| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. து³தியபண்ணாஸகங்
2. Dutiyapaṇṇāsakaṃ
(6) 1. ப்³ராஹ்மணவக்³கோ³
(6) 1. Brāhmaṇavaggo
1. பட²மத்³வெப்³ராஹ்மணஸுத்தவண்ணனா
1. Paṭhamadvebrāhmaṇasuttavaṇṇanā
52. ப்³ராஹ்மணவக்³க³ஸ்ஸ பட²மே ஜராஜிண்ணாதி ஜராவஸேன ஜிண்ணா, ந ப்³யாதி⁴ஆதீ³னங் வஸேன ஜிண்ணஸதி³ஸத்தா ஜிண்ணா. வயோவுத்³தா⁴தி வயஸோ வுத்³தி⁴ப்பத்தியா வுத்³தா⁴, ந ஸீலாதி³வுத்³தி⁴யா. ஜாதிமஹல்லகாதி ஜாதியா மஹந்ததாய சிரரத்தஞ்ஞுதாய ஜாதிமஹல்லகா. தயோ அத்³தே⁴ அதிக்கந்தாதி பட²மோ, மஜ்ஜி²மோ, பச்சி²மோதி தயோ அத்³தே⁴ அதீதா. ததியங் வயங் அனுப்பத்தாதி ததோ ஏவ பச்சி²மங் வயங் அனுப்பத்தா. அகதப⁴யபரித்தாணாதி எத்த² ப⁴யபரித்தாணந்தி து³க்³க³திப⁴யதோ பரித்தாயகங் புஞ்ஞங், தங் அகதங் ஏதேஹீதி அகதப⁴யபரித்தாணா. பதிட்டா²கம்மந்தி ஸுக³திஸங்கா²தப்பதிட்டா²வஹங் கம்மங். உபஸங்ஹரீயதீதி ஸம்பாபீயதி. ‘‘உபனீயதீ’’தி வுத்தங், கிங் கேன உபனீயதீதி ஆஹ ‘‘அயஞ்ஹி ஜாதியா ஜரங் உபனீயதீ’’திஆதி³. அயந்தி லோகோ. ஜாதோ ந ஜாதபா⁴வேனேவ திட்ட²தி, அத² கோ² ததோ பரங் ஜரங் பாபீயதி, ஜராய ப்³யாதி⁴ங் பாபீயதி. ஏவங் பரதோ பரங் து³க்க²மேவ உபனீயதி.
52. Brāhmaṇavaggassa paṭhame jarājiṇṇāti jarāvasena jiṇṇā, na byādhiādīnaṃ vasena jiṇṇasadisattā jiṇṇā. Vayovuddhāti vayaso vuddhippattiyā vuddhā, na sīlādivuddhiyā. Jātimahallakāti jātiyā mahantatāya cirarattaññutāya jātimahallakā. Tayo addhe atikkantāti paṭhamo, majjhimo, pacchimoti tayo addhe atītā. Tatiyaṃ vayaṃ anuppattāti tato eva pacchimaṃ vayaṃ anuppattā. Akatabhayaparittāṇāti ettha bhayaparittāṇanti duggatibhayato parittāyakaṃ puññaṃ, taṃ akataṃ etehīti akatabhayaparittāṇā. Patiṭṭhākammanti sugatisaṅkhātappatiṭṭhāvahaṃ kammaṃ. Upasaṃharīyatīti sampāpīyati. ‘‘Upanīyatī’’ti vuttaṃ, kiṃ kena upanīyatīti āha ‘‘ayañhi jātiyā jaraṃ upanīyatī’’tiādi. Ayanti loko. Jāto na jātabhāveneva tiṭṭhati, atha kho tato paraṃ jaraṃ pāpīyati, jarāya byādhiṃ pāpīyati. Evaṃ parato paraṃ dukkhameva upanīyati.
தாயனட்டே²னாதி ரக்க²னட்டே²ன. நிலீயனட்டே²னாதி நிலீனட்டா²னபா⁴வேன. பதிட்டா²னட்டே²னாதி பதிட்டா²னபா⁴வேன. அவஸ்ஸயனட்டே²னாதி அவஸ்ஸயிதப்³ப³பா⁴வேன. உத்தமக³திவஸேனாதி பரமக³திபா⁴வேன.
Tāyanaṭṭhenāti rakkhanaṭṭhena. Nilīyanaṭṭhenāti nilīnaṭṭhānabhāvena. Patiṭṭhānaṭṭhenāti patiṭṭhānabhāvena. Avassayanaṭṭhenāti avassayitabbabhāvena. Uttamagativasenāti paramagatibhāvena.
பட²மத்³வெப்³ராஹ்மணஸுத்தவண்ணனா நிட்டி²தா.
Paṭhamadvebrāhmaṇasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. பட²மத்³வெப்³ராஹ்மணஸுத்தங் • 1. Paṭhamadvebrāhmaṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. பட²மத்³வெப்³ராஹ்மணஸுத்தவண்ணனா • 1. Paṭhamadvebrāhmaṇasuttavaṇṇanā
