṃ sandhāya vuttaṃ. Tatiyena titthiyānaṃ vacanaṃ sutvāpi bhikkhū eva vicārenti, tasmā na koci na labhatīti evaṃ sabbaṃ sametīti apare’’ti vuttaṃ. Tiṃsāni tiṃsavantāni. Anuyogoti paṭivacanaṃ. Ehitīti āgamissati. Diṭṭhasantānenāti diṭṭhanayena, diṭṭhavidhānenāti adhippāyo. Patiṭṭhāyāti patiṭṭhaṃ labhitvā. Ṭhāneti lajjiṭṭhāne.
г̇ааханд̇и ‘‘ахам̣ жод̣̇зссаамий’’д̇и ад̇д̇аад̣̇аанаг̇г̇ахан̣ам̣. жзд̇анаад̇и ад̇д̇аад̣̇аанаг̇г̇ахан̣ажзд̇анаа. вохаарод̇и ид̇о, зд̇д̇о жа н̃ад̇ваа багаасанам̣. бан̣н̣ад̇д̇ийд̇и наамабан̃н̃ад̇д̇и. яаа важийгхосаарамман̣асса сод̇ад̣̇ваараббавад̇д̇авин̃н̃аан̣асанд̇аанасса ананд̇арам̣ уббаннзна убалад̣̇д̇хабуб̣б̣асан̇гзд̇зна манод̣̇вааравин̃н̃аан̣зна вин̃н̃ааяад̇и, яассаа вин̃н̃аад̇ад̇д̇аа д̇ад̣̇ад̇т̇о барамад̇т̇о ваа абарамад̇т̇о ваа д̇ад̇ияаваарам̣ уббаннзна мановин̃н̃аан̣зна вин̃н̃ааяад̇ийд̇и наамаад̣̇ийхи чахи б̣яан̃ж̇анзхи баал̣ияаа багаасид̇аа, саа ‘‘виж̇ж̇амаанабан̃н̃ад̇д̇и авиж̇ж̇амаанабан̃н̃ад̇д̇ий’’д̇иаад̣̇инаа чад̇хаа аажариязхи д̣̇ассид̇аа. д̇аб̣бхааг̇ияабхааво ад̇аб̣бхааг̇ияабхааво жа нибпаннад̇хаммассзва яуж̇ж̇ад̇и, на бан̃н̃ад̇д̇ияаа ад̇хигаран̣ийяавад̇т̇уд̇д̇аа , ад̇хигаран̣з бавад̇д̇ад̇д̇аа жа ад̇хигаран̣о ман̃жадтз ман̃жобажааро вияаад̇и жа. ‘‘барияааязнаад̇и амуулагаа наамабан̃н̃ад̇д̇и над̇т̇и. барияааяамад̇д̇ам̣, сабхаавад̇о над̇т̇и. абхид̇хаанамад̇д̇амзва, абхид̇хзяяам̣ над̇т̇ий’’д̇и жа ликид̇ам̣. ид̇хзваад̇и имасмим̣ зва сигкаабад̣̇з. на саб̣б̣ад̇т̇аад̇и виваад̣̇аад̇хигаран̣аад̣̇ийсу. гасмаа? на хийд̇иаад̣̇и. виваад̣̇аад̇хигаран̣аад̣̇ийнамад̇т̇ид̇аа вияа амуулагам̣ ад̇хигаран̣ам̣ над̇т̇ийд̇и. буб̣б̣з вуд̇д̇асамат̇зхийд̇и ‘‘яам̣ ад̇хигижжа самат̇аа вад̇д̇анд̇ий’’д̇и вуд̇д̇асамат̇зхийд̇и ад̇хиббааяо. абижа сабхаавад̇о над̇т̇ийд̇и аббадилад̣̇д̇хасабхаавад̇д̇аа вуд̇д̇ам̣. ануббаннам̣ вияа вин̃н̃аан̣аад̣̇и. на хи виваад̣̇аад̣̇ийнам̣ бан̣н̣ад̇д̇и ад̇хигаран̣адтод̇и бан̣н̣ад̇д̇им̣ ад̇хигижжа самат̇аа на бавад̇д̇анд̇и, д̇асмаа на д̇ассаа ад̇хигаран̣ийяад̇аад̇и на виваад̣̇аад̣̇ийнам̣ бан̣н̣ад̇д̇и ад̇хигаран̣адтод̇и ад̇хиббааяо. ход̇и жзд̇т̇а –
Gāhanti ‘‘ahaṃ codessāmī’’ti attādānaggahaṇaṃ. Cetanāti attādānaggahaṇacetanā. Vohāroti ito, etto ca ñatvā pakāsanaṃ. Paṇṇattīti nāmapaññatti. Yā vacīghosārammaṇassa sotadvārappavattaviññāṇasantānassa anantaraṃ uppannena upaladdhapubbasaṅketena manodvāraviññāṇena viññāyati, yassā viññātattā tadattho paramattho vā aparamattho vā tatiyavāraṃ uppannena manoviññāṇena viññāyatīti nāmādīhi chahi byañjanehi pāḷiyā pakāsitā, sā ‘‘vijjamānapaññatti avijjamānapaññattī’’tiādinā chadhā ācariyehi dassitā. Tabbhāgiyabhāvo atabbhāgiyabhāvo ca nipphannadhammasseva yujjati, na paññattiyā adhikaraṇīyavatthuttā , adhikaraṇe pavattattā ca adhikaraṇo mañcaṭṭhe mañcopacāro viyāti ca. ‘‘Pariyāyenāti amūlakā nāmapaññatti natthi. Pariyāyamattaṃ, sabhāvato natthi. Abhidhānamattameva, abhidheyyaṃ natthī’’ti ca likhitaṃ. Idhevāti imasmiṃ eva sikkhāpade. Na sabbatthāti vivādādhikaraṇādīsu. Kasmā? Na hītiādi. Vivādādhikaraṇādīnamatthitā viya amūlakaṃ adhikaraṇaṃ natthīti. Pubbe vuttasamathehīti ‘‘yaṃ adhikicca samathā vattantī’’ti vuttasamathehīti adhippāyo. Apica sabhāvato natthīti appaṭiladdhasabhāvattā vuttaṃ. Anuppannaṃ viya viññāṇādi. Na hi vivādādīnaṃ paṇṇatti adhikaraṇaṭṭhoti paṇṇattiṃ adhikicca samathā na pavattanti, tasmā na tassā adhikaraṇīyatāti na vivādādīnaṃ paṇṇatti adhikaraṇaṭṭhoti adhippāyo. Hoti cettha –
‘‘баарааж̇игаабад̇д̇и амуулигаа жз,
‘‘Pārājikāpatti amūlikā ce,
бан̣н̣ад̇д̇имад̇д̇аа паламаг̇г̇ад̇хаммаа;
Paṇṇattimattā phalamaggadhammā;
жад̇уд̇т̇абаарааж̇игавад̇т̇убхууд̇аа,
Catutthapārājikavatthubhūtā,
бан̣н̣ад̇д̇имад̇д̇аава сияум̣ д̇ат̇зва.
Paṇṇattimattāva siyuṃ tatheva.
‘‘д̇ад̇о д̣̇вид̇хаа маг̇г̇апалаад̣̇ид̇хаммаа,
‘‘Tato dvidhā maggaphalādidhammā,
сияум̣ д̇ат̇аад̇ийд̇аманааг̇ад̇ан̃жа;
Siyuṃ tathātītamanāgatañca;
бан̣н̣ад̇д̇ичаггам̣ на сияаа д̇ад̇о ваа,
Paṇṇattichakkaṃ na siyā tato vā,
барияааяад̇о саммуд̇иваад̣̇амаахаа’’д̇и.
Pariyāyato sammutivādamāhā’’ti.
анувад̣̇анд̇ийд̇и аггосанд̇и. гижжаяад̇аад̇и гаран̣ийяад̇аа. д̇ам̣ гад̇аманд̇и жз? абалоганагамманд̇иаад̣̇и. гижжанд̇и вин̃н̃ад̇д̇исамудтаабагажид̇д̇ам̣ гира ад̇хиббзд̇ам̣.
Anuvadantīti akkosanti. Kiccayatāti karaṇīyatā. Taṃ katamanti ce? Apalokanakammantiādi. Kiccanti viññattisamuṭṭhāpakacittaṃ kira adhippetaṃ.
387. суд̇аад̣̇ийнам̣ абхаавзна амуулагад̇д̇анд̇и зд̇т̇а яо д̣̇исвааби ‘‘д̣̇идтоси маяаа’’д̇и вад̇д̇ум̣ асаггонд̇о ад̇д̇ано д̣̇идтанияаамзнзва ‘‘суд̇оси маяаа’’д̇и вад̣̇ад̇и. д̇асса д̇асмим̣ асуд̣̇д̇хад̣̇идтид̇д̇аа аабад̇д̇и, ид̇ха бана яо буб̣б̣з суд̇ваа анаабад̇д̇и, бажчаа д̇ам̣ виссарид̇ваа суд̣̇д̇хад̣̇идти зва самаано вад̣̇ад̇и, д̇ам̣ санд̇хааяа вуд̇д̇ам̣. ‘‘зса наяо саб̣б̣ад̇т̇аад̇и абарз’’д̇и вуд̇д̇ам̣. ж̇здтаб̣б̣ад̇иго гаагзгаббадивад̇д̇аа . яад̣̇аг̇г̇знаад̇и яаавад̇аа, яад̣̇аа ваа. но габбзд̇ийд̇иаад̣̇и взмад̇игаабхаавад̣̇ийбанад̇т̇амзва вуд̇д̇анд̇и д̣̇ассзд̇и. д̇зна взмад̇игова нассарад̇и саммудто наамаад̇и аабаж̇ж̇ад̇и, д̇ам̣ на яуд̇д̇ам̣ д̇ад̣̇ананд̇арабхаавад̇о, д̇асмаа д̣̇уд̇ияад̇т̇зраваад̣̇о бажчаа вуд̇д̇о.
387.Sutādīnaṃ abhāvena amūlakattanti ettha yo disvāpi ‘‘diṭṭhosi mayā’’ti vattuṃ asakkonto attano diṭṭhaniyāmeneva ‘‘sutosi mayā’’ti vadati. Tassa tasmiṃ asuddhadiṭṭhittā āpatti, idha pana yo pubbe sutvā anāpatti, pacchā taṃ vissaritvā suddhadiṭṭhi eva samāno vadati, taṃ sandhāya vuttaṃ. ‘‘Esa nayo sabbatthāti apare’’ti vuttaṃ. Jeṭṭhabbatiko kākekappaṭivattā . Yadaggenāti yāvatā, yadā vā. No kappetītiādi vematikābhāvadīpanatthameva vuttanti dasseti. Tena vematikova nassarati sammuṭṭho nāmāti āpajjati, taṃ na yuttaṃ tadanantarabhāvato, tasmā dutiyattheravādo pacchā vutto.
389. саб̣б̣ад̇т̇аад̇и саб̣б̣аадтагат̇аасу. огаасагамманд̇и огаасагаран̣ам̣. ‘‘огаасзна гаммам̣ огаасагамма’’нд̇и ликид̇ам̣. асуурияам̣ бассад̇и ган̃н̃аад̇и зд̇т̇а яат̇аа ган̃н̃аа суурияам̣ на бассад̇ийд̇и бхавад̇и, звам̣ ‘‘аногаасам̣ гаарзд̇ваа’’д̇и вуд̇д̇з огаасам̣ на гаарзд̇ваад̇и ход̇и.
389.Sabbatthāti sabbaaṭṭhakathāsu. Okāsakammanti okāsakaraṇaṃ. ‘‘Okāsena kammaṃ okāsakamma’’nti likhitaṃ. Asūriyaṃ passati kaññāti ettha yathā kaññā sūriyaṃ na passatīti bhavati, evaṃ ‘‘anokāsaṃ kāretvā’’ti vutte okāsaṃ na kāretvāti hoti.
батамад̣̇удтад̣̇осасигкаабад̣̇аван̣н̣анаа нидтид̇аа.
Paṭhamaduṭṭhadosasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. д̣̇удтад̣̇осасигкаабад̣̇ам̣ • 8. Duṭṭhadosasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
