| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
8. батамад̣̇удтад̣̇осасигкаабад̣̇аван̣н̣анаа
8. Paṭhamaduṭṭhadosasikkhāpadavaṇṇanā
380. адтамз баагаарзна жа баригкид̇д̇анд̇и самб̣анд̇хо. г̇обураддаалагаяуд̇д̇анд̇и зд̇т̇а баагаарзсу яуд̣̇д̇хад̇т̇ааяа гад̇о ван̇гасан̣таано сарагкзбачид̣̇д̣̇асахид̇о бад̇иссаяависзсо аддаалаго наама.
380. Aṭṭhame pākārena ca parikkhittanti sambandho. Gopuraṭṭālakayuttanti ettha pākāresu yuddhatthāya kato vaṅkasaṇṭhāno sarakkhepachiddasahito patissayaviseso aṭṭālako nāma.
сол̣асавид̇хассаад̇и жад̇уухи маг̇г̇зхи бажжзгам̣ жад̇уусу сажжзсу гад̇д̇аб̣б̣асса барин̃н̃аабахаанасажчигирияаабхааванаасан̇каад̇асса сол̣асавид̇хасса. д̇з г̇ааравзнаад̇и д̇з гиланд̇аруубаа бхигкуу бхад̇д̇уд̣̇д̣̇зсагадтаанз саннибад̇ид̇аанам̣ бхигкуунам̣ бурад̇о ад̇д̇ано гиланд̇асарийрам̣ д̣̇ассзд̇ваа уд̣̇д̣̇исаабанз г̇ааравзна, лаж̇ж̇ааяаад̇и ад̇т̇о. д̇зрасабийд̇и бхад̇д̇уд̣̇д̣̇зсагасзнаасанаг̇аахаабагабхан̣д̣ааг̇ааригажийварабадиг̇г̇аахагажийварабхааж̇агаяааг̇убхааж̇агапалабхааж̇агакаж̇ж̇абхааж̇агааббамад̇д̇агависсаж̇ж̇агасаадияаг̇аахаабагабад̇д̇аг̇аахаабагааараамигабзсагасааман̣зрабзсагасаммуд̇ийнам̣ васзна д̇зрасаби.
Soḷasavidhassāti catūhi maggehi paccekaṃ catūsu saccesu kattabbassa pariññāpahānasacchikiriyābhāvanāsaṅkhātassa soḷasavidhassa. Te gāravenāti te kilantarūpā bhikkhū bhattuddesakaṭṭhāne sannipatitānaṃ bhikkhūnaṃ purato attano kilantasarīraṃ dassetvā uddisāpane gāravena, lajjāyāti attho. Terasapīti bhattuddesakasenāsanagāhāpakabhaṇḍāgārikacīvarapaṭiggāhakacīvarabhājakayāgubhājakaphalabhājakakhajjabhājakaappamattakavissajjakasāṭiyagāhāpakapattagāhāpakaārāmikapesakasāmaṇerapesakasammutīnaṃ vasena terasapi.
баал̣ияам̣ ‘‘абисуу’’д̇и ид̣̇ам̣ ‘‘абижаа’’д̇и иминаа самаанад̇т̇о нибаад̇о. звам̣ саб̣б̣абад̣̇зсууд̇и бийтаад̣̇ийсу сзнаасанасаад̇хааран̣зсу, гад̇игасан̣таанабавзсанигкаманагаалаад̣̇ийсу бана висум̣ висум̣ ад̇хидтахид̇ваа гат̇аабзд̇ийд̇и взд̣̇ид̇аб̣б̣ам̣ . аяан̃хи ниммид̇аанам̣ д̇хаммад̇аад̇и анияамзд̇ваа ниммид̇аанам̣ васзна вуд̇д̇ам̣, нияамзд̇ваа бана ‘‘зд̇д̇агаа ид̣̇ан̃жид̣̇ан̃жа гат̇знд̇у, зд̇д̇агаа д̇ун̣хий бхаванд̇у, наанааббагаарам̣ ирияаабат̇ам̣, гирияан̃жа габбзнд̇у, наанааван̣н̣асан̣таанаваяонияамаа жа хонд̇уу’’д̇и баригаммам̣ гад̇ваа самаабаж̇ж̇ид̇ваа вудтааяа ад̇хидтид̇з ижчид̇ижчид̇аббагаараа ан̃н̃аман̃н̃амби висад̣̇исаава хонд̇и. авад̇т̇угаважананд̇и нирад̇т̇агаважанам̣.
Pāḷiyaṃ ‘‘apisū’’ti idaṃ ‘‘apicā’’ti iminā samānattho nipāto. Evaṃ sabbapadesūti pīṭhādīsu senāsanasādhāraṇesu, katikasaṇṭhānapavesanikkhamanakālādīsu pana visuṃ visuṃ adhiṭṭhahitvā kathāpetīti veditabbaṃ . Ayañhi nimmitānaṃ dhammatāti aniyametvā nimmitānaṃ vasena vuttaṃ, niyametvā pana ‘‘ettakā idañcidañca kathentu, ettakā tuṇhī bhavantu, nānāppakāraṃ iriyāpathaṃ, kiriyañca kappentu, nānāvaṇṇasaṇṭhānavayoniyamā ca hontū’’ti parikammaṃ katvā samāpajjitvā vuṭṭhāya adhiṭṭhite icchiticchitappakārā aññamaññampi visadisāva honti. Avatthukavacananti niratthakavacanaṃ.
383. згажааригабхад̇д̇анд̇и ад̇иманаабад̇д̇аа саб̣б̣зсамби бадилаабхад̇т̇ааяа висум̣ тид̇игааяа баабзд̇аб̣б̣абхад̇д̇ам̣. д̇ад̣̇д̇хид̇авохаарзнаад̇и жад̇д̇аари бамаан̣амасса жад̇угганд̇и звам̣ д̇ад̣̇д̇хид̇авохаарзна. бхавод̇и бхавид̇аб̣б̣о. ад̇ийд̇ам̣ д̣̇ивасабхааг̇анд̇и д̇асмин̃н̃зва д̣̇ивасз салаагад̣̇аанагкан̣ам̣ санд̇хааяа вуд̇д̇ам̣. хияяод̇и имасса аж̇ж̇а ижжзва ад̇т̇о. д̇знзваахам̣су ‘‘свз амхз’’д̇иаад̣̇и. бад̇хуубааяанд̇аад̇и бунаббунам̣ уббаж̇ж̇анагод̇хавасзна бад̇хуубааяанд̇аа. баал̣ияам̣ гисса манд̇и гзна гааран̣зна маяаад̇и ад̇т̇о.
383.Ekacārikabhattanti atimanāpattā sabbesampi paṭilābhatthāya visuṃ ṭhitikāya pāpetabbabhattaṃ. Taddhitavohārenāti cattāri pamāṇamassa catukkanti evaṃ taddhitavohārena. Bhavoti bhavitabbo. Atītaṃ divasabhāganti tasmiññeva divase salākadānakkhaṇaṃ sandhāya vuttaṃ. Hiyyoti imassa ajja icceva attho. Tenevāhaṃsu ‘‘sve amhe’’tiādi. Padhūpāyantāti punappunaṃ uppajjanakodhavasena padhūpāyantā. Pāḷiyaṃ kissa manti kena kāraṇena mayāti attho.
384. ‘‘сараси д̇ва’’нд̇и ид̣̇ам̣ згам̣ ваагяам̣ гад̇ваа, ‘‘гад̇д̇аа’’д̇и ид̣̇ан̃жа гад̇д̇ари рид̇убажжаяанд̇ам̣ гад̇ваа, ‘‘асий’’д̇и аж̇жхаахаарабад̣̇зна саха згаваагяам̣ гад̇ваа, ‘‘зварууба’’нд̇и ид̣̇ам̣, ‘‘яат̇ааяам̣ бхигкуний аахаа’’д̇и ид̣̇ан̃жа д̣̇вийсу ваагязсу бажжзгам̣ яож̇зд̇аб̣б̣анд̇и д̣̇ассзд̇ум̣ ‘‘ат̇а ваа’’д̇иаад̣̇имааха. уж̇угамзваад̇и д̇ваа-бажжаяанд̇авасзна батамам̣ ад̇т̇аг̇г̇ахан̣ам̣ уж̇уганд̇и ад̇хиббааяо.
384. ‘‘Sarasi tva’’nti idaṃ ekaṃ vākyaṃ katvā, ‘‘kattā’’ti idañca kattari ritupaccayantaṃ katvā, ‘‘asī’’ti ajjhāhārapadena saha ekavākyaṃ katvā, ‘‘evarūpa’’nti idaṃ, ‘‘yathāyaṃ bhikkhunī āhā’’ti idañca dvīsu vākyesu paccekaṃ yojetabbanti dassetuṃ ‘‘atha vā’’tiādimāha. Ujukamevāti tvā-paccayantavasena paṭhamaṃ atthaggahaṇaṃ ujukanti adhippāyo.
д̣̇уд̇ияо д̣̇аб̣б̣а-сад̣̇д̣̇о бан̣д̣ид̇аад̣̇иважанод̇и ааха ‘‘на ко д̣̇аб̣б̣а д̣̇аб̣б̣аа бан̣д̣ид̇аа’’д̇и. ниб̣б̣зтзнд̇ийд̇и д̣̇осад̇о можзнд̇и. винаяалагкан̣з д̇анд̇инд̇и винаяавинижчаяалагкан̣ависаяз ааг̇амам̣ табзнд̇о. баал̣ияам̣ яад̇о аханд̇иаад̣̇ийсу яасмим̣ гаалз ахам̣ ж̇аад̇о, д̇ад̇о бабхуд̇и субинанд̇знаби мзт̇унам̣ д̇хаммам̣ наабхиж̇аанаами, на жа д̇асса мзт̇унад̇хаммасса бадисзвид̇аа ахосинд̇и ад̇т̇о д̣̇адтаб̣б̣о. д̇знааха ‘‘субинанд̇знабий’’д̇иаад̣̇и. ид̣̇аани згаваагяавасзна яож̇анам̣ д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. на гхадад̇ийд̇и яасмаа кийн̣аасавасса важанзна зд̇иссаа важанам̣ на самзд̇и, д̇ан̃жа на гхаданам̣ яасмаа буб̣б̣з бхигкуусу басид̣̇д̇хааяа зва ажжанд̇ад̣̇уссийлад̇ааяа зва ахоси, д̇асмаа мзд̇д̇ияам̣ бхигкуним̣ наасзт̇аад̇и ад̇хиббааяо.
Dutiyo dabba-saddo paṇḍitādivacanoti āha ‘‘na kho dabba dabbā paṇḍitā’’ti. Nibbeṭhentīti dosato mocenti. Vinayalakkhaṇe tantinti vinayavinicchayalakkhaṇavisaye āgamaṃ ṭhapento. Pāḷiyaṃ yato ahantiādīsu yasmiṃ kāle ahaṃ jāto, tato pabhuti supinantenapi methunaṃ dhammaṃ nābhijānāmi, na ca tassa methunadhammassa paṭisevitā ahosinti attho daṭṭhabbo. Tenāha ‘‘supinantenapī’’tiādi. Idāni ekavākyavasena yojanaṃ dassetuṃ ‘‘atha vā’’tiādi vuttaṃ. Na ghaṭatīti yasmā khīṇāsavassa vacanena etissā vacanaṃ na sameti, tañca na ghaṭanaṃ yasmā pubbe bhikkhūsu pasiddhāya eva accantadussīlatāya eva ahosi, tasmā mettiyaṃ bhikkhuniṃ nāsethāti adhippāyo.
жара бирзд̇и жара г̇ажча бирз бара амаамага д̇вам̣. винассаад̇и ад̣̇ассанам̣ г̇ажча. агааригаад̇и амуулагзна жод̣̇анааяа на гааригаа. гаараго ход̇ийд̇и ‘‘аяязнамхи д̣̇уусид̇аа’’д̇и имааяа бадин̃н̃ааяа яад̣̇и наасид̇аа, д̇ад̣̇аа т̇зро бхигкунийд̣̇уусагад̇д̇асид̣̇д̇хид̇о д̇асса д̣̇осасса гаараго ход̇и. агаараго ход̇ийд̇и д̇ааяа гад̇абадин̃н̃ам̣ анабзгкид̇ваа сааман̃н̃ад̇о ‘‘мзд̇д̇ияам̣ бхигкуним̣ наасзт̇аа’’д̇и бхаг̇авад̇аа вуд̇д̇ад̇д̇аа агаараго ход̇и. яад̣̇и хи т̇зро гаараго бхавзяяа, авассам̣ д̇амзва д̣̇осам̣ абад̣̇исид̇ваа иминаа наама гааран̣зна ‘‘мзд̇д̇ияам̣ бхигкуним̣ наасзт̇аа’’д̇и вад̇д̇аб̣б̣ам̣ сияаа, д̇ат̇аа авуд̇д̇ад̇д̇аа, ‘‘д̣̇аб̣б̣ан̃жа ануяун̃ж̇ат̇аа’’д̇и авад̇ваа ‘‘имз жа бхигкуу ануяун̃ж̇ат̇аа’’д̇и вуд̇д̇ад̇д̇аа жа саамад̇т̇ияад̇о мзд̇д̇ияааяа бхигкунияаа ан̃н̃зна д̣̇осзна наасанаарахад̇аа, вад̇т̇усса жа амуулагабхааво, т̇зрасса агаарагабхааво жа сид̣̇д̇хо ход̇ийд̇и ад̇хиббааяо.
Cara pireti cara gaccha pire para amāmaka tvaṃ. Vinassāti adassanaṃ gaccha. Akārikāti amūlakena codanāya na kārikā. Kārako hotīti ‘‘ayyenamhi dūsitā’’ti imāya paṭiññāya yadi nāsitā, tadā thero bhikkhunīdūsakattasiddhito tassa dosassa kārako hoti. Akārako hotīti tāya katapaṭiññaṃ anapekkhitvā sāmaññato ‘‘mettiyaṃ bhikkhuniṃ nāsethā’’ti bhagavatā vuttattā akārako hoti. Yadi hi thero kārako bhaveyya, avassaṃ tameva dosaṃ apadisitvā iminā nāma kāraṇena ‘‘mettiyaṃ bhikkhuniṃ nāsethā’’ti vattabbaṃ siyā, tathā avuttattā, ‘‘dabbañca anuyuñjathā’’ti avatvā ‘‘ime ca bhikkhū anuyuñjathā’’ti vuttattā ca sāmatthiyato mettiyāya bhikkhuniyā aññena dosena nāsanārahatā, vatthussa ca amūlakabhāvo, therassa akārakabhāvo ca siddho hotīti adhippāyo.
ад̇д̇ано суд̇д̇анд̇и ‘‘сагааяа бадин̃н̃ааяаа’’д̇и иминаа багкзбаважанзна сахид̇ам̣ гуудасуд̇д̇ам̣. т̇зро гаараго ход̇ийд̇и зд̇т̇а аяамад̇хиббааяо – ‘‘сагааяа бадин̃н̃ааяаа’’д̇и авад̇ваа сааман̃н̃ад̇о ‘‘мзд̇д̇ияам̣ бхигкуним̣ наасзт̇аа’’д̇и од̇ин̣н̣авад̇т̇усмим̣язва д̇ассаа наасанаа вихид̇аад̇и д̇умхаагам̣ ваад̣̇з т̇зро гаараго ход̇и, ‘‘сагааяа бадин̃н̃ааяаа’’д̇и бана вуд̇д̇з буб̣б̣зязва сид̣̇д̇хасса баарааж̇игасса сужигааяа ассаа сагааяа бадин̃н̃ааяа наасзт̇аад̇и сиж̇жханад̇о амхаагам̣ ваад̣̇з т̇зро агаараго ход̇ийд̇и. махаавихаараваасийнамби бана ‘‘сагааяа бадин̃н̃ааяаа’’д̇и вуд̇д̇з од̇ин̣н̣авад̇т̇усмим̣язва д̇ассаа наасанаа вихид̇аа ход̇и, на сааман̃н̃ад̇од̇и ад̇хиббааяо. зд̇т̇аад̇и имзсу д̣̇вийсу ваад̣̇зсу, суд̇д̇зсу ваа. яам̣ бажчаа вуд̇д̇анд̇и махаавихаараваасийхи яам̣ вуд̇д̇ам̣, д̇ам̣ яуд̇д̇анд̇и ад̇т̇о. вижаарид̇ам̣ хзд̇анд̇и зд̇ам̣ бажчимасса яуд̇д̇ад̇д̇ам̣ вижаарид̇ам̣, ‘‘д̇ад̇ра сан̇гхаад̣̇исзсо вудтаанаг̇ааминий…бз… асуд̣̇д̇хад̇ааязва наасзсий’’д̇и вагкамаананаязна винижчид̇анд̇и ад̇т̇о. ‘‘бхигкуним̣ ануд̣̇д̇хам̣сзд̇и д̣̇уггада’’нд̇и иминаа махааадтагат̇ааваад̣̇о д̣̇ассид̇о.
Attano suttanti ‘‘sakāya paṭiññāyā’’ti iminā pakkhepavacanena sahitaṃ kūṭasuttaṃ. Therokārako hotīti ettha ayamadhippāyo – ‘‘sakāya paṭiññāyā’’ti avatvā sāmaññato ‘‘mettiyaṃ bhikkhuniṃ nāsethā’’ti otiṇṇavatthusmiṃyeva tassā nāsanā vihitāti tumhākaṃ vāde thero kārako hoti, ‘‘sakāya paṭiññāyā’’ti pana vutte pubbeyeva siddhassa pārājikassa sucikāya assā sakāya paṭiññāya nāsethāti sijjhanato amhākaṃ vāde thero akārako hotīti. Mahāvihāravāsīnampi pana ‘‘sakāya paṭiññāyā’’ti vutte otiṇṇavatthusmiṃyeva tassā nāsanā vihitā hoti, na sāmaññatoti adhippāyo. Etthāti imesu dvīsu vādesu, suttesu vā. Yaṃ pacchā vuttanti mahāvihāravāsīhi yaṃ vuttaṃ, taṃ yuttanti attho. Vicāritaṃ hetanti etaṃ pacchimassa yuttattaṃ vicāritaṃ, ‘‘tatra saṅghādiseso vuṭṭhānagāminī…pe… asuddhatāyeva nāsesī’’ti vakkhamānanayena vinicchitanti attho. ‘‘Bhikkhuniṃ anuddhaṃseti dukkaṭa’’nti iminā mahāaṭṭhakathāvādo dassito.
д̇ад̇раад̇и д̇зсу д̣̇уггадабаажид̇д̇иязсу. д̣̇уггаданд̇и вуд̇д̇амахааадтагат̇ааваад̣̇асса ад̇хиббааяам̣ д̣̇ассзд̇ваа ‘‘баажид̇д̇ияа’’нд̇и бавад̇д̇асса гурунд̣̇иваад̣̇асса ад̇хиббааяам̣ д̣̇ассзд̇ум̣ ‘‘бажчиманаязбий’’д̇иаад̣̇и вуд̇д̇ам̣. важанаббамаан̣ад̇од̇и висам̣ваад̣̇анаад̇хиббааяз самаанзби ануд̣̇д̇хам̣санаад̣̇ивисзсз сан̇гхаад̣̇исзсаад̣̇ино вид̇хааяагаважанаб̣алзнаад̇и ад̇т̇о. бхигкусса бана бхигкунияаа д̣̇уггаданд̇и бхигкуним̣ ануд̣̇д̇хам̣сзнд̇асса бхигкусса д̣̇уггадам̣.
Tatrāti tesu dukkaṭapācittiyesu. Dukkaṭanti vuttamahāaṭṭhakathāvādassa adhippāyaṃ dassetvā ‘‘pācittiya’’nti pavattassa kurundivādassa adhippāyaṃ dassetuṃ ‘‘pacchimanayepī’’tiādi vuttaṃ. Vacanappamāṇatoti visaṃvādanādhippāye samānepi anuddhaṃsanādivisese saṅghādisesādino vidhāyakavacanabalenāti attho. Bhikkhussa pana bhikkhuniyā dukkaṭanti bhikkhuniṃ anuddhaṃsentassa bhikkhussa dukkaṭaṃ.
звам̣ д̣̇вийсуби адтагат̇ааважанзсу ад̇хиббааяам̣ вибхаавзд̇ваа ид̣̇аани бажчимз баажид̇д̇ияаваад̣̇з д̣̇осам̣ д̣̇ассзд̇ваа буримад̣̇уггадаваад̣̇амзва бад̇идтаабзд̇ум̣ ‘‘д̇ад̇ра банаа’’д̇иаад̣̇и вуд̇д̇ам̣. д̇ад̇т̇а висунд̇и самбаж̇аанамусааваад̣̇з баажид̇д̇ияад̇о (баажи. 1) висум̣ баажид̇д̇ияам̣ вуд̇д̇ам̣, д̇ад̇т̇а ананд̇ог̇ад̇хабхааваад̇и ад̇хиббааяо. д̇асмаад̇и яасмаа амуулагаануд̣̇д̇хам̣санз висун̃н̃зва баажид̇д̇ияам̣ бан̃н̃ад̇д̇ам̣, д̇асмаа буриманаяод̇и д̣̇уггадаваад̣̇о. звам̣ анд̇араа бавидтам̣ д̣̇уггадабаажид̇д̇ияаваад̣̇ам̣ д̣̇ассзд̇ваа ид̣̇аани баагадамзва ад̇т̇ам̣ вибхаавзд̇ум̣ ‘‘д̇ат̇аа бхигкуний’’д̇иаад̣̇и аарад̣̇д̇хам̣. д̇ад̇т̇а д̇ат̇аад̇и яат̇аа бхигкусса бхигкум̣, бхигкунин̃жа ануд̣̇д̇хам̣сзнд̇асса сан̇гхаад̣̇исзсад̣̇уггадаани вуд̇д̇аани, д̇ат̇аад̇и ад̇т̇о. зд̇зхи наасанаа над̇т̇ийд̇и сааман̃н̃ад̇о вуд̇д̇ам̣, д̣̇уггадзна имиссаа бана наасанаа над̇т̇ийд̇и ад̇хиббааяо. д̣̇уссийлаад̇и баарааж̇игаа.
Evaṃ dvīsupi aṭṭhakathāvacanesu adhippāyaṃ vibhāvetvā idāni pacchime pācittiyavāde dosaṃ dassetvā purimadukkaṭavādameva patiṭṭhāpetuṃ ‘‘tatra panā’’tiādi vuttaṃ. Tattha visunti sampajānamusāvāde pācittiyato (pāci. 1) visuṃ pācittiyaṃ vuttaṃ, tattha anantogadhabhāvāti adhippāyo. Tasmāti yasmā amūlakānuddhaṃsane visuññeva pācittiyaṃ paññattaṃ, tasmā purimanayoti dukkaṭavādo. Evaṃ antarā paviṭṭhaṃ dukkaṭapācittiyavādaṃ dassetvā idāni pākaṭameva atthaṃ vibhāvetuṃ ‘‘tathā bhikkhunī’’tiādi āraddhaṃ. Tattha tathāti yathā bhikkhussa bhikkhuṃ, bhikkhuniñca anuddhaṃsentassa saṅghādisesadukkaṭāni vuttāni, tathāti attho. Etehi nāsanā natthīti sāmaññato vuttaṃ, dukkaṭena imissā pana nāsanā natthīti adhippāyo. Dussīlāti pārājikā.
386. аагааранаанад̇д̇знаад̇и д̣̇уусид̇аагаарасса, д̣̇уусагаагаарасса жа наанад̇д̇зна. анабхирад̣̇д̇ход̇и ад̇удто. д̇знааха ‘‘на сукид̇о’’д̇и. на басаад̣̇ид̇од̇и ануббаад̣̇ид̇аббасаад̣̇о. кийла-сад̣̇д̣̇о т̇ад̣̇д̇хабхаававажано , гажаварабарияааяо жа ход̇ийд̇и ааха ‘‘жид̇д̇а…бз… кийла’’нд̇и. наббад̇ийд̇од̇и бийд̇исукаад̣̇ийхи на абхиг̇ад̇о на убаг̇ад̇о. д̇знааха ‘‘на абхисадо’’д̇и.
386.Ākāranānattenāti dūsitākārassa, dūsakākārassa ca nānattena. Anabhiraddhoti atuṭṭho. Tenāha ‘‘na sukhito’’ti. Na pasāditoti anuppāditappasādo. Khīla-saddo thaddhabhāvavacano , kacavarapariyāyo ca hotīti āha ‘‘citta…pe… khīla’’nti. Nappatītoti pītisukhādīhi na abhigato na upagato. Tenāha ‘‘na abhisaṭo’’ti.
язна д̣̇удтод̇и жа губид̇од̇и жа вуд̇д̇од̇и зд̇т̇а язна д̣̇удтод̇и жа вуд̇д̇о язна губид̇од̇и жа вуд̇д̇о, д̇ам̣ маад̇игааяан̃жа бад̣̇абхааж̇анз (баараа. 386) жа вуд̇д̇ам̣ убхаяамбзд̇анд̇и яож̇зд̇аб̣б̣ам̣. д̣̇вийхийд̇и ‘‘д̇зна жа гобзна, д̇зна жа д̣̇осзнаа’’д̇и вуд̇д̇агобад̣̇осабад̣̇зхи д̣̇вийхи, ад̇т̇ад̇о бана д̣̇вийхиби д̣̇осова д̣̇ассид̇од̇и ааха ‘‘сан̇каарагканд̇хамзва д̣̇ассзд̇ий’’д̇и. яааяаад̇и анад̇д̇аманад̇ааяа.
Yena duṭṭhoti ca kupitoti ca vuttoti ettha yena duṭṭhoti ca vutto yena kupitoti ca vutto, taṃ mātikāyañca padabhājane (pārā. 386) ca vuttaṃ ubhayampetanti yojetabbaṃ. Dvīhīti ‘‘tena ca kopena, tena ca dosenā’’ti vuttakopadosapadehi dvīhi, atthato pana dvīhipi dosova dassitoti āha ‘‘saṅkhārakkhandhameva dassetī’’ti. Yāyāti anattamanatāya.
на жуд̣̇ид̇агавасзнаад̇и яад̣̇и жуд̣̇ид̇агавасзнааби амуулагам̣ ад̇хиббзд̇ам̣ сияаа, амуулагам̣ наама анаж̇жхаабаннанд̇и бад̣̇абхааж̇анам̣ вад̣̇зяяаад̇и ад̇хиббааяо. яам̣ баарааж̇иганд̇и бхигкуно ануруубзсу згуунавийсад̇ияаа баарааж̇игзсу ан̃н̃ад̇арам̣. бад̣̇абхааж̇анз (баараа. 386) бана бхигкувибхан̇г̇з ааг̇ад̇аанзва г̇ахзд̇ваа ‘‘жад̇уннам̣ ан̃н̃ад̇арзнаа’’д̇и вуд̇д̇ам̣. зд̇ам̣ ид̇ха аббамаан̣анд̇и зд̇ам̣ аабаннаанаабаннад̇ам̣ ид̇хаануд̣̇д̇хам̣санз аабад̇д̇ияаа анан̇г̇ам̣, аабад̇д̇им̣ бана аабаннз ваа анаабаннз ваа буг̇г̇алз ‘‘анаабанно зсо суд̣̇д̇хо’’д̇и суд̣̇д̇хасан̃н̃ааяа ваа вимад̇ияаа ваа жааванаад̇хиббааяова ид̇ха ан̇г̇анд̇и ад̇хиббааяо.
Na cuditakavasenāti yadi cuditakavasenāpi amūlakaṃ adhippetaṃ siyā, amūlakaṃ nāma anajjhāpannanti padabhājanaṃ vadeyyāti adhippāyo. Yaṃ pārājikanti bhikkhuno anurūpesu ekūnavīsatiyā pārājikesu aññataraṃ. Padabhājane (pārā. 386) pana bhikkhuvibhaṅge āgatāneva gahetvā ‘‘catunnaṃ aññatarenā’’ti vuttaṃ. Etaṃ idha appamāṇanti etaṃ āpannānāpannataṃ idhānuddhaṃsane āpattiyā anaṅgaṃ, āpattiṃ pana āpanne vā anāpanne vā puggale ‘‘anāpanno eso suddho’’ti suddhasaññāya vā vimatiyā vā cāvanādhippāyova idha aṅganti adhippāyo.
д̇ат̇зваад̇и басаад̣̇асод̇зна, д̣̇иб̣б̣асод̇зна ваад̇и имамад̇т̇ам̣ ад̇ид̣̇исад̇и. д̣̇идтаанусаарзнзва самуббаннаа барисан̇гаава д̣̇идтабарисан̇гид̇ам̣ наама. звам̣ сзсзсуби. ‘‘ад̣̇исваа ваа’’д̇и ид̣̇ам̣ уггадтавасзна вуд̇д̇ам̣, д̣̇исваа багганд̇зсуби д̣̇осо над̇т̇иязва. имзсанд̇и имзхи. гариссанд̇ийд̇и д̇асмим̣ кан̣з уббаж̇ж̇анаагаарад̣̇ассанам̣, бажчаа бана зд̇д̇агзна гаалзна гад̇ам̣ ваад̇и сан̇гааяа жод̣̇зд̇и. на хи гариссанд̇ийд̇и жод̣̇анаа ад̇т̇и. ‘‘аридтам̣ бийд̇а’’нд̇и ид̣̇ам̣ мукз сурааг̇анд̇хавааяананимид̇д̇ад̣̇ассанам̣. аридтан̃хи сураасад̣̇исаван̣н̣аг̇анд̇хам̣ габбияабхзсаж̇ж̇ам̣.
Tathevāti pasādasotena, dibbasotena vāti imamatthaṃ atidisati. Diṭṭhānusāreneva samuppannā parisaṅkāva diṭṭhaparisaṅkitaṃ nāma. Evaṃ sesesupi. ‘‘Adisvā vā’’ti idaṃ ukkaṭṭhavasena vuttaṃ, disvā pakkantesupi doso natthiyeva. Imesanti imehi. Karissantīti tasmiṃ khaṇe uppajjanākāradassanaṃ, pacchā pana ettakena kālena kataṃ vāti saṅkāya codeti. Na hi karissantīti codanā atthi. ‘‘Ariṭṭhaṃ pīta’’nti idaṃ mukhe surāgandhavāyananimittadassanaṃ. Ariṭṭhañhi surāsadisavaṇṇagandhaṃ kappiyabhesajjaṃ.
д̣̇идтам̣ ад̇т̇и самуулаганд̇иаад̣̇ийсу аж̇жхаажаарасса самбхаваасамбхаваанам̣ муулаамуулабхаавад̣̇ассанам̣. ад̇т̇и сан̃н̃аасамуулаганд̇иаад̣̇и бана д̣̇идтасан̃н̃ааяа самбхаваасамбхаваанам̣ муулаамуулабхаавад̣̇ассанам̣. д̣̇исваава д̣̇идтасан̃н̃ий худ̇ваа жод̣̇зд̇ийд̇и зд̇т̇а яам̣ жод̣̇зд̇и, д̇ад̇о ан̃н̃ам̣ буг̇г̇алам̣ вийд̇иггаманд̇ам̣, бадижчанногаасад̇о нигкаманд̇ам̣ ваа д̣̇исваа ‘‘аяам̣ со’’д̇и сан̃н̃ааяа жод̣̇знд̇оби сан̇г̇аяхад̇и. зса наяо суд̇аад̣̇ийсуби. самуулагзна ваа сан̃н̃аасамуулагзна ваад̇и зд̇т̇а баарааж̇игамаабаннам̣ д̣̇идтаад̣̇имуулагзна жа ‘‘аяам̣ аабанно’’д̇и асуд̣̇д̇хасан̃н̃ааяа жод̣̇знд̇о самуулагзна жод̣̇зд̇и наама. сан̃н̃аасамуулагад̇д̇з зва анаабад̇д̇исамбхавад̇о аабаннз ваа анаабаннз ваа буг̇г̇алз аабаннасан̃н̃ий д̣̇идтаад̣̇ийсу , ад̣̇идтаад̣̇ийсу ваа муулзсу д̣̇идтасуд̇аад̣̇исан̃н̃ий д̇зна д̣̇идтаад̣̇имуулагзна д̇ам̣ буг̇г̇алам̣ жод̣̇знд̇о сан̃н̃аасамуулагзна жод̣̇зд̇и наама. имзсам̣ анаабад̇д̇и, вуд̇д̇авибарияааязна аабад̇д̇иваарз ад̇т̇о взд̣̇ид̇аб̣б̣о.
Diṭṭhaṃ atthi samūlakantiādīsu ajjhācārassa sambhavāsambhavānaṃ mūlāmūlabhāvadassanaṃ. Atthi saññāsamūlakantiādi pana diṭṭhasaññāya sambhavāsambhavānaṃ mūlāmūlabhāvadassanaṃ. Disvāva diṭṭhasaññī hutvā codetīti ettha yaṃ codeti, tato aññaṃ puggalaṃ vītikkamantaṃ, paṭicchannokāsato nikkhamantaṃ vā disvā ‘‘ayaṃ so’’ti saññāya codentopi saṅgayhati. Esa nayo sutādīsupi. Samūlakena vā saññāsamūlakena vāti ettha pārājikamāpannaṃ diṭṭhādimūlakena ca ‘‘ayaṃ āpanno’’ti asuddhasaññāya codento samūlakena codeti nāma. Saññāsamūlakatte eva anāpattisambhavato āpanne vā anāpanne vā puggale āpannasaññī diṭṭhādīsu , adiṭṭhādīsu vā mūlesu diṭṭhasutādisaññī tena diṭṭhādimūlakena taṃ puggalaṃ codento saññāsamūlakena codeti nāma. Imesaṃ anāpatti, vuttavipariyāyena āpattivāre attho veditabbo.
самийбз тад̇ваад̇и хад̇т̇авигаараважийгхосаанам̣ жод̣̇анаавасзна бавад̇д̇ияамаанаанам̣ д̣̇ассанасавануубажаарз тад̇ваад̇и ад̇т̇о. гзжи бана ‘‘д̣̇ваад̣̇асахад̇т̇аб̣бханд̇арз тад̇ваа’’д̇и (саарад̇т̇а. дий. 2.385-386) вад̣̇анд̇и, д̇ам̣ на яуд̇д̇ам̣. барад̇о б̣яад̇ирзгад̇о анаабад̇д̇им̣ д̣̇ассзнд̇зна ‘‘д̣̇ууд̇ам̣ ваа бан̣н̣ам̣ ваа саасанам̣ ваа бзсзд̇ваа’’д̇и зд̇д̇агамзва вуд̇д̇ам̣, на бана ‘‘д̣̇ваад̣̇асахад̇т̇ам̣ мун̃жид̇ваа жод̣̇знд̇асса сийсам̣ на зд̇ий’’д̇и вуд̇д̇ам̣. ваажааяа ваажааяаад̇и сагим̣ аан̣ад̇д̇асса сагаламби д̣̇ивасам̣ вад̣̇ад̇о ваажааяа ваажааяа жод̣̇аабагассзва аабад̇д̇и. собийд̇и аан̣ад̇д̇оби. д̇асса жа ‘‘маяааби д̣̇идта’’нд̇иаад̣̇им̣ авад̇вааби ‘‘амуулага’’нд̇и сан̃н̃ааяа жааванаад̇хиббааязна ‘‘д̇вам̣ баарааж̇игам̣ д̇хаммам̣ аж̇жхаабанносий’’д̇и ид̣̇амзва ваажам̣ барасса важанам̣ вияа агад̇ваа сааман̃н̃ад̇о вад̣̇анд̇ассааби сан̇гхаад̣̇исзсо зва. сад̇иби бана ануд̣̇д̇хам̣санаад̇хиббааяз ‘‘асугзна звам̣ вуд̇д̇а’’нд̇и барзна вуд̇д̇амзва вад̣̇анд̇асса над̇т̇и сан̇гхаад̣̇исзсо. сажз бана барзна авуд̇д̇амби вуд̇д̇анд̇и вад̣̇ад̇и, аабад̇д̇и зва.
Samīpe ṭhatvāti hatthavikāravacīghosānaṃ codanāvasena pavattiyamānānaṃ dassanasavanūpacāre ṭhatvāti attho. Keci pana ‘‘dvādasahatthabbhantare ṭhatvā’’ti (sārattha. ṭī. 2.385-386) vadanti, taṃ na yuttaṃ. Parato byatirekato anāpattiṃ dassentena ‘‘dūtaṃ vā paṇṇaṃ vā sāsanaṃ vā pesetvā’’ti ettakameva vuttaṃ, na pana ‘‘dvādasahatthaṃ muñcitvā codentassa sīsaṃ na etī’’ti vuttaṃ. Vācāya vācāyāti sakiṃ āṇattassa sakalampi divasaṃ vadato vācāya vācāya codāpakasseva āpatti. Sopīti āṇattopi. Tassa ca ‘‘mayāpi diṭṭha’’ntiādiṃ avatvāpi ‘‘amūlaka’’nti saññāya cāvanādhippāyena ‘‘tvaṃ pārājikaṃ dhammaṃ ajjhāpannosī’’ti idameva vācaṃ parassa vacanaṃ viya akatvā sāmaññato vadantassāpi saṅghādiseso eva. Satipi pana anuddhaṃsanādhippāye ‘‘asukena evaṃ vutta’’nti parena vuttameva vadantassa natthi saṅghādiseso. Sace pana parena avuttampi vuttanti vadati, āpatti eva.
самб̣ахулаа самб̣ахулз самб̣ахулзхи вад̇т̇уухийд̇и зд̇т̇а самб̣ахулзд̇и жуд̣̇ид̇агаб̣ахуд̇д̇анид̣̇д̣̇зсзна буримзсу д̇ийсу ваарзсу жуд̣̇ид̇агаб̣ахуд̇д̇знааби ваарабхзд̣̇асаб̣бхаавам̣ н̃аабзд̇и. згасмин̃хи жуд̣̇ид̇агавад̇т̇ужод̣̇агабхзд̣̇зна ид̣̇ам̣ жад̇уггам̣ вуд̇д̇ам̣, жуд̣̇ид̇агаб̣ахуд̇д̇знааби жад̇угганд̇арам̣ лаб̣бхад̇ийд̇и адтагам̣ ход̇и зва.
Sambahulā sambahule sambahulehi vatthūhīti ettha sambahuleti cuditakabahuttaniddesena purimesu tīsu vāresu cuditakabahuttenāpi vārabhedasabbhāvaṃ ñāpeti. Ekasmiñhi cuditakavatthucodakabhedena idaṃ catukkaṃ vuttaṃ, cuditakabahuttenāpi catukkantaraṃ labbhatīti aṭṭhakaṃ hoti eva.
амуулагажод̣̇анаабасан̇г̇зна самуулагажод̣̇анаалагкан̣аад̣̇им̣ д̣̇ассзд̇ум̣ ‘‘жод̣̇зд̇ум̣ бана го лабхад̇ий’’д̇иаад̣̇и аарад̣̇д̇хам̣. бхигкусса суд̇ваа жод̣̇зд̇ийд̇иаад̣̇и суд̇д̇ам̣ яасмаа яз жод̣̇агасса ан̃н̃зсам̣ вибад̇д̇им̣ багаасзнд̇и, д̇зби д̇асмим̣ кан̣з жод̣̇агабхаавз тад̇ваава багаасзнд̇и, д̇зсан̃жа важанам̣ г̇ахзд̇ваа ид̇ароби яасмаа жод̣̇зд̇ун̃жа асамбадижчанд̇ам̣ д̇зхи д̇ид̇т̇ияасаавагабарияосаанзхи батамажод̣̇агзхи самбадижчаабзд̇ун̃жа лабхад̇и, д̇асмаа ид̇ха саавагабхаавзна уд̣̇д̇хаданд̇и взд̣̇ид̇аб̣б̣ам̣.
Amūlakacodanāpasaṅgena samūlakacodanālakkhaṇādiṃ dassetuṃ ‘‘codetuṃ pana ko labhatī’’tiādi āraddhaṃ. Bhikkhussa sutvā codetītiādi suttaṃ yasmā ye codakassa aññesaṃ vipattiṃ pakāsenti, tepi tasmiṃ khaṇe codakabhāve ṭhatvāva pakāsenti, tesañca vacanaṃ gahetvā itaropi yasmā codetuñca asampaṭicchantaṃ tehi titthiyasāvakapariyosānehi paṭhamacodakehi sampaṭicchāpetuñca labhati, tasmā idha sāvakabhāvena uddhaṭanti veditabbaṃ.
д̣̇ууд̇ам̣ ваад̇иаад̣̇ийсу ‘‘д̇вам̣ звам̣ г̇анд̇ваа жод̣̇зхий’’д̇и д̣̇ууд̇ам̣ ваа бзсзд̇ваа яо жод̣̇зд̇ум̣ саггод̇и, д̇асса бан̣н̣ам̣, мууласаасанам̣ ваа бзсзд̇ваа. самаязнаад̇и багад̇ияаа ж̇аананагкан̣з.
Dūtaṃ vātiādīsu ‘‘tvaṃ evaṃ gantvā codehī’’ti dūtaṃ vā pesetvā yo codetuṃ sakkoti, tassa paṇṇaṃ, mūlasāsanaṃ vā pesetvā. Samayenāti pakatiyā jānanakkhaṇe.
г̇аругаанам̣ д̣̇виннанд̇и баарааж̇игасан̇гхаад̣̇исзсаанам̣. мижчаад̣̇идти наама ‘‘над̇т̇и д̣̇инна’’нд̇иаад̣̇инаяаббавад̇д̇аа (ма. ни. 1.445; 2.94, 95, 225; 3.91, 116, 136; сам̣. ни. 3.210) д̣̇асавад̇т̇угаа д̣̇идти, сассад̇ужчзд̣̇асан̇каад̇ам̣ анд̇ам̣ г̇ан̣хаабагад̣̇идти анд̇аг̇г̇аахигаа наама. ааж̇ийвахзд̇у бан̃н̃ад̇д̇аанам̣ чаннанд̇и ааж̇ийвахзд̇уби аабаж̇ж̇ид̇аб̣б̣аанам̣ уд̇д̇аримануссад̇хаммабаарааж̇игам̣ (баараа. 195), сан̃жарид̇д̇з (баараа. 301, 302) сан̇гхаад̣̇исзсо, ‘‘яо д̇з вихаарз васад̇и, со арахаа’’д̇и (баараа. 220) барияааязна т̇уллажжаяам̣, бхигкусса бан̣ийд̇абхож̇анавин̃н̃ад̇д̇ияаа баажид̇д̇ияам̣ (баажи. 257), бхигкунияаабан̣ийд̇абхож̇анавин̃н̃ад̇д̇ияаа баадид̣̇зсанийяам̣ (баажи. 1236), суубод̣̇анавин̃н̃ад̇д̇ияаа (баажи. 612-613) д̣̇уггаданд̇и имзсам̣ бариваарз (бари. 287) вуд̇д̇аанам̣ чаннам̣. на хзд̇аа аабад̇д̇ияо ааж̇ийвахзд̇у зва бан̃н̃ад̇д̇аа сан̃жарид̇д̇аад̣̇ийнам̣ ан̃н̃ат̇ааби аабаж̇ж̇ид̇аб̣б̣ад̇о. ааж̇ийвахзд̇уби зд̇аасам̣ аабаж̇ж̇анам̣ санд̇хааяа звам̣ вуд̇д̇ам̣, ааж̇ийвахзд̇уби бан̃н̃ад̇д̇аананд̇и ад̇т̇о. на гзвалан̃жа зд̇аа зва, ан̃н̃ааби ад̣̇иннаад̣̇аанагулад̣̇уусанабаан̣авад̇хавзж̇ж̇агаммаад̣̇ивасзна ааж̇ийвахзд̇у аабаж̇ж̇ид̇аб̣б̣ааби санд̇и, д̇аа бана аабад̇д̇исабхаааг̇ад̇ааяа баарааж̇игаад̣̇ийсу часу зва сан̇г̇аяханд̇ийд̇и висум̣ на вуд̇д̇аад̇и взд̣̇ид̇аб̣б̣аа.
Garukānaṃ dvinnanti pārājikasaṅghādisesānaṃ. Micchādiṭṭhi nāma ‘‘natthi dinna’’ntiādinayappavattā (ma. ni. 1.445; 2.94, 95, 225; 3.91, 116, 136; saṃ. ni. 3.210) dasavatthukā diṭṭhi, sassatucchedasaṅkhātaṃ antaṃ gaṇhāpakadiṭṭhi antaggāhikā nāma. Ājīvahetu paññattānaṃ channanti ājīvahetupi āpajjitabbānaṃ uttarimanussadhammapārājikaṃ (pārā. 195), sañcaritte (pārā. 301, 302) saṅghādiseso, ‘‘yo te vihāre vasati, so arahā’’ti (pārā. 220) pariyāyena thullaccayaṃ, bhikkhussa paṇītabhojanaviññattiyā pācittiyaṃ (pāci. 257), bhikkhuniyāpaṇītabhojanaviññattiyā pāṭidesanīyaṃ (pāci. 1236), sūpodanaviññattiyā (pāci. 612-613) dukkaṭanti imesaṃ parivāre (pari. 287) vuttānaṃ channaṃ. Na hetā āpattiyo ājīvahetu eva paññattā sañcarittādīnaṃ aññathāpi āpajjitabbato. Ājīvahetupi etāsaṃ āpajjanaṃ sandhāya evaṃ vuttaṃ, ājīvahetupi paññattānanti attho. Na kevalañca etā eva, aññāpi adinnādānakuladūsanapāṇavadhavejjakammādivasena ājīvahetu āpajjitabbāpi santi, tā pana āpattisabhaāgatāya pārājikādīsu chasu eva saṅgayhantīti visuṃ na vuttāti veditabbā.
зд̇д̇аавад̇аа бана сийсам̣ на зд̇ийд̇и сан̇гхаад̣̇исзсам̣ санд̇хааяа вуд̇д̇ам̣, жод̣̇анаа бана гад̇аа зва ход̇и. д̇им̣саанийд̇и д̇им̣сам̣ зд̇зсамад̇т̇ийд̇и д̇им̣саани, д̇им̣саад̇хигаанийд̇и вуд̇д̇ам̣ ход̇и. навуд̇аанийд̇и зд̇т̇ааби зсзва наяо.
Ettāvatā pana sīsaṃ na etīti saṅghādisesaṃ sandhāya vuttaṃ, codanā pana katā eva hoti. Tiṃsānīti tiṃsaṃ etesamatthīti tiṃsāni, tiṃsādhikānīti vuttaṃ hoti. Navutānīti etthāpi eseva nayo.
ад̇д̇аад̣̇аанам̣ аад̣̇аад̇угаамзнаад̇и зд̇т̇а ад̇д̇анаа аад̣̇аад̇аб̣б̣ад̇о д̣̇идтаад̣̇имуулагзхи г̇ахзд̇аб̣б̣ад̇о барасса вибпанд̣̇ид̇ум̣ ад̣̇ад̇ваа баг̇г̇ан̣ханад̇о ад̇д̇аад̣̇аананд̇и жод̣̇анаа вужжад̇и, д̇ам̣ аад̣̇аад̇угаамзна, жод̣̇анам̣ гад̇д̇угаамзнаад̇и ад̇т̇о.
Attādānaṃ ādātukāmenāti ettha attanā ādātabbato diṭṭhādimūlakehi gahetabbato parassa vipphandituṃ adatvā paggaṇhanato attādānanti codanā vuccati, taṃ ādātukāmena, codanaṃ kattukāmenāti attho.
уб̣б̣аахигааяаад̇и уб̣б̣аханд̇и вияож̇знд̇и зд̇ааяа алаж̇ж̇ийнам̣ д̇аж̇ж̇аним̣ ваа галахам̣ ваад̇и уб̣б̣аахигаа, сан̇гхасаммуд̇и, д̇ааяа. винижчинанам̣ наама д̇ааяа саммад̇абхигкуухи винижчананамзва. алаж̇ж̇уссаннааяа хи барисааяа самат̇агканд̇хагз (жуул̣ава. 227) ааг̇ад̇зхи д̣̇асан̇г̇зхи саманнааг̇ад̇аа д̣̇вз д̇аяо бхигкуу д̇ад̇т̇зва вуд̇д̇ааяа н̃ад̇д̇ид̣̇уд̇ияагаммаваажааяа самманнид̇аб̣б̣аа, д̇зхи жа саммад̇зхи висум̣ ваа нисийд̣̇ид̇ваа, д̇ассаа зва ваа барисааяа ‘‘ан̃н̃зхи на гин̃жи гат̇зд̇аб̣б̣а’’нд̇и саавзд̇ваа д̇ам̣ ад̇хигаран̣ам̣ винижчид̇аб̣б̣ам̣.
Ubbāhikāyāti ubbahanti viyojenti etāya alajjīnaṃ tajjaniṃ vā kalahaṃ vāti ubbāhikā, saṅghasammuti, tāya. Vinicchinanaṃ nāma tāya sammatabhikkhūhi vinicchananameva. Alajjussannāya hi parisāya samathakkhandhake (cūḷava. 227) āgatehi dasaṅgehi samannāgatā dve tayo bhikkhū tattheva vuttāya ñattidutiyakammavācāya sammannitabbā, tehi ca sammatehi visuṃ vā nisīditvā, tassā eva vā parisāya ‘‘aññehi na kiñci kathetabba’’nti sāvetvā taṃ adhikaraṇaṃ vinicchitabbaṃ.
гимхийд̇и гисмим̣ вад̇т̇усмим̣, гад̇аравибад̇д̇ияанд̇и ад̇т̇о. ‘‘гимхи нам̣ наамаа’’д̇и ид̣̇ам̣ ‘‘гад̇арааяа вибад̇д̇ияаа зд̇ам̣ жод̣̇зсий’’д̇и яааяа гааяажи вин̃н̃ааяамаанааяа бхаасааяа вуд̇д̇зби жод̣̇агасса винаяз абагад̇ан̃н̃уд̇ааяа ‘‘сийлаажаарад̣̇идтиааж̇ийвавибад̇д̇ийсу гад̇арааяаад̇и мам̣ бужчад̇ий’’д̇и н̃аад̇ум̣ асаггонд̇асса бужчаа, на бана гимхийд̇иаад̣̇ибад̣̇ад̇т̇амад̇д̇ам̣ аж̇аананд̇асса. на хи анувиж̇ж̇аго жод̣̇агам̣ б̣аалам̣ абарижид̇абхаасааяа ‘‘гимхи на’’нд̇и бужчад̇и. ‘‘гимхи намби на ж̇аанаасий’’д̇и ид̣̇амби важанамад̇д̇ам̣ санд̇хааяа вуд̇д̇ам̣ на ход̇и, ‘‘гад̇аравибад̇д̇ияаа’’д̇и вуд̇д̇з ‘‘асугааяа вибад̇д̇ияаа’’д̇и вад̇д̇умби на ж̇аанаасийд̇и важанасса ад̇хиббааяамзва санд̇хааяа вуд̇д̇анд̇и г̇ахзд̇аб̣б̣ам̣. д̇знзва вагкад̇и ‘‘б̣ааласса лаж̇ж̇исса наяо д̣̇аад̇аб̣б̣о’’д̇и вад̇ваа жа ‘‘гимхи нам̣ жод̣̇зсийд̇и сийлавибад̇д̇ияаа’’д̇иаад̣̇и ад̇хиббааяаббагаасанамзва наяад̣̇аанам̣ вуд̇д̇ам̣, на бана гимхи-нам̣-бад̣̇аанам̣ барияааяамад̇д̇ад̣̇ассанам̣. на хи б̣аало ‘‘гад̇аравибад̇д̇ияам̣ нам̣ жод̣̇зсий’’д̇и имасса важанасса ад̇т̇з н̃аад̇зби вибад̇д̇иббабхзд̣̇анам̣, ад̇д̇анаа жод̣̇ияамаанам̣ вибад̇д̇исаруубан̃жа ж̇аанид̇ум̣ саггод̇и, д̇асмаа д̇знзва аж̇аананзна алаж̇ж̇ий абасаад̣̇зд̇аб̣б̣о. ‘‘гимхи на’’нд̇и ид̣̇амби убалагкан̣амад̇д̇ам̣, ан̃н̃зна ваа язна гзнажи аагаарзна авин̃н̃уд̇ам̣ багаасзд̇ваа виссаж̇ж̇зд̇аб̣б̣ова.
Kimhīti kismiṃ vatthusmiṃ, kataravipattiyanti attho. ‘‘Kimhi naṃ nāmā’’ti idaṃ ‘‘katarāya vipattiyā etaṃ codesī’’ti yāya kāyaci viññāyamānāya bhāsāya vuttepi codakassa vinaye apakataññutāya ‘‘sīlācāradiṭṭhiājīvavipattīsu katarāyāti maṃ pucchatī’’ti ñātuṃ asakkontassa pucchā, na pana kimhītiādipadatthamattaṃ ajānantassa. Na hi anuvijjako codakaṃ bālaṃ aparicitabhāsāya ‘‘kimhi na’’nti pucchati. ‘‘Kimhi nampi na jānāsī’’ti idampi vacanamattaṃ sandhāya vuttaṃ na hoti, ‘‘kataravipattiyā’’ti vutte ‘‘asukāya vipattiyā’’ti vattumpi na jānāsīti vacanassa adhippāyameva sandhāya vuttanti gahetabbaṃ. Teneva vakkhati ‘‘bālassa lajjissa nayo dātabbo’’ti vatvā ca ‘‘kimhi naṃ codesīti sīlavipattiyā’’tiādi adhippāyappakāsanameva nayadānaṃ vuttaṃ, na pana kimhi-naṃ-padānaṃ pariyāyamattadassanaṃ. Na hi bālo ‘‘kataravipattiyaṃ naṃ codesī’’ti imassa vacanassa atthe ñātepi vipattippabhedanaṃ, attanā codiyamānaṃ vipattisarūpañca jānituṃ sakkoti, tasmā teneva ajānanena alajjī apasādetabbo. ‘‘Kimhi na’’nti idampi upalakkhaṇamattaṃ, aññena vā yena kenaci ākārena aviññutaṃ pakāsetvā vissajjetabbova.
‘‘д̣̇умман̇гуунам̣ буг̇г̇алаанам̣ ниг̇г̇ахааяаа’’д̇иаад̣̇иважанад̇о (баараа. 39; бари. 2) ‘‘алаж̇ж̇ийниг̇г̇ахад̇т̇ааяа…бз… бан̃н̃ад̇д̇а’’нд̇и вуд̇д̇ам̣. зхид̇ийд̇и хи-гааро зд̇т̇а ааг̇амо д̣̇адтаб̣б̣о, ааг̇амиссад̇ийд̇и ад̇т̇о. д̣̇идтасанд̇аанзнаад̇и д̣̇идтанияаамзна. алаж̇ж̇исса бадин̃н̃ааяа зва гаад̇аб̣б̣анд̇и важанабадиважанаггамзнзва д̣̇осз аавибхууд̇зби алаж̇ж̇исса ‘‘асуд̣̇д̇хоха’’нд̇и д̣̇осасамбадижчанабаан̃н̃ааяа зва аабад̇д̇ияаа гаад̇аб̣б̣анд̇и ад̇т̇о. гзжи бана ‘‘алаж̇ж̇исса зд̇ам̣ над̇т̇ийд̇и суд̣̇д̇хабадин̃н̃ааяа зва анаабад̇д̇ияаа гаад̇аб̣б̣анд̇и аяамзд̇т̇а ад̇т̇о сан̇г̇ахид̇о’’д̇и вад̣̇анд̇и, д̇ам̣ на яуд̇д̇ам̣ анувиж̇ж̇агассзва нирад̇т̇агад̇д̇аабад̇д̇ид̇о жод̣̇агзнзва алаж̇ж̇ибадин̃н̃ааяа таад̇аб̣б̣ад̇о. д̣̇осаабаг̇амабадин̃н̃аа зва хи ид̇ха бадин̃н̃аад̇и ад̇хиббзд̇аа. д̇знзва вагкад̇и ‘‘зд̇амби над̇т̇ийд̇и бадин̃н̃ам̣ на д̣̇зд̇ий’’д̇иаад̣̇и (баараа. адта. 2.385-386).
‘‘Dummaṅkūnaṃ puggalānaṃ niggahāyā’’tiādivacanato (pārā. 39; pari. 2) ‘‘alajjīniggahatthāya…pe… paññatta’’nti vuttaṃ. Ehitīti hi-kāro ettha āgamo daṭṭhabbo, āgamissatīti attho. Diṭṭhasantānenāti diṭṭhaniyāmena. Alajjissa paṭiññāya eva kātabbanti vacanapaṭivacanakkameneva dose āvibhūtepi alajjissa ‘‘asuddhoha’’nti dosasampaṭicchanapaaññāya eva āpattiyā kātabbanti attho. Keci pana ‘‘alajjissa etaṃ natthīti suddhapaṭiññāya eva anāpattiyā kātabbanti ayamettha attho saṅgahito’’ti vadanti, taṃ na yuttaṃ anuvijjakasseva niratthakattāpattito codakeneva alajjipaṭiññāya ṭhātabbato. Dosāpagamapaṭiññā eva hi idha paṭiññāti adhippetā. Teneva vakkhati ‘‘etampi natthīti paṭiññaṃ na detī’’tiādi (pārā. aṭṭha. 2.385-386).
д̇ад̣̇ад̇т̇ад̣̇ийбанад̇т̇анд̇и алаж̇ж̇исса д̣̇осз аавибхууд̇зби д̇асса д̣̇осаабаг̇амабадин̃н̃ааяа зва гаад̇аб̣б̣ад̇аад̣̇ийбанад̇т̇ам̣. виваад̣̇авад̇т̇усан̇каад̇з ад̇т̇з бажжад̇т̇игаа ад̇т̇абажжад̇т̇игаа. сан̃н̃ам̣ д̣̇ад̇ваад̇и нзсам̣ гат̇аабажчзд̣̇ад̇т̇ам̣, абхимукагаран̣ад̇т̇ан̃жа сад̣̇д̣̇ам̣ гад̇ваа. винижчинид̇ум̣ ананужчавигод̇и ‘‘асуд̣̇д̇хо’’д̇и сан̃н̃ааяа жод̣̇агабагкз бавидтад̇д̇аа анувиж̇ж̇агабхаавад̇о б̣ахибхууд̇ад̇д̇аа анувиж̇ж̇ид̇ум̣ асаггун̣зяяад̇ам̣ санд̇хааяа вуд̇д̇ам̣. санд̣̇зхз зва хи сад̇и анувиж̇ж̇ид̇ум̣ саггаа, асуд̣̇д̇хад̣̇идтияаа бана сад̇и жуд̣̇ид̇агзна вуд̇д̇ам̣ саб̣б̣ам̣ асажжад̇оби бадибхаад̇и, гат̇ам̣ д̇ад̇т̇а анувиж̇ж̇анаа сияаад̇и.
Tadatthadīpanatthanti alajjissa dose āvibhūtepi tassa dosāpagamapaṭiññāya eva kātabbatādīpanatthaṃ. Vivādavatthusaṅkhāte atthe paccatthikā atthapaccatthikā. Saññaṃ datvāti nesaṃ kathāpacchedatthaṃ, abhimukhakaraṇatthañca saddaṃ katvā. Vinicchinituṃ ananucchavikoti ‘‘asuddho’’ti saññāya codakapakkhe paviṭṭhattā anuvijjakabhāvato bahibhūtattā anuvijjituṃ asakkuṇeyyataṃ sandhāya vuttaṃ. Sandehe eva hi sati anuvijjituṃ sakkā, asuddhadiṭṭhiyā pana sati cuditakena vuttaṃ sabbaṃ asaccatopi paṭibhāti, kathaṃ tattha anuvijjanā siyāti.
‘‘д̇ат̇аа наасид̇агова бхависсад̇ий’’д̇и иминаа винижчаяам̣ ад̣̇ад̇ваа сан̇гхад̇о вияож̇анам̣ наама лин̇г̇анаасанаа вияа аяамби зго наасанаббагаарод̇и д̣̇ассзд̇и. вирад̣̇д̇хам̣ ход̇ийд̇и сан̃жижжа аабад̇д̇им̣ сахасаа аабанно ход̇и. ‘‘аад̣̇ид̇о бадтааяа алаж̇ж̇ий наама над̇т̇ий’’д̇и ид̣̇ам̣ ‘‘багкаанурагкан̣ад̇т̇ааяа бадин̃н̃ам̣ на д̣̇зд̇ий’’д̇и имасса алаж̇ж̇илагкан̣асамбхавасса гааран̣аважанам̣. бадижчаад̣̇ид̇агаалад̇о бадтааяа алаж̇ж̇ий наама зва, буримо лаж̇ж̇ибхааво на рагкад̇ийд̇и ад̇т̇о. бадин̃н̃ам̣ на д̣̇зд̇ийд̇и сажз маяаа гад̇ад̣̇осам̣ вагкаами, маяхам̣ анувад̇д̇агаа бхиж̇ж̇иссанд̇ийд̇и бадин̃н̃ам̣ на д̣̇зд̇и. таанз на д̇идтад̇ийд̇и лаж̇ж̇идтаанз на д̇идтад̇и, гааяаваажаасу вийд̇иггамо ход̇и зваад̇и ад̇хиббааяо. д̇знааха ‘‘винижчаяо на д̣̇аад̇аб̣б̣о’’д̇и, буб̣б̣з багкигаанам̣ бадин̃н̃ааяа вуубасамид̇ассааби ад̇хигаран̣асса д̣̇увуубасанд̇ад̇ааяа аяамби д̇ат̇аа наасид̇агова бхависсад̇ийд̇и ад̇хиббааяо.
‘‘Tathānāsitakova bhavissatī’’ti iminā vinicchayaṃ adatvā saṅghato viyojanaṃ nāma liṅganāsanā viya ayampi eko nāsanappakāroti dasseti. Viraddhaṃ hotīti sañcicca āpattiṃ sahasā āpanno hoti. ‘‘Ādito paṭṭhāya alajjī nāma natthī’’ti idaṃ ‘‘pakkhānurakkhaṇatthāya paṭiññaṃ na detī’’ti imassa alajjilakkhaṇasambhavassa kāraṇavacanaṃ. Paṭicchāditakālato paṭṭhāya alajjī nāma eva, purimo lajjibhāvo na rakkhatīti attho. Paṭiññaṃ na detīti sace mayā katadosaṃ vakkhāmi, mayhaṃ anuvattakā bhijjissantīti paṭiññaṃ na deti. Ṭhāne na tiṭṭhatīti lajjiṭṭhāne na tiṭṭhati, kāyavācāsu vītikkamo hoti evāti adhippāyo. Tenāha ‘‘vinicchayo na dātabbo’’ti, pubbe pakkhikānaṃ paṭiññāya vūpasamitassāpi adhikaraṇassa duvūpasantatāya ayampi tathā nāsitakova bhavissatīti adhippāyo.
жуд̣̇ид̇агажод̣̇агзсу бадибад̇д̇им̣ н̃ад̇ваад̇и ‘‘д̇умхз амхаагам̣ винижчаязна д̇удтаа бхависсат̇аа’’д̇иаад̣̇инаа вуд̇д̇ам̣ жуд̣̇ид̇агажод̣̇агзсу анувиж̇ж̇агзна бадибаж̇ж̇ид̇аб̣б̣агаммам̣ н̃ад̇ваа. винижчаяо маж̇жхзд̇и аабад̇д̇ийд̇и ваа анаабад̇д̇ийд̇и ваа винижчаяабарияосаанаанувиж̇ж̇анаанам̣ маж̇жхам̣ наамаад̇и ад̇т̇о.
Cuditakacodakesu paṭipattiṃ ñatvāti ‘‘tumhe amhākaṃ vinicchayena tuṭṭhā bhavissathā’’tiādinā vuttaṃ cuditakacodakesu anuvijjakena paṭipajjitabbakammaṃ ñatvā. Vinicchayo majjheti āpattīti vā anāpattīti vā vinicchayapariyosānaanuvijjanānaṃ majjhaṃ nāmāti attho.
амуулагамби самуулагам̣ гад̇ваа вад̣̇анд̇ийд̇и ааха ‘‘д̣̇вз муулааний’’д̇и. гаалзна вагкаамийд̇иаад̣̇ийсу огаасам̣ гаараабзд̇ваа вад̣̇анд̇о гаалзна вад̣̇ад̇и наама. салаагаг̇г̇аяааг̇уаг̇г̇абхигкаажаарадтаанаад̣̇ийсу жод̣̇знд̇о агаалзна вад̣̇ад̇и наама. д̣̇осад̇о вудтаабзд̇угаамад̇ааяа вад̣̇анд̇о ад̇т̇асам̣хид̇зна вад̣̇ад̇и наама. д̣̇осанд̇арод̇и д̣̇осажид̇д̇о. баннарасасу д̇хаммзсууд̇и ‘‘барисуд̣̇д̇хагааяасамааажаарад̇аа, д̇ат̇аа важийсамаажаарад̇аа, саб̣рахмажаарийсу мзд̇д̇ажид̇д̇ад̇аа, б̣ахуссуд̇ад̇аа, убхиннам̣ баад̇имогкаанам̣ свааг̇ад̇аад̣̇ид̇аа, гаалзна вагкаамий’’д̇иаад̣̇инаа (бари. 362) вуд̇д̇абан̃жад̇хаммаа жа гаарун̃н̃ад̇аа, хид̇зсид̇аа, анугамбад̇аа, аабад̇д̇ивудтаанад̇аа, винаяабурзгкаарад̇аад̇и (жуул̣ава. 401) имзсу баннарасасу. д̇ад̇т̇а ‘‘гаарун̃н̃ад̇аа’’д̇и иминаа гарун̣аа д̣̇ассид̇аа. хид̇зсид̇аад̇и хид̇аг̇авзсанад̇аа. анугамбад̇аад̇и д̇зна хид̇зна сам̣яож̇анад̇аа, имзхи д̣̇вийхиби мзд̇д̇аа д̣̇ассид̇аа. аабад̇д̇ивудтаанад̇аад̇и суд̣̇д̇ханд̇з бад̇идтаабанад̇аа. вад̇т̇ум̣ жод̣̇зд̇ваа саарзд̇ваа бадин̃н̃ам̣ ааробзд̇ваа яат̇аабадин̃н̃ааяа гаммагаран̣ам̣ винаяабурзгкаарад̇аа наама.
Amūlakampi samūlakaṃ katvā vadantīti āha ‘‘dve mūlānī’’ti. Kālena vakkhāmītiādīsu okāsaṃ kārāpetvā vadanto kālena vadati nāma. Salākaggayāguaggabhikkhācāraṭṭhānādīsu codento akālena vadati nāma. Dosato vuṭṭhāpetukāmatāya vadanto atthasaṃhitena vadati nāma. Dosantaroti dosacitto. Pannarasasu dhammesūti ‘‘parisuddhakāyasamaācāratā, tathā vacīsamācāratā, sabrahmacārīsu mettacittatā, bahussutatā, ubhinnaṃ pātimokkhānaṃ svāgatāditā, kālena vakkhāmī’’tiādinā (pari. 362) vuttapañcadhammā ca kāruññatā, hitesitā, anukampatā, āpattivuṭṭhānatā, vinayapurekkhāratāti (cūḷava. 401) imesu pannarasasu. Tattha ‘‘kāruññatā’’ti iminā karuṇā dassitā. Hitesitāti hitagavesanatā. Anukampatāti tena hitena saṃyojanatā, imehi dvīhipi mettā dassitā. Āpattivuṭṭhānatāti suddhante patiṭṭhāpanatā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma.
ад̇хигаран̣адтзнаад̇и ад̇хигаад̇аб̣б̣адтзна, самат̇зхи вуубасамзд̇аб̣б̣адтзнаад̇и ад̇т̇о. д̇ам̣ наанад̇д̇ам̣ д̣̇ассзд̇унд̇и ид̇ха анад̇хиббзд̇амби ад̇т̇уд̣̇д̇хааравасзна д̇ам̣ наанад̇д̇ам̣ д̣̇ассзд̇унд̇и ад̇хиббааяо. д̇знзва вагкад̇и ‘‘сзсаани ад̇т̇уд̣̇д̇хааравасзна вуд̇д̇ааний’’д̇и (баараа. адта. 2.385-386). яам̣ ад̇хигижжаад̇иаад̣̇инаа ад̇хигаран̣асад̣̇д̣̇асса гаммасаад̇ханад̇аа вуд̇д̇аа.
Adhikaraṇaṭṭhenāti adhikātabbaṭṭhena, samathehi vūpasametabbaṭṭhenāti attho. Taṃ nānattaṃ dassetunti idha anadhippetampi atthuddhāravasena taṃ nānattaṃ dassetunti adhippāyo. Teneva vakkhati ‘‘sesāni atthuddhāravasena vuttānī’’ti (pārā. aṭṭha. 2.385-386). Yaṃ adhikiccātiādinā adhikaraṇasaddassa kammasādhanatā vuttā.
г̇ааханд̇и ‘‘асугам̣ жод̣̇зссаамий’’д̇и манасаа жод̣̇анаагаарасса г̇ахан̣ам̣. жзд̇ананд̇и ‘‘жод̣̇зссаамий’’д̇и уббаннажид̇д̇аб̣яаабаарасан̇каад̇ам̣ жид̇д̇агаммам̣. агканд̇инд̇и жуд̣̇ид̇агасса вибад̇д̇им̣ д̣̇исваа уббаннам̣ год̇хам̣ асаханам̣, д̇ат̇аа бавад̇д̇ам̣ ваа яам̣ гин̃жи жид̇д̇ажзд̇асигараасим̣. вохааранд̇и жод̣̇анаавасаббавад̇д̇аважанам̣. бан̣н̣ад̇д̇инд̇и жод̣̇анаавасаббавад̇д̇ам̣ манасаа баригаббид̇ам̣ наамабан̣н̣ад̇д̇им̣. ад̇д̇аад̣̇аанам̣ г̇ахзд̇ваад̇и жод̣̇анам̣ манасаа г̇ахзд̇ваа. д̇ам̣ ад̇хигаран̣анд̇и д̇ам̣ г̇аахалагкан̣ам̣ ад̇хигаран̣ам̣. нируж̇жхад̇и жзд̇анааяа кан̣игад̇д̇аа, саа жа самат̇аббад̇д̇аа ход̇ийд̇и звамзд̇т̇а анидтаббасан̇г̇о взд̣̇ид̇аб̣б̣о. звам̣ убариби ‘‘д̇ун̣хий ход̇ий’’д̇и иминаа вохаараважанасса нирод̇хам̣ д̣̇ассзд̇и. д̇знааха ‘‘д̇ам̣ ад̇хигаран̣ам̣ самат̇аббад̇д̇ам̣ бхависсад̇ий’’д̇и. ‘‘д̇асмаа бан̣н̣ад̇д̇и ад̇хигаран̣а’’нд̇и адтагат̇аасу гад̇асаннидтаанам̣ д̣̇ассзд̇ваа ид̣̇аани д̇ассааби згажжзхи бадигкид̇д̇абхаавам̣ д̣̇ассзд̇ваа буна д̇амби бадисзд̇хзд̇ваа адтагат̇аасу вуд̇д̇абан̣н̣ад̇д̇ияаа зва ад̇хигаран̣ад̇ам̣ самад̇т̇зд̇ум̣ ‘‘д̇ам̣ банзд̇а’’нд̇иаад̣̇имааха. д̇ад̇т̇а д̇ам̣ банзд̇анд̇и бан̣н̣ад̇д̇и ад̇хигаран̣анд̇и зд̇ам̣ г̇ахан̣ам̣ вируж̇жхад̇ийд̇и самб̣анд̇хо. баарааж̇игаад̣̇иаабад̇д̇и зганд̇аагусаласабхааваа ваа аб̣яаагад̇асабхааваа ваа ход̇ийд̇и сан̃н̃ааяа ‘‘мзт̇унад̇хаммабаарааж̇игаабад̇д̇ий’’д̇иаад̣̇игам̣ суд̇д̇ам̣ бан̣н̣ад̇д̇иад̇хигаран̣аваад̣̇зна вируж̇жхад̇ийд̇и д̣̇ассзд̇ум̣ уд̣̇д̇хадам̣. д̇знааха ‘‘на хи д̇з…бз… ажжанд̇аагусалад̇д̇аа’’д̇иаад̣̇и. д̇зд̇и адтагат̇аажарияаа.
Gāhanti ‘‘asukaṃ codessāmī’’ti manasā codanākārassa gahaṇaṃ. Cetananti ‘‘codessāmī’’ti uppannacittabyāpārasaṅkhātaṃ cittakammaṃ. Akkhantinti cuditakassa vipattiṃ disvā uppannaṃ kodhaṃ asahanaṃ, tathā pavattaṃ vā yaṃ kiñci cittacetasikarāsiṃ. Vohāranti codanāvasappavattavacanaṃ. Paṇṇattinti codanāvasappavattaṃ manasā parikappitaṃ nāmapaṇṇattiṃ. Attādānaṃ gahetvāti codanaṃ manasā gahetvā. Taṃ adhikaraṇanti taṃ gāhalakkhaṇaṃ adhikaraṇaṃ. Nirujjhati cetanāya khaṇikattā, sā ca samathappattā hotīti evamettha aniṭṭhappasaṅgo veditabbo. Evaṃ uparipi ‘‘tuṇhī hotī’’ti iminā vohāravacanassa nirodhaṃ dasseti. Tenāha ‘‘taṃ adhikaraṇaṃ samathappattaṃ bhavissatī’’ti. ‘‘Tasmā paṇṇatti adhikaraṇa’’nti aṭṭhakathāsu katasanniṭṭhānaṃ dassetvā idāni tassāpi ekaccehi paṭikkhittabhāvaṃ dassetvā puna tampi paṭisedhetvā aṭṭhakathāsu vuttapaṇṇattiyā eva adhikaraṇataṃ samatthetuṃ ‘‘taṃ paneta’’ntiādimāha. Tattha taṃ panetanti paṇṇatti adhikaraṇanti etaṃ gahaṇaṃ virujjhatīti sambandho. Pārājikādiāpatti ekantaakusalasabhāvā vā abyākatasabhāvā vā hotīti saññāya ‘‘methunadhammapārājikāpattī’’tiādikaṃ suttaṃ paṇṇattiadhikaraṇavādena virujjhatīti dassetuṃ uddhaṭaṃ. Tenāha ‘‘na hi te…pe… accantaakusalattā’’tiādi. Teti aṭṭhakathācariyā.
амуулаган̃жзва д̇ам̣ ад̇хигаран̣анд̇и зд̇т̇а амуулагабаарааж̇игамзва ад̇хигаран̣а-сад̣̇д̣̇зна ад̇хиббзд̇анд̇и д̣̇ассзд̇ум̣ ‘‘яан̃жзд̇а’’нд̇иаад̣̇и вуд̇д̇ам̣. яасмаа банаад̇иаад̣̇и бана ид̇хаад̇хиббзд̇ааяа амуулагабаарааж̇игаабад̇д̇ияаа зва бан̣н̣ад̇д̇ибхааво яуж̇ж̇ад̇ийд̇и д̣̇ассзд̇ум̣ аарад̣̇д̇хам̣. д̇ад̇т̇а яааяа бан̣н̣ад̇д̇ияаад̇и сабхаавад̇о барисуд̣̇д̇хзби буг̇г̇алз ‘‘баарааж̇иго’’д̇иаад̣̇инаа жод̣̇агзна бавад̇д̇ид̇ам̣ наамабан̣н̣ад̇д̇им̣ санд̇хааяа вад̣̇ад̇и. бан̃н̃ад̇д̇од̇и гат̇ид̇о. ад̇хигаран̣з бавад̇д̇ад̇д̇аад̇и авиж̇ж̇амаанзби манасаа ааробид̇амад̇д̇з аабад̇д̇аад̇хигаран̣з ваажагабхаавзна бавад̇д̇ад̇д̇аа.
Amūlakañceva taṃ adhikaraṇanti ettha amūlakapārājikameva adhikaraṇa-saddena adhippetanti dassetuṃ ‘‘yañceta’’ntiādi vuttaṃ. Yasmā panātiādi pana idhādhippetāya amūlakapārājikāpattiyā eva paṇṇattibhāvo yujjatīti dassetuṃ āraddhaṃ. Tattha yāya paṇṇattiyāti sabhāvato parisuddhepi puggale ‘‘pārājiko’’tiādinā codakena pavattitaṃ nāmapaṇṇattiṃ sandhāya vadati. Paññattoti kathito. Adhikaraṇe pavattattāti avijjamānepi manasā āropitamatte āpattādhikaraṇe vācakabhāvena pavattattā.
звам̣ наамабан̣н̣ад̇д̇ивасзна имасмим̣ сигкаабад̣̇з аабад̇д̇аад̇хигаран̣асса бан̃н̃ад̇д̇ибхаавам̣ д̣̇ассзд̇ваа ид̣̇аани ад̇т̇абан̣н̣ад̇д̇ивасзнааби д̣̇ассзд̇ум̣ ‘‘яасмаа вааяа’’нд̇иаад̣̇и вуд̇д̇ам̣. бан̃н̃ад̇д̇имад̇д̇амзваад̇и авиж̇ж̇амаанасса виж̇ж̇амаанаагаарзна манасаа ааробид̇аад̇т̇абан̣н̣ад̇д̇имад̇д̇амзваад̇и ад̇т̇о. д̇ан̃жа ко ид̇хзваад̇и д̇ан̃жа яат̇аавуд̇д̇абарияааязна бан̣н̣ад̇д̇ияаа ад̇хигаран̣ад̇д̇ам̣ ид̇хзва имасмим̣ зва сигкаабад̣̇з. згзд̇и гзжи. д̇ам̣ на яуд̇д̇анд̇и яам̣ згажжзхи адтагат̇аасу вуд̇д̇ам̣, ад̇хигаран̣асса бан̣н̣ад̇д̇ибхаавам̣ нисзд̇хзд̇ваа гусалаад̣̇ибарамад̇т̇абхаавам̣ саад̇хзд̇ум̣ ‘‘д̇ам̣ банзд̇ам̣ мзт̇унад̇хаммабаарааж̇игаабад̇д̇ий’’д̇иаад̣̇инаа бабан̃жад̇о д̣̇ассид̇о, д̇ам̣ на яуд̇д̇анд̇и ад̇т̇о. д̇ад̇т̇а гааран̣амааха ‘‘аад̣̇игаммигассаа’’д̇иаад̣̇инаа, д̇зна жа д̇асмим̣ ваад̣̇з яад̣̇и аабад̇д̇и наама агусалаа ваа аб̣яаагад̇аа ваа бхавзяяа, гат̇ам̣ аад̣̇игаммигасса анаабад̇д̇и бхавзяяа? д̇ассааби агусалаад̣̇ийнам̣ уббаннад̇д̇аа бхаг̇авад̇о сигкаабад̣̇абан̃н̃ад̇д̇ид̇о бадтааяа яаава аабад̇д̇ийд̇иби на саггаа вад̇д̇ум̣, мзт̇унаад̣̇ийсу агусалаад̣̇ийнам̣ сигкаабад̣̇абан̃н̃ад̇д̇ид̇о буб̣б̣зби самуббад̇д̇ид̇о. д̇ад̇о зва анубасамбаннаанамби аабад̇д̇иббасан̇г̇о, г̇илаанаад̣̇ийнам̣ уббаннад̇д̇аа анубан̃н̃ад̇д̇ияааби анаабад̇д̇иабхааваббасан̇г̇о жа сияаа. ат̇а мад̇ам̣ ‘‘на гзвалам̣ агусалаад̣̇и зва, ат̇а ко бхаг̇авад̇аа бадигкид̇д̇абхаавам̣ ж̇аананд̇асса самуббаж̇ж̇амаанаа зва агусалаад̣̇аяо аабад̇д̇ий’’д̇и, д̇амби асаарам̣, сигкаабад̣̇абан̃н̃ад̇д̇им̣ аж̇аанид̇ваа вийд̇иггаманд̇асса мзт̇унаад̣̇ийсу анаабад̇д̇иббасан̇г̇ад̇о, агусалаад̣̇исабхаавааяа жа аабад̇д̇ияаа згабаяог̇аад̣̇ийсу згад̇д̇аад̣̇иби на сияаа. на хи сагаламби д̣̇ивасам̣ ид̇т̇им̣ гааяад̇о аможзд̇ваа пусанд̇асса згамзваагусалам̣ уббаж̇ж̇ад̇и, б̣ахуу ваа ид̇т̇ияо пусид̇ваа абаг̇ажчанд̇асса б̣ахууни, язнаабад̇д̇ияаа згад̇д̇ам̣, б̣ахуд̇д̇ам̣ ваа сияаад̇и звамаад̣̇игам̣ аяуд̇д̇им̣ сан̇г̇ахзд̇ваа д̣̇ассид̇анд̇и взд̣̇ид̇аб̣б̣ам̣.
Evaṃ nāmapaṇṇattivasena imasmiṃ sikkhāpade āpattādhikaraṇassa paññattibhāvaṃ dassetvā idāni atthapaṇṇattivasenāpi dassetuṃ ‘‘yasmā vāya’’ntiādi vuttaṃ. Paññattimattamevāti avijjamānassa vijjamānākārena manasā āropitaatthapaṇṇattimattamevāti attho. Tañca kho idhevāti tañca yathāvuttapariyāyena paṇṇattiyā adhikaraṇattaṃ idheva imasmiṃ eva sikkhāpade. Eketi keci. Taṃ na yuttanti yaṃ ekaccehi aṭṭhakathāsu vuttaṃ, adhikaraṇassa paṇṇattibhāvaṃ nisedhetvā kusalādiparamatthabhāvaṃ sādhetuṃ ‘‘taṃ panetaṃ methunadhammapārājikāpattī’’tiādinā papañcato dassito, taṃ na yuttanti attho. Tattha kāraṇamāha ‘‘ādikammikassā’’tiādinā, tena ca tasmiṃ vāde yadi āpatti nāma akusalā vā abyākatā vā bhaveyya, kathaṃ ādikammikassa anāpatti bhaveyya? Tassāpi akusalādīnaṃ uppannattā bhagavato sikkhāpadapaññattito paṭṭhāya yāva āpattītipi na sakkā vattuṃ, methunādīsu akusalādīnaṃ sikkhāpadapaññattito pubbepi samuppattito. Tato eva anupasampannānampi āpattippasaṅgo, gilānādīnaṃ uppannattā anupaññattiyāpi anāpattiabhāvappasaṅgo ca siyā. Atha mataṃ ‘‘na kevalaṃ akusalādi eva, atha kho bhagavatā paṭikkhittabhāvaṃ jānantassa samuppajjamānā eva akusalādayo āpattī’’ti, tampi asāraṃ, sikkhāpadapaññattiṃ ajānitvā vītikkamantassa methunādīsu anāpattippasaṅgato, akusalādisabhāvāya ca āpattiyā ekapayogādīsu ekattādipi na siyā. Na hi sakalampi divasaṃ itthiṃ kāyato amocetvā phusantassa ekamevākusalaṃ uppajjati, bahū vā itthiyo phusitvā apagacchantassa bahūni, yenāpattiyā ekattaṃ, bahuttaṃ vā siyāti evamādikaṃ ayuttiṃ saṅgahetvā dassitanti veditabbaṃ.
д̇ад̇т̇а вад̇т̇ун̃жаад̇и вийд̇иггамо. д̇ан̃хи аабад̇д̇исаммуд̇ибан̃н̃аабанасса огаасадтзна ‘‘вад̇т̇уу’’д̇и вужжад̇и. г̇од̇д̇анд̇и ад̣̇иннаад̣̇аанаад̣̇ид̇о б̣уд̣̇д̇хисад̣̇д̣̇анивад̇д̇анадтзна баригаббид̇асааман̃н̃аагааро г̇од̇д̇ам̣. нааманд̇и авиж̇ж̇амаананаамабан̃н̃ад̇д̇и. д̇асса бана баарааж̇иганд̇и наамасса ад̇т̇абхууд̇аа аабад̇д̇и ад̇т̇абан̃н̃ад̇д̇и зваад̇и д̣̇адтаб̣б̣ам̣ . яам̣ бана ‘‘виваад̣̇аад̇хигаран̣ам̣ сияаа гусала’’нд̇иаад̣̇и (жуул̣ава. 220; бари. 303), ‘‘аабад̇д̇аад̇хигаран̣ам̣ сияаа агусала’’нд̇иаад̣̇и (жуул̣ава. 222) жа суд̇д̇ам̣ д̇зхи самуд̣̇д̇хадам̣, д̇амби на виваад̣̇аад̣̇ийнам̣ гусалаад̣̇ибхаавасса барияааяад̣̇зсид̇ад̇д̇аад̇и яам̣ зд̇т̇а вад̇д̇аб̣б̣ам̣, д̇ам̣ хздтаа батамабаарааж̇игасамудтаанаад̣̇иван̣н̣анааяа саарад̇т̇ад̣̇ийбанияам̣ вирад̣̇д̇хадтаанасод̇ханад̇т̇ам̣ вид̇т̇аарад̇о вуд̇д̇анд̇и д̇ад̇т̇зва д̇ам̣ г̇ахзд̇аб̣б̣ам̣, саарад̇т̇ад̣̇ийбанийгаарагасса агусалаад̣̇ируубаава аабад̇д̇ийд̇и лад̣̇д̇хи, д̇знзва со ид̇хааби ‘‘д̇асмаа бан̣н̣ад̇д̇иад̇хигаран̣анд̇и адтагат̇аасу гад̇асаннидтаанам̣ д̣̇ассзд̇ваа ид̣̇аани д̇амби на яуд̇д̇анд̇и д̣̇ассзд̇ум̣ ‘д̇ам̣ банзд̇а’нд̇иаад̣̇имаахаа’’д̇и (саарад̇т̇а. дий. 2.385-386) звам̣ ад̇д̇ано лад̣̇д̇хим̣ адтагат̇аажарияассаби лад̣̇д̇хим̣ гад̇ваа г̇ант̇авирод̇хамби анологзд̇ваа д̣̇ассзси. на хзд̇т̇а б̣уд̣̇д̇хагхосаажарияо адтагат̇ааваад̣̇ам̣ аяуд̇д̇анд̇и д̣̇ассзд̇ум̣ ‘‘д̇ам̣ банзд̇а’’нд̇иаад̣̇имаарабхи ‘‘бан̣н̣ад̇д̇имад̇д̇амзва аабад̇д̇аад̇хигаран̣анд̇и взд̣̇ид̇аб̣б̣а’’нд̇и саяамзва убари гат̇анад̇о, ат̇а ко д̣̇уллад̣̇д̇хигаанам̣ згажжаанам̣ д̇ад̇т̇а виббадибад̇д̇им̣ д̣̇ассзд̇ваа буна д̇ам̣ бадисзд̇хзд̇угаамо аарабхи, д̇знзва анд̇з ‘‘згз’’д̇и вуд̇д̇анд̇и взд̣̇ид̇аб̣б̣ам̣. виваад̣̇аад̣̇ийнам̣ гусалаад̣̇игад̇д̇з д̇ам̣самат̇аанамби д̇аб̣бхааво аабаж̇ж̇ад̇и барамад̇т̇зсу бан̣н̣ад̇д̇ияаа самат̇ааяог̇аад̇и ааха ‘‘гусалаад̣̇исамат̇зхий’’д̇и. бан̃н̃ад̇д̇исабхааваанамзва жад̇уннам̣ ад̇хигаран̣аанам̣ самат̇зхи ад̇хигаран̣ийяад̇аа, на бана гусалаад̣̇ибарамад̇т̇аруубаанам̣ д̇зсам̣ д̇зсам̣ кан̣игад̇ааяа саяамзва самат̇аббад̇д̇ид̇од̇и хздтаа самад̇т̇ид̇амад̇т̇ам̣ ниг̇аманавасзна д̣̇ассзнд̇зна ‘‘ид̇и иминаа ад̇хигаран̣адтзнаа’’д̇и вуд̇д̇ам̣, д̇асса яат̇аавуд̇д̇анаязна самат̇зхи ад̇хигаран̣ийяад̇ааяаад̇и ад̇т̇о. ‘‘ид̇хзгажжо’’д̇и иминаа ид̇хаад̇хиббзд̇ам̣ виваад̣̇ам̣ нивад̇д̇зд̇и.
Tattha vatthuñcāti vītikkamo. Tañhi āpattisammutipaññāpanassa okāsaṭṭhena ‘‘vatthū’’ti vuccati. Gottanti adinnādānādito buddhisaddanivattanaṭṭhena parikappitasāmaññākāro gottaṃ. Nāmanti avijjamānanāmapaññatti. Tassa pana pārājikanti nāmassa atthabhūtā āpatti atthapaññatti evāti daṭṭhabbaṃ . Yaṃ pana ‘‘vivādādhikaraṇaṃ siyā kusala’’ntiādi (cūḷava. 220; pari. 303), ‘‘āpattādhikaraṇaṃ siyā akusala’’ntiādi (cūḷava. 222) ca suttaṃ tehi samuddhaṭaṃ, tampi na vivādādīnaṃ kusalādibhāvassa pariyāyadesitattāti yaṃ ettha vattabbaṃ, taṃ heṭṭhā paṭhamapārājikasamuṭṭhānādivaṇṇanāya sāratthadīpaniyaṃ viraddhaṭṭhānasodhanatthaṃ vitthārato vuttanti tattheva taṃ gahetabbaṃ, sāratthadīpanīkārakassa akusalādirūpāva āpattīti laddhi, teneva so idhāpi ‘‘tasmā paṇṇattiadhikaraṇanti aṭṭhakathāsu katasanniṭṭhānaṃ dassetvā idāni tampi na yuttanti dassetuṃ ‘taṃ paneta’ntiādimāhā’’ti (sārattha. ṭī. 2.385-386) evaṃ attano laddhiṃ aṭṭhakathācariyassapi laddhiṃ katvā ganthavirodhampi anoloketvā dassesi. Na hettha buddhaghosācariyo aṭṭhakathāvādaṃ ayuttanti dassetuṃ ‘‘taṃ paneta’’ntiādimārabhi ‘‘paṇṇattimattameva āpattādhikaraṇanti veditabba’’nti sayameva upari kathanato, atha kho dulladdhikānaṃ ekaccānaṃ tattha vippaṭipattiṃ dassetvā puna taṃ paṭisedhetukāmo ārabhi, teneva ante ‘‘eke’’ti vuttanti veditabbaṃ. Vivādādīnaṃ kusalādikatte taṃsamathānampi tabbhāvo āpajjati paramatthesu paṇṇattiyā samathāyogāti āha ‘‘kusalādisamathehī’’ti. Paññattisabhāvānameva catunnaṃ adhikaraṇānaṃ samathehi adhikaraṇīyatā, na pana kusalādiparamattharūpānaṃ tesaṃ tesaṃ khaṇikatāya sayameva samathappattitoti heṭṭhā samatthitamatthaṃ nigamanavasena dassentena ‘‘iti iminā adhikaraṇaṭṭhenā’’ti vuttaṃ, tassa yathāvuttanayena samathehi adhikaraṇīyatāyāti attho. ‘‘Idhekacco’’ti iminā idhādhippetaṃ vivādaṃ nivatteti.
ануваад̣̇од̇и вибад̇д̇ийхи убавад̣̇анаа жзва жод̣̇анаа жа. д̇ад̇т̇а убавад̣̇анаа наама г̇арахаа, аггосо жа. бан̃жабийд̇и маад̇игаабарияаабаннаабад̇д̇ияо санд̇хааяа вуд̇д̇ам̣. гижжаяад̇аад̇и гад̇д̇аб̣б̣ад̇аа. сабад̣̇аануггаманид̣̇д̣̇зсассаад̇и зд̇т̇а бад̣̇аануггаманид̣̇д̣̇зсод̇и бад̣̇абхааж̇анам̣ вужжад̇и, д̇зна сахид̇асса сигкаабад̣̇ассаад̇и ад̇т̇о.
Anuvādoti vipattīhi upavadanā ceva codanā ca. Tattha upavadanā nāma garahā, akkoso ca. Pañcapīti mātikāpariyāpannāpattiyo sandhāya vuttaṃ. Kiccayatāti kattabbatā. Sapadānukkamaniddesassāti ettha padānukkamaniddesoti padabhājanaṃ vuccati, tena sahitassa sikkhāpadassāti attho.
387. ассаад̇и гад̇д̇уад̇т̇з саамиважананд̇и ааха ‘‘зд̇зна жод̣̇агзнаа’’д̇иаад̣̇и. д̣̇идтамуулагз банаад̇и ‘‘д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о’’д̇иаад̣̇и (баараа. 387) баал̣иваарам̣ санд̇хааяа вуд̇д̇ам̣. д̇ад̇т̇а ид̇т̇ияаа сад̣̇д̇хим̣ рахонисаж̇ж̇аад̣̇ид̣̇ассанамад̇д̇авасзна баарааж̇игам̣ д̇хаммам̣ аж̇жхаабаж̇ж̇анд̇о буг̇г̇ало д̇зна д̣̇идто, на бана маг̇г̇зна маг̇г̇аббадибаад̣̇анаад̣̇ид̣̇ассанавасзна. яад̣̇и хи д̇зна со д̇ат̇аа д̣̇идто бхавзяяа, асуд̣̇д̇хасан̃н̃ий звааяам̣ д̇асмим̣ буг̇г̇алз сияаа, асуд̣̇д̇хасан̃н̃ааяа жа суд̣̇д̇хам̣ ваа асуд̣̇д̇хам̣ ваа жод̣̇знд̇асса сан̇гхаад̣̇исзсо на сияаа ‘‘анаабад̇д̇и суд̣̇д̇хз асуд̣̇д̇хад̣̇идтисса, асуд̣̇д̇хз асуд̣̇д̇хад̣̇идтиссаа’’д̇иаад̣̇иважанад̇о (баараа. 390). д̇асмаа ид̇т̇ияаа сад̣̇д̇хим̣ рахонисаж̇ж̇аад̣̇имад̇д̇амзва д̣̇исвааби ‘‘сад̣̇д̇хо гулабуд̇д̇о, нааяам̣ баарааж̇игам̣ аабаж̇ж̇ад̇ий’’д̇и д̇асмим̣ суд̣̇д̇хасан̃н̃исса ваа взмад̇игасса ваа ‘‘суд̇о маяаа баарааж̇игам̣ д̇хаммам̣ аж̇жхаабаж̇ж̇анд̇о’’д̇иаад̣̇инаа нияамзд̇ваа жод̣̇знд̇ассзва сан̇гхаад̣̇исзсо, на асуд̣̇д̇хасан̃н̃исса, д̇асса бана д̣̇идтам̣ суд̇анд̇и мусааваад̣̇аад̣̇ибажжаяаа лахугаабад̇д̇и зваад̇и взд̣̇ид̇аб̣б̣ам̣. яад̣̇и бана со д̇асмим̣ суд̣̇д̇хад̣̇идтижааванаад̇хиббааяоби д̣̇идтам̣ рахонисаж̇ж̇аад̣̇имад̇д̇амзва вад̣̇ад̇и, ад̣̇идтам̣ бана маг̇г̇знамаг̇г̇аббадибаад̣̇анаад̣̇ибаарааж̇игавад̇т̇ум̣ ваа ‘‘ассаман̣осий’’д̇иаад̣̇игам̣ ваа на вад̣̇ад̇и, д̇асса анаабад̇д̇и. ад̇хигам̣ вад̣̇анд̇асса бана аабад̇д̇иязва ‘‘ад̣̇идтам̣ д̣̇идта’’нд̇и (баараа. 386-387) вуд̇д̇ад̇д̇аа. яо бана д̣̇идтзна рахонисаж̇ж̇аад̣̇инаа батамабаарааж̇игзна асуд̣̇д̇хасан̃н̃ий худ̇ваа жааванаад̇хиббааяо ад̣̇иннаад̣̇аанам̣ аж̇жхаабаж̇ж̇анд̇о ‘‘д̣̇идто’’д̇и ваа ‘‘суд̇о’’д̇и ваа аад̣̇им̣ вад̣̇ад̇и, д̇ассааби на сан̇гхаад̣̇исзсо асуд̣̇д̇хз асуд̣̇д̇хад̣̇идтид̇ааяаад̇и гзжи вад̣̇анд̇и. ан̃н̃з бана ‘‘язна баарааж̇игзна жод̣̇зд̇и, д̇зна суд̣̇д̇хасан̃н̃аабхааваа аабад̇д̇иязваа’’д̇и вад̣̇анд̇и, ид̣̇ам̣ яуд̇д̇ам̣. д̇ат̇аа хи вуд̇д̇ам̣ маад̇игаадтагат̇ааяам̣ (ган̇каа. адта. д̣̇удтад̣̇осасигкаабад̣̇аван̣н̣анаа) ‘‘язна баарааж̇игзна жод̣̇зд̇и, д̇ам̣ ‘аяам̣ анаж̇жхаабанно’д̇и н̃ад̇ваа жааванаад̇хиббааязна…бз… сан̇гхаад̣̇исзсо’’д̇и. иминаа наязна суд̇аад̣̇имуулагзсуби винижчаяо взд̣̇ид̇аб̣б̣о. ан̃н̃ад̇ра ааг̇ад̇зсууд̇и омасаваад̣̇аад̣̇ийсу ааг̇ад̇зсу. авассуд̇од̇и д̇ийхиби д̣̇ваарзхи баарааж̇игавад̇т̇убхууд̇ад̣̇ужжарид̇аанувассанзна д̇инд̇о. гасамб̣уж̇аад̇од̇и гажаварабхууд̇о, ниссаарод̇и ад̇т̇о.
387.Assāti kattuatthe sāmivacananti āha ‘‘etena codakenā’’tiādi. Diṭṭhamūlake panāti ‘‘diṭṭhassa hoti pārājikaṃ dhammaṃ ajjhāpajjanto’’tiādi (pārā. 387) pāḷivāraṃ sandhāya vuttaṃ. Tattha itthiyā saddhiṃ rahonisajjādidassanamattavasena pārājikaṃ dhammaṃ ajjhāpajjanto puggalo tena diṭṭho, na pana maggena maggappaṭipādanādidassanavasena. Yadi hi tena so tathā diṭṭho bhaveyya, asuddhasaññī evāyaṃ tasmiṃ puggale siyā, asuddhasaññāya ca suddhaṃ vā asuddhaṃ vā codentassa saṅghādiseso na siyā ‘‘anāpatti suddhe asuddhadiṭṭhissa, asuddhe asuddhadiṭṭhissā’’tiādivacanato (pārā. 390). Tasmā itthiyā saddhiṃ rahonisajjādimattameva disvāpi ‘‘saddho kulaputto, nāyaṃ pārājikaṃ āpajjatī’’ti tasmiṃ suddhasaññissa vā vematikassa vā ‘‘suto mayā pārājikaṃ dhammaṃ ajjhāpajjanto’’tiādinā niyametvā codentasseva saṅghādiseso, na asuddhasaññissa, tassa pana diṭṭhaṃ sutanti musāvādādipaccayā lahukāpatti evāti veditabbaṃ. Yadi pana so tasmiṃ suddhadiṭṭhicāvanādhippāyopi diṭṭhaṃ rahonisajjādimattameva vadati, adiṭṭhaṃ pana maggenamaggappaṭipādanādipārājikavatthuṃ vā ‘‘assamaṇosī’’tiādikaṃ vā na vadati, tassa anāpatti. Adhikaṃ vadantassa pana āpattiyeva ‘‘adiṭṭhaṃ diṭṭha’’nti (pārā. 386-387) vuttattā. Yo pana diṭṭhena rahonisajjādinā paṭhamapārājikena asuddhasaññī hutvā cāvanādhippāyo adinnādānaṃ ajjhāpajjanto ‘‘diṭṭho’’ti vā ‘‘suto’’ti vā ādiṃ vadati, tassāpi na saṅghādiseso asuddhe asuddhadiṭṭhitāyāti keci vadanti. Aññe pana ‘‘yena pārājikena codeti, tena suddhasaññābhāvā āpattiyevā’’ti vadanti, idaṃ yuttaṃ. Tathā hi vuttaṃ mātikāṭṭhakathāyaṃ (kaṅkhā. aṭṭha. duṭṭhadosasikkhāpadavaṇṇanā) ‘‘yena pārājikena codeti, taṃ ‘ayaṃ anajjhāpanno’ti ñatvā cāvanādhippāyena…pe… saṅghādiseso’’ti. Iminā nayena sutādimūlakesupi vinicchayo veditabbo. Aññatra āgatesūti omasavādādīsu āgatesu. Avassutoti tīhipi dvārehi pārājikavatthubhūtaduccaritānuvassanena tinto. Kasambujātoti kacavarabhūto, nissāroti attho.
гон̣тод̇и жоро, д̣̇уссийлод̇и ад̇т̇о. ж̇здтаб̣б̣ад̇игод̇и гаал̣аган̣н̣ид̣̇звийвад̇з нияуд̇д̇о д̇ид̇т̇ияод̇и вад̣̇ад̇и, саа гира гаал̣аган̣н̣исирид̣̇звияаа ж̇здтаад̇и вуд̇д̇аа. яад̣̇аг̇г̇знаад̇и язна гааран̣зна, яад̇д̇агзнаад̇и ад̇т̇о . д̇ад̣̇аг̇г̇знаад̇и зд̇т̇ааби зсзва наяо. но габбзд̇ийд̇иаад̣̇и взмад̇игабхаавад̣̇ийбанад̇т̇амзва вуд̇д̇анд̇и махаабад̣̇умад̇т̇зрасса ад̇хиббааяо.
Koṇṭhoti coro, dussīloti attho. Jeṭṭhabbatikoti kāḷakaṇṇidevīvate niyutto titthiyoti vadati, sā kira kāḷakaṇṇisirideviyā jeṭṭhāti vuttā. Yadaggenāti yena kāraṇena, yattakenāti attho . Tadaggenāti etthāpi eseva nayo. No kappetītiādi vematikabhāvadīpanatthameva vuttanti mahāpadumattherassa adhippāyo.
389. зд̇т̇аад̇и жод̣̇анааяам̣. д̇аж̇ж̇анийяаад̣̇игаммам̣ гариссаамийд̇иаабад̇д̇ияаа жод̣̇знд̇асса ад̇хиббааяо гаммаад̇хиббааяо наама. бариваасад̣̇аанаад̣̇иггамзна аабад̇д̇ид̇о вудтаабзд̇ум̣ аабад̇д̇ияаа жод̣̇знд̇асса ад̇хиббааяо вудтаанаад̇хиббааяо. убосат̇ам̣, бавааран̣ам̣ ваа сан̇гхз гаад̇ум̣ ад̣̇аанад̇т̇ааяа аабад̇д̇ияаа жод̣̇аяад̇о ад̇хиббааяо убосат̇абавааран̣адтабанаад̇хиббааяо. асаммукаа…бз… д̣̇уггаданд̇и ануд̣̇д̇хам̣сзнд̇ассаби аггосанд̇ассаби д̣̇уггадам̣.
389.Etthāti codanāyaṃ. Tajjanīyādikammaṃ karissāmītiāpattiyā codentassa adhippāyo kammādhippāyo nāma. Parivāsadānādikkamena āpattito vuṭṭhāpetuṃ āpattiyā codentassa adhippāyo vuṭṭhānādhippāyo. Uposathaṃ, pavāraṇaṃ vā saṅghe kātuṃ adānatthāya āpattiyā codayato adhippāyo uposathapavāraṇaṭṭhapanādhippāyo. Asammukhā…pe… dukkaṭanti anuddhaṃsentassapi akkosantassapi dukkaṭaṃ.
саб̣б̣ад̇т̇зваад̇и саб̣б̣аасу адтагат̇аасу. убосат̇абавааран̣аанам̣ н̃ад̇д̇игаммабхаавад̇о н̃ад̇д̇ияаа вад̇д̇амаанааяа зва убосат̇абавааран̣адтабанам̣ ход̇и, на нидтид̇ааяа, саа жа яяа-гаарз бад̇д̇з нидтид̇аа наама ход̇ийд̇и ааха ‘‘яяа-гаарз бад̇д̇з на лаб̣бхад̇ий’’д̇и.
Sabbatthevāti sabbāsu aṭṭhakathāsu. Uposathapavāraṇānaṃ ñattikammabhāvato ñattiyā vattamānāya eva uposathapavāraṇaṭṭhapanaṃ hoti, na niṭṭhitāya, sā ca yya-kāre patte niṭṭhitā nāma hotīti āha ‘‘yya-kāre patte na labbhatī’’ti.
анубаасагод̇и убаасагоби со бхигку на ход̇и саран̣аг̇аманассааби бадиббассад̣̇д̇хад̇д̇аад̇и вад̣̇анд̇и. ‘‘анод̣̇исса д̇хаммам̣ гат̇знд̇ассаа’’д̇и иминаа од̣̇исса гат̇знд̇зна огаасам̣ гаарзд̇аб̣б̣анд̇и д̣̇ассзд̇и. аабад̇д̇им̣ д̣̇зсзд̇ваад̇и огаасаагаараабанаабад̇д̇им̣ д̣̇зсзд̇ваа. яам̣ жод̣̇зд̇и, д̇асса убасамбаннод̇и сан̇кяубаг̇аманам̣, д̇асмим̣ суд̣̇д̇хасан̃н̃ид̇аа взмад̇игад̇аа ваа, язна баарааж̇игзна жод̣̇зд̇и, д̇асса д̣̇идтаад̣̇ивасзна амуулагад̇аа, жааванаад̇хиббааязна ‘‘д̇вам̣ баарааж̇иго’’д̇иаад̣̇инаа нияамзд̇ваа саммукаа жод̣̇анаа жод̣̇аабанаа, д̇асса д̇ан̇кан̣авиж̇аанананд̇и имаанзд̇т̇а бан̃жа ан̇г̇аани.
Anupāsakoti upāsakopi so bhikkhu na hoti saraṇagamanassāpi paṭippassaddhattāti vadanti. ‘‘Anodissa dhammaṃ kathentassā’’ti iminā odissa kathentena okāsaṃ kāretabbanti dasseti. Āpattiṃ desetvāti okāsākārāpanāpattiṃ desetvā. Yaṃ codeti, tassa upasampannoti saṅkhyupagamanaṃ, tasmiṃ suddhasaññitā vematikatā vā, yena pārājikena codeti, tassa diṭṭhādivasena amūlakatā, cāvanādhippāyena ‘‘tvaṃ pārājiko’’tiādinā niyametvā sammukhā codanā codāpanā, tassa taṅkhaṇavijānananti imānettha pañca aṅgāni.
батамад̣̇удтад̣̇осасигкаабад̣̇аван̣н̣анаа нидтид̇аа.
Paṭhamaduṭṭhadosasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. д̣̇удтад̣̇осасигкаабад̣̇ам̣ • 8. Duṭṭhadosasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
