| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9-10. батамад̣̇ваяасуд̇д̇аад̣̇иван̣н̣анаа
9-10. Paṭhamadvayasuttādivaṇṇanā
92-93. д̣̇ваяанд̇и д̣̇угам̣. баал̣ияам̣ аамзд̣ид̇алобзна нид̣̇д̣̇зсод̇и ааха ‘‘д̣̇вз д̣̇вз годтаасз’’д̇и. звамзд̇анд̇и звам̣ анижжаад̣̇ибхаавзна зд̇ам̣ жагкуруубан̃жаад̇и д̣̇ваяам̣. жалад̇ийд̇и анавадтаанзна бажалад̇и. б̣яат̇ад̇ийд̇и ж̇арааяа маран̣зна жа бавзд̇хад̇и. хзд̇у жзва уббад̇д̇инимид̇д̇ад̇д̇аа. сахаг̇ад̇ийд̇и сахаббавад̇д̇и, д̇ааяа г̇ахзд̇аб̣б̣ад̇д̇аа ‘‘сан̇г̇ад̇ий’’д̇и пассо вуд̇д̇о. зса наяо сзсабад̣̇ад̣̇ваязби. яасмаа жа сам̣г̇ажчамаанад̇хаммавимуд̇д̇аа сан̇г̇ад̇и наама над̇т̇и, д̇ат̇аа саннибаад̇асамавааяаа, д̇зсам̣ васзна ниб̣б̣ад̇д̇о пассо д̇ат̇аа вужжад̇ийд̇и. д̇знааха ‘‘иминаа’’д̇иаад̣̇и.
92-93.Dvayanti dukaṃ. Pāḷiyaṃ āmeḍitalopena niddesoti āha ‘‘dve dve koṭṭhāse’’ti. Evametanti evaṃ aniccādibhāvena etaṃ cakkhurūpañcāti dvayaṃ. Calatīti anavaṭṭhānena pacalati. Byathatīti jarāya maraṇena ca pavedhati. Hetu ceva uppattinimittattā. Sahagatīti sahappavatti, tāya gahetabbattā ‘‘saṅgatī’’ti phasso vutto. Esa nayo sesapadadvayepi. Yasmā ca saṃgacchamānadhammavimuttā saṅgati nāma natthi, tathā sannipātasamavāyā, tesaṃ vasena nibbatto phasso tathā vuccatīti. Tenāha ‘‘iminā’’tiādi.
вад̇т̇ууд̇и жагку ниссаяабажжаяаад̣̇ибхаавзна. аарамман̣анд̇и руубам̣ аарамман̣абажжаяаад̣̇ибхаавзна. сахаж̇аад̇аа д̇аяо канд̇хаа взд̣̇анаад̣̇аяо, д̇з сахаж̇аад̇аад̣̇ибажжаяабхаавзна. аяам̣ хзд̇ууд̇и аяам̣ д̇ивид̇хо хзд̇уу. пассзнаад̇иаад̣̇ийсу аяам̣ сан̇кзбад̇т̇о – яасмаа руубаарамман̣з пассз ад̇д̇ано пусанагижжам̣ гаронд̇з звам̣ взд̣̇анаа анубхаванагижжам̣, сан̃н̃аа сан̃ж̇аананагижжам̣ гарод̇и, д̇асмаа ‘‘пассзна пудтамзваа’’д̇иаад̣̇ивуд̇д̇амзва ад̇т̇ам̣ ид̣̇аани буг̇г̇алаад̇хидтаанзна д̣̇ассзд̇ум̣ ‘‘пудто’’д̇иаад̣̇и вуд̇д̇ам̣. бан̃жзва канд̇хаа бхаг̇авад̇аа самад̇им̣сааяа аагаарзхи вуд̇д̇аа. гасмаад̇и ааха ‘‘гат̇а’’нд̇иаад̣̇и. ругкасаакаасу ругкавохааро вияа згзгад̇хаммзби канд̇хавохааро ход̇иязва. д̇знааха бхаг̇аваа – ‘‘вин̃н̃аан̣ам̣ вин̃н̃аан̣агканд̇хо’’д̇и (яама. канд̇хаяамага 2).
Vatthūti cakkhu nissayapaccayādibhāvena. Ārammaṇanti rūpaṃ ārammaṇapaccayādibhāvena. Sahajātā tayo khandhā vedanādayo, te sahajātādipaccayabhāvena. Ayaṃ hetūti ayaṃ tividho hetū. Phassenātiādīsu ayaṃ saṅkhepattho – yasmā rūpārammaṇe phasse attano phusanakiccaṃ karonte evaṃ vedanā anubhavanakiccaṃ, saññā sañjānanakiccaṃ karoti, tasmā ‘‘phassena phuṭṭhamevā’’tiādivuttameva atthaṃ idāni puggalādhiṭṭhānena dassetuṃ ‘‘phuṭṭho’’tiādi vuttaṃ. Pañceva khandhā bhagavatā samatiṃsāya ākārehi vuttā. Kasmāti āha ‘‘katha’’ntiādi. Rukkhasākhāsu rukkhavohāro viya ekekadhammepi khandhavohāro hotiyeva. Tenāha bhagavā – ‘‘viññāṇaṃ viññāṇakkhandho’’ti (yama. khandhayamaka 2).
батамад̣̇ваяасуд̇д̇аад̣̇иван̣н̣анаа нидтид̇аа.
Paṭhamadvayasuttādivaṇṇanā niṭṭhitā.
чаннаваг̇г̇аван̣н̣анаа нидтид̇аа.
Channavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
9. батамад̣̇ваяасуд̇д̇ам̣ • 9. Paṭhamadvayasuttaṃ
10. д̣̇уд̇ияад̣̇ваяасуд̇д̇ам̣ • 10. Dutiyadvayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9-10. батамад̣̇ваяасуд̇д̇аад̣̇иван̣н̣анаа • 9-10. Paṭhamadvayasuttādivaṇṇanā
