| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9-10. பட²மத்³வயஸுத்தாதி³வண்ணனா
9-10. Paṭhamadvayasuttādivaṇṇanā
92-93. நவமே த்³வயந்தி த்³வே த்³வே கொட்டா²ஸே. த³ஸமே இத்தே²தங் த்³வயந்தி ஏவமேதங் த்³வயங். சலஞ்சேவ ப்³யத²ஞ்சாதி அத்தனோ ஸபா⁴வேன அஸண்ட²ஹனதோ சலதி சேவ ப்³யத²தி ச. யோபி ஹேது யோபி பச்சயோதி சக்கு²விஞ்ஞாணஸ்ஸ வத்தா²ரம்மணங் ஹேது சேவ பச்சயோ ச. குதோ நிச்சங் ப⁴விஸ்ஸதீதி கேன காரணேன நிச்சங் ப⁴விஸ்ஸதி. யதா² பன தா³ஸஸ்ஸ தா³ஸியா குச்சி²ஸ்மிங் ஜாதோ புத்தோ பரோவ தா³ஸோ ஹோதி, ஏவங் அனிச்சமேவ ஹோதீதி அத்தோ². ஸங்க³தீதி ஸஹக³தி. ஸன்னிபாதோதி ஏகதோ ஸன்னிபதனங். ஸமவாயோதி ஏகதோ ஸமாக³மோ. அயங் வுச்சதி சக்கு²ஸம்ப²ஸ்ஸோதி இமினா ஸங்க³திஸன்னிபாதஸமவாயஸங்கா²தேன பச்சயேன உப்பன்னத்தா பச்சயனாமேனேவ ஸங்க³தி ஸன்னிபாதோ ஸமவாயோதி அயங் வுச்சதி சக்கு²ஸம்ப²ஸ்ஸோ.
92-93. Navame dvayanti dve dve koṭṭhāse. Dasame itthetaṃ dvayanti evametaṃ dvayaṃ. Calañceva byathañcāti attano sabhāvena asaṇṭhahanato calati ceva byathati ca. Yopi hetu yopi paccayoti cakkhuviññāṇassa vatthārammaṇaṃ hetu ceva paccayo ca. Kuto niccaṃ bhavissatīti kena kāraṇena niccaṃ bhavissati. Yathā pana dāsassa dāsiyā kucchismiṃ jāto putto parova dāso hoti, evaṃ aniccameva hotīti attho. Saṅgatīti sahagati. Sannipātoti ekato sannipatanaṃ. Samavāyoti ekato samāgamo. Ayaṃ vuccati cakkhusamphassoti iminā saṅgatisannipātasamavāyasaṅkhātena paccayena uppannattā paccayanāmeneva saṅgati sannipāto samavāyoti ayaṃ vuccati cakkhusamphasso.
ஸோபி ஹேதூதி ப²ஸ்ஸஸ்ஸ வத்து² ஆரம்மணங் ஸஹஜாதா தயோ க²ந்தா⁴தி அயங் ஹேது. பு²ட்டோ²தி உபயோக³த்தே² பச்சத்தங், ப²ஸ்ஸேன பு²ட்ட²மேவ கோ³சரங் வேத³னா வேதே³தி, சேதனா சேதேதி, ஸஞ்ஞா ஸஞ்ஜானாதீதி அத்தோ². பு²ட்டோ²தி வா ப²ஸ்ஸஸமங்கீ³புக்³க³லோ , ப²ஸ்ஸேன பு²ட்டா²ரம்மணமேவ வேத³னாதீ³ஹி வேதே³தி சேதேதி ஸஞ்ஜானாதீதிபி வுத்தங் ஹோதி. இதி இமஸ்மிங் ஸுத்தே ஸமதிங்ஸக்க²ந்தா⁴ கதி²தா ஹொந்தி. கத²ங்? சக்கு²த்³வாரே தாவ வத்து² சேவ ஆரம்மணஞ்ச ரூபக்க²ந்தோ⁴, பு²ட்டோ² வேதே³தீதி வேத³னாக்க²ந்தோ⁴, சேதேதீதி ஸங்கா²ரக்க²ந்தோ⁴, ஸஞ்ஜானாதீதி ஸஞ்ஞாக்க²ந்தோ⁴, விஜானாதீதி விஞ்ஞாணக்க²ந்தோ⁴தி. ஸேஸத்³வாரேஸுபி ஏஸேவ நயோ. மனொத்³வாரேபி ஹி வத்து²ரூபங் ஏகந்ததோ ரூபக்க²ந்தோ⁴, ரூபே பன ஆரம்மணே ஸதி ஆரம்மணம்பி ரூபக்க²ந்தோ⁴தி ச² பஞ்சகாதிங்ஸ ஹொந்தி. ஸங்கே²பேன பனேதே ச²ஸுபி த்³வாரேஸு பஞ்சேவ க²ந்தா⁴தி ஸபச்சயே பஞ்சக்க²ந்தே⁴ அனிச்சாதி வித்தா²ரெத்வா வுச்சமானே பு³ஜ்ஜ²னகானங் அஜ்ஜா²ஸயேன இத³ங் ஸுத்தங் தே³ஸிதந்தி.
Sopi hetūti phassassa vatthu ārammaṇaṃ sahajātā tayo khandhāti ayaṃ hetu. Phuṭṭhoti upayogatthe paccattaṃ, phassena phuṭṭhameva gocaraṃ vedanā vedeti, cetanā ceteti, saññā sañjānātīti attho. Phuṭṭhoti vā phassasamaṅgīpuggalo , phassena phuṭṭhārammaṇameva vedanādīhi vedeti ceteti sañjānātītipi vuttaṃ hoti. Iti imasmiṃ sutte samatiṃsakkhandhā kathitā honti. Kathaṃ? Cakkhudvāre tāva vatthu ceva ārammaṇañca rūpakkhandho, phuṭṭho vedetīti vedanākkhandho, cetetīti saṅkhārakkhandho, sañjānātīti saññākkhandho, vijānātīti viññāṇakkhandhoti. Sesadvāresupi eseva nayo. Manodvārepi hi vatthurūpaṃ ekantato rūpakkhandho, rūpe pana ārammaṇe sati ārammaṇampi rūpakkhandhoti cha pañcakātiṃsa honti. Saṅkhepena panete chasupi dvāresu pañceva khandhāti sapaccaye pañcakkhandhe aniccāti vitthāretvā vuccamāne bujjhanakānaṃ ajjhāsayena idaṃ suttaṃ desitanti.
ச²ன்னவக்³கோ³ நவமோ.
Channavaggo navamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
9. பட²மத்³வயஸுத்தங் • 9. Paṭhamadvayasuttaṃ
10. து³தியத்³வயஸுத்தங் • 10. Dutiyadvayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9-10. பட²மத்³வயஸுத்தாதி³வண்ணனா • 9-10. Paṭhamadvayasuttādivaṇṇanā
