| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9-10. батамад̣̇ваяасуд̇д̇аад̣̇иван̣н̣анаа
9-10. Paṭhamadvayasuttādivaṇṇanā
92-93. навамз д̣̇ваяанд̇и д̣̇вз д̣̇вз годтаасз. д̣̇асамз ид̇т̇зд̇ам̣ д̣̇ваяанд̇и звамзд̇ам̣ д̣̇ваяам̣. жалан̃жзва б̣яат̇ан̃жаад̇и ад̇д̇ано сабхаавзна асан̣таханад̇о жалад̇и жзва б̣яат̇ад̇и жа. яоби хзд̇у яоби бажжаяод̇и жагкувин̃н̃аан̣асса вад̇т̇аарамман̣ам̣ хзд̇у жзва бажжаяо жа. гуд̇о нижжам̣ бхависсад̇ийд̇и гзна гааран̣зна нижжам̣ бхависсад̇и. яат̇аа бана д̣̇аасасса д̣̇аасияаа гужчисмим̣ ж̇аад̇о буд̇д̇о барова д̣̇аасо ход̇и, звам̣ анижжамзва ход̇ийд̇и ад̇т̇о. сан̇г̇ад̇ийд̇и сахаг̇ад̇и. саннибаад̇од̇и згад̇о саннибад̇анам̣. самавааяод̇и згад̇о самааг̇амо. аяам̣ вужжад̇и жагкусампассод̇и иминаа сан̇г̇ад̇исаннибаад̇асамавааяасан̇каад̇зна бажжаязна уббаннад̇д̇аа бажжаяанаамзнзва сан̇г̇ад̇и саннибаад̇о самавааяод̇и аяам̣ вужжад̇и жагкусампассо.
92-93. Navame dvayanti dve dve koṭṭhāse. Dasame itthetaṃ dvayanti evametaṃ dvayaṃ. Calañceva byathañcāti attano sabhāvena asaṇṭhahanato calati ceva byathati ca. Yopi hetu yopi paccayoti cakkhuviññāṇassa vatthārammaṇaṃ hetu ceva paccayo ca. Kuto niccaṃ bhavissatīti kena kāraṇena niccaṃ bhavissati. Yathā pana dāsassa dāsiyā kucchismiṃ jāto putto parova dāso hoti, evaṃ aniccameva hotīti attho. Saṅgatīti sahagati. Sannipātoti ekato sannipatanaṃ. Samavāyoti ekato samāgamo. Ayaṃ vuccati cakkhusamphassoti iminā saṅgatisannipātasamavāyasaṅkhātena paccayena uppannattā paccayanāmeneva saṅgati sannipāto samavāyoti ayaṃ vuccati cakkhusamphasso.
соби хзд̇ууд̇и пассасса вад̇т̇у аарамман̣ам̣ сахаж̇аад̇аа д̇аяо канд̇хаад̇и аяам̣ хзд̇у. пудтод̇и убаяог̇ад̇т̇з бажжад̇д̇ам̣, пассзна пудтамзва г̇ожарам̣ взд̣̇анаа взд̣̇зд̇и, жзд̇анаа жзд̇зд̇и, сан̃н̃аа сан̃ж̇аанаад̇ийд̇и ад̇т̇о. пудтод̇и ваа пассасаман̇г̇ийбуг̇г̇ало , пассзна пудтаарамман̣амзва взд̣̇анаад̣̇ийхи взд̣̇зд̇и жзд̇зд̇и сан̃ж̇аанаад̇ийд̇иби вуд̇д̇ам̣ ход̇и. ид̇и имасмим̣ суд̇д̇з самад̇им̣сагканд̇хаа гат̇ид̇аа хонд̇и. гат̇ам̣? жагкуд̣̇ваарз д̇аава вад̇т̇у жзва аарамман̣ан̃жа руубагканд̇хо, пудто взд̣̇зд̇ийд̇и взд̣̇анаагканд̇хо, жзд̇зд̇ийд̇и сан̇каарагканд̇хо, сан̃ж̇аанаад̇ийд̇и сан̃н̃аагканд̇хо, виж̇аанаад̇ийд̇и вин̃н̃аан̣агканд̇ход̇и. сзсад̣̇ваарзсуби зсзва наяо. манод̣̇ваарзби хи вад̇т̇уруубам̣ зганд̇ад̇о руубагканд̇хо, руубз бана аарамман̣з сад̇и аарамман̣амби руубагканд̇ход̇и ча бан̃жагаад̇им̣са хонд̇и. сан̇кзбзна банзд̇з часуби д̣̇ваарзсу бан̃жзва канд̇хаад̇и сабажжаяз бан̃жагканд̇хз анижжаад̇и вид̇т̇аарзд̇ваа вужжамаанз б̣уж̇жханагаанам̣ аж̇жхаасаязна ид̣̇ам̣ суд̇д̇ам̣ д̣̇зсид̇анд̇и.
Sopi hetūti phassassa vatthu ārammaṇaṃ sahajātā tayo khandhāti ayaṃ hetu. Phuṭṭhoti upayogatthe paccattaṃ, phassena phuṭṭhameva gocaraṃ vedanā vedeti, cetanā ceteti, saññā sañjānātīti attho. Phuṭṭhoti vā phassasamaṅgīpuggalo , phassena phuṭṭhārammaṇameva vedanādīhi vedeti ceteti sañjānātītipi vuttaṃ hoti. Iti imasmiṃ sutte samatiṃsakkhandhā kathitā honti. Kathaṃ? Cakkhudvāre tāva vatthu ceva ārammaṇañca rūpakkhandho, phuṭṭho vedetīti vedanākkhandho, cetetīti saṅkhārakkhandho, sañjānātīti saññākkhandho, vijānātīti viññāṇakkhandhoti. Sesadvāresupi eseva nayo. Manodvārepi hi vatthurūpaṃ ekantato rūpakkhandho, rūpe pana ārammaṇe sati ārammaṇampi rūpakkhandhoti cha pañcakātiṃsa honti. Saṅkhepena panete chasupi dvāresu pañceva khandhāti sapaccaye pañcakkhandhe aniccāti vitthāretvā vuccamāne bujjhanakānaṃ ajjhāsayena idaṃ suttaṃ desitanti.
чаннаваг̇г̇о навамо.
Channavaggo navamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
9. батамад̣̇ваяасуд̇д̇ам̣ • 9. Paṭhamadvayasuttaṃ
10. д̣̇уд̇ияад̣̇ваяасуд̇д̇ам̣ • 10. Dutiyadvayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. батамад̣̇ваяасуд̇д̇аад̣̇иван̣н̣анаа • 9-10. Paṭhamadvayasuttādivaṇṇanā
